انا عندي 19 سنه معايا واحد في الكليه فضلنا نتكلم سنه كامله كل يوم كلام بقي عن جامعه وشغله وهزار وضحك جه من شهر قالي بحبك قولتلو خلينا صحاب احسن قالي ماشي وهو بنفس اهتمامه ده وقولت اني مش بفكر دلوقت وبعدين لو فكرت هتبقى خطوبه فتح موضوع تاني وقال هاجي بعد الجيش أو الجامعه قولت خلينا صحاب
انا عايزه أبقى معاه بس من غير ارتباط ولا مسؤوليه
وفي نفس الوقت انا مش قادره ابعد عنو خالص مديني اهتمام جدا وانا اتعلقت وفي نفس وقت مش عايزه ارتباط انتو فاهمني ؟
وكمان انا خايفه بعد كده أتوجع لاني جربت مرا وكمان هو ممكن يزهق مني وأنا مش جميله كفايه اخليه ميزهقش ولا ميبصش برا
تقريبا هو قال من هنا وانا اتعذبت من هنا علاقتنا الاول كانت حلوه اوي
انا هموت من التفكير ياريت حد يفيدني ويقولي حل فعلا
وخصوصا انو معايا في كليه وممكن يكون بيضحك عليا مش عارفه حاسه اني في دوامه
يا بنتى اللى انتى بتقوليه دا غلط كلامك وحش جدا بيدى انطباع عنك سئ جدا جدا .... لو هتسمعى نصيحة من أخ ليكى وتنفذيها فورا ف أول حاجة حضرتك قولتى انك اتعلقتى ومش قادرة تبعدى وطبعا كل ما بيعدى يوم بنتعلق أكتر وأكتر وكل ما العلاقة طولت التعلق بيزيد حلو جدا طب هو هيتجوزك بالتأكيد بنسبة مليون الماية لا استحالة يتجوزك ف لما حضرتك تكملى وتتعلقى وبعدين يسيبك بطريقة أو بأخرى هيحصلك انتى تروما هتفضلى فيها طول حياتك قادرة تدمر مستقبلك بالكامل .... طب هو بيقولى بيحبنى وهنتجوز لما أخلص جيش وكلام من دا ليه ؟ أومال عايزاه يعلقك ازاى هو عايز بنت فى حياته يتسلى معاها شوية أيا كان نوع التسلية بقى ف لازم علشان البنت تقتنع شوية اهتمام على شوية حنية على كلام حب وغرام وبعدين وعود وأوهام كدا الخلطة ديه انت ضمنت انك تعلق البنت بيك وتعيش حياتك معاها يعنى حضرتك مجرد محطة مش أكتر تسلية يعنى ..... حضرتك بتقولى عايزة أكمل معاه من غير مسئولية وبتاع الجملة دية وحشة فى حقك لو حد سامعها منك هيقول على طول انك بنت مش كويسة معذرة جدا يعنى لازم تعرفى مفيش علاقة ما بين ولد وبنت تحت أى مسمى وبأى شكل واللى بتعملبه دا حرام شرعا وخيانة للعهود ... طب أنا أعمل إيه يا دكتور ؟ أول حاجة من غير تبريرات ولا تفاصيل بلوك للواد دا واقع ومواقع من غير حتى ما تبعتيلة ليه تشوفى الرسالة تطلعى تعملى بلوك وتمسحى الرقم وأى حاجة خاصة بيه أو اللى قبله تمسحيها من حياتك واقع ومواقع .. تتقى الله وتحاولى تقربى من ربنا وتسأليه أن يبعدك عن العلاقات المحرمة وأن يرزقك الزوج الصالح قوليلى ذنبة إيه زوجك دا اللى هيختارك من وسط بنات العالم وجايلك راجل من باب بيتك مش عيل داخلك من شات ذنبة إيه وانتى ممكن تكونى نفسيا مش كويسة بسبب ماضى ليكى حافظى على قلبك يا بنت الحلال انتى لسة صغيرة واهتمى بنفسك وبحياتك واصنعى عادات جديدة هدانا الله وإياكى إلى ما يحبة ويرضاه🤍
تم النشر السبت، ١١ أبريل ٢٠٢٦
بصي يا بنتي فوقي لنفسك وصحي ضميرك عشان مفيش حد هينفعك لما تقفي قدام ربنا القلب ده أمانة وإنتي بتفرطي فيها عشان شوية اهتمام وكلام فاضي مالوش مسمى شرعي ولا يرضي ربنا وانتي عارفة كويس إن اللي بيبدأ غلط آخره وجع قلب وندم وما تضحكيش على نفسك وتقولي أصلنا أصحاب مفيش حاجة اسمها صحوبية بين ولد وبنت في دينا والباب اللي يجيلك منه الريح سديه واستريحي بدل ما تفتحي على نفسك أبواب فتنة وتضيعي حياءك وتكسري ثقة أهلك فيكي وتأكدي إن اللي بيحبك بجد مش هيرضى ليكي الغلط ولا هيعلقك جنبه سنين من غير رابط رسمي واللي بيخاف عليكي هيخاف عليكي من النار قبل ما يخاف على مشاعرك فاتقي الله في نفسك وما تبيعيش غلاك برخيص عشان إنتي غالية عند ربنا بس إنتي اللي مش عارفة قيمة نفسك وجمالك الحقيقي في عفتك مش في نظرة واحد لا هو جوزك ولا خطيبك فارجعي لربك وقفلي الباب ده خالص واللي فيه الخير ربنا هيجيبه لحد باب بيتك بالحلال وبعزة نفس ومن ترك شيئًا لله عوضه الله خيرًا منه وبلاش تضيعي مستقبلك ودراستك في وهم ملوش آخر غير الخسارة وتوبي لربك توبة نصوحة عشان يباركلك في حياتك الجاية ويرزقك باللي يتقي الله فيكي فعلًا مش مجرد كلام وهزار وضياع وقت ونفسك اللي بين جنباتك دي أولى بيكي إنك تصونيها من أي حاجة تنقص من قدرها قدام ربنا ونفسك والناس وصدقيني يوم ما تطلبي الحلال ربنا هيسخرلك الدنيا كلها عشان خاطر نيتك الصافية دي وتفتكري إن ربنا مطلع على خائنة الأعين وما تخفي الصدور فخليكي قد الأمانة اللي ربنا ائتمنك عليها في قلبك ودينك وبس 😮💨 وجد والله ربنا يحفظك ويسعدك 🌷
تم النشر السبت، ١١ أبريل ٢٠٢٦
بصي خلينا متفقين ان الكلام بين الولد والبنت حرام ف انتي قعدتي سنه كامله بتاخدي في ذنوب ف الحل الافضل انك تقطعي تواصل معاه نهائي وتتوبي من العلاقه دي عشان ربنا يكرمك قوليله ان انتي مش مستعده تعصي ربنا تاني وانك هتتوبي وانه هو لو عايزك ييجي يتقدملك وان باب بيتكم مفتوح بس بالنسبه للمسئوليه ف كدا كدا علما ييجي هيبقى فيها سنه ولاسنتين ف هتكوني كبرتي ونضجتي اكتر وتقدري تشيلي مسئوليه وكدا وخير ان شاء الله
تم النشر الأحد، ١٢ أبريل ٢٠٢٦
وحبيبتي هتفضلي ف دوامة طول ما بتعملي حرام و طول ما ثقتك في نفسك مش موجودة . ممكن تنسي بقي صاحبنا ده و تنسي حدوته و شكلك و كل الكلام ده و تروحي لربنا تعرفي عنه و تتمسكي بعبادته و بالقرآن . ما عند الله لا يبلغ إلا بطاعته . عمرك عمرك ما هتلاقي ونس و زوج و سعادة بالحرام و لو لقيتيهم هيتبعهم حزن و إحباط . اقطعي علاقتك به فهي كلها غلط ف غلط . اتعلمي تحبي نفسك و شكلك و تثقي ف جمالك و اهتمي بنفسك بس هتعرفي انها جميلة جدا اوعي ترتبطي و انت مش واثقة ف نفسك هتتعبي نفسك واللي معاكي و تدمري العلاقة . اللي يعوز بنات الناس بيروح لابوها يخطبها . و بنات الناس لا بيكلمو زميل ولا صديق ولا حبيب . خليكي بنت ناس و غالية .
