السلام عليكم
انا كنت مرتبطه بواحد قعدت 3 سنين سبتوا بقالي سنتين بس هو رجع كلمني كأصحاب بس طلب مني نتقابل قلت له احنا صحاب بس قالي ممكن كل حاجه تتغير الصراحه انا رحت قابلته حضني وبصراحة انا زعقتلو المهم قعد يقولي وحشتيني وعاوز اشوفك روت وحضني تاني انا ادايقت فقعدت 4 ايام زعلانين من بعض كلامو اتغير معايا جدا دخلت كلمتوا كلامو قل جدا انا بقالي اسبوع ومبعتش حاجه هو انا عملت حاجه غلط كده وكمان لما حكتلو ان بابا و امي منفصلين مش بيكلمني ياريت تساعدوني وتقولولي اعمل ايه مش قادرة انساه انا بقالي 4 سنين اعرفو وهوا من نفس البلد انا تعبت والله
السلام عليكم، واضح جدًا إنه بيلعب بكِ وراجع يتسلى شوية، وتغيره في الكلام معك ده إما لأنه حس إنك مش هتسمحي له بتجاوز حدوده معك، يا إما لعبة منه عشان يندمك على رفضك لتصرفه ويخليكِ تتعلقي به أكتر وتفضلي زعلانة إنه اتغير ولما يرجع هتتنازلي وتعملي أي حاجة هو عاوزها عشان ميزعلش منك ويبعد تاني. فخدي بالك من نفسك واقطعي علاقتك بالشخص ده تمامًا وامنعي أي تواصل معاه حفاظًا على نفسك. مفيش حاجة اسمها صحوبية بين ولد وبنت، ومش أي حد يقول لك تعالي قابليني تروحي كده عادي. عززي نفسك بدل ما تخسري في الآخر وتتورطي لا قدر الله في كارثة. ربنا معك.
تم النشر الاثنين، ٢٨ أبريل ٢٠٢٥
وعليكم السلام، حبيبتي كلو الي عم بيصير غلط بغلط ما بصير هيك، اولا حرام تتكلمي مع شاب اجنبي، ثانيا حرام تطلعي معو، خليه منيح الي راح من حياتك ما ترجعي معو ابدا، ممكن يستغلك، يبتزك ويدمرلك حياتك، وممكن يعتدي عليكي ، العالم بتخوف والحدود الي امرنا الله نحافظ عليها ، بتحافظ علينا. الي عليكي تعمليه هو انك ما ترجعي تحكي معو او تشوفيه، وطبعا تقربي لربنا بالدعاء والصلاة، ادعي ربنا يعوضك شخص بالحلال انتبهي على نفسك احسن لتخسري حياتك.
تم النشر الاثنين، ٢٨ أبريل ٢٠٢٥
لا انتي اتصرفتي صح كده برافو أبعدي عنه خالص واقفلي الباب ولازم انتي تقتنعني الاول انك لازم تنسيه عشان تعملي كده ومهما بعت او اتكلم ماترديش تصرفه ده انه يحضنك مش مبرر لاي حاجه مايصحش كان يعمل كده وانتي اتصرفتي صح جدا
تم النشر الأربعاء، ٣٠ أبريل ٢٠٢٥
وعليكم السلام الشخص ده افتكرك وكان مستنى يلاقيكى بقى قاعده ملهوفه مستنيه هو يظهر وتبقى من اللهفه موافقه على كل حاجة يطلبها بحجة الحب والاشتياق طبعا انتى بعدك عنه هو الصح والغلط كان هيبقى انك تكملى كلام معاه اساسا
تم النشر الثلاثاء، ٢٩ أبريل ٢٠٢٥
وعليكم السلام ورحمة الله وبركاته ده واضح انه بيلعب بيكي ومش عاوزك ولما رجعلك تاني كان راجع يتسلى ولما انتي صديته معتش عاوزك وانتي انسيه مع ان انو انتي غلطانه انك روحتي قابلتيه بس بدل كده خلاص ركزي في مذاكرتك وصلاتك وعبدتك وربك وانسي كل ده
تم النشر الثلاثاء، ٢٩ أبريل ٢٠٢٥
اللي تعمليه أنك تنقذي نفسك من هذا الإنسان وتحافظي على شرفك حتى يطرق بابك ابن اللي الحلال اللي يحترمك ويقدرك
تم النشر الاثنين، ٢٨ أبريل ٢٠٢٥
ممكن حد يقولي اعمل ايه
تم النشر الاثنين، ٢٨ أبريل ٢٠٢٥
لعرض السؤال في فدني اضغط هنا