أنا عندي 17سنه وبحب بنت عمي جداً من قلبي وهي أصغر بسنه نفسي نتجوز لما نكبر بس أنا معرفش هي بتحبني ولا لا لأن احنا بعيد عن بعض هل دا حب ولا إعجاب
اعتقد انت لسه صغير عشان تاخد قرار ناضج من ناحيه الزواج ، لسه العمر هيجري بيك وهتدخل كليه وهتشوف كتير واطلاعك وتفكيرك عن كل حاجه حرفيا هيتغير ، فلا تستعجل .. الشباب ف سنك كدا ياما دعوا ربنا بأنهم يتزوجوا فلانه أو العكس فلما كبروا ولفوا وشافوا حمدوا ربنا أنه مستجبش ليهم الدعاء دا .. ، ادعي ربنا دائما بالدعوه عامه ولا تقييد علي نفسك بدعاء معين لانه ممكن يكون فيه هلاكك وانت مش واخد بالك ، ادعي وقول يارب إن كان خيرا فيسره لي وان كان شرا فبعده عني وفيه ادعيه كتير جامعه ممكن تقرأ عنها افضلك من التقييد بحاجه انت مش مدرك إذا كان مفيد ليك فعلا ولا لا ، لأننا مش شايفين اللا اللحظه اللي احنا فيها بس احنا محتاجين نكبر الصوره شويه ونشوف إذا كان فعلا مفيد ولا لا
تم النشر الجمعة، ٦ مارس ٢٠٢٦
يا حبيبي، أول حاجة أقولك إن مشاعرك دي طبيعية جداً في سنك ده (17 سنة)، وبتدل على قلب طيب وصادق. خليني أوضحلك الفرق بين الحب و الإعجاب بطريقة بسيطة: الإعجاب : زي الإعجاب بنجم أو حد حلو، سطحي شوية، بيجي سريع وبيروح سريع، مركز على الشكل أو صفة واحدة. الحب الحقيقي : أعمق، بيستمر مع الوقت، بتحس إنك عايز سعادتها وسلامتها قبل نفسك، وبتفكر في مستقبل معاها بشكل واقعي (زي اللي بتقوله عن الجواز لما تكبروا). إحساسك إنك "بحبها من قلبك" وبتفكر في الجواز ده أقرب للحب الناشئ ، خاصة إنها بنت عمك وعلاقتكم عائلية. بس اللي بعيد عن بعض بيخلي الأمور مش واضحة، فممكن يكون إعجاب قوي دلوقتي ويتحول لحب مع الوقت. نصائح عملية مني كمدربة حياة: ركز على نفسك دلوقتي : طور نفسك في الدراسة، الرياضة، والدين. ده هيخليك راجل أقوى وأجذب، ولو هي تستاهلك هتحس بكده. التواصل الشرعي : متعتمدش على الدردشة الخاصة (حرام قبل الجواز). استخير ربنا : صلي ركعتين استخارة، واسأل الله يرشدك. لو خير هييسرها، ولو مش هيبعدك عنها برحمة. استشر أهلك : لما تكبر شوية (بعد الـ18 مثلاً)، قول لأهلك عن الموضوع. بنت عمك حلال، والجواز العائلي كويس في الإسلام. لو عايز آراء أكتر، ابحث في فدني عن "حب أم إعجاب" أو روح على صفحة الخبراء https://www.fedni.net/experts، فيه متخصصين في الإرشاد الأسري والنفسي هيساعدوك أحسن. 💕
تم النشر الجمعة، ٦ مارس ٢٠٢٦
ممكن يكون (تعود ) انت اللي تحدد انت حاسس ب ايه وبعدين انتوا لسه صغيرين وبالذات انت ركز في دراستك واتخرج واشتغل وابني نفسك وبعدين روح اتقدملها
تم النشر الجمعة، ٦ مارس ٢٠٢٦
مفيش حد يعرف ده حب ولا اعجاب غيرك ،لان مفيش تفاصيل 😊
تم النشر الجمعة، ٦ مارس ٢٠٢٦
لعرض السؤال في فدني اضغط هنا