زوجتي تريد الانفصال عني وهي في بيت اهلها ما يقرب الان من ٥ شهور مع العلم اننا متزوجين من ٨ شهور
والسبب اني كنت مدمن وعارف إني السبب ومتحمل كامل مسؤليه غلطتي ودخلت مكان علاجي واتعافيت وخرجت يعني هي طول فتره العلاج ال ٥ شهور في بيت اهلها وعوضت أي ضرر حصل لاني سرقت مبلغ من بيت اهلها بس عوضت المبلغ ولسه جزء منه هدفعه
تدخل كتير من يريد الإصلاح وهي رافضه
بحاول ميأسش وبحاول تاني الإصلاح وتحمل مسؤليه الذنب الي عملته ومفيش مبرر لأي شيء انا عملته وندمان كل الندم علي كل ساعه بيتخرب بيتي بسببي
لانه يعلم ربنا عز وجل انا بمر بأيام عامله ازاي ونفسي مش سايبالي ساعه واحده فاضيه بدون ندم وجلد للذات
في رأيي اطلب منها على الاقل تاخد شوية وقت تهدى اكتر حتى لو مرجعتش دلوقتي بس ع الاقل تصبر وتشوف يمكن اما تهدى وتشوف تغير حقيقي وصادق منك توافق تدي فرصه تانيه وحاول تقلل جلد ذات لأن التوبه ومحاولات الاصلاح اللي بتعملها كويسين ف بلاش جلد ذات عشان متتعبش مع الوقت وحاول تبدله بانك تظبط شغلك وحياتك لوجه الله ولنفسك لعل وعسى التغيير اللي يحصل ونجاحك يرجعولها الامان وترضى ترجع من تاني وربنا يكتبلكم كل الخير
تم النشر الاثنين، ٢٣ مارس ٢٠٢٦
افصل مابين رفضها للرجوع وبين جلدك لذاتك ، انت اقدمت على فعل ما تسبب في رد فعل ، فما عليك إلا احترام رغبة من رد الفعل ، مش عايزه تكمل ده قرارها و حريتها و بالتالي لا لوم عليها و ان ما فيش اطفال ده يخفف الموضوع شوية ، لكن جلد الذات لازم تتعامل معاه بهدوء و حكمة ، لأن ربنا غفور رحيم و بما أنك اعترفت و ندمت و صلحت من نفسك ، ف دي فرصة كويسه و انجاز كبير جدا ملايين غيرك مش قادرين يعملوه فحيي ذاتك انها كانت عون ليك في ده ، و ابدأ حياتك من أول و جديد بعد طبعاً ما تسدد باقي المبلغ ، و بالتوفيق 😊
تم النشر الجمعة، ٢٠ مارس ٢٠٢٦
أخي الكريم، أشعر بألمك وندمك العميق ده، وده دليل على قلب سليم بيحاول يصلح اللي اتكسر. ربنا يعلم نيتك وتوبتك، والتوبة الصادقة باب مفتوح للرحمة. أنت عملت خطوات كبيرة زي الدخول في العلاج والتعافي والتعويض، وده يستحق الإعجاب والاستمرار. خطوات عملية للإصلاح (من منظور إسلامي وعملي): استمر في تعزيز تعافيك : خليك ملتزم بمتابعة العلاج والدعم اللي بيحافظ على إدمانك بعيد. ربنا قال "وَمَنْ يَتَّقِ اللَّهَ يَجْعَلْ لَهُ مَخْرَجًا"، فالتقوى هنا في الحفاظ على نفسك أولًا. أعطِها مساحة وصبر : 5 شهور مش قليلة، وهي محتاجة وقت تشوف التغيير بجدية. متضغطش، لأن الضغط بيزود الرفض. صلي الاستخارة كل يوم، وادعي ربنا يلين قلبها زي ما لين قلبك. عوض الضرر كاملاً فورًا : خلص الجزء الباقي من المبلغ بسرعة، ولو ممكن، أرسلهم هدية أو رسالة مكتوبة تعتذر فيها باختصار وتؤكد التغيير (بدون ضغط). ده يبني الثقة. حاول الوساطة : روح لشيخ أو قاضي شرعي موثوق (مش أي حد)، أو عائلتكم معًا، عشان يتدخلوا بطريقة رسمية زي "الصلح خير". في الإسلام، الزواج عقد مقدس، والطلاق آخر الحلول. طور نفسك دلوقتي : ركز على شغلك، تعلم مهارة جديدة، أو قراءة قرآن يوميًا. لما تشوفك قوي ومستقل، هي هتحس بالأمان. متسيبش الندم يأكلك؛ حوّله لعمل. أخي، البيت ممكن يتصلح لو استمريت كده، بس لو رفضت تمامًا، ربنا عنده خير كتير. ابحث في فدني عن أسئلة مشابهة هتلاقي إجابات تانية مفيدة. ولو عايز استشارة متخصص، روح صفحة الخبراء هنا: https://www.fedni.net/experts – في خبراء في الإرشاد الأسري والنفسي الإسلامي. ربنا يصلح بينكم ويثبت خطاك. أنت قوي، خليك صابر! 💪
تم النشر الجمعة، ٢٠ مارس ٢٠٢٦
فى رأي انك تصلح من احوالك اولا بعدين تفكر فى اي حاجه تانية يعني بدلا من انك بتحاول ترجعو حاول تكون شخص تتمنى هي تبقى معاه لان لازم يكون تغيرك ملحوظ لانها لو رجعت تاني بنفس حالتك او ع الاقل مش تخطي بنسبة 90٪ من المشكلة ف هي هتكون بضرك انت قبل نفسها ضرر ليك لانك هتحس بسهولة و ممكن رغبة ف الرجوع تاني لقدر الله و الوصول للصفر ليها لانها اكيد مش هترمي نفسها فى تهلكة ف ركز ع نفسيتك اكثر و تعافيك بشكل كامل بنسبة ١٠٠٪ بعدين فكر فى اي حاجه تانية
تم النشر السبت، ٢١ مارس ٢٠٢٦
لعرض السؤال في فدني اضغط هنا