بالنسبه للسؤال الثالث رحم الله امرئ عرف قدر نفسه. فاحنا كل واحد فينا عارف قدره عارف امكانياته ومهاراته. الكمال لله وحده حلو ان انا اسعى ان انا اظبط حياتي واسعد الكمال لكن انا لازم في رحله سعي ابقى عارف ان مفيش حد هيوصل لكمال اللي هو ايه ال 100% كمان ثاني الكمال لله وحده الحياه فيها مطبات فيها كويس وفيها وحش الحياه عباره عن فوق وتحت سعي للكمال طبيعي هيخلينا نخفق وهيخلينا نفشل وما نقدرش نكمل وحنصيب بالاحباط والشيطان هياثر علينا ويسيطر علينا ويخلينا يقنعنا ان احنا نمشي في طريق اللي هو المفروض يبقى طريق الكمال لكن في الاخر ده طريق كله خساره هنلاقي فيه خسرنا نفسنا قبل ما نكون خسرنا حياتنا. ثاني رحم الله امرئ عارف القدر نفسه اسعى ودور واجتهد واشتغل على نفسك وشوف ايه اللي يناسبك وايه اللي ينفعك ما ينفعش تمشي في كل الطرق ما ينفعش تجري في كل الاتجاهات لانك في الاخر هتقع وهتلاقي نفسك مش قادر تمشي في اي مكان وحتلاقي نفسك وقفت خلاص مكانك وحياتك بتضيع منك رتب اولوياتك شوف تبتدي بايه انت محتاج ايه؟
شكرا للإجابة كلمات حضرتك تنطبق عليها (فذكر فإن الذكرى تنفع المؤمنين) لان تقريبا كلنا عارفين الحقايق دى و لكن لما بننساها و حد بيواجهنا بيها بنحس اننا اتخبطنا خبطة جامدة و الجمل اللى كنا بنكررها و بنحس اننا نملك الحكمة بمعرفتها بنحس و كأننا اول مرة نفهمها و نعيها يعنى مثلا زى لما قلتى ان الاهل دول بشر يعنى ممكن يخطئوا و دا بيكون غصب عنهم دى حاجة بديهية جدا و كله عارفها و لكنها حقيقة منسية لان كل واحد بيحب يشوف اهله ملايكة مبيخطئوش و النظرة دى هى اللى للأسف بتفسد العلاقة بين الابناء و الاهل فشكرا جدا على إجابة حضرتك يجد كانت مفيدة
تم النشر الأحد، ٢٧ أبريل ٢٠٢٥
لعرض الإجابة في فدني اضغط هنا