كيف أتخلص من التعلق العاطفي المرضي بشخص ما؟

Question

يا جماعه من سنه و نص تقريبا اتعرفت على شاب و كانت علاقتنا ظاهريا صداقة بس باطنيا بنحب بعض و عاملين مش عارفين.. علاقتنا كانت معقده و أنا كل شويه اسيبه علشان الصداقه او الارتباط حرام و ببقى عاوزه اتوب لربنا بس غصب عني بفضل احبه بردوا مهما حاولت اتلهي في اي حاجه برجعله بردوا و استمر الوضع ده تقريبا خمس شهور و في الاخر هو قرر ينهي العلاقة بشكل نهائي و الغريب اننا اتعلقت بيه اكتر و حاولت اوصله كذا مره بس كان بيصدني و قال علاقتنا مش هتنفع تكمل لا صداقه ولا تنفع تبقى جواز ولا اي حاجه و فضلت بعدها متدمره جدا عندي ارق و حياتي متبهدله و بحاول اتحسن و للاسف الفتره دي كنت بضيع وقت في اني كل يوم بتعرف على حد و بعدين اسيبه تاني يوم و كنت بس بحاول اهرب من الي حصلي و حاولت بجد اتقرب لربنا و اعمل اصدقاء بس مفيش حاجه بتنسيني و في مره من المرات دخلت اكلم حد كالعاده و كان الشخص ده هو بس أنا مكنتش اعرف غير لما تعرفت عليه و كمان عرفته ب هويه مزيفه عني و اكتشفت انه ولد مش محترم و بيعمل حاحات عيب مع انه كان كويس جدا معايا و اكتشفت انه سابني علشان شاكك فيا اني اكون بعمل زيه كده أنا جاتلي صدمه وقتها و بقيت اشرب سجاير لأول مره في حياتي و حاولت انسى فكرة سوء ظنه فيا خاصة اني كنت كويسه جدا معاه و بدأت انساه فترة شهر كده و لكن للاسف أنا حاسه نفسي بحنله جدا و حاسه اننا عاوزه ارجع اكلمه معرفش إزاي بعد كل ده و كمان كنت قافله سوشيال ميديا طول الفترة الي فاتت علشان خايفه اراقبه بس للاسف فتحتها قريب و بقيت اراقبه و اكتشفت ان صاحبه الي كان مرتبط ببنت و تقريبا عندهم نفس ظروفنا خطب البنت إلي كان بيكلمها الموضوع ده تعبني نفسيا مع اني المفروض افرح اني متجوزتش واحد زيه بس الفكره اننا وحشه في اي علشان تعاملني و تشوفني بالشكل ده و بعد كل الي حكيته ده بس أنا حاسه اني بحبه جدا و بفضل اتخيل اننا بكلمه كتير و مش شايفه حد غيره خالص و طول الوقت بيحصل صراع جوايا اكلمه ولا مكلموش و بينتهي بيا الحال لصداع و اكتئاب و معنتش عارفه تعيش حياتي و الوقت لما بيعدي اكتر بيخليني اسامحه اكتر و ابقى عوزاه اكتر عارفه ان ده غلط بس مش عارفه تغيره نفسي اكلمه بس خايفه منه و كمان مش عارفه اكلمه اقولوه اي و ليه اي حل مشكلتي دي و النبي علشان تعبت بجد و معنتش عارفه اعمل ايه 😑

Accepted Answer

بداية كدا لا تقولي والنبي لأن الحلف بغير اللّه شرك . بصي يحبيبتي لازم تعرفي كويس ان البداية اللي مترضيش ربنا نهايتها مش هترضيكي ابدا . اللي انتي فيه دا اسمه تعلق مش حب ، الحب بيجي مع العشره والمواقف والزعل وتفاصيل كتيرة وطبعا كل دا مش بيحصل غير بالزواج ، طيب ممكن نقول معجبة مثلًا حتى لو كدا حراام تكلميه . اللّه سبحانه وتعالى قال " ومن أعرض عن ذكري فإن له معيشةً ضنكا " . يعني الضيق والزعل دا طبيعي . يا اختي انتي غالية ربنا خلقك كدا ودينك كرمك وخلى اي حد عايزك يبذل الغالي والنفيس عشان بس يعرف يتكلم معاكي ... يبقى انتي تعملي فنفسك كدا ؟! مع الوقت هتنسي وبلااش تتجاهلي نظر ربنا ليكي يعني سبحانه اكرمك بنعمة البصر والقلب والإيد وبدل م تشكريه تروحي تعصيه بيهم !! الحل انك تحذفي رقمه وتقومي تصلي ركعتين توبه عن كل حاجه عملتيها وتستغفري وتقربي من ربنا ، وتدعي يرزقك بزوج صالح ووقتها بس هتعرفي معنى الحب بجد ، لأن اللي بيحب حد مش بياخد بإيده للنار لأ بيساعده علشان يدخو الجنه مع بعض . طب انتي عارفه لو تبتي هتفرحي ربنا تخيلي !! اللّه يصلح حالك وينزع من قلبك حب الحرام ويتوب عليكي وكنصيحة اخيرة اقرأي قرآن كتير هتحسي براحة كبيرة جدا وعلقي قلبك بربنا لأن المتعلق بغير ربنا مخذول والناس هتفنى وربنا هو الباقي .

Answer

أنا فاهمة تمامًا اللي بتمرّي بيه، والصراع الداخلي ده صعب جدًا، خاصة لما يكون فيه تعلق عميق مع شعور بالذنب الديني. أنتِ مش ضعيفة، وإنكِ بتحاولي تتخلصي من التعلق ده دليل على قوتكِ، حتى لو الطريق طويل. المهم دلوقتي إنكِ تركزي على نفسكِ وتخلّي الشفاء يجي من جواكِ، مش من الشخص ده. أول خطوة عملية: اقطعي كل الروابط اللي بتغذي التعلق. قفلي السوشيال ميديا تاني، وامسحي أي صور أو رسائل قديمة، لأن المراقبة بتزود الألم وبتخلّي الخيال يشتغل. كل ما تحسي بالرغبة في التواصل، اكتبي السبب في ورقة واتذكري إن الاستمرار هيأذيكِ أكتر. ادعي ربنا بصدق إنه يبعد عن قلبكِ كل ما يؤذيكِ، واستمري في الصلاة والقرآن حتى لو مش حاسة بالراحة فورًا، لأن ده بيبني قوة داخلية تدريجيًا. ركزي على بناء حياتكِ اليومية: حددي أهداف صغيرة زي تعلم مهارة جديدة، رياضة خفيفة، أو حتى هواية بتحبيها. كل يوم اكتبي ثلاث حاجات إيجابية حصلت، عشان عقلكِ يتعود يشوف الجانب التاني. لو الاكتئاب والأرق مستمرين، حاولي تتكلمي مع متخصص نفسي موثوق، لأن الدعم المهني بيساعد في فك التعلق ده بشكل أعمق. تذكري إن الوقت بيخفف الألم لما نكون بنعمل خطوات إيجابية، وأنتِ قادرة تتجاوزي ده. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ مش لوحدكِ في الرحلة دي، وكل خطوة بتعمليها دلوقتي بتقربكِ من السلام الداخلي. خديها خطوة بخطوة، وربنا معاكِ.

كيف أتخلص من التعلق العاطفي المرضي بشخص ما؟

نفسية

سؤال من احد أعضاء فدني

تم النشر الخميس، ١٨ يونيو ٢٠٢٦

2 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك