السلام عليكم
انا بنت اسمي مايا عندي 17 سنه
اتعرفت علي شاب من الانترنت في شهر 10 السنه الي فاتت و متكلمناش كتير كنت كل فتره بكلمه ممكن كل شهر و في مره كلمته في شهر واحد السنه دي و عملنا العاده السريه مع بعض للاسف و كانت علاقتنا عباره عن كده و عملناها 4 مرات و بعد كده طلبنا من بعض نوقف و نبدأ صفحه جديده بس كنا بنضعف و عملنا كذا مره و اخر مره زعلنا من بعض و قالي انه مش عاوز يخسرني بسبب العاده و لازم يبقي في حدود و نقف و منعملش الكلام ده
احنا ارتبطنا في شهر 2 عشان حبينا بعض بعيد عن الكلام ده و قررنا اخر مره اننا نتوب و نرجع لربنا و نقلل المكالمات و اي كلام فيه تلميحات و الحمد لله بقالنا شهر من اخر مره اتفقنا فيها و علاقتنا كويسه
بس انا احيانا بيجيلي افكار انه ممكن لما نتجوز يبقا شايفني بشكل مش كويس او يعايرني و انا عرفته انا بفكر في ايه و قلت له انا خايفه لما نتجوز تعايرني بأي حاجه عملناها قبل كده او ابقا قليله في نظرك قالي اوعي تفكري في حاجه زي كده عمري ما اعايرك ولا اي حاجه من الكلام ده و انا شايفك محترمه و لو شايفك وحشه مكنتش هكلمك و كنت هعملك بلوك
المهم انا بقيت احس بالذنب اني بكلمه من ورا اهلي و كده فقولتله و هو حتي لاحظ اني بقلل كلام خالص و بكلمه شويه قبل ما انام و مبقيناش نتكلم صوت بقالنا اسبوع فقالي انتي عايزه تعملي اي و اعملهولك المهم تبقي مرتاحه ف قولتله نقلل المكالمات و الكلام و نبقا زي الصحاب قالي ماشي ياحبيبتي انا معاكي في اي حاجه المهم تبقي مرتاحه و متزعليش قولتله انا مش حابه ابقي بعمل حاجه غلط
قالي فين الغلط اللي عملناه احنا مبقيناش نعمل حاجه غلط الحمدلله و خلاص بقينا نتكلم عادي و عرفته اني بقيت ملتزمه بالصلاه و صلحت علاقتي بربنا و مش حابه اعمل اي حاجه غلط خالص و قالي انه مبسوط جدا بيا و قالي ربنا يثبتك يا حبيبتي و بنتكلم قليل و متكلمناش صوت و بقيت حاطه حدود و متفق معايا هيتقدم لي امتي و هنتخطب امتي و بيتنا فين و كل حاجه بس انا ساعات بيجيلي احساس ان غلط اني بكلمه من ورا اهلي و دي علاقه محرمه بس انا بحبه اوي بس حاسه اني بين نارين مش عارفه اكمل معاه لحد ما يتقدملي ولا ابعد عنه عشان اهلي حد يساعدني انا مليش اخوات كبار احكيلهم اعتبروني اختكم الصغيره و شكرا.
السلام عليكم ورحمه الله وبركاته يا مايا انا شايفه يعني كل الناس الجميله اللي حبت ان هي تفيدك وتساعدك جاوبتك بنفس الاجابه انه اللي انت بتفكري فيه لانك تقربي من ربنا اكثر لانك توقفي اي حاجه غلط هو ده الطريق الصح لكن للاسف كل ردودك عليهم أول ما بتلاقي الاجابه اللي بتعزز الفكره الصح بتلاقي نفسك بتقولي بس أنا مش هقدر ويا ريت يكون في أي حلول أخرى مين قال ان ان احنا نثبت لنفسنا نسبه ربنا ان احنا فعلا صادقين في ان احنا عايزين نكون قريبين من ربنا وجنب ربنا أكثر من اي حد ثاني في الدنيا ان احنا بنقول يا رب انا اخترت طريقك افضل من اي طريق ثاني مين قال ان دي هتكون طول الوقت سهله لا طبعا هي مش مش سهله والاثبات ده مش سهل الاثبات. ده عاوز معافرة عاوز جهاد للنفس عاوز ان انا ابقى ما بين الحاجه اللي بحبها وما بين طريق ربنا وانا اقول لا طريق ربنا حتى لو انا اخسر الحاجه اللي انا بحبها الموضوع ده مهم جدا فيا ريت تفكري كويس جدا انا يعني مش هقول اكثر من كل جاوبوكي الوهم كفوا ووفوا يا ريت تفكر كويس قوي لانك تختاري طريق ربنا وتكملي عليه وما تستنزفيش مشاعرك كل وقت انت هتقضيه منتظره شخص انت ما تعرفيش ان كان الشخص ده مقدر ليكي ولا لا وما تعرفيش الدنيا هيحصل فيها ايه فأنت بتستنزفي مشاعرك ولما تيجي الحاله الواقعيه لما يجي الواقع قدامك بحاجات غير اللي أنت كنت قاعده بترسميها ساعتها هتحسي بكلمه استنزاف في المشاعر دي تعرفي يعني ايه واقرئي مشاكل كتير غيرك كتبوها كانوا بياخذوا راي الاعضاء هنا فيها بنات برضه ان انا متقدملي حد وكويس لكن انا مش حاسه اننا هيكون عندي شعور تجاهه الموضوع ده بيكون مؤلم جدا بسبب ايه؟ بسبب استنزاف المشاعر ده لما تحسي ان الدنيا وقفت وكان انت مش هتحسي باي مشاعر حلوه يبقى بسبب استنزاف المشاعر ده انك قاعده رابطه مشاعرك وشخص انت ما تعرفيش هيكون موجود معاكي بالطريق الصح ولا لا تفكري في الكلام كويس ان شاء الله ان شاء الله ربنا يلهمك الصواب.
تم النشر الجمعة، ٢ مايو ٢٠٢٥
السلام عليكم، أولًا، كويس جدًا إنك عرفتِ الغلط ووقفتِه ورجعتِ لربنا، لازم تتوبي عن الذنب وتستغفري وإن شاء الله ربنا يتقبل توبتك. ثانيًا، نصيحتي لكِ بقى، اقطعي علاقتك معه ووقفي تواصل تمامًا، قولي له إنك هتوقفي كلام أيًا كان صوتي بقى ولا كتابة، هتوقفي كل التواصل لحد ما هو يجهز نفسه ويبقى قادر يتقدم لك. ليه بقول لك كده؟ أولا، حتى لو وقفته الفعل الغلط فأنتم ما زلتم في علاقة حرام، لأن في الإسلام مفيش صحوبية بين الولاد والبنات. ثانيًا، استمراركم في الكلام، مدخل للشيطان هيجركم من خلاله، دلوقتي مش بتتكلموا صوت، بكرة تتكلموا صوت، وبعده الكلام يجيب بعضه وترجعوا تقعوا في الذنب والله أعلم ممكن توصلوا لإيه. ربنا بيقول (ولا تقربوا الزنا) فنقفل أي باب ممكن يجرنا لكده ونعزز نفسنا أكتر. ** الله أعلم من ناحية الشخص ده ونواياه وهل فعلا ممكن يعاير أو مش هيعاير بحاجة زي كده، بس من كلام بنات كتير، بعد الزواج ومع أول خناقة أزواجهم عايروهم عادي جدًا. إذا كان بيعايروا إن البنت مثلا هي اللي كانت معجبة وفضلت تسعى لحد ما تزوجها، مش هيعايروا بأخطاء؟ ممكن فيه رجال مبتعملش كده بس أظنهم قلة نادرة... بس بقول لك ده عشان تعززي نفسك وتحميها من أي تصرف غلط بعد كده. ** ثالثًا، استمرارك في الكلام زي ما قلتِ فيه خيانة لأهلك وثقتهم فيكِ. فأنتِ تخيلي نظرة ربنا لكِ، وتخيلي نظرة أهلكِ لو عرفوا حاجة زي كده وهل أصلا هيقبلوا ساعتها بالشخص ده يتقدم لك وهيستأمنوه عليكِ ولا لأ. *** فكري في نفسك أولًا يا حبيبتي وعززيها وحافظي على سمعتك. ربنا معك ويبعد عنك شياطين الإنس والجن.
تم النشر الأربعاء، ٣٠ أبريل ٢٠٢٥
وعليكم السلام ورحمة الله وبركاته، دعينا نفهم امر مهم جدا، الا وهو انّ الذنب ليس فقط العادة السرية بينكم بل الكلام اصلا، حتى ولو كان كلام "صافي" وخالي من تلك الأمور، لكن مع الاسف الشديد الشيطان اوقعك في شيء اكبر من الكلام وجعلك تظنين او ترين ان الكلام "العادي" ليس به أي خطأ (وطبعا هذا غير صحيح). بالنسبة للزواج منه، لا اعلم ما هي ظروفه ومتى ينوي ان يتقدم لك واذا كانت نيته بالتقدم صادقة ام لا، لكن الذي اعلمه انه عليك الآن ان تنهي علاقتك معه، وذلك قبل الوقوع اكثر فأكثر... لست ملاك وهو ليس ملك، ولا يوجد اي شيء مضمون في علاقتكم، مادمتم لا تحافظون على حدود الله في انهاء الكلام ، فلن يكتفي الشيطان في الكلام، ولا في العادة السرية بل سيسعى الى ان يوقعك في الزنا. وفي ذلك الحين ربما سيتركك بشكل نهائي، يخطب اخرى، يتجاهلك، وما الى ذلك.. لماذا الذل؟ انهي العلاقة،
تم النشر الخميس، ١ مايو ٢٠٢٥
بصي انا كنت زيك بكلم ولد ونفس ال حصل بس كان مش كويس خاالص كل ما اقولو نبطل لا ملكيش كلام معايا في كنت بحبو بصراحه وكنت ساعات بتوه ف الكلام وعدي يومين ومتكلمناش في حاجه في بصراحه انا حسيت أن كلامو معايا ذنب كبير وانا نايمه بكون خايفه اوي وعارفه ان انا بعمل حاجه غلط ومش بترضي ربنا فانا بدات اقلل الكلام وبعدنا بصراحه فانت ممكن تقولي للولد اللي معاكي احنا ممكن ما نتكلمش لحد ما تيجي تتقدملي وتعرضي عليه وهو بان عليه يعني كويس انه قال لك ماشي العاده السريه نبطلها فانت ممكن تعرضي عليه وتشوفي وان شاء الله خير ويا رب تكونوا من نصيب بعض يا رب ويوافق انه ما يتكلمش لحد ما يتقدم وقولي له بقى ربنا حرم اننا نتكلم كده احنا قربنا منو فبلاش نعمل حاجه تغضبه انا وانت نصلي وندعي نبقا من نصيب بعض وبس حاولي حاولي انك ما تكلميهوش تاني واقري برده على اليوتيوب اعملي سيرش لو بكلم ولد علاقه صحوبيه اي حاجه شوفي هيقولوا ايه الشيوخ
تم النشر السبت، ٣ مايو ٢٠٢٥
أحييك تفكيرك سليم، حتما هتتشافي بالمنظور اللي قللت بيه نفسك... مش مستبعد خالص انه يفكر فيك انك اصلا كلمتيه من ورا اهلك، فهتكلمي غيره من وراه عادي جدا ولازم يطلع وده آخره العلاقات دي حتى لو في بينكم مشاعر فهي هتمشي مع الوقت،،، عشان تصلحي كل ده توبي واقطعي علاقتك بيه تماما لانك كمسلمة غالية ولازم تفهمي النقطة دي فهو لو صادق هيجي من باب البيت. ولو ما كان عايزك هيسيبك وهتكوني ساعتها ارتحتي من الماضي وما فيه... فلازم تقفلي الصفحه دي وتعتبري انك ما عرفتيه
تم النشر الخميس، ١ مايو ٢٠٢٥
وعليكم السلام ورحمة الله وبركاته، مايا. أولاً، أود أن أهنئك على التغيرات الإيجابية التي حققتها في حياتك، مثل التزامك بالصلاة وتحسين علاقتك بربك. هذا يدل على نضوجك ورغبتك في السير على الطريق الصحيح. بالنسبة لموقفك مع الشاب، من المهم أن تعي أن العلاقات التي تُبنى على أسس غير صحيحة قد تسبب لك الشعور بالذنب والقلق. الشعور بالذنب لكونك تتحدثين معه من وراء أهلك هو شعور طبيعي لأن هذا النوع من العلاقات يتعارض مع قيمنا وأخلاقنا. أود أن أنبهك إلى أهمية التفكير في مستقبلك. إذا كان هذا الشاب صادقًا في مشاعره، فإن الطريق الأفضل هو التواصل مع أهلك بشأن العلاقة بطريقة ناضجة وصحيحة. الخطوة الأولى هي أن تجعليه يلتزم بإبلاغ أهلك قبل أن تتعارض مشاعركما مع القيم الأسرية. تحدثي معه بسلاسة حول مشاعرك، ولكن تذكري أن الثقة تتطلب أساسًا قويًا. السعادة والراحة النفسية تأتي من عدم التسبب بالذنب لنفسك. إذا كنت تشعرين بأن هذه العلاقة ستحقق لك السعادة الحقيقية، يجب أن تتحدثي عنه بوضوح وبأسلوب يحترم أهلك وقيمهم. أنت تستحقين علاقة قائمة على الاحترام والتفاهم، وليس على الخداع أو السرية. كوني صادقة مع نفسك ومع أهلك، ابحثي عن السعادة التي تتناسب مع قناعاتك وأخلاقك. في النهاية، اختياراتك هي التي ستحدد مسار حياتك. إذا كان لديك أسئلة إضافية أو تحتاجين لمزيد من الاستشارة، فلا تترددي في طرحها. وفقك الله.
تم النشر الأربعاء، ٣٠ أبريل ٢٠٢٥
لو صادق هايبعد والله لو صادق هايبعد وهايحاول يوصل ليكي في الحلال ..استعيني بالله واتركيه ..انتي غاليه بلاش تكوني معاه اعتذر في اللفظ ( اداه للمتعة ) انتي امرأه خلقتي ليُسعى إليك جاهدا ..هو بيتسلى حتى لو بيدّعي حبك اقسم لك بيتسلى ..راقبي الله في أفعالك يامايا قبل أن تراقبي الاهل ..الله مطلع عليك وضميرك صاحي بلاش تقتلي النفس المطمئنة اللي جواكي واللي بتنصحك بالخير ..حبي ربنا وقربي منه..الشاب ده مش هينفع صدقيني ..الله يغفر لك مامضى يارب ..ارجوكي ابعدي علشانك وعلشان اهلك وعلشان ربك
تم النشر الاثنين، ١٩ مايو ٢٠٢٥
نصيحه مني كأخت ..ابعدي عنه ..لو عايزك بجد هايتقدم وانتي ماشاءالله توبتي ورجعتي لربنا اذن ياحبيبتي احسن الرجوع والتوبه ..مجرد كلامك معاه وهو أجنبي عنك حرام ،لو هو صادق في حبه مش هايحملك ذنوب ويعمل معاكي الحرام ..
تم النشر الاثنين، ١٩ مايو ٢٠٢٥
البدايه التي لاترضي الله نهايتها لن ترضيك أبدا
تم النشر الاثنين، ١٩ مايو ٢٠٢٥
لعرض السؤال في فدني اضغط هنا