صاحبتي او بمعنى ادق الشخص الي هكمل نص ديني و عمري معاه حاسس انه مش هنبقي متوافقين احنا مع بعض بقالنا 3 سنين و المشاكل الي احنا فيها من أول ما عرفنا بعض هي هي
مثلا هي عندها صحاب ولاد من زمان و انا منعت ده خالص كلام و نزول و كل حاجة بقت مقتصرة انهم ممكن يقعدوا مع بعض و انا معاهم يعني واحد او اتنين من صحابهم الشباب و انا و الباقي بنات 3 او 4 بنات مثلا و كل 4 شهور مثلا مرة الحوار ده
بس انا بتخنق من الموضوع ده و مش عارف امنعه عشان هي متعودة ع كدة و انا مش كدة خالص و قبلت بده عشانها و قلتله تدريجيا هنقطعه بس هي مش مقتنعة و بتقولي لما نتجوز هنروح نزورهم و ييجو يزورونا و هبل كدة
إذا كان انا صحابي الشباب مش هدخلهم بيتي عشانك و انتي عادي كدة و حاسس بجد اننا مش شبه بعض و مش هنعرف نتأقلم خالص بس انا وهي بنحب بعض اوووي و متعلقين اووي ببعض بس النقطة دي بالنسبالي نقطة فاصلة ممكن اسيبها بسببها و انا هبقى تعبان طبعا عشان بحبها بس مقبلش على نفسي كدة عايز حل يا اخواتي انا مش عارف اعمل ايه
انت بتتكلم معاها من غير خطوبه ؟لو كدا يبقا انت في علاقه غير شرعية وهتحاسب علي كده وأي علاقة تبدأ بغير رضا الله لن تنتهي برضاك دا عامةً وغير عن ده كله طالما بتتكلم مع رجاله إزاي هتأمنها علي بيتك كله لما تكون انت في الشغل أو بره البيت طالما بتعمل كده قبل الجواز أكيد هتعمل كده بعد الجواز احسنلك يصاحبي دور علي واحده ليها حياء ومتدينه طالما بتصلي وبتخاف من ربنا عمرها ما هتفكر تكلم حد من الرجاله وهتربي أطفالك أحسن تربيه وقارن ما بين النموذج ده وبين البنت الي بتحبها وشوف مين الي ترضاه يكمل معاك والرسول قال (تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك،)
تم النشر الاثنين، ٨ ديسمبر ٢٠٢٥
الحب مش سبب يخليك تتنازل عن مبادئك وتقبل ان مراتك يكون عندها صحاب شباب ويكون في حياتها شاب غيرك يعرف عنها حاجات اكثر منك بحجه انه صاحبها و البيست فريند 😐 . طبعآ مش محتاجه اقولك انك دخلت الطريق الغلط من الاول "مفيش حاجه اسمها صاحبتي " . ده من وجهة نظري
تم النشر الاثنين، ٨ ديسمبر ٢٠٢٥
لعرض السؤال في فدني اضغط هنا