احب احكيلكم وتفيدوني عشان والله انا محتاره جداً... انا بنت طلعت من بيت فيه 6 أولاد وانا البنت الوحيدة اتنين اخواتي واربعه ولاد عمي ف الدور اللي تحتنا عمي ومراته انفصلو بعد خلفه الطفل الرابع وهو اكبر مني بسنتين وعمي اتجوز واحده تانيه طليقته سابت العيال له واتجوزت هيا كمان..
مكنش ليا اي دور ف العيله وكذالك لما روحت المدرسة مكنش ليا صحاب مقربين تعالو نسرع الاحداث ولاد عمي علاقتي بيهم مفيش سلام بالايد حته ف اخر سنه ليا ف ثانوي فني صاحبتي عرفتني ع شاب ولأني كنت برا بلدي وموصلات طويله بين البيت و المدرسة مكنش حد يعرف حاجة عن حياتي
اتكلمنا شوية وعرفت انه مش مناسب باي شكل من الأشكال وسنه زيي وقتها داخله ع 18سنه كان صريح معايا كان يحكيلي كل اسراره كان معجب بتفكيره وانه مصدقت يكون ليا حد بس كان بيشرب وايت عامة كنا صحاب مقربين اكتر من ارتباط مع الوقت جه ابن عمي اللي قبل الاخير واعترفلي انه بيحبني فروحت بكل سذاجه حكت له ان في شخص وضعه كذا كذا
سحب نفسه بهدوء من حياتي بعد ما كلمه فون وقاله دي اختي ولوفكرت تتسلى هعمل وهعمل وع كده عدت وابن عمي ده سافر وسابني لاختياراتي خلصت المدرسة والامتحانات هتبدأ حصل خلاف بيني وبين الشخص اللي بكلمو واتخاصمنا شوية
جيت راجعه من المدرسة ف يوم لقيت ابن عمي الصغير واقف قدام البيت وكان شكله وملامحه كأنه عايز يعيط وماسك نفسو قولت السلام وقعدت جنبه بقلق يكون تعبان او حاجة بصلي وكأنه ميخدش باله من شكلي ب القرب ده قبل كدا (عندنا ارياف وعيله تقكيرها ملتزم اللي حد ما)
لقيته اتفتح ف الكلام قد اي هو مخنوق قد اي مش مرتاح وانه ابوه وامه سابوه واخواته لستي تربيهم ومكنتش بتقدر عليم طلعو تعليم من اعدادي عشان يشتغلو ويصرفو ع نفسهم
امهم خلفت اربعه غيرهم ومعدتش بتشوفهم كلمني عن الشغل ومشاكله وكلام اناس عنهم واتحبس اخواته الكبار ف وقت من الاوقات وطلعو بكفاله بسبب الشغب كنت بسمعله وبهون عنه وانا مصدومه اننا عايشين ف نفس البيت
دخلنا جو بعد ما هزرت معاه ونكته عشان اخفف عنه ف اليوم ده معرفتش انام معرفش اي اسبب مع الوقت القيه بيستناني ف الدخله والطالعه صباح الخير مساء النور.. الخ ف يوم سألني انا جربت احب قولتله اه بحب فلان بس بينا خلاف وان شاءلله نتصالح قولي انت بقا المزه بتاعتك منين ف ملامح وشه اتقلبت واتعصب وهددني اني ابعد واعمله بلوك والا هيقول لأهلي عن الشخص ده
يعني كنت واخده الامور ببساطه وقعدت احكيله عنه شوية وبعدين اتضايقت من اسلوبه قولتله تمم وتجنبته وهو كذلك شوية بعدين اتوصل لصاحبه ليا وعرف منها اني لسه بكلمه راح عملي مشاكل وعرف اهلي بعد ما قابله وضربه وكسرله فونه!؟
نرجعلي بقاا وفوني اتكسر واتضربت واتحرمت من آخر امتحان العملي منعوني من الخروج يعني كل ده لانه قابل بابا وحكاله وفضيحه بجلاجل كل ده وانا مصدومه انا غبيه وصريحه ولا ساذجه (ميكس لذيذ خالص )
كرهتو ابن عمي ده وكرهت الكل فتره محترمه جه يصالحني بعدها قدام اهلي ( ف الفتره المحترمه دي كان الشخص اللي كنت اعرفه عمل محضر فيه واتحبس كام يوم ع ما ابن عمي الكبير طلعو وجاب تعويض وفض الموضوع كنت بضرب اضعف عشان هو اتحبس وبيضرب هناك بسببي) انا وهو موتنا بجدعاان🙂💔😂
طلع وجه اعتذرلي بس مكنتش قادره اثق فيه ولا اسمحه بس بهدي الامور عشان معتش قادره استحمل حاجة من اهلي هو هداهم من ناحيتي بعد ما فهمته اني صفيت وانه عمل كدا عشان بيخاف عليا..
