انا عندى 18 سنه لسه طالبه انا غالباً توقعاتي بتطلع صح او احساسى دايما لو قوي بيطلع صح . انا بنت مبفكرش فى الحب وبخاف منه ولو عرفت أن حد بيحبنى ببعد عنه لاني بخاف من فكرة التعلق بحد و كمان فكرة الحب واني اكلم واحد دي حرام طبعاً بس مش ده موضوعنا
انا دلوقتي حاسه احساس قوي أن شخص معين هيكون من نصيبى الاحساس ده بقاله 3 سنين و لسه متشالش من جوايا مع اني مش بحب الشخص ده ولا بحب حد لكن هما يعنى قرايبنا و أمه بتلمح دايماً وابوه أنهم عايزينى ليه وكده
وانا امى برضو بتحبه جداً في اليومين دول لما شفت منه كذا تصرف حسيت اني بقيت قبلاه مش زي الاول كنت مش بقبلو لحد ما لقيتني مره واحده بدعى فى صلاتي أنه لو خير ليا ربنا يجعله من نصيبى ولو شر ليا ربنا يبعدو عنى بس انا بمجرد ما بدعى ويقول كده ببقا مرتاحه و مطمئنه كده
وكذا مره احلم اني فى بيتهم و معاه هو شخصياً و بنضحك و فرحانين و كذا مره احلم اني فى بيتهم وأقوم على صلاه الفجر هو انا كده بحبه ولا مجرد اعجاب بشخصيته ولا ده سن مراهقه مني ولا ده ايه بالظبط لاني مش فاهمه بجد بس انا مش متعلقه بيه هو لسه متقدمش رسمى بس هما بيلمحوا لـ امى و كده عايزه افهم اللى انا فيه ده ايه؟؟؟؟
السلام عليكم ورحمه الله وبركاته اولا يعني احب اشكرك على قد انت جميله واخلاقك عاليه ومحترمه وبتلتزمي بالحلال والحرام ثانيا وارد جدا انه يكون كل الناس احلامك متاثر بالاحداث اللي بتحصل لانه مامته بتلمح ان بابا مش عارفه ايه انه هو الولد عمل كام موقف في ماما اتكلمت في المواقف دي وقالت شكله كده معجب بالبنت فعلا وشكله بيحبها فالحاجات دي كلها بتفضل في العقل شغاله وبتثبت جوه فده اللي خلاكي بدات تبقى افكارك بتوجه مشاعرك انك تتقبل البني ادم وتميلي ليه ليه لان الافكار شغاله جوه بقى والافكار طول ما هي شغاله مخها ما بيتوقفش لما بنام عقلنا الباطن بيكمل بيكمل بقى ايه فتطلع لك نفس افكارك فين في الاحلام اللي انت بتحلميها ااا ده مش هينفي خالص انه وارد يعني يكون لك ااا رؤى بتجيلك يعني تقرب لك الموضوع وتديكي اشارات عن حاجه خير باذن الله مكتوبه لك في كل الاحوال بما انك شاطره وعارفه انه التعلق حاجه مؤذيه فالتعلق عموما حاجه مؤذيه مش بس تعلق باشخاص او بحد ان انا احبه فانا بلاش اتعلق بفكره ولو الفكره دي ما حصلتش بالشكل اللي انا عماله بتخيله. هزعل جدا والتعلق ده هيبان اثر بقى اا هيبقى الموضوع بالنسبه لي صعب بزياده لانه انا تعلقت بالفكره فبلاش نتعلق بالفكره ونبقى زي ما انت جميله كده وبتدعي وبتقولي يا رب لو فيه خير قدروا ليا ولا ما فيهوش خير همم انا راضيه فخلينا ملتزمين بالشقين بتوع الدعاء مش بشقه واحد بس انه فعلا والله اه انا شايفه ان هو انسان كويس ولو هو في خير هتبقى حاجه كويسه ولو مفيش خير هو مش مش من نصيبي فانا مش هزعل لاني هبقى عارفه ان ربنا قدر لي الخير بانه يبعد عني حاجه ما فيهاش خير ليا. اتمنى ان انا اكون افدتك بالاجابه وربنا يوفق لك كل الخير.
تم النشر الجمعة، ٤ يوليو ٢٠٢٥
مرحبًا بك يا عزيزتي، وأنا سعيدة أنك شاركتيني مشاعرك وأفكارك بهذا الوضوح. دعيني أساعدك في تفكيك ما تمرين به خطوة خطوة. أولًا: الفرق بين الإعجاب والحب الإعجاب عادةً يكون شعور مريح تجاه شخص ما تحبين شخصيته أو طريقة تعامله أو صفاته، دون أن يدخل في عمق المشاعر أو الالتزام. الحب أعمق وأشمل، يشمل الرغبة في التعلق والاعتراف العاطفي، وقد يكون مصحوبًا بخوف وحماية ورغبة في بناء علاقة فعلية طويلة الأمد. ثانيًا: عن مشاعرك تجاه هذا الشخص من وصفك، يبدو أنك تشعرين بإعجاب واحترام قوي تجاه شخصيته وربما ببعض التعلق الهادئ لكنه ليس حبًا عاطفيًا بالمعنى التقليدي، خاصة أنك لم تحبيه ولم يبدأ بينكم تواصل رسمي. الحب الحقيقي غالبًا ما يكون مصحوب بمشاعر أقوى وأحيانًا تشتت أو توتر، بينما ما تشعرين به هو إحساس بالراحة والاطمئنان لما ترينه منه ومن عائلته. ثالثًا: الرهبة من الحب والتعلق هذا طبيعي جدًا، خاصة مع قيمك ومعتقداتك، وفكرة التعلق والخوف من التزام الحب قد تجعلك تبتعدين نفسيًا أو تحاولين عدم إعطاء الفرصة لمشاعر جديدة. وهذا جيد طالما أنك تشعرين بالراحة والسلام مع نفسك. رابعًا: الدعاء والراحة النفسية من الجميل أنك تلجئين للدعاء وتثقين بأن الله سيختار لك الخير، وهذا يعكس نضجًا وروحانية في تعاملك مع مشاعرك. إذا شعرت بالراحة والطمأنينة بعد الدعاء، فهذا مؤشر جيد على استسلامك لحكمة الله في أمورك. خامسًا: ماذا تفعلين الآن؟ لا تضغطي على نفسك لتصنيفات مثل "حب" أو "إعجاب"، دعي الأمور تتطور برفق ولا تستعجلي الحكم على مشاعرك. حاولي أن تعيشي اللحظة وتراقبي مشاعرك بتوازن، ولا تسمحي للخوف أن يسيطر عليك أو يمنعك من التطور الطبيعي للعلاقات. تحدثي مع والدتك بلطف عن مخاوفك وأفكارك، فهي صديقة وداعمة لك. اتركي الباب مفتوحًا لتطوير تعاملات إن شاء الله في إطار شرعي ومريح. وفي النهاية، أنت في بداية رحلة عمر جميلة، مشاعرك طبيعية جدًا، والوقت سيبين لك الطريق. وإذا شعرتِ أن المشاعر تتعقد أو تحتاجين دعم نفسي أو توجيه أكثر عمقًا، لا تترددي في زيارة صفحة الخبراء على فدني حيث ستجدين متخصصات جاهزات لمساعدتك. وأحب أقول لكِ، لا تخافي من الحب لما فيه من خير وحنان، وكل شيء بيد الله وفي وقته الجميل. وأنا هنا دائمًا لدعمك إن احتجتِ. هل تحبين أن نناقش معًا طرق عملية لبناء الثقة بالنفس أو كيفية فهم مشاعرك بشكل أعمق؟
تم النشر الجمعة، ٤ يوليو ٢٠٢٥
مافيش حاجه اسمها اصل انا احساسي صح ممكن يكون فعلاً عندك احساس قوي زي الحاسه السادسه بس مفكرتيش ان ده ممكن يكون الشيطان بيزينلك الموضوع مش اكتر، قربي من ربنا اكتر وادعيله ينسيكي الشخص ده نهائي ولو منسيتيهوش حاربي نفسك الاماره بالسوء والشيطان برضو
تم النشر الجمعة، ٤ يوليو ٢٠٢٥
بصي انا فاهم قصدك.بصي اقولك على معلومه اللي بيحب حد مبيشوفش منه اي حاجه وحشه حتي لو كلو وحش مثلا فانتي لو بتحبي فعلا مش هتشوفي منه حاجه وحشه حتي لو اللي حواليكي شايفين أنه وحش انتي الوحيدة اللي شايفاه مناسب لانك انتي شايفاه بالعاطفه ،ورينا يقدملك اللي في الخير ويرزقك بابن الحلال
تم النشر السبت، ٥ يوليو ٢٠٢٥
مانا اللى خلاني اتقبلو إني شوفت كذا موقف منو يبين انو هو ده الشخص المناسب ليا انا معاك جداً وفاهم كلامك جداً وانا هنسى الموضوع ده واللى فيه الخير ربنا يقدمه و شكراً ليك🤍
تم النشر السبت، ٥ يوليو ٢٠٢٥
بصي يا اختي انتي طبعا مش بتفكري في ولكن لما الأشخاص اللي حواليكي بيلمحو حتي لو مش بتفكري في ،مع التلميحات دي العقل بيبدا يشتغل ويوسعلك الفكره وطول مانتي بتفكري في اكيد هتحلمي بي والشيطان اكيد مش هيسيبك مبيصدق باب زي كده يتفتح هو يدخلك الفكره والعقل بيكبرها ،المهم حولي تنسي الموضوع لغاية ما يجي ويتقدم وبدل مانتي بتفكري في حولي تحطي اساسيات لشريك حياتك حولي تحللي شخصيته متفتكريش في الحب وفكري بعقلك بمعني انتي عايزه شيرك حياتك مواصفاته مثلا صادق وشهم و و و ،،،،وهل هو في المواصفات دي ؟طب هل هو لو كذاب أو من نوع اللي بيخاف أو بخيل هل هتتقبلي المواصفات دي وحولي تتعمقي في تحليله👌
تم النشر الجمعة، ٤ يوليو ٢٠٢٥
لعرض السؤال في فدني اضغط هنا