كنت شغال في شركة من حوالي سنه ونص الشركة واتعرفت يعني علي بنات معانا في الشركة يعني حسيتهم اخواتي يعني بجد هما حسسوني بكده فبقينا يعني احنا اصلا فالشغل مع بعض بنضحك وبنهزر عادي وبنتكلم مع بعض بنطمن علي بعض حتا بعد ممشيت برضو بنتكلم ونسأل علي بعض فهل ده يعني حرام ولا اي مش عارف وكمان هيا وحدة متجوزه واختها مش متزوجه الاتنين اكبر مني انا 17 ووحده 28 ووحده 22 كمان يعني ناسهم يعرفو اننا بنتكلم وساعات بطمن عليهم واكلمهم او اروح اطمن عليهم مش عارف ده اي حكمه او اعمل اي
السلام عليكم، أنا فاهمة إنك ممكن تكون بتفكر في الأمر ببراءة وإنك مش شايف غير إنهم إخواتك أو إن اجتماعيا مجرد سؤال واطمئنان وبنتكلم بكل احترام، لكن في النهاية فيه حدود لازم نلتزم بها ومنتفتحش باب الفتنة بإيدنا. *** مفيش حاجة مضمونة ومحدش عارف الشيطان ممكن يتدخل بوساوسه ومع الوقت تزول الحدود أو تتحرك المشاعر في اتجاه غير مُحبذ، وتحصل مشاكل احنا في غنى عنها. ** دينيًا، الاختلاط والتعامل بين الجنسين المفروض بحدود وللضرورة، الهزار والضحك بيخرج عن الحدود دي ومع الوقت بيشيل الحواجز. وكمان فرق السن ده مش هو الحاجز يعني أو اللي هيجبر العلاقة تفضل في إطار الأخوة والاحترام. *** فالأضمن إننا نخلي التعامل في حدود ضرورة الشغل، وما دامت الضرورة دي انتفت ما تركت الشغل فمفيش داعي للاستمرار. وإن كنت أفضل توقف تواصل مرة واحدة، ،بس لو خايف تجرح مشاعرهم قلل التواصل ده وخليه في أضيق الحدود وانشغل في حياتك لحد ما توقفه تماما، بالتوفيق.
تم النشر الأربعاء، ٥ أغسطس ٢٠٢٦
أخي، أول حاجة أحب أقولها لك إن شعورك بالأمان والأخوة معاهم طبيعي، وواضح إن نيتك كويسة وإنك بتطمن عليهم بصدق. ده شيء إيجابي في حد ذاته، بس خلينا نشوف الموضوع من ناحية إسلامية وعملية عشان تقدر تاخد قرار مريح لقلبك. في الإسلام، العلاقة بين الرجل والمرأة غير المحرم ليها ضوابط واضحة، حتى لو الطرفين بيحسوا إنها "أخوية". الضحك والمزاح والكلام المتكرر والزيارات، حتى لو بنية طيبة، ممكن يفتح باب للفتنة أو يُفهم بطريقة مختلفة مع الوقت، خاصة إن واحدة منهم متجوزة. السن كمان فارق (أنت 17 وهما أكبر)، وده بيخلي الأمر أحيانًا يبدو بريء لك، لكنه قد يحتاج حدود أوضح عشان ما يحصلش أي لبس. الأفضل دلوقتي إنك تخفف التواصل تدريجيًا. ممكن تستمر في السؤال عنهم بس بشكل خفيف وغير متكرر، وتقلل الزيارات أو المكالمات اللي فيها مزاح وكلام طويل. لو عايز تطمن عليهم، ممكن تسأل عