السلام عليكم ورحمة الله وبركاته..
حطيت أكبر مشاكل حياتي هنا أرجوكم تقرأوا باهتمام ورأيكم يهمني.
**أعاني من ضعف شخصيه مزمن في أبسط المواقف مع أشخاص سبق لهم وأن سببوا نُدبه نفسيه لي ف الماضي وأنا أبدًا لا أنسى الماضي وإن تركته ف أبدًا لا أترك مساوئه وبعضهم قد عَلُق ب ذهني ل حِيننا هذا ومواقفهم اللي أثبتت كم الحقد والكره والغل اللي ف قلوبهم وأنا صِدقًا لا أُبالِغ ف حديثي أبدًا أيوا هى دي (عيلتي) وليست أسرتي.
وأنا عايشه ف بيت عيلة بالنسبة لجزء منهم ف هو عايش برة البيت وبتجنب التعامل معاه قطعًا للأسف قطعت صِلة الرحم ولكن أبدًا مقدرتش اتحمل السلام بتاع ربنا منهم أو ليهم هما يبانوا عاديين اوي انما هما تعابيين ومنافقين ومُصِرين يتعاملوا مع بعض وهما بينهم مشاكل وكلهم بيكرهوا بعض بس بيلوِّنوا على بعض وإحداهم عايش معايا ومؤخرًا قمت بقطع علاقتي بيه هو الآخر لأنه لا يختلف عنهم ف شئ بس كانت العلاقه وطيده شويه ع اللي برا انما كان مسيري كدا كدا هعمل كدا معاه هو كمان اللي ف دماغي اي دلوقتي اني وللأسف عملت كبيرة وهى قطع صلة الرحم وإن كانت كبيرة صُغرى فلو ليها كفّارة قولولي لإني م ف نيّتي اني أكلمهم ولما قطعت علاقتي بيهم كان بعد فترة م المشاكل ووضوح شديد ل سؤء النيه اللي عارفينها من زمان ولكن حاجه كدا زي قررت أواجه..
ثانيًا أحيانًا بضعف ولما ييجي ف وشي حد منهم ممكن ارتبك واتوتر وده بسبب ضعف شخصيتي اللي كانوا جزء من المُسبِب ل كدا ل ذكرياتهم ف طفولتي الغير مُرضيه اللي عالقه معايا حتى الآن
ازاى أقوى عليهم وقصادهم ع مبانش ضعيفه لانهم كدا كدا عارفين اني طيبه وانا لااازم اغير م ده قصادهم انا محتاجه اعرف ازاي ابقي وحشه مع الوحشيين!. وثانيًا ازاي اعالج ضعف شخصيتي المزمن ده سواء معاهم او مع ناس تانيه الموضوع اصبح مُعَمَم؟.
** ونظرًا لكم المشاكل الغير ظاهرة معانا ولكنها مزمنه كل واحد قرر يواجه بطريقته م أسرتي ولكن همِّي ومشكلتي مع (أختي) الأصغر منِّي ب 5 سنين اللي قررت تواجه بالبرود الشديييد اللي عمِّمِته ع الكل وخصوصا انها ف سن مراهقه قد 16 سنه كدا ولكن هى شديده ف طباعها عني وللأسف اختلاف الشخصيات م مساعدني اهوّن عليها او اقرب منها لأنها كتومه زيي كلنا ع درايه بالمشاكل اللي احنا فيها دي بس كله بيواجه بطريقه غير التاني فعلا وده اللي يمكن مخلينا احنا ك بيت وأسرة م متقبلين بعض وتصرفات بعض!
اعمل اي معاها دي بقا اختصر واسيبها انا بخاف تغلط وهى ف سن زى ده غلط ف التفكير يعني او تاخد قرار م سليم تفكر ناحيتنا وتاخد انطباع م لطيف مع اننا م ف فترة حُكم ع بعض دلوقتي خااالص.
** ( العيلةةة ) أُس المصايب اللي خربت البيت وشتتت امرنا مع اننا لسه صغيرين وف عمر شباب اكبرنا لسه بيبتدي حياته ف الشغل أعمار عشرينيات وأصغر شالت stress عنيف من قد أكتر م 7 سنين. العيلة اللي ابدًا م عاوزة اتعامل معاها تاني م هقول فيهم حاجه كفايه كلامي فوق تستنتجوا منوا الناس دي عاملة ازاي يكفيني اسمع رأيكوا فيهم احتاجت اخرج اكبر مشاكلي واوجهها علنًا لأني مخزناها بطريقه أذتني نفسيًا وم مخلياني سويّة وسط الناس اللي تستاهل اني اتعامل معاها بطريقه وأسلوب أحسن من كدا.
بصي حبيبتي أو حاجة لموضوع ضعف شخصية محتاجة انك تبقي علي طبيعتك الحقيقية وده ممكن يحصل من خلال مجموعة عادات اختاري منهم كام عادة وخليهم في يومك زي التدوين كل يوم الرسم اللي بيعبر عن مشاعرك المشي في الطبيعة الاعمال اليدويه تقبل افكارك ومشاعرك وتعبير عنها بطريقة مناسبة ليكي تكوين علاقات ناجحة ومساندة ليكي ممارسة الرياضة انتي محتاجة أن يبقي ليكي حدود مش انك تبقي وحشة أما موضوع اختك حاولي انك تديها فرصة تحكيلك اللي جواها بجد ولو حاولتي ومعرفتيش في شخصيات بتتعافي وهي لوحدها
تم النشر السبت، ١٣ أبريل ٢٠٢٤
لعرض السؤال في فدني اضغط هنا