🎤 إجابة صوتية
اسفة على التأخير و شكرا لإجابة حضرتك وطريقتك فى توضيح الفكرة و وجهة نظرك و بإذن الله هاخد بالنصيجة و لك الأجر بإذن الله
تم النشر الخميس، ١ مايو ٢٠٢٥
تم النشر الاثنين، ٢٨ أبريل ٢٠٢٥
ما شاء الله تبارك الرحمن على هذه الاجوبة الممتازة، بصراحة اعدت كل تسجيل اكتر من مرة و كل جواب بل كل كلمة علّقت معايا و خاصة التسجيل الاخير، لان زى ما حضرتك قلت انت ممكن تكون عارف المعلومة و لكن اذا شخص تانى ابدى رأيه فيها انت ممكن تتغير وجهة نظرك للمعلومة دى و الجملة دى لوحدها او المعنى دا كافى جدا للأجابة على باقى الاسئلة لان شعورك بمقدار حب اهلك اتجاهك او اتجاه باقى الاخوة ممكن يكون ناتج من تراكم كلمات انت بتسمعها منهم، و حتى فكرة انهم يكونوا مرجع سلبى دا ممكن يكون بسبب كلامهم اللى ممكن احنا اللى نكون بنترجمه غلط لان افعال الاهل اتجاه الابناء غالبا هى اللى بتظهر حبهم، و حتى السعى وراء الكمال ممكن فى لحظة من شخص انت بتحبه بكلمة منه تحس انك افضل انسان و ممكن لانك مبتحصلش على التقدير المناسب من اللى حواليك فأنت تحس انك دايما مقصر و عايز توصل للكمال لمجرد انك تاخد التقدير دا، و حتى المقارنات فهى كلمات بيكون غرضها تحفزك علشان تكون افضل و لكن زى ما قلت اذا زادت عن حدها ممكن تحبطك، و حتى لما بيكون الانسان عارف الصح و مبيعملوش بس ممكن لو انسان تانى نصحه بيه يعمله، اراء اللى حوالينا و كلماتهم و ردود فعلهم ليها تأثير كبير جدا على مودنا و افكارنا و افعالنا، يعنى مثلا حضرتك قريت اسئلتى و جاوبت عليها و المفروض ان حضرتك منتظر منى رد او تعليق فلو مردتش فأتوقع ان حضرتك هتحس ان دى حاجة مستفزة لان بعد ما حضرتك جاوبت على كل سؤال تفصيلا انا مقدرتش تعبك و مجهودك و لكن لو رديت و شكرت حضرتك هى بس مجرد كلمة شكر فهتحس بشعور بانجاز او بسعادة نوعا ما، صح كلامى و لا انا بتوقع على مزاجى؟ و بصراحة دا ولد عندى سؤال تانى او خامس بقى و هو ازاى اقدر احِد من التأثير دا اكيد مش هعرف امحيه نهائيا و لكن على اقل اقلله بحيث انى اكون انا المؤثر الاكبر فى حياتى و سواء كانت الكلمات ايجابية او سلبية اقدر اتعامل مع الموضوع بمرونة و لما اعمل حاجة ينفع اطلق عليه اسم انجاز و ملقيش دعم خارجى او ردود الافعال تكون سلبية ازاى اكمل فى مسيري بالرغم ان الاراء السلبية دى و خاصة لو كانت من ناس قريبة منى ممكن تهدنى حتى لو مش بظهر دا بس اكيد تكرارهم للكلام هيولد عندى افكار تصدق الكلام دا غصب عنى و الافكار دى بعدين هى اللى هتتحكم فى افعالى، و اسفة جدا جدا جدا على الإطالة و الازعاج عارفة انى اتكلمت كتير و لكن كل اللى عند حضرتك قوله انا حابة جدا اسمع و شكرا على الردود السابقة
تم النشر الأحد، ٢٧ أبريل ٢٠٢٥
لعرض الإجابة في فدني اضغط هنا