انا طالبه اولى ثانوى ف انا قلقانه من السنه دي وحاسه بضغط وكتير من صحابي دخلو تجارة ف مبقاش فيه حد بروح معاه ولا حد بذاكر معاه ...ف المهم المدرسة مش بستفيد منها باي حاجه المدرسين مش بيشرحو لما احنا قسم ظهر وغير موعيد الدروس اللي مش ظابطة...من فضلكم ساعدوني او انصحوني
السلام عليكم، أنا متفهمة القلق والضغط اللي أنتِ بتمري به لكن صدقيني، سواء في أولى ثانوي أو في ثانوية عامة فالدراسة مش محتاجة توتر وضغط، حاولي متاخديش الأمور على أعصابك وتعاملي مع مذاكرتك للمواد إنها مش مهمة تقيلة عشان لو حسستِ نفسك إن الموضوع صعب هتلاقي إنك مش قادرة تبدئي ولا تذاكري ولو قُدامك أسهل مادة في الدنيا مش هتقدري تذاكريها. فاهدي كده واستعيني بالله ومفيش حاجة صعبة بإذن الله. *** مش مشكلة لو مش بتستفيدي من المدرسة، حاولي تركزي مع شرح الدروس اللي بتروحيها وكمان حاليا كل حاجة موجودة على النت، هتلاقي على يوتيوب شرح مناهج أولى ثانوي. فلو الدروس مثلا مش قادرة تروحي بسبب المواعيد أو فيه أي مشكلة مع الدروس ابدئي أنتِ ذاكري بنفسك من الكتب، يعني اقرئي الدرس الأول بنفسك وحاولي تفهميه وبعدين ممكن تسمعي الشرح على يوتيوب أو تدوري على الإنترنت على أي نقطة مش فهمتِها في الشرح. *** هتلاقي هنا على التطبيق أسئلة كتير عن المذاكرة وتنظيم الوقت، ابحثي عنها وشوفي النصائح اللي فيها وخدي اللي يناسبك. كمان أنصحك تشوفي فيديوهات (ذاكر أقل ذاكر بذكاء) فيها طرق ذكية للمذاكرة هتعلمك إزاي تذاكري أكبر قدر بتركيز وتحصيل في أقل وقت. https://www.youtube.com/watch?v=A7zCOOEBxhU وبالتوفيق إن شاء الله.💚💚
تم النشر الأربعاء، ٢٣ سبتمبر ٢٠٢٦
بصي يا بنت الناس متقلقيش خالص ولا تخافي من أولى ثانوي هي مرحلة جديدة واختلاف عن إعدادي وبكرة تتعودي عليها وبالنسبة لأصحابك اللي دخلوا تجارة فكل واحد وطريقه ودي فرصتك تعتمدي على نفسك وتعملي صحاب جداد في ثانوي أما المدرسة فلو المدرسين مش بيشرحوا كويس كبري دماغك وركزي في الشرح على يوتيوب فيه مدرسين مجاناً على أعلى مستوى في كل المواد وأنتي قاعدة في بيتك ونظمي وقتك بجدول بسيط ورتبي مواعيد دروسك واحدة واحدة وكل حاجة هتتظبط معاكي وتعدي بسهولة وجد والله ربنا يحفظك ويوفقك لما يحب ويرضى
تم النشر الجمعة، ٢٥ سبتمبر ٢٠٢٦
أولاً، أنا فاهمة تمامًا شعورك يا زهرة الزمان، وأنتِ في أولى ثانوي وبتحسي بالضغط ده لوحدك، خاصة بعد ما صحابك اتفرقوا. ده شعور طبيعي جدًا في المرحلة دي، والانتقال للثانوية بيجي معاه تحديات كتير، لكنك قادرة تتجاوزيها بخطوات عملية وصبر. ابدئي بتنظيم وقتك بنفسك، حتى لو المدرسة مش بتفيدك كتير. حددي جدول يومي ثابت للمذاكرة، ركزي فيه على المواد الأساسية زي الرياضيات واللغات والعلوم، واستخدمي الكتب المدرسية والملخصات المتاحة. جربي تذاكري بطريقة نشطة، زي تلخيص الدروس بصوتك أو حل تمارين كتير، ولو لقيتِ صعوبة في شرح معين، ابحثي عن فيديوهات تعليمية مجانية على الإنترنت أو اسألي مدرسين خصوصيين موثوقين في المواد اللي بتحتاجيها. كمان، حاولي تبني صداقات جديدة داخل المدرسة مع بنات بيذاكروا بنفس الجدية، أو انضمي لمجموعات دراسية صغيرة لو أمكن. تذكري إن طلب العلم عبادة، واستعيني بالله دايمًا بالدعاء والتوكل عليه، فهو اللي بييسر الأمور. لو حسيتِ بالوحدة، ركزي على أهدافك الشخصية زي النجاح في السنة دي والتحضير للجامعة، وهتلاقي النتيجة بتديكِ دفعة إيجابية. أنتِ مش لوحدك في التحدي ده، وكتير من الطالبات مرّوا بنفس الظروف ونجحوا. لو عايزة نصايح إضافية عن تنظيم الوقت أو أي مادة معينة، قوليلي وأساعدك أكتر.
تم النشر الأربعاء، ٢٣ سبتمبر ٢٠٢٦
شكرا جدا لحضرتك
تم النشر الخميس، ٢٤ سبتمبر ٢٠٢٦
خديلك كتاب من كتبك وانتي رايحه المدرسه وحلي هناك وقت الفاضي، والصحاب خلي عندك صحاب اوكي عشان لو احتجتي حاجه لكن متعتمديش عليهم اوي لأن بنات الثانويه مش سهله، لو واحدة عايزه تدمرك هتدمرك متقوليش مش هتقدر لان البنات تقدر ترفع بعض وتنزل بعض فخليها حلقه ف ودنك، مواعيد الدروس متضغطيش علي نفسك اوي لأنك هتدخلي سنتين شهاده، الواحد اساسا بيطق من الثانويه العامه م بالك ب سنتين، ف مثلا مثلا هتختاري مجال علمي ف ركزي علي المواد العلميه اللي هتفيدك فعلا والباقي ذاكريه عشان تنجحي بس، كدا كدا مش هيفيدك ف متضيعيش مجهود عليه الا لو انتي من نفسك عايزه تتعلمي، هي الدنيا دايما بتبقى صعبه في الاول لأنك مرحله جديده ومبقاش حاجه اسمها إعدادي او روح ذاكر وهتنجح والكلام دا لأن الثانوي محتاج فهم و حفظ، الاتنين.
تم النشر الخميس، ٢٤ سبتمبر ٢٠٢٦
انا داخلة أولى كلية ولما كنت ف أولى ثانوي مكانش عندي اي صحاب ولا كنت بروح وباجي مع حد وفاهمة انه الموضوع صعب لكن لما تشغلي نفسك بدراستك اوي ممكن متركزيش مع الموضوع قد كدا اما بالنسبة لمواعيد الدروس شوفي لو ينفع تاخدي دروس اونلاين او لو مينفعش حاولي تخلي دروس قبل المدرسة أو بليل شوية وبالتوفيق يارب 💗
تم النشر السبت، ٢٦ سبتمبر ٢٠٢٦
كيف اتغلب علي النسيان
تم النشر الجمعة، ٢٥ سبتمبر ٢٠٢٦
لعرض السؤال في فدني اضغط هنا