ساعات ببقى عاوز اجرب موضوع اني ارتبط وارجع اقول لا
لان مش عاوز ارتبط بواحده كده وخلاص عاوز واحده بنفس الشخصيه اللي انا عاوزها انا عندي 20 سنه بس ساعات اقول لا متشغلش نفسك بالموضوع ده بس ارجع افكر فيه اقول متجرب تلاقي ونيس وحبيب ليك بدل ما انت لو حدك ومحدش فاهمك
السلام عليكم، المقصود بالحب والارتباط هنا إيه عشان هيفرق في الإجابة. ** تقصد عاوز تتقدم لواحدة وترتبط بها رسميًا وتحبوا بعض؟ ولا تقصد ارتباط غير رسمي وصحوبية زي ما منتشر دلوقتي بين البنات والشباب؟ ** لو قصدك الأول فأنت لو ظروفك تسمح لك فاطلب من أهلك يشوفوا لك بنت بالمواصفات اللي بتدور عليها واتقدم وشوف مناسبين لبعض كزوجين ولا لأ لكن طبعا لازم تاخد في بالك ضوابط الخطوبة وميكونش كل همك الحب ومشاعر الارتباط نفسها لأن ممكن ميحصلش نصيب ومتكملوش... خلي الحب يكبر بعد الزواج وفي الحلال أفضل. ** أما بقى لو قصدك ارتباط غير رسمي وصحوبية فأنصحك بلاش، أنت ربنا معافيك من الوقوع في الذنب ده فبلاش تطاوع الشيطان وتروح للحرام برجليك. طبيعي في سنك تحس بالرغبة في الارتباط والإحساس بمشاعر الحب، ده عادي ومفهوم، لكن مش كل حاجة نحس برغبة فيها نروح لها من غير ما نفكر في الحلال والحرام ونتائج أفعالنا ورغباتنا. ** ركز على حياتك ونفسك وتطوير تفكيرك وفهمك ووقت الاختيار إن شاء الله هتعرف تختار البنت الصح عشان تكون شريكة حياتك. بالتوفيق.
تم النشر الثلاثاء، ٥ أغسطس ٢٠٢٥
خليك كدا أحسن لانك كدا هتخش في علاقه محرمه وحكايه الونس دي شوف هوايه واي حاجه اعملها وجيب مفكره صغيره اكتب مشاعرك فيها وحافظ عليها وابقي اديها للانسانه اللي هتكون مراتك لكن غير كدا هتستهلك مشاعرك اصلا وبعدين 20سنه لسه بدري اوي يعني على الحب وكدا 🙂
تم النشر الثلاثاء، ٥ أغسطس ٢٠٢٥
لعرض السؤال في فدني اضغط هنا