الشعور بالاحتياج دايما صعب وبيخلينا نفكر ونتعامل بطريقة غلط اوقات كتير وبيكون نابع من العاطفة ليس الا وان الواحد بيحاول يقدم اللي مفتقده او بيتعامل ومعتقد ان اللي قصاده هيعمل نفس اللي هو بيعمله وده مبيحصلش .. وكل ده بيسبب قلة ثقة في الشخصية ونقعد نسأل نفسنا هو انا وحش؟ هو انا فيا عيوب؟ هو انا معقول محدش بيحبني؟ شوف رغم ان الانسان صابر وراضي وبيقول الحمدلله لكن مش قادر يتخلص من المشاعر وسؤال نفسه اسئلة كل شوية النقطة اللي بتدور حواليها كل ده هو حب الشعور بالتقدير واننا مهمين في حياة حد واننا فارقين ووجودنا مهم لكن عشان الانسان يستقبل ده لازم يصدره الاول وميتعاملش مع الناس انه اقل منهم لا انا ولا يقلل من نفسه في اي حاجة ويدي لنفسه حقها وميفضلش كل شوية يأنب نفسه ويلومها لحد ما تبقى هشة وضعيفة وفوق كل ده لازم يهتم بأمور دينه وصلاته ويدعي ربنا وان شاء الله كل حاجة هتكون تمام
شكرا جدا لحضرتك
تم النشر الجمعة، ٢ مايو ٢٠٢٥
فيه نقطة تانية كتير مننا بيغفل عنها خصوصا اللي بيتعامل بتلقائية وعفوية وهي الحدود .. اللي ممكن نسمح للي قدامنا يتخطاها شوية او بمعنى ادق نسمحله ياخد مساحة زيادة من وقتنا من راحتنا من تفكيرنا ونيجي على نفسنا عشان اللي قصادنا ميزعلش او اني مبقاش كسفته وهكذا لكن في الحقيقة لازم يبقى فيه كلمة لا واني مش مطالب احل كل مشاكل اللي بقابلهم وبتعامل معاهم مهما كان درجة الثقة فيه حاجات مينفعش نحرف فيها طاقة عشان لمجرد المساعدة ونيجي على نفسنا وفي الاخر مبيتقالش شكرا ومفيش حد بيقدر كل حرق الطاقة ده ... يبقى على الاقل ادي لنفسي حق الراحة وده ميمنعش ان لو قادر اساعد حد اساعده لكن مظلمش نفسي عشان خاطر حد ... وقصة الكلية والتعليم دي حاحة مش شايف فيها مشكلة مكانتك مش بالوظيفة المهم انتي بتعرفي تعملي وتقدمي ايه ليكي وللي حواليكي والعلوم الدينية اهم من الدنيوية فيه واحد ممكن يكون تعليمه عادي لكن حافظ القران والتفسير اكيد بنبصله بصة انبهار فقصة الكليات دي متشغلكيش ركزي في كليتك ايا كانت واستفيدي من محتواها وقولي الحمدلله انك حد يعتمد عليه وبيعرف يتصرف فيه كتير غيرك بيغرق في شبر مايه لو دخل يعمل كوباية شاي لوحده😅
تم النشر الجمعة، ٢ مايو ٢٠٢٥
فعلا كل الي قلتله بحس بيه فعلا بحس بقله ثقه وضعف وبحاول بكل جهد اجذب الي حواليا انهم لما يقعوا في مشكله انا احلها وانا اعمل واسوي واقدم كل شي وفعلا شخصيتي ضعيفه بحاول اغير من نفسي وكل شويه بتقدم بس حرفيا الفتره دي لم اتقبل اي شي ومعنتش متحمله بقيت مستنيه اي اهتمام اي كلمه حلوه مع اني عمري ما طلبت عمري ما شكيت كان نفسي اكون في كليه عليا يكون علي الأقل ده العوض بس فشلت حاسه اني بفشل بقيت خايفه من المستقبل تشوفني تقول اي البت الجامده الضحكه مرسومه علي طول بس من جوايا شايله هم عارف انا اتعرفت علي ناس كتير ما شاء الله وكل واحده فيهم تقعد تحكي وتتكلم في مشاكلها انا ساكته مش بتكلم مش بحكي بقول عايزه اعبر مش عارفه شوفت جمله كده الصديق الحقيقي هواه الي تقدر ترن عليه الساعه ٤ الفجر ويرد عليك قعدت افكر مين ياربي الي اقدر ارن عليهم ويردوا ده ولا عيلتي ولا صحابي ولا شي مع أن لو حد رن عليا الفجر فعلا هرد واحل واسمع انا بيوصل معايا لدرجه ان بحلم بالشخص ده مدايق وبيعط وأصحي تاني يوم ارن وأشوف مالها وفعلا بيتكون زعلانه بس محدش بيقدر زعلي اه اكيد كل واحد فيه عيوب ومميزات يمكن فيا عيوب ان انا طيبه 😂 وهبله وحرفيا بقف جمب الشخص لدرجه يوصل أنها تستغلني بصبر نفسي بأي حاجه لعله خير اكيد خير يمكن عشان انا الكبيره في اخواتي لازم تتحمل المسؤوليه والحمد لله بتحط في مواقف وبكون قدها الي يعتمد عليا الحمد لله وبابا وماما مقدره شغلهم والله بس بكون نفسي في كلمه حلوه اي تقدير هما بصراحه مش مقصرين وهما خير الوالدين بس يوم ما تعرضت للمحادثه كانوا نفسي يكونوا جمبي حصل كام موقف يومها انا لغايه دلوقتي مش قادره التعافي عايزني انهار كده افتكر اليوم ده بقيت يارب هواه كل حاجه بخوضها لوحدي يارب بقيت عايزه انسي الماضي بتاعي عايزه امحيه كل شويه ذكريات وحشه بنسبالي مواقف جرحتي بفتكرها بفضل مكتئبه وقافله علي نفسي مع اني ممكن افتكر الذكريات الحلوه بس الوحش بيطاردني اسفه علي كلامي ورغي وشكرا لحضرتك
تم النشر الخميس، ١ مايو ٢٠٢٥
لعرض الإجابة في فدني اضغط هنا