السلام عليكم..
معرفش ابدأ منين بس دا اول سؤال ليا هنا، بحس بالوحدة مع اني وسط ناس كتير.. كنت بعاني لمدة اربع سنين من التنمر لكن انا تمام دلوقتي، مفيش تنمر وبرضو مفيش صحاب بجد.. بقيت اخاف اثق عموما وبقيت احس اني منبوذة وغير مرغوبة في اي مكان.. كأني كوكب محدش يعرف عنه حاجة وعايزة اخرج من الدوامة دي.. عايزة اعمل حاجات كتير بس بقيت فعلا اخاف اعمل اي حاجه واني اجرب حاجات جديدة ومعرفش مالي وحاسه اني تايهة كليا..
عليكم السلام ورحمة الله وبركاته اللي حاسة بيه وسلوكك هو رد فعل طبيعي لما مررتي به من تجارب وخبرات فكري نفسك دايما انك مش كلامهم وان في ناس كويسة وانك كويسة ومش غلط ومش ناقصة ومش وحشة تفاعلي مع أشخاص قريبين منك وبعد كدا وسعي الدايرة اشتركي في جروبات بينكم أنشطة متشابهة دي مجرد أفكار تعمليها بشكل فوري لكن ضروري تتواصلي مع مختص نفسي للتشخيص ووضع خطة علاجية تناسبك تمنياتي بحياة سعيدة وراحة نفسية🌱🫂
تم النشر السبت، ٣ يناير ٢٠٢٦
اولا انتي م منبوذه او غريبه او لوحدك وكوكب لوحدك و الكلام دة شوفي نفسك بنظرة تانيه قولي لنفسك انا مختلفه عنهم انتي مختلفه عنهم و الاختلاف ده حاجه جميله جدا م شرط نكون بنعرف نعمل كل حاجه مبعرفش هتعلم وعلى مهلي وانا قدها انا م لوحدي انتي معاكي ربنا دة اولا ثانيا الصحاب م لازم يكون عندك صحاب الصحاب اصلا فترات في حياة كل واحد اعملي اللي يريحك اللي يبسطك وخليكي متاكده انتي م شبه حد انتي بس مختلفه عنهم فعشان كده هما شايفينك بنظرة تانيه .. محدش بيحب يشوف حد احسن منه ويقول دة احسن مني لا لازم يطلع فيه اي حاجه وحشه برغم هو مفيهوش حاجه وحشه اصلا فانتي قمر ولذوذه كمان وجميله ومختلفه عنهم وخليكي فخورة بده
تم النشر الاثنين، ٢٩ ديسمبر ٢٠٢٥
وعليكم السلام ورحمة الله وبركاته يا قمر! 🌟 أول حاجة، أشكرك إنك شاركتي قصتك هنا، ده خطوة شجاعة جدًا وأنتِ مش تايهة خالص، أنتِ بس محتاجة خريطة صغيرة عشان ترجعي لطريقك. الشعور بالنبذ بعد التنمر ده طبيعي جدًا، زي جرح بياخد وقت يخف، بس ممكن نتخلص منه خطوة بخطوة. هقولك خطة عملية مبنية على علم النفس والقيم الإسلامية، عشان تبدئي النهاردة. 1. رتبي ثقتك بنفسك الأول (الأساس) : كل يوم الصبح، اكتبي 3 حاجات بتحبيها في نفسك أو إنجازات صغيرة عملتيه، ده بيبني "الصورة الذاتية" الإيجابية، زي ما بيقول علماء النفس. تذكري قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا" (الطلاق:2). أنتِ مش منبوذة عند ربنا، وهو هيفتحلك أبواب. 2. ابدئي خطوات صغيرة للتواصل (مش لازم صداقات كبيرة فورًا) : في الدوام أو أي مكان، ابتسمي لشخص واحد يوميًا وقولي "صباح الخير" أو "إيه رأيك في اللي حصل النهاردة؟". مش هتقولي حياتك كلها، بس ده بيفتح باب. اشتركي في نشاط جماعي بسيط زي درس قرآن أو نادي رياضي في المسجد/الجامعة. هدفك: تفاعل واحد صغير يوميًا، مش أكتر عشان متخافيش. 3. جربي حاجات جديدة بأمان : اختاري حاجة واحدة عايزة تعمليها (زي رسم أو طبخ)، اعمليها لوحدك الأسبوع الأول، بعدين شاركيها مع القريبين وعلى صفحات تواصلك. ده هيخليكِ تشعري إنك مرغوبة بدون مخاطرة كبيرة. حددي هدف يومي زي "النهاردة هقرأ صفحة من كتاب تطوير ذاتي، هسمع بودكاست عن موضوع مفيد. 4. لو عايزة دعم أكبر : دوري في Fedni على أسئلة مشابهة عن "تجاوز التنمر"، هتلاقي إجابات كتير مفيدة. لو حسيتِ محتاجة استشارة متخصصة، شوفي الخبراء هنا: https://www.fedni.net/experts – فيه معالجين نفسيين يقدروا يساعدوكِ. أنتِ مش قليلة ولا منبوذة بس محتاجة وقت عشان تشوفي اللي بيحبوكِ. ابدئي النهاردة بخطوة واحدة. 💪❤️ أنتِ قوية، وربنا معاكِ.
تم النشر السبت، ٢٧ ديسمبر ٢٠٢٥
في القرآن حلّ الشدائد! قال ابن القيم:"ما ذُكر الله على صعبٍ إلا هان، ولا على عسير إلا تيسر، ولا مشقة إلا خفّت، ولا شدة إلا زالت، ولا كربة إلا انفرجت". #افتح_مصحفك
تم النشر الأحد، ٢٨ ديسمبر ٢٠٢٥
هنا ده ممكن يبقي شئ عظيم جدا لأن كل الأنبياء مروا بمراحل زي دي في بس كلهم تجاوزها بفضل الله اما هنا المشكلة مبقتش انك عاوزة صحاب انت عاوزة تبني شخصية أحسن ونسخة أقوى وده هيحصل لما تحسني خمس جوانب جانب ديني مع الله وجانب نفسي مع ذاتك وجانب اجتماعي مع الناس وجانب صحي مع جسدك وجانب مادي يعني كل ماهو من ممتلكاتك و تعرفي أكثر عن نفسك
تم النشر الأحد، ٢٨ ديسمبر ٢٠٢٥
السلام عليكم
تم النشر الأحد، ٢٨ ديسمبر ٢٠٢٥
حاولي تعملي اي هواية انتي بتحبيها كمان عادي دي مرحلة و هتعدي و عامة تفضلي لوحدك أحسن ما تقعدي مع ناس كتير و يكونوا وحشين و لو ملقتيش أصحاب يحبوكي حبي نفسك و اهتمي بيها.
تم النشر السبت، ٢٧ ديسمبر ٢٠٢٥
لعرض السؤال في فدني اضغط هنا