انا بحب واحد وهو يبقا قريبنا يعني ابن خال امي وكدا وهو شيخ وامام وخطيب بحفظ معاه قرآن وكدا ف اتعلقت بيه اوي وحبيته جدا جدا وصارحت ماما وقولتلها ان انا بحبه وكدا مع العلم ان هو اكبر مني ب 10 سنوات وانا بحبه اوي بدأنا نتكلم واحده واحده بس هو ساعات كانت معاملته بتبقا حلوه وساعات لا مش بيحب الكلام الحلو ولا بيحب إعادة الكلام اكتر من مره عصبي جدا جدا ودايما كان بيتعصب عليا ولما اجي اسأله ع حاجه يقول متدخليش ف حاجه متخصكيش وكان بيزعل مني ومكنش بيتكلم معايا خالص لولا انا اللي بصالحه علشان يكلمني حصلت مشاكل كتير ومعاملته مش كويسه معايا وكان ع طول لما بيزعل بيعمل بلوك عمل بلوك كتير كتير وانا اللي كنت بطلب منه يفكه ولما مكنش بيوافق كانت ماما بتقوله ويفكه علشان ماما مع العلم ان هو بيحب ماما جدا وبقا قريب من بابا الفتره دي اوي مش بيرفضله طلب خالص خالص وماما نفس الكلام ف جيت من اسبوعين كدا قولتله نوقف كلام مع بعض ولو ف حاجه تحصل ف الحلال علشان عاوزه احافظ عليك وع نفسي وعلشان نرضي ربنا وربنا يكتبلنا اللي ف الخير انا عملت كدا والله العظيم علشانه وعلشان ربنا عاوزه ربنا يجمعني بيه ف الحلال لان اي علاقه بدايتها لا ترضي الله نهايتها لا ترضينا ف من بعدها وهو بقا بيبعد عني خالص خالص بس هو انا لما بقوله عاوزه اقولك ع حاجه يقول ويكلمني عادي واخر مره قال الموضوع خلصان ف انا مش عارفه اللي انا عملته دا صح ولا لا وهو بيبعد علشان مش عاوزني ولا بيبعد لغاية اما نشوف هيحصل اي ف الحلال مع العلم ان انا ف ثانوي فني ف مش عارفه هل هو مش عاوزني مثلا علشان انا ف فني وهو ف مستوي عالي ولا هو بيفكر ازاي مش فاهمه ؟؟؟؟
حتى ولو كان "شيخ" او داعية، الكلام هاد والارتباط وحكاية "بلوك" وقصص كلها حرام.. وبالاساس اصلا بما انك بالغة فالمفروض كان تحفظي قرآن مع وحدة مش واحد. بالنسبة اذا بعّد عشان الحلال ولا عشان مستوى تعليمك، اكيد مش عشان مستوى تعليمك، الشباب ما اظن بفكرو هيك. بس كمان ما بعرف اذا عشان في عندو نيّة يتقدملك بالحلال. بكل الأحوال الي عملتيه صح، ابعدي عنو بشكل نهائي.
تم النشر الأربعاء، ٩ يوليو ٢٠٢٥
السلام عليكم ورحمه الله وبركاته واضح جدا انه فرق السنه اللي ما بينكم اتضح لما هو اتعامل معاكي بشكل مقرب او بصفه شخصيه اكثر وأدرك انه انت نضجك العقلي ونضجك في شخصيتك وفي نفسيتك ابعد منه بكثير ده شيء طبيعي جدا يعني الفرق ما بينك وما بينه 10 سنين فطبيعي يبقى فيه فرق في النضج فواضح جدا انه هو قيم الموضوع وقيم العلاقه ما بينكم انها تكون غير مناسبه ومش هتكون مناسبه للزواج وزي ما بتقولي كده ان هو خلاص قال لك الموضوع منتهى لو انت بقى يعني شايفه انه الشخص ده شخص انت عايزه تغيري من نفسك عشانه والكلام ده اولا انا ما انصحكيش تتغيري عشان حد ده اولا عايزه تغيري ولو شفتي انه الموضوع ده مثلا خلاكي كده تشوفي في نفسك نقط محتاجه انك تحسنيها فتمام اوكي ابدئي حسني عشان نفسك مش عشان حد وده اللي هيخلي اي حد يشوف قد ايه انت مميزه ويبقى هو اللي عايزك اكثر ما انت عايزاه.
تم النشر الأربعاء، ٩ يوليو ٢٠٢٥
بصي مبدئيا هو مش اول ولا أخر حد في الكون، مسيرك هتقابلي حد احسن منه ويحبك ويصونك، ولو مكنش ليكي نصيب معاه لاااازم تفهمي ان دا خير من ربنا، وخلي عندك ثقة بالله، احنا اه ممكن يكون عندنا مشاعر لكن دا مش معناه انه ميبقاش عندنا كرامة ولا عقل حاولي تفكري براحة وهدوء وبعقلك مش بعاطفتك الموضوع صعب عارفه لكن انتي قدها مثلا مثلا يعني مش يمكن سبب الكلام بينكوا من وجة نظره حبه لاهلك وانه بيحفظك قرآن، ولو هو مبيشاركش معاكي مثلا تفاصيل يومه او خيانه او مشاكله فكدا قلبه مش مفتوحلك كل دا علي سبيل المثال، حاولي تعززي نفسك ومتبقيش انتي بس الي عايزه تضحي وعايزه تعملي وتعملي، شووفي الي قدامك. ممكن يعمل اي عشانك، انتي جميلة اوي وتستاهلي كل خير وعشان انتي جميلة فانتي تستحقي حاجة. شبهك، اصل لو هو مجاش علي نفسه مثلا عشانك ولو لمره واحدة يبقي المركب مش هتمشي، صلي وادعي وكلمي ربنا، حبي ربنا، ربنا وحده الي يستاهل الحب دا، ولما تقربي اكتر هو هيفرحك الفرحة الي تناسبك
تم النشر الجمعة، ١١ يوليو ٢٠٢٥
واخده عهد بيني وبين نفسي ان انا مش هاخد غيره
تم النشر الأربعاء، ٩ يوليو ٢٠٢٥
مش عاوزه غيره
تم النشر الأربعاء، ٩ يوليو ٢٠٢٥
ربنا هيعوضك بإذن الله
تم النشر الأربعاء، ٩ يوليو ٢٠٢٥
ابعدي عنه .. قد تكوني تعلقتي بواحد كبير عشان تعوضي فجوة بينك وبين والدك .. وممكن عشان شخصيته تشبه شخصية والدك .. ثانيا ازاي هو بيكلمك على الواتس عادي ! .. غبر تقلبات المزاج اللي عنده
تم النشر الأربعاء، ٩ يوليو ٢٠٢٥
لعرض السؤال في فدني اضغط هنا