هو ليه أهل البنت خايفين لو ما اخدتش بنتهم معايا مع ان بنتهم نفسها مش معترضه بس هم عاوزين آخدها ، دلوقت انا شاب مسافر ومتغرب والحمد لله ميسور الحال ربنا أراد واتقدمت لبنت واتكلمت معاها وشرحتلها الوضع وهي متفهمه جدا ومعترضتش بل وأكدت ان دا الصح وان هي كمان مش حابه الاولاد إن أراد ربنا ان شاء الله في المستقبل يتربوا في مجتمع غربي ولا الكلام دا وهي فاهمه ان الوضع هناك عامل ازاي ولكن بعدها أهلها بيسألوا تاني وحابين اخدها معايا دلوقت انا حابب افهم هم اصرارهم دا بناء على ايه يعني
أعتقد أن رغبة ذوي الفتاة طبيعية جدا. فالأصل في الزواج أن يقيم الزوجان معا. وقد تحتم الظروف القهرية أن يتفرقا في الإقامة خلال مدة زواجهما بشكل غير متوقع، لكن أن يتم بناء خطة الزواج على هذا الأساس منذ البداية، فذلك في رأيي أمر خارج تماما عن نطاق السواء. وأنا أوافقك تماما في أن البيئة الغربية لا تصلح لتأسيس أسرة مسلمة سوية، لكن معالجة هذا الأمر لا تكون باختراع نظام زواج عن بعد قد يكون له آثار مدمرة على الأطراف المعنية، ولا يحقق أبدا المقاصد الشرعية والدنيوية منه. أتمنى لكم كل الخير والتوفيق.
تم النشر الخميس، ١١ ديسمبر ٢٠٢٥
طيب ما ممكن يكونوا مش حابين بنتهم تتجوز وبعدها ولا كأنها متجوزة عشان جوزها مسافر وهتكون لوحدها وايه يخليها تتحط في الوضع دا حضرتك تقدر تاخدها معاك ولو لفترة مؤقته ولما تخلفوا ان شاء الله يبقى الوضع تاني يعني الموضوع كله خوف على بنتهم ودا حقهم مع احترامي لوجهة نظرك هي صح اكيد بس برضو متنساش ان الاب ليه دور مهم وكبير جدا في تربية اولادة لازم يشارك ويكون معاهم مش يشيل الحمل كله على مراته الحياة مشاركه
تم النشر الأربعاء، ١٠ ديسمبر ٢٠٢٥
اهلها عاوزينها تكون عايشة معاك لان ده الصح الزواج عفة ليها وليك واكيد هما حابين ان بنتهم تكون سعيدة لان اكيد حضرتك بتيجي كل فترة زيارة مده وتسافر تاني واكيد ده وضعك الثابت يعني مش مجرد سنتين تلاته اكيد حضرتك بتسافر للعمل وتنزل اجازة صح كده؟ يعني اكيد هما مش هيعيشوا العمر كله معاها هما عاوزين ليكم الاستقرار واكيد كل شئ ليه مقابل يمكن لو اخدتها عندك يكون فيه مصاريف زيادة لكن مقابل كده هتكون ونس وسند وعفة و باذن الله ربنا يرزقك برزقها وتكون فاتحة خير ليكم ويكون ليكم ذرية صالحة باذن الله وخذ النية لله انك اتجوزت للعفة والونس وربنا هيكرمك ومتقلقش علي اولادك لان صدقني الذرية الصالحة دي رزق كمان مش كل اللي متربيين بره بيكون حياتهم مش حلوة وربنا الحافظ وبجد انك تاخد زوجتك عندك ده في مصلحتك باذن الله
تم النشر الخميس، ١١ ديسمبر ٢٠٢٥
اولا هي هتبقي متزوجه...اصعب حاجه ان البنت تتجوز وجوزها يسافر احساس صعب جدا على البنت.لانها بتبقى عندها احتياج نفسي لشريك حياتها ليه تحطها في الموقف ده وبعدين انتو في غربه مفيش غيرها يبقي الونس والشريك النفسي المثالي ليك ده غير الاحتياج الجسدي الصح انك تاخدها معاك.
تم النشر الخميس، ١١ ديسمبر ٢٠٢٥
انا شفت السيناريو دا كتير وعارف إن دا غلط كبييير والم للزوجه وضياع للاولاد وعيشه مقرفه الصراحه مهما كان انتوا خدتوا قرار متعلق بالاولاد في ظنكم انه لصالحهم ولاكن هوا قرار اناني بحت وهتحس بيه الزوجه لما تلاقي نفسها وحيده في وسط ضغوط الحياه وفي وقت محتاجه لراجل يسند معاها وتلاقي نفسها لوحدها بتتبهدل وعيالها مغلبينها ونفسيتها بايظه وعياط وصبر والم نفسي وبعد الاولاد عن الاب الخ انا عن نفسي شفت دا ومحبوش لحد انا تربيت بعيد عن ابويا وخسرت كتير لان الام مدرسه عن الحنان والاب مدرسه عن الحياة وبختلال طرف يضيع الاولاد اتقوا الله في انفسكم وذريتكم
تم النشر السبت، ١٣ ديسمبر ٢٠٢٥
ظروفي مش هتسمح أني اخدها معايا ووضحتها ليها وهي متفهمه الوضع دا بعيدا عن الاولاد دلوقت بس اهلها مش موافقين على موضوع عدم سفرها دا وانا مش بأيدي اعمل حاجه فربنا ييسر الأمور ويرزقنا بالصالح ويجبرنا خير
تم النشر الجمعة، ١٢ ديسمبر ٢٠٢٥
هتتجوز ليه طالما انت ومراتك وعيالك مش في نفس البلد
تم النشر الخميس، ١١ ديسمبر ٢٠٢٥
لعرض السؤال في فدني اضغط هنا