ازيكم يا جماعه عاملين ايه لو سمحتوا انا عندي سؤال ضروري قوي بجد عشان انا خلاص تعبت دلوقتي انا عندي ١٨ سنه بحب قريبي م واحنا عيال و هو عنده ١٩ سنه حصل ان قعدنا فترا مش مع بعض او مفيش بنا كلام احنا اصلا مرتبطناش تمام بعدين عرفت انو ارتبطت ببنت ف تالتة اعدادي و بعدها سابها و كلم كذا بنت و هو ف ثانوي و جه كلم واحدة دي طول معاها قاعد حوالي سنتين سابو بعض و بعديها هو ف ٣ ثانوي نفسي اعرف بس أخرجه ازاي من دماغي لان الي زي ده بتاع بنات و اصلا طبعه صعب اوي ونا نفسيتي تعبت عشان من شهر كدا كان بيلمح لي و دي كانت فترةامتحاناتي لغبطتي و شتت تركيزي الفكره انا عاوزة أخرجه م دماغي لاني تعبت و هو ولا دريان و ماشي يكلم ف البنات و خلاص ...ارجوكم رد بأسرع وقت
بصى هو شكلو شب وفي سنه دا بيبقى طايش كدا وشكلك انتى بنت بتفهمى وعارفة انتى عوزة ايه زى مانتى مش بتكلمى ولاد وقادرة تعملى دا المفروض هو كمان يبقى قادر يعمل دا بس هو مش مسؤول واهم حاجة خلق ودين الانسان اما دا واضح انو مفيش دا عندو وهو اللى اختار انو يكلم دى ودى لو فكرتى فيه افتكرى انو انتى تستاهلى حد يشوفك احسن واحلى حاجة فحياتو مش كمالة عدد وانتى بالنسباله تحدى هو عاوز يوصلك دا اللى عاوزه عاوز يوقعك فانتى اوى تديلو الفرصة دى انتى غالية وقوية وصعب اى حد يوصلك بسهولة افتكرى دا وافتكرى الشعور والاحساس الوحش اللى حستيه بسببه وطبعا خلى الاولوية ديما لنفسك وركزى عليها وطورى من نفسك اشتغلى عليها وعيشى حياتك الحياة مش بتقف على حد وحتى في أسوا الظروف لو ضعفتى وكلمتيه هل هتبقى مبسوطة بجد؟ انا بحاول اساعدك بس انا عاوزة افهمك انو لسا بجد بدرى على كل الكلام دا وانا مقدرة شعورك بس صدقينى كل شيء ربنا هيقدرهولك فى معاده فقربى من ربك عشان هو الوحيد اللى يستاهل تفكرى ديما ترضيه و يستاهل كل حبك لان ربنا افضل من اى حد وصدقينى ثقى فالله وادعى ولحى فدعاءك بكل اللى بتتمنيه فكل وقت وكل صلاة وان شاء الله ربنا هيرضيكى وهيرزقك بكل خير خلى عندك يقين فدا وربنا معاكى ويوفقك ديما فحياتك 🥰
تم النشر الاثنين، ٢٩ يونيو ٢٠٢٦
السلام عليكم، هو طبيعي هتحتاجي وقت بما إنك بتحبيه من وأنت صغيرة، فزي العادات اللي معك من سنين بتحتتج وقت عشان تتخلصي منها. الحل إنك تركزي على نفسك وتملي يومك بحاجات مفيدة وتتعلمي مهارات تنفعك، لما يومك يبقى مشغول وبتنجزي هيبقى عقلك مشغول والتفكير فيه هيرجع لورا ومع الوقت هيتنسي. أعيدي برمجة أفكارك، واكتبي كل السلبيات اللي شايفاها والأسباب اللي تخليكِ تخرجيه خالص من تفكيرك وحياتك وفكري نفسك بها لحد ما عقلك يثبتها ويخليك حاسة دايما بنفور منه. ركزي على كرامتك وإنك تستحقي شخص يحترمك ويقدرك ومش بتاع بنات. والاهم، استعيني بالله وادعيه دايما ينزعه من تفكيرك ويهديك للأصلح. ملحوظة، الحب مش بالتلميحات ولا الظرات والكلام، وثانيا... فيه حركة خبيثة متخلفة الولاد بيعملوها متعمدين، وهي إنهم يشتتوا البنت عن دراستها وييجوا خصوصا وقت الامتحانات ويعملوا ده، عشان البنت تتشتت ومتعرفش تركز في مذاكرتها فمتنجحش أو تكون أعلى منه في تعليم وغيره وتفضل اقل منه عشان يتحكم فيها... فخدي بالك ومتخليش أي شخص يضحك عليكِ أو يشتتك عن مستقبلك ونجاحك بوهم الحب. ربنا يوفقك.💚
تم النشر السبت، ٢٧ يونيو ٢٠٢٦
أنا فاهمة يا قمر إنك تعبانة أوي ونفسيتك متأثرة، والمشاعر دي بتكون ثقيلة خاصة لما تكوني عارفاه من زمان وبتشوفي تصرفاته مع بنات تانيين. ده طبيعي إنك تحسي بالإحباط والتشتت، بس الحمد لله إنك واعية وبتدوري على طريقة تخرجي بيها من الدوامة دي عشان تركزي على نفسك. عشان تساعدي نفسك تخرجيه من دماغك، ابدئي بخطوات عملية بسيطة: أول حاجة، قللي أي تواصل أو متابعة لأخباره حتى لو كان مجرد لمحات، لأن ده بيجدد الذكريات. ركزي طاقتك في حاجات بتحبيها زي هواياتك أو تطوير مهاراتك أو حتى التركيز أكتر في دراستك دلوقتي بعد ما عدتِ الامتحانات. كمان، ادعي ربنا كتير في الصلاة والدعاء إنه يريح قلبك ويبعد عنك أي حاجة مش مناسبة ليكِ، فاللجوء لله بيجيب راحة حقيقية ويملى الفراغ ده بطمأنينة. تذكري إن الشخص اللي مش جاد وطبعه صعب زي ما وصفتيه، مش هيقدر يديكِ الاستقرار اللي نفسك فيه، وإنك تستحقي أحسن. لو لقيتِ صعوبة في الاستمرار لوحدك، ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قوية وهتعدي الفترة دي بإذن الله، ولو عايزة تتكلمي أكتر أنا هنا.
تم النشر الجمعة، ٢٦ يونيو ٢٠٢٦
https://youtube.com/playlist?list=PLSGF_Js2NFjgUnmormwruA6s6DZ5eAlZS&si=DsulDEGDnT_VCs5T ،،، دورة الداء والدواء ، 💓💓
تم النشر الأحد، ٢٨ يونيو ٢٠٢٦
ركزي ف مدرستك يحبيبتي و دراستك
تم النشر الأحد، ٢٨ يونيو ٢٠٢٦
18 و 19 سنه اي و من لما كنتو اطفال مانتو كدا لسه اطفال 😂
تم النشر الأحد، ٢٨ يونيو ٢٠٢٦
بصي متقلقيش الموضوع بسيط ان شاء الله هو بس بمجرد مرور الوقت كل شئ هيعدي وهتنسيه ودعائك انتظمي عليه وقيام الليل والاستغفار كتير وخدي النية لله وربنا هيقدرك بإذن الله
تم النشر السبت، ٢٧ يونيو ٢٠٢٦
بس أنتِ لي بتفكري فيه؟ يعني أنتِ اديكي عارفه انه شخص مش كويس و مش مناسب ف حتي لو جه ف بالك ف اي اللي هيحصل يعني ؟اقصد مفروض اكيد أنتِ بطلتي تحبيه و كدا و اديكي واعيه و خدي بالك عشان ميستدرجكيش و يحاول يتكلم معاكي تاني فهماني ...
تم النشر السبت، ٢٧ يونيو ٢٠٢٦
معلش ي حببتي ربنا يعينك🤍
تم النشر السبت، ٢٧ يونيو ٢٠٢٦
بحاول والله بس المشكله ف العيلة بيجيبوا ف سيرته كتير و لما اقوم عشان مفكرش او ميجيش ف بالي يشكو ان في حاجة ف مش عارفة بس بحاول بكل الطرق اقري كتير و أصلي و بدعي ربنا انو يخرج من دماغي
تم النشر السبت، ٢٧ يونيو ٢٠٢٦
اقطعي اي وسيله تخليكي تتكلمي معاه او حتي تشوفيه و مش عارفه بس هوا ممكن الفراغ بيخليكي تفكري فيه و تفتكريه و كدا ف اشغلي نفسك بشيء نافع.
تم النشر الجمعة، ٢٦ يونيو ٢٠٢٦
لعرض السؤال في فدني اضغط هنا