عدم التفاهم بين الزوج والزوجه وممكن عدم التفاهم ده. يودى للطلاق حتى لو ف اولاد بينهم الواحده تعمل ايه مع جوزها لما يكون طول الوقت النقاش بنهم بيوصل للخناق مش عارفه اعمل ايه معاه بيوصلني لدرجه انى فعلا بطلب الطلاق منه وممكن حياتى تبوظ ف لحظه بسب انه مش متفاهم معايا ف كل مشاكل الحياه الزوجيه تفكيره غير تفكيرى طموحاته غير طموحاتى تماما
في كتير من العلاقات الزوجية مبيكونش فيها الزوج والزوجة متفاهمين مع بعض وى كمان متنسيش إن كان زمان بيتجوز من غير حتى ما يشوفو بعد ،بصي حوالي إنك تنسي فكره الطلاق دي تماماً لأن ده مش صح وي بعدين فكري معايا شويه كده لو كان جوزك هوا اللي كان بيطلب الطلاق كنتي هتحسي بي أي كنتي هتحسي انه مش بيحبك أو بيحب واحده تانيه صح ،تخيلي إنك كل شويه بتقولي إنك عاوزه الطلاق يعني أنك مش عاوزه تعيشي معا فأكيد الموضوع ده كل لما أنتي بتقولي إنك عاوزه الطلاق ده بيخلي الموضوع لو كان صغيرا بيكبر صح ولا أنا غلطانه ،فانصحك إنك ما تطلبيش الطلب ده تاني ،وى حكايه إنك أنتي وى هوا مش بتفهمو بعض ده موضوع عادي وهينحل مع الوقت بصي حوالي من أمه أنك تفهمي وتعرفي هوا بيحب أي وى عاوزه أي وى اعملي وى لو في مشكله حصلت معاكي في البيت صدقني عن تجربه والله العظيم بجد اسمعي مني وأنتي بتصلي اشتكي إلي الله وى قولي كل اللي مضايق بس وأنتي هتشوفي كل مشاكلك راح تنحل قريبا .وي بعدين مش لما جوزك يكون راجع من الشغل تقوليلو الاخبار وى المشاكل اللي حصلت معاكي كده علطول لا براحه واحد واحد يعني هوا لسه راجع من الشغل طعبان مينفعش طبعا نقول الاخبار الوحشه ،حتى نفسك مكانه كأنك طبختي طبخه حلوه وي الكل قال وحشه شوفي شعورك هيكون أي اتمنى اكون أفتك اتمنى إنك تكون بخير وى تعيشي مبسوطة في حياتك سلام
تم النشر الأربعاء، ٣٠ أغسطس ٢٠٢٣
عدم التفاهم في ايه بالظبط؟ يعني ممكن تقولي موقف على الاقل! ومش لازم خالص ان التفكير او الطموح يكونوا زي بعض، الاهم من كده هي نقطة القبول او التفاهم .. يعني تكوني متقبله طموحه المعين، او تفكيره المعين .. ولكن فيه حاجه مهمه جدا في موضوع القبول .. يكون الشئ ده مقبول في العموم .. يعني ايه؟ يعني مثلا ميكونش مثلا مش بيصرف ع البيت ويقولك لا المفروض تقبليني زي ما انا .. ده اسمه تحايل. لو الموضوع عادي ويعتبر مقبول .. يبقى انتوا الاتنين محتاجين تتكلموا وتتفاهموا .. لو مش عارفين تعملوا ده ياريت تروحوا لحد متخصص علاقات اسرية هيكون افضل.
تم النشر الأربعاء، ٣٠ أغسطس ٢٠٢٣
احنا فاكرين ان الطرفين معنى كلمة تفاهم بينهم ان افكارهم تبقى واحده الحقيقة ان دى ازمة تواصل محتاجة نتعلم ازاى نتواصل صح باختلاف افكارنا كزوجين ازاى نحترم حدود بعض وان لازم يكون فى حدود واضحه لكل واحد عشان منلاقيش نفسنا بنأذى بعض والتراكمات تؤدى للانفصال . مفيش مشكلة اننا طموحاتنا غير بعض ...ممكن مقدرش اشاركك تفاصيل طموحك ...بس واجب عليا ادعمك واشجعك على قدر قدرتى محتاجين نسمع بعض كويس ....محدش علمنا واحنا صغيرين نسمع بدون رد مش دايما بنسمع عشان نرد ..ممكن اسمعك ويكفى انى توصلنى وجهة نظرك ...بدون ما اعترض ولا اوافق ولا اعدل ولا اى حاجة اكتر من انى اسمع واحترم ان ده انت وبس .
تم النشر الأربعاء، ٣٠ أغسطس ٢٠٢٣
قربي من ربنا في قربه دوا ربنا جنبك بيحبك ومعاك ومش هيسيبك اطمني دا حرمان ربنا هو قمة العطاء
تم النشر الجمعة، ١ سبتمبر ٢٠٢٣
لعرض السؤال في فدني اضغط هنا