انا دلوقتي شاب وحيد أبوه وأمه وعندى شقه الحمد لله فى اولى جامعه بس مأجل سنة علشان هحول من كلية لكلية تانية المهم انا عرفت بنت من اخر اولى ثانوي أو فى اوائل تانية مكناش بنطيق بعض تماما وبنتخانق دائما وكنت أنا وهى فى جروبات مذاكرة بالصدفة مع بعض بعض كده بدأنا نتكلم ونعرف بعض اكتر المهم فضلنا كده لحد دلوقتي ومنقدرش نبعد عن بعض يوم واحد اكتر فترة بعدناها ٣ شهور بس ده كان فى أول ما عرفتها خالص بعد كده يوم ونرجع يومين بالكثير اوى اوى ٥ ايام ونرجع كأننا بقالنا سنتين مشوفناش بعض وخرجنا مع بعض كتير وانا كنت اعرف قبلها بنات كتير جدا وهى كانت عارفه كده وسبتهم كلهم ومبقتش احب غير واحده بس مع انها ممكن تكون أقل جمالا منهم أو مستوى اجتماعى لاكن أنا قلبى حب دى وبس وعيلتها واصحابها كلهم عارفين ماعدا ابوها وناس قليلة اوى ميعرفوش وانا نفس الكلام تقريبا وخليتها قبل كده تقابل امى وقعدوا مع بعض شوية وكنا فى الجامعة وقتها اه صحيح هى ليها اخوات وانا لا هى دخلت معهد وأنا كلية بس لو عايزين الحق المفروض كان يحصل العكس هى بنت جدعه وعلى طبيعتها وبتحبنى اوى وانا بحبها اوى لدرجه انى لو هى تعبانه او عندها مشكلة أنا بحس بيها وبتعب وهى نفس الكلام بجد والله مش كلام افلام بس بحسها بنتى وحبيبتى واختى وبخاف عليها اوى أنا كنت اول واحد تعرفه فى حياتها وده اتأكد منه لأنها غير البنات خالص ولا بتحط مكياج ولا اللبس الغريب ده وغلبانه كده ومش عايزه غيرى المهم حصل بينا فى الخروجات تجاوزات وكانت كذا مرة وكل مرة اكتر من اللى قابلها بس طبعا علشان بنكون فى اماكن عامه مبيحصلش اى حاجه تمس العلاقه وبنزعل جدا بعديها وبنبقى خايفين جدا ومش عايزين نعمل كده وعايزين نتوب وبعدين بنقع تانى وبنعمل تجاوزات كتير جدا جدا جدا على الموبايل سواء مكالمه أو فيديو وبردك لنحاول نتوب ونقفل وبنقع تانى أنا مدمن اباحية بردك من الدرجه السابعه وبحاول ابطل كل يوم مليون مرة لحد ما يأست ودمرت ليا حياتى من كل حاجه وعمال ابعد عن ربنا وبعدين ارجع تانى واقع تانى تعبت وانا والله نفسى اتعافى واتوب أنا وهى وربنا يجمعنى بيها فى الحلال واعيش حياتى كلها على الدين وتبقى هى رفيقتى إلى الجنة وهى كمان بتحاول بس مش قادرة تبعد عنى ولما بيجيلها عريس ولا حاجة أنا بتقطع من جوايا ويبقى متكتف مش عارف اعمل حاجه لانى متدمر من كل حاجه ودايخ على شغل ملقتش شهور بدور وتعبت مش لاقى لأما كلهم عايزين يشغلونى كأنى خادم عندهم بمرتب قليل جدا فدلوقتى أنا ضايع من كل حاجه فعليا ولا عندى شغل ولا معايا فلوس والسعاده السيئه والإباحية دمرونى حرفيا وببعد اوى عن ربنا ومعنديش اى مهارة ووقتى كله ضايع ودراستى بايظه حاسس انى تاية ومدمر وبضيع البنت اللى معايا سواء بقرب منها أو ببعد عنها ووالله نفسى اتجوزها وبحبها اوى وكنت مكلم اول ما عرفتها عمها وكلمنى زى ابنه وقاللى أن احنا نبعد لحد ما ربنا يكرمنا بالحلال إن شاء الله بس انا مسمعتش الكلام وكملت معاها ومقدرتش ابعد عنها كل حاجة فى حياتى بايظه مش عارف اعمل ايه ولا ابقى كويس واتصلح ازاى اكيد فيه حل للى أنا فيه ده قولولى اعمل ايه
طيب اول حاجه بالنسبة للبنت .. لازم انتم الاتنين توقفوا كلام مع بعض زي ما وعدت عمها .. وده الحل الامثل والاسلم ليكم انتوا الاتنين. علشان اول حاجه حرام كل اللي بيحصل ده .. تاني حاجه علشان ربنا يكرمكم بدل ما تكون النتيجة ي الاخر سيئة ليكم انتم الاتنين. علاقتكم ببعض دلوقت اولا هي كمان بتثير اكيد جواك مشاعر والمشاعر برضه ممكن تثير جواك الشهوة وهتؤدي انك ممكن تعمل العادة .. هتلاقي كله مرتبط ببعضه. علاقتكم برضه اكيد هتعطلك وهتعطلها .. انتم الاتنين بتدرسوا وانت محتاج بجانب الدراسة اللي المفروض تركز فيها انك تتعلم مهراة علشان تشتغل بيها .. علشان تقدر تتجوزها في الاخر. ف برضه كله مرتبط ببعضه. اما عن تبطيل العادة :- محتاج تقتنع إن هذه العادة مضرة، وعلشان تعزز الجانب ده أكتر، بأقترح عليك أنك تبحث عن أضرار العادة سواء ضررها على الجانب البيولوجي، أو النفسي. ده هيعزز أكتر بعدك عنها، لأنك لازم تعرف كل الأضرار اللي هتقع عليك في الاخر منها. الخطوة التانية أنك تبتعد تماما عن الافلام الاباحية، لأنها هي من المحفزات الأساسية التي تثير عندك الشهوة في عمل العادة. الخطوة الثالثة أنك متقعدش لوحدك كتير، لأن القعدة لوحدك بتخليك تفكر كتير وممكن تلاقي نفسك بتفكر في هذه الامور، علشان كده سهل جدا أنك تنفذ. عارف زيها زي مدمن المخدرات لما يقرر يبطل، أوقات بتيجي عليه فترات ضعف وانتكاسات، زي ما هيحصل معاك، أول حاجه بيعملوها أنهم بيحاولوا يكلموا حد علشان يبقى فيه حد معاهم، وينسوا فكرة الضرب اللي بتيجي. يعني حاول تشغل نفسك أول ما تيجي فكرة العادة في دماغك، انزل اجري، اتمشي، كلم صحابك، اتفرج على فيلم كوميدي مثلا، اعمل اي حاجه، المهم متسبش نفسك لدماغك. الخطوة الرابعة هي ان لو فيه وقت فراغ في حياتك، اشغله بشغل، بعمل تطوعي، بتعليم. اقتل الفراغ بأي طريقة علشان متسبش لنفسك وقت للتفكير. انت ممكن تقع مرة أو اتنين أو حتى عشرة، ده عادي جدا، متيأسش بسرعة، ده طبيعي جدا. هتفضل تقع وتقوم، هتقع وتقوم. علشان كده الخطوة الخامسة هي الايمان، مش الايمان بالله وبس، لازم نؤمن بنفسك، أنك هتقدر إنك تكون أفضل مما أنت عليه. أتمنى ليك السلامة
تم النشر الثلاثاء، ٢٥ يوليو ٢٠٢٣
أخي الكريم، أشكرك على ثقتك ومشاركة قصتك معي. أرى أنك تمر بمرحلة صعبة في حياتك وتحتاج للدعم. أولاً، أنصحك بالتركيز على علاقتك بالله والالتزام بتعاليم الإسلام. صلاة الخمس وقراءة القرآن ستقربك من الله وتعطيك القوة للتغلب على الإدمان. اطلب من الله الهداية والتوبة النصوح. ثانياً، فيما يخص علاقتك بالفتاة، أنصحكما بوقف التجاوزات حتى تتمكنا من الزواج بطريقة شرعية. تحدث مع والديها بشفافية عن رغبتك في الزواج من ابنتهم إذا كنت جاداً في ذلك. ثالثاً، ركز على بناء مستقبلك المهني واستغل وقت فراغك في تنمية مهاراتك والبحث عن عمل. اطلب من الله أن ييسر لك أمر الرزق. رابعاً، أنصحك بالتوبة الصادقة إلى الله والابتعاد تماماً عن الإباحية والتجاوزات. اطلب من الله العفو والمغفرة والهداية. ابتعد عن كل ما يغضب الله. استعن بالله واطلب منه القوة. تجنب الوحدة والفراغ. خامساً، أحط نفسك بالصحبة الصالحة التي تساعدك على الالتزام وتذكرك بالله. ابتعد عن الأصدقاء السيئين. أخيراً، أكثر من الدعاء واستشعر وجود الله معك في كل خطوة. اطلب العون منه وسييسر لك أمورك. لا تيأس من رحمة الله. توكل عليه وابذل المجهود في سبيل إصلاح نفسك. الله مع الصابرين. أتمنى لك التوفيق.
تم النشر الاثنين، ٢٤ يوليو ٢٠٢٣
شوف اللي يقرأ عنوان سؤالك والسطر التاني بتاع (عرفت بنت) مش هيحتاج ذكاء كبير علشان يعرف ليه حياتك متدمرة - لأنها قصة مكررة مليون مرة! فعلا الموضوع مش محتاج أي ذكاء علشان تستنتج أن العلاقة الغلط والحرام اللي بيحصل فيها ممكن يدمر حياة إنسان زي ما هو حاصل في حالتك لازم تعرف أن الإباحية والعادة المهببة اللي مبوظة حياتك دي كوم والحاجات الغلط اللي بتعملها مع البنت الغلبانة دي كوم تاني لأنك كدة مش بتدمر نفسك بس .. أنت كمان بتجر إنسان تاني معاك للمعصية والله أعلم لو موضوعكم مامشيش وتزوجت واحد غيرك علاقتك بيها هتأثر عليها ازاي بقية حياتها الحل بتاع كل مشاكلك ربنا ذكره في كتابه (وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ) وفي حالتك معناه تتوقف عن علاقتك بالبنت دي تماما لحد ما تبقى قادر تتقدم لها وتقدم نفسك لابوها .. غير كدة هتبقى بتضحك على نفسك وعليها وطبعا تشوف أي حاجة تشغلك عن نفسك لأن الفراغ - خاصة أنك مأجل الدراسة - عامل فيك عمايله
تم النشر الاثنين، ٢٤ يوليو ٢٠٢٣
لعرض السؤال في فدني اضغط هنا