تم النشر الأحد، ١٢ أبريل ٢٠٢٦
يا حبيبتي، أنا فاهمة تماماً اللي جواكِ.. الاهتمام ده بيخلي الواحدة تتعلق ومش عارفة تبعد، وفي نفس الوقت خايفة الوجع والخسارة. ده شعور طبيعي في سنكِ ده، خاصة مع واحد في الكلية بيضحككِ ويهتم بكِ كده. بس خليني أقولكِ الحقيقة بلطف: العلاقة اللي زي دي بدون حدود واضحة (زي خطوبة شرعية) بتكون زي لعبة نار، ممكن تحرقكِ في الآخر، وده مخالف لقيمنا الإسلامية اللي بتحمي البنات زيكِ. الحل العملي خطوة بخطوة: خذي مسافة مؤقتة : قللي الكلام والأفضل تقطعيه خالص، وركزي على دراستكِ وهواياتكِ. ده هيخليكِ تشوفي إذا هو جاد ولا مجرد هزار. لو بيضحك عليكِ، هيبان سريعاً، فكري في مستقبلكِ : أنتِ 19 سنة، الجامعة والدراسة أولوية. لو هو جاد زي ما بيقول (بعد الجيش/الجامعة)، خليه يثبت ده بخطبة رسمية عائلية. ده الطريق الآمن اللي يحميكِ من الوجع والندم. اعتني بنفسكِ : زيدي ثقتكِ بنفسكِ – أنتِ مش محتاجة "جمال كفاية" عشان تحافظي عليه، اللي يستاهل هيقدركِ زي ما أنتِ. مارسي رياضة، اقري كتب إيجابية، وادعي ربنا يرشدكِ. أنتِ قوية وهتقدري تتحكمي في الموقف ده، مش هو اللي يسيطر. لو عايزة نصيحة أكتر أو استشارة نفسية، روحي على صفحة الخبراء في فدني: https://www.fedni.net/experts – فيه متخصصين في العلاقات والتنمية الذاتية. وابحثي عن أسئلة مشابهة في فدني، هتلاقي إجابات كتيرة مفيدة. هتقدري، يا قمر! 💪❤️
تم النشر الجمعة، ١٠ أبريل ٢٠٢٦
اسف لو كتبت كلمه اسأت فيها بشكل غير مقصود او كانت قويه زياده عن اللزوم بس المقصد من كلامي انك تدوري وتختاري حد يستحق وبتاع افعال مش كلام ووعود غير مضمونه وانا النهرده غير بكرا وكل الناس بتتغير ونقطه الجمال دي لفتتني وحاب اتكلم فيها لوحدها.... قال قبل كده الشيخ ياسر الحزيمي في بودكاست عن الزواج "ما تراه جميلا قد لا اراه انا جميل" فالجمال ومعايير الجمال تختلف من شخص لشخص عموما وبفوارق كمان فالنقطه دي لا تشغلي بالك بيها (في حياتك او لما حد يتقدملك) وخلي عندك ثقه في نفسك عشان انا كنت احد ضحايا النقطه دي وانا في سن ١٤ حيث كنت بوهم نفسي اني مش جميل بشكل غير مبرر ولاكن اتضحلي ان ده هبل وبل بالعكس انا زي الفل ولله الحمد
تم النشر السبت، ١١ أبريل ٢٠٢٦
انصح بان ميكونش في تواصل بينكم خاص اصلا نظرا انو حرام اختي حتي في فتره الخطوبة حرام لانو لا يحل ليكي قال تعالى: "عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا" وقال تعالى: "وَلَا مُتَّخِذَاتِ أَخْدَانٍ ۚ " ... حافظي على نفسك اختي الي انتو فيه يسمى اعجاب وليس حب والبيت بيتم الدخول من بابه وليس من شباكه ومع العلم نسبه ٩٩% من المرتبطين اخرتها بتكون انفصال ولما يخلص جيش ممكن عادي جدا يضرب في دماغه يدورلو على وحده "مكلمتش حد قبله" ودي دماغنا كشباب عموما بندور على البنت الي "مكلمتش حد قبله ولا رخصت نفسها عشانه" اسف على اللفظ بس ده واقع فا اختي فكك من الحوارات دي ملهاش لازمه وهو لو بيحبك فعلا هيركز عل تطوير من نفسه مش يكلمك شات ويضيع وقته عشان يوصلك ولما يخبط الباب يكون جاهز باسرع وقت ... وحاب اضيف عل كلامي ان الارتباط في الخاص سواء في فتره الخطوبه او قبلها ده بيضيع وقت وبيخليكم مش متعرفين عل بعض بشكل حقيقي نظرا لانشغالكم بالكلام المعسول🙄 على الرغم ان فتره الخطوبه فيها حاجه اسمها النظره الشرعيه ودي بتتكلمو فيها عن حاجات المهمه زي الاولاد واللبس وهل بتعرفي تطبخي وانت كرجل بتدير فلوسك ازاي وبتشغل وقت فراغك ازاي عشان تفهم وتفهمي عقلية الطرف الاخر وهل هو مناسب ليكون زوج او لا وهل هو مناسب ليا ولا لا مش "ازيك عامله اي النهرده" "ده حصل كذا وكذا وكذا" كل ده كلام فاضي خلوه بعد الزواج حيث يكون حلال وقتها وفعلا تكون بتقدي وقتك مع شخص يستاهل مش شخص مش ضامن هل هو بيتسلى ولا لا
تم النشر السبت، ١١ أبريل ٢٠٢٦
وكلي امرك لله وصلي استخاره ارجع لربك وهو قادر على مفتاح لقلبك
تم النشر السبت، ١١ أبريل ٢٠٢٦
لعرض السؤال في فدني اضغط هنا