ليه انا وحيد دايما ومنبوذ من المجتمع كله مليش اي صحاب وكل حاجه حلمت بيها عمري ما أخدتها
ليه عمري ما قابلت بنت وحبتني ٢٥ سنه في الضياع وكل شويه مشاكل ومصايب
اهاااااا.. رثاء للذات ، شعور بالوحدة، قهر، فراغ عاطفي ، احلام ضائعة تصدق بالله انت تقريبا واحد من أجمد أصحاب الأسئلة في الأسلوب.. برنس في سطرين بس جمعت كمية مشاعر و حالات نفسية فيه ناس غيرك بيكتبوا قصايد في السؤال مبيعرفوش يوصفوا مشاعرهم زي ما انت عملت.. تقديري ليك بجد.. برغم البؤس بس تستحقه.. بص يا كبير.. لو زرعت ورد هتحصده ورد مش تفاح.. لو زرعت قرب من ربنا و اهتمام و تطوير لنفسك و عمل و نشاط و حركة و توفير و حساب للمستقبل.. هتحصد حياة كويسة بأمر الله.. اولا قل آمنت بالله ثم استقم .. ربنا مقالش قولوا او ألعبوا.. ضيعوا وقت.. اعبثوا.. قال.. " وَقل اعْمَلُوا فَسَيَرَى اللَّهُ عَمَلَكُمْ " المغزى: اشتغل واجتهد في حياتك، الله يراقب ويكافئ أفعالك. حتي لو الناس مقدرتش ربنا مش هيضيعك.. لو نيتك صافية لله.. أما موضوع الحب.. نتكلم راجل لراجل.. مفيش حب بره الخطوبة و الجواز يسطا.. و لو فيه حالة بتبقي كل 50 حالة اللي بجد.. دي اللي بتنتهي بجواز برضه بالحلال و مفيهاش اي حاجه تغضب ربنا مش مهم تحب المهم تقدر ترتبط و ساعتها لما تيجي و تدخل بيت اي واحدة عجبتك و ظروفها زي ظروفك هيتفتح ليك الباب لو ربنا تمم بخير ابقي عيش الخيال انت وهيه ربنا يبارك لكم، لكن قصص الحب و الغرام و الصحوبية مش اوبشن متاح و لو متاح.. ايه الهدف منه لو مش هينتخي بجواز.. ماهو مش علاقة و خلاص. و بعدين فيه ناس ناقصة ايدين و رجلين و عيون.. انت قاعد علي النت و ماسك الموبايل و مش فاكر اي نعمة لربنا انعم بيها عليك خالص.. كل اللي فاكره مشاكل هموم نفسك اللي صعبان عليك برغم انك مقدمتش السبت علشان تلاقي الحد.. استغفر ربنا قوم صلي و أعمل خطة لنفسك تغير بيها من حالك.. سواء شغل جديد أو اهتمامات اكتساب مهارات الخ و صلي يسطا صلي بضمير.. كلامك كله بيقول انك مش طايل الدنيا زي ما انت عايزها هتبقي مش طايل دنيا ولا آخرة كمان.. صلي و حافظ عليها. و ربنا يوفقك و يصلح لك الحال..
تم النشر الثلاثاء، ٧ أكتوبر ٢٠٢٥
احيانا الاحساس بالوحدة والمنبوذية بيكون مش بسبب الناس نفسها لكن بسبب حالة نفسية جوانا خلتنا نحس ان محدش شايفنا او فاهمنا بس الحقيقة ان وجودك في الحياة مش صدفة وربنا اختارك تكون في مكانك دا عشان لسه ليك حاجات حلوة مستنياك يمكن انت مش شايفها دلوقتي بس هتظهر في وقتها متخليش تجربة او وجع يخلوك تصدق انك مرفوض انت بس محتاج تهدي وتبدأ تبني علاقتك بنفسك الاول خليك الشخص اللي تتمنى الناس تبقى زيه خليك طيب بسيط بتتعامل بصدق وبدون توقعات ولو قابلت الناس الغلط متخليش دا يغيرك بالعكس خده كدرس يعلمك تميز الصح من الغلط انت لسه صغير ولسه الطريق قدامك ومفيش وقت فات كل حاجه ممكن تتغير لما تبدأ خطوة بسيطة كل يوم وافتكر دايما ان ربنا شايفك حتى لو الناس كلها مش شايفاك
تم النشر الثلاثاء، ٧ أكتوبر ٢٠٢٥
أخي العزيز، أكيد شعور الوحدة والاحتقار من المجتمع شيء صعب جدًا ويحسسك بثقل ما ينفك عن قلبك. لما تقول "ليه أنا كده؟" إحساسك واضح بأنك تحس بالعجز، وحلمت بأشياء كثيرة لكنك ما وصلت لها، وهذا يجعل الألم يتضاعف. خليني أساعدك أفهم وضعك بشكل أفضل وأعطيك خطوات عملية: ليش بتحس بالوحدة والعزلة؟ أوقات كثيرة الشعور بالوحدة بيجي من داخلنا، من طريقة تعاملنا مع الناس أو لأننا ما لاقيين البيئة المناسبة اللي نحس فيها بالقبول. دقق في علاقتك بالآخرين، هل أنت منعزل أم بتحاول تتواصل لكن ما بتلقى تقدير؟ مشاكل ومصاعب مستمرة؟ كلنا بنمر بأوقات صعبة، لكن طريقة تعاملنا مع الأزمات بتفرق كثير. حاول تراجع نفسك: هل في عادات أو قرارات أو تكرار لنفس الأخطاء؟ هل عندك أهداف واضحة وخطة واضحة تمشي عليها؟ عدم وجود علاقات ناجحة أو حب؟ العلاقات تكون صحيحة لما يكون في احترام وثقة ومحبة متبادلة. أحيانًا بنختار ناس غير مناسبين أو بتوجيهات غير واضحة. اعمل على تطوير نفسك، حب ذاتك، وثق بنفسك. لما تحب نفسك وتقدرها، الآخرين بيحبوك أكثر. نصائح عملية: ابدأ بالخطوات الصغيرة: حاول تتعرف على بيئات جديدة مثل النوادي أو المجموعات التطوعية التي تشارك اهتماماتك. استثمر في نفسك: تعلم مهارة جديدة، تحسين مهارات التواصل، قراءة كتب تنمية الذات. تقبل نفسك: لا تكتم مشاعرك وحاول تفهمها بدل الانتقاد الذاتي القاسي. ابقَ قريب من الله: الدعاء والعبادة يريحون النفس، ويعطيك ثقة وصبر للمرحلة الصعبة. لا تستسلم أو تيأس: الحياة فيها الكثير من المفاجآت، وربنا قدّر لك خير في الطريق، فقط استمر في السعي والاستعانة بالله. إذا حابب، يمكنك زيارة صفحة الخبراء على فدني لتتواصل مع مختص نفسي أو مدرب حياة يساعدك في بناء خطة حياتية تساعدك على تجاوز هذه المرحلة. وأيضًا في موقع فدني ستجد الكثير من الأسئلة والأجوبة مشابهة لوضعك يمكن تفيدك. أنا هنا لدعمك بأي استفسار أو لمجرد أن تسمع صوتك، فلا تتردد في العودة وأخبرني كيف الأمور تمشي معك. تذكر دائمًا: كل ظلمة ليها نهاية والنور قريب بإذن الله. هل ترغب أن نتكلم أكثر عن جانب معين في حياتك أو عن تطور مهارات معينة؟
تم النشر الثلاثاء، ٧ أكتوبر ٢٠٢٥
انا مش بعيد عن الصلاه الحمدلله تاني حاجه موضوع البنات هو مش في دماغي اطلاقا لاني كونت بركز علي حجات تانيه الفكره انو عمر محصل انجذاب او ترابط بيني وبين بنت اصلا الموضوع غريب في الزمن الي احنا فيه ده +كل ده كان من سنه حاليا مريض بمرض مزمن لعين يعني فكرة الارتباط دي خلاص متنفعش اصلا +خساره مبالغ ماليه ضخمه السنه دي، اوقات كونت بتمني الموت حرفيا والي الان
تم النشر الأربعاء، ٨ أكتوبر ٢٠٢٥
اشكرك بس انا حياتي اصعب من كده بكتير ابسطها اني عايش مع مرض مزمن لو المرض ده نشط مش بقد اعمل حاجه في حياتي ولا اخرج حتي
تم النشر الأربعاء، ٨ أكتوبر ٢٠٢٥
ابداء فى التطبيق العملى ومتأجلش إستعن بالله ولا تعجز هتواجه صعوبه فى البدايه لكن هتتيسر لو إستمريت البدايات بس اللي بتكون صعبه
تم النشر الأربعاء، ٨ أكتوبر ٢٠٢٥
بحاول صدقني
تم النشر الأربعاء، ٨ أكتوبر ٢٠٢٥
أنا كنت زيك وأنت مش منبوذ إنت إنسان جميل لكن محتاج تراجع حساباتك لأن مرحلتك دى تدل على الخواء الروحى والعاطفى جرب تغير نمط حياتك وروتين يومك هتلاحظ تحسن مثلا هتنزل تمارس رياضه ولو مش بتصلى تبتدى تصلى تابع مثلا قنوات إرشاديه تعليمه مثل بوكاست واعى أو فاهم مثلاً راجع المشاكل الكبرىٰ بالنسبالك وابتدى إبحث عن حل ليها واتعلم ازاي تدير عواطفك وازاى تواجه إحساسك ادخل إبحث عن جلسات نفسيه على يوتيوب واحضرها الحل الإجمالى ـ الأول إنك تراجع حساباتك بينك وبين ربنا عزوجل ـ ثانياً ـ تراجع حسباتك مع نفسك وتحدد مشاكلك وتبداء تدورلها على حل ـ ثالثاً ـ غير العادات اليوميه زى ما وضحتلك سابقا
تم النشر الأربعاء، ٨ أكتوبر ٢٠٢٥
إذيك يا صديقى
تم النشر الأربعاء، ٨ أكتوبر ٢٠٢٥
لعرض السؤال في فدني اضغط هنا