اسفه لانك حاسس بكدا و حاسه بيك جدا الفكره أن في إضرابات نفسيه ممكن تكون هي الي سببتلك الاضطرابات دي عندك زي مثلا الاكتئاب و الي هو اي بقى/ ما انا اتحرك ليه و احاول ليه ما كدا كدا هخسر و مفيش معنى للمحاوله و مفيش امل اصلا أو مثلا القلق و الي بيجي في صورة/ مهو لو جربت ممكن اخسر و ممكن انجح بس لو نجحت ممكن اخسر تاني و حتى لو خسرت أو كسبت في حاجه مستخبيالي معرفهاش أو مثلا اضطراب الوسواس زي / المحاوله كانت صح ولا لا ـ المحاوله كانت صح ولا لا ـالمحاوله كانت صح ولا لا ـالحاوله كانت صح ولا لا و مثلا اضطراب كرب ما بعد الصدمه / و الي هو مش عاوز ارجع للوقت الي خسرت فيه تاني مش عاوزه افتكر و مش هستحمل الي هيحصل فا ممكن يكون حصل معاك كدا في الماضي و انك مش عاوز تجرب حاجه تاني او تعمل حاجه تاني دي كلها انواع اضطرابات ممكن تكون هي الي وصلتك للمرحله دي و خليتك بايع أو متقبل خسارتك في دراستك أو حياتك عمتا ادي لنفسك فرصه انك تفهم نفسك اكتر و تقبل مشاعرك و عشها و لكن متسيبش نفسك يعني ادي لنفسك فرصه بس بالعقل و حاول انك تتعب شويه مع نفسك علشان تعدي الفتره دي على خير الطرق كتيره بس اهم و اول خطوه انك تكون عاوز تتغير من جواك بمعنى انك تكون عاوز تحسن نفسك فعلا فا حاول توصل للمرحله دي بتقبلك و فهمك لمشاعرك و انك تخرج كل الطاقه السلبيه الي جواك بالوقت و توصل لنقطة انك عاوز تبدأ تتغير أو تحسن من نفسك وقتها الطرق هتكون كتير و بسيطه باذن الله حاولت اديك معلومه ممكن بيها تفهم نفسك و تساعدك و ربنا يصلح لك الحال و يوفقك فيما يحبه و يرضى
دا ممكن يكون راجع ل ضغوطات أو صدمات أو أو حاجه ليها علاقه بالماضي فا لو في حاجه ممكن تحاول تحكي و من دا هنقدر نشوف حلول سوا لأن انا كل كلام ناتج عن احتمالات و علشان نوصل لمرحله الحلول لازم نكون على درايه بالامور لان ممكن يكون موضوع في الاخر انك محتاج حد تفضفض معاه و بس فا انا بضرب مثال أن الموضوع ممكن يكون بسيط جدا و ميسر باذن الله فا حاول تتكلم اكتر و تقول حاجات انت حاسس انها تعبتك حتى لو بسيطه أو مثلا حاجه بتفكر فيه و شالغه بالك حتى لو من الماضي
تم النشر الخميس، ١٦ يناير ٢٠٢٥
يعني اعمل ايه برضو كل كلام حضرتك جميل لكن مش فاهم اطبق في ايه ولا اطبقه ازاي ومش عارف هطبقه ولا لا انا حرفيا كل يوم بنفس التفكير بنفس المشاعر حاسس اني بكبت مش عارف اخرج اي حاجه مش عارف اوصف اللي انا فيه حاسس اني مش بتكلم من قلبي حاسس انها خلصت كده
تم النشر الأربعاء، ١٥ يناير ٢٠٢٥
لعرض الإجابة في فدني اضغط هنا