يعني إي الحب وهل الحب حقيقه وإزاي نعرف أننا بنحب
هل هوّا حرام لمجرد ان قلبي وعقلي هما اللي بيحبوا من غير ما أعرّف الشخص اني بحبه او أتعامل معاه
وهل فعلا الراجل بيحب بمشاعر خالصه الانسانه اللي بتحبه
او اللي هوّا معجب بيها
ولا بيحبها لمجرد إشباع رغباته
دايما كنت ببحث عن الحب من أهلي
بس اكتشفت انه مش كافي وفكره اني احب حد غير عيلتي
يعني خطيبي حبي ليه وأنا مش متأكده من حبه سواء حبه حبّ لذاتي وليا كشخص أم حبه لإشباع رغباته في المستقبل
مش متقبله الفكره اني هتجوز شخص بيحبني علشان محتاجني
هل ليا الحق اسأل هل هوّا بيحبني بجد ولا ماليش
حاسه بإحساس غريب
مش عارفه أوصفه لكن اسفه لو قلت حاجه خارج حدود الحياء والأدب
بس كنت عاوزه اسأل هل ممكن اساله هل بيحبني كشخص ولا بيحبني علشان حاجه معينه
ولا ممكن يتضايق مني أنا بحبه جدا من قلبي
بس محتاجه يقدم لي نفس الحب
مش عارفه أتكلم
بين الرجل والمرأة لا وجود "لحب طاهر" او حب بدون احتياج الطرفين لبعض، وهذه حقيقة لا وجود للفلسفة فيها، بما انه خطيبك عليك النظر الى دينه،اخلاقه، تفكيره، وان كان هناك قبول في قلبك تجاهه، هذا هو المطلوب. الحب الحقيقي لا يأتي الا بعد العشرة الطيبة والمواقف، فترين جدّك لا زال يحب جدّتك ويخاف عليها. اما ان تسأليه ان كان يحبك لنفسك او لشيء اخر برأيي لا يوجد معنى لسؤال كهذا، فلا يوجد شاب سويّ وطبيعي لا يحتاج شريكة حياة، وكذلك الامر بالنسبة للفتاة.
تم النشر الثلاثاء، ٢٤ مارس ٢٠٢٦
حبي بس بحدود بما إنه خطيبك ف الله أعلم هل هتكمل ولا لا وان شاء الله اللي فيه الخير يقدمه ربنا بس اما تحبي بحدود متبالغيش خير الأمور أوسطها علشان مهما يحصل بينكم من مشاكل ومفيش علاقه تخلو من المشاكل اصلا متتأثريش بيها اوي وتبقي عادي بالنسبالك وعموما في رجاله بتحب من قلبها عادي بس انتي اللي تعرفي هل بيحبك بجد ولا لا من تصرفاته معاكي واي مواقف بتستدعي انه يقف جمبك وخليكي تقيله عليه شويه الواحد بيحس بقيمة الحاجه اللي معاه اما يجيبها بصعوبه ويتعب فيها ف كل اما تتقلي بعقل هيقع اكتر وانتي ثابته علي وضعك بتحبيه بحدود علشان اي حاجه عموما في حياتنا بتزيد عن الحد بتتقلب للضد وفكره ان مش حابه الجواز علشان هو محتاجك ف دا حقه وانتي هيكون ليكي حقوق برضو ووقت ما تكوني زوجه هتعرفي ان دا مش احتياج وبس دا حب وموده ورحمه بينك وربنا حللها لاكن بالحلال
تم النشر الثلاثاء، ٢٤ مارس ٢٠٢٦
يعني اي حب 😩 الحب ده اجمل شعور ممكن تحسي بيه في حياتك ،لما تحسي إن ربنا خلقه مخصوص عشان يطبطب على جروحك ويفهم صمتك قبل كلامك هو الأمان اللي بيخليكي تمشي في الدنيا وأنتي عارفة إن فيه حد في ضهرك مش هيسيبك مهما مالت بيكي الظروف عايزة تعرفي انتي بتحبي ولا لاء تلاقي نفسك عايزة تتواصلي معاه،ومرتاحه ليه ، وفي نفس الوقت عايزه تكملي حياتك معاه ومفيش مانع من ده ، اما لو مرتاحه وعايزه تتكلمي معاه بس ده اعجاب مش حب ،. والحب مش حرام لكن التعلق حرام ، وبالنسبه للرجال فنعم بيحبو بصدق ،و الحب في الدين مش حرام طالما في النور وبنيتك تعفي نفسك بالحلال والرسول عليه الصلاة والسلام قال "لم يرى للمتحابين مثل النكاح" يعني المشاعر دي فطرة ربنا خلقنا بيها المهم متسأليش خطيبك بشكل مباشر هو بيحبك ليه لأن الكلام سهل وأي حد ممكن يرمي كلام حلو لكن ركزي في أفعاله هل بيحترمك كإنسانة وليكي كيان ورأي ولا باصص ليكي كصورة وخلاص الراجل اللي بيحب بجد هو اللي بيخاف عليكي من نفسه قبل أي حد وبيحترم حدود ربنا معاكي في الخطوبة ومبيحاولش يتجاوزها بداعي الحب واستخيري ربنا كتير لأن الاستخارة هي اللي بتكشف المستور وبتطمن القلب ولو لقيتي مواقفه فيها شهامة واحترام لشخصك يبقى ده حب حقيقي مش مجرد رغبة ولو شاكة في حاجة واجهي نفسك بصدق قبل ما تورطي قلبك في جوازة قايمة على الاحتياج بس والمؤمن كيس فطن يعني لازم تشغلي عقلك مع قلبك وعموما الحب مودة ورحمة يعني راحة بال مش حيرة وخوف 😊 اتمنى تكوني فهمتي وجد والله ربنا يحفظك ويسعدك... وده كلو في حاله الحب الحلال ...