ايام تجيب ايام تودي يسأل عني من وقت للتاني لحد ما حسيت نفسي اتعلقت بيه وحبيته تجاهلت الاحساس ده (يمكن عشان معتش ليا حد اصلا) لحد هو ما جه وكلم ماما انه عمل كل ده عشان بيحبني وانا اللي مش حاسه!!
اهلي سابولي حريه الاختيار دلوقتي بعد المعجنه دي وبقو بيعاملوني كويس شويه اوافق ع اللي اذاني ولا استنى كلهم معقدين هو الكبير داخل ع ال٣٠ ومقضيها مع كل واحدة شوية( وبنسبه لاخوه لما يعرف اي احساسه.. لما حصلت المشكلة مكنش له اي تعليق شغله جيم نوم بس كدا هو مكنش مؤذي ليا بس هو همجي شوية بعتبره أخ من بعيد لبعيد)
البنت عندهم شهوه ليهم وطاعه منها ومش ده اللي انا عايزاه مع شريك حياتي آسفه لو طولت يارب تشوفو للاخر وتنصحوني بسرعه اعمل اي بصلي استخارة وباخد برأيكم عشان مندمش.. ربنا ميحطش حد ف موقفي ده🫂❤️🩹✨
السلام عليكم، عاوزة رأيي... لو مكانك مش هوافق على حد منهم. بغض النظر إنك أصلا تعلقتِ به بعد الفراغ اللي حسيتِ به لما انتهت علاقتك بالشاب والمشكلة اللي حصلت. مفيش حب ولا حاجة. نييجي بقى للأخطاء اللي عملها في حقك، مفيش حاجة اسمها عملت كده عشان بحبها... لو عاوز مصلحتك ولو هو فعلا شخص ناضج يعتمد عليه كان هيتصرف بهدوء ويعالج الأمر من غير فضيحة ومشاكل تؤثر على علاقتك بأهلك وتعرضك للضرب. كان ينصحك بدون انفعال ويكلم الولد يحذره يبعد عنك، يكلمه بأسلوب حازم وشديد لكن من دون عنف ولا فضايح وكل اللي حصل ده. لو لقى الولد بيعاند ومصر يكلمك من غير ارتباط رسمي، كان ممكن ساعتها يدخل حد كبير بس من غير شوشرة ويكون حد عاقل وحكيم. *** ثانيا، الجزء الأخير اللي ذكرتِه عنه هو وإخواته وخصوصا نظرتهم للبنات، الجزء ده بالذات يخليكِ ترفضي مئة مرة. إيه اللي يخليكِ أصلا مضطرة للاختيار لما ممكن تنتظري وتختاري شريك حياة صح، يستحقك ويقدرك ويكون فاهم يعني إيه زواج ومسؤولية ويعني إيه احترام المرأة وحقوقها وإنها مش مجرد شهوة ولا واحدة يتحكم فيها وخلاص. غير أصلا حسب ما فهمت إن أخوه كان بيحبك وبعد لما عرف إنك بتحبي واحد (لو فهمي غلط صححي لي) فمين قال إن مشاعر أخوه ناحيتك اختفت أو زواجك من ده مش هيعمل مشاكل وحزازية بين الأخين والعائلة كلها ممكن تتأثر. الموضوع كله بالنسبة لي علامات حمرا ولا يشجع. أنتِ اقعدي مع نفسك وفكري واعملي بس اللي فيه مصلحتك وملكيش دعوة بأي حد ولا تاخدي قرار تحت ضغط أي حد أو إحساس بالذنب ولا كلام العائلة. نفسك أولا. ربنا يكتب لك اللي فيه الخير.
تم النشر الأربعاء، ٢٦ أغسطس ٢٠٢٦
بصي يا بنت الحلال اوعي توافقي تتجوزيه ده شخص مؤذي ومريض وحب التملك عاميه وهو اللي دمر حياتك واتسبب في ضربك وحبسك الجواز مش شفقة ولا ذنب انجي بنفسك وابدأي حياة جديدة مع حد يصونك ويعاملك برحمة عشان لو اتجوزتيه حياتك هتتحول لجحيم وما تظلميش نفسك مع واحد شايف الست مجرد شهوة وطاعة. ربنا يحفظك ويسعدك
تم النشر الأربعاء، ٢٦ أغسطس ٢٠٢٦
متيأسيش ، شوفي أنا مش بقولك كدا كتأنيب ضمير ولا ألومك ، لا انا كنت بتكلم بشكل عام ، فكرة إنك تحطي الزواج طوق النجاه الوحيد ليكي دا مش صح لإنك منكم تخرجي من بيت متعب ومعاناة إلي حياة أصعب وتكوني عاوزة تتطلقي وترجعي في الآخر لبيتك القديم يعني تعب في الناحيتين ! ، ف غلط جدا إنك تحطي الجواز دا طوق النجاه الوحيد ، لإن الجواز دا اختيار شريك حياة يبني علي القبول و الأمان النفسي والإحترام المتبادل عشان يكون في رحمة ومودة زي ما ربنا قال ، انتي دلوقتي محتاجة تركزي علي التعافي وتطوير نفسك وتغير حياتك دي ...سدقيني يفوتك قطر الجواز ولا يدعسك يا بنتي .
تم النشر الأربعاء، ٢٦ أغسطس ٢٠٢٦
@Nnnn Nooi اللي كنت بكلمه الناس عرفت انه اتضرب وفونه اتخاد مصدق خد التعويض المادي ب المحكمه واتبخر محبنيش اصلا.. معرفتش اعمل صحبه ليا واحده تسأل عني ف كل ده اتقطعت اخباري فتره طويله وب المناسبه انا لسه لحد دلوقتي بابا رافض يجبلي فون ده بتاع اخويا حبيت احمل ابلكيشن واتكلم مع حد بعيد عن الاكونتات اللي بأسمه ع الآب المعروفه.. ان شاءلله اعمل بنصيحه فتره نقاهه
تم النشر الأربعاء، ٢٦ أغسطس ٢٠٢٦
@مجهولة . انتي شايفه ان قدامي حاجة تانية افكر فيهاا انا بحاول الم الموضوع ف الكتابه لكن ف الحقيقة الموضوع صعب والله ومش قدامي غير فكره الارتباط فعلاً.. لما كنت ف تالته اعدادي مرضوش يدخلوني ثانويه عامه ودخلت فني (دبلوم صناعه) والمفروض بعده اقعد اتعلم شغل البيت واستني نصيبي❤️🩹
تم النشر الأربعاء، ٢٦ أغسطس ٢٠٢٦
انا مش عندي صحاب دلوقتي( اصلا مكنتش شخص اجتماعي قبل كدا) ولاه اعرف أكمل تعليم ولاه اشتغل لما بلاقي الدنيا مقفله كدا بحس اني هرضي وانسي مع الوقت وللي مخدش باله بوضح اننا ف نفس البيت ف كدا كدا هيبقا متدخل ف حياتي هو بيسافر من وقت للتاني بس بيرجع ف الاخر ل بيته لما بشوفه بحس اني هبقي آنانيه اوي لو قفلت السكه دي معاه يعني هو الصغير وهيحاول وهيسعي ويتعلم من اللي فات وبردو انا عشان عارفه كل حاجة عنو عمرو مايعمل اكتر من اللي حصل.. عشان عارفة عيوبه وظاهره ليا بقول احسن من غريب هيتجمل ولاسه هكتشفه مع الوقت
تم النشر الأربعاء، ٢٦ أغسطس ٢٠٢٦
بصي خلينا متفقين ان الموضوع غلط من البداية وياريت تكوني تعلمتي مش اي بنت تقولي عليها صديقه تمام دي نقطه النقطة تانيه جواز القرايب مش يقتنع بيه يعني حتي لو ابن عمك مش قام بدور البطل وحكي لاهلك بردو لا مش كله بنجح ابن عمك لو عاقل وبعتبرك اخته هنصحك باللي يرضي ربنا وكمان هبعد الشاب منك مش هعمل الشوشرة دي مش حب دا عشان تكوني فاهمه هو كل القصه حاطك بباله وعمل الموقف دا عشان يكبر ف نظر اهلك نصيحه قلبك اقفليه بقفل كدا تمام ولا هو ولا اللي كنتي بتحبيه قلبك تقفليه تفتحي لما يجي للشخص المناسب اللي ياخد ب ايدك للجنه غير كدا لا اهلك كلموكي انا منتظرة للشخص كويس ابن عمك اصل بحبك حب مع نفسك انا مش بفكر ف جواز وخدي سنه مثلا فترة نقاه تجددي مشاعرك مع ربنا وتوبي لله
تم النشر الأربعاء، ٢٦ أغسطس ٢٠٢٦
يفوتك قطر الجواز ولا يدوسك 🦧 ، انا حاسة اني بقرأ مصارعة وعلي اي ! عشان واحد نسونجي حبتيه ، الغلط في البداية من صاحبتك ، وأنا بنصحك اختاري صحبة صالحة أحسن متضيعي مع الصحبة السيئة ، الحياة مش كلها جواز يعني ، مش عارفة لي التفكير دا الراسخ في العقل إن الحياة تعليم وجواز ثم موت ! ، انتي دلوقتي عاوزة ترجعي للشخص دا ؟ ولا لإبن عمك اللي قال بيحبك ؟!
تم النشر الأربعاء، ٢٦ أغسطس ٢٠٢٦
لعرض السؤال في فدني اضغط هنا