تم النشر الثلاثاء، ٢٤ مارس ٢٠٢٦
يا حبيبتي، أول حاجة أقولها: إحساسك ده طبيعي جداً، خاصة في مرحلة الخطبة اللي مليانة أسئلة وشكوك. أنتِ بتحبي خطيبك من قلبك، وده حلو، بس محتاجة تتأكدي إن الحب متبادل وصادق. خليني أجاوبك خطوة بخطوة بطريقة عملية وإسلامية، عشان نريح قلبك شوية ❤️. ١. الحب حقيقي ولا إيه؟ وازاي نعرف إننا بنحب؟ الحب الحقيقي موجود، ربنا سبحانه قال في القرآن: "وَجَعَلَ بَيْنَكُمْ مَوَدَّةً وَرَحْمَةً" (الروم:21). ده حب يبني على الاحترام، الراحة النفسية، والدعم المتبادل، مش مجرد إعجاب أو رغبة جسدية. علامات الحب الحقيقي منكِ أو منه: بتهتمي بفرحه وسعادته، حتى لو مش هيخليكِ سعيدة شخصياً. بتدعميه في أحلامه وأهدافه، وهو كمان بيعمل كده معاكِ. بتحسي بالأمان والثقة، مش الغيرة المفرطة أو الشك الدائم. أفعاله أقوى من كلامه: يسأل عن يومك، يحترم حدودك، يفكر في مستقبلكم مع بعض. ٢. هل الحب في القلب حرام؟ لا، مش حرام خالص! طالما ما عملتِش حاجة تؤدي لحرام زي الخلوة، الكلام الخاص الزايد، أو التعامل اللي يخالف الشرع. القلب ملك لربنا، وهو اللي بيختبرنا. المهم إنكِ توجهي الحب ده للزواج الشرعي، وتصلي الاستخارة كتير عشان ربنا يوضحلك الطريق. ٣. هل الراجل بيحب بصدق، ولا للرغبات؟ مش كل الرجالة كده، بس فيه اللي بيحب "لذاتها" (شخصيتها، قيمها، ضحكتها)، وفيه اللي بيركز على الجوانب الجسدية أو الحاجة (زي "محتاج زوجة"). ازاي تفرقي؟ شوفي أفعاله: لو بيحبك لذاتك، هيحترم آرائك، يساعدك في مشاكلك غير الزوجية، ويبني معاكِ علاقة عاطفية عميقة قبل الجسدية. لو للرغبات، هيسرع للزواج بدون تخطيط، أو يتكلم كتير عن "الليلة دي". ٤. نصائح عملية عشان ترتاحي: راقبي أفعاله شهر كامل: يتصل يومياً؟ يهتم بأهلك؟ يخطط لمستقبلكم إسلامياً (بيت، فلوس، أولاد)؟ صلّي الاستخارة ٧ أيام: وشوفي إحساسك بعدها. خدي وقتك في الخطبة: مش لازم تتسرعي، الزواج الصالح يبنى على يقين. يا قمر، أنتِ تستاهلي حب صادق يشبه حبك. لو الإحساس الغريب ده مستمر، ابحثي في فدني عن أسئلة مشابهة زي "ازاي أعرف حب خطيبي صادق"، هتلاقي إجابات كتير مفيدة. ولو عايزة استشارة خبراء (نفسيين أو زواجيين)، روحي https://www.fedni.net/experts – فيه متخصصين رائعين هيساعدوكِ. قوليلي إيه رأيك، أو لو عايزة نصيحة زيادة، أنا هنا دايماً معاكِ 💕. ربنا يهدي قلبك ويختارلك الأفضل!
تم النشر الثلاثاء، ٢٤ مارس ٢٠٢٦
لأ ما تسأليهوش ،، وما تفكريش كتير في الأمر ده لإن أصلًا كلنا بلا استثناء لما بنحب شخص بنحبه لسببين مالهومش تالت ١-صفات جميله في الشخص وده عن طريق إن في قبول للشخص واعجاب بشخصيته وانجازاته..٢- فضل من الشخص علينا والفضل ده بيكون *الشعور* اللي بنحسه في وجود الشخص .. وفي حالة فقد الشخص الإنسان بطبعه بيحب شخص تاني لمجرد إنه يلاقي فيه الحاجتين اللي ذكرتهم ودي مش عدم وفاء لأ دي طبيعة بشريه والكلام ده = إن مفيش حد بيحب حد لذاته .. + المفروض إننا نحب ربنا أكتر من أي حد لإنه عنده كمال الصفات و هو ذو الفضل الكامل علينا
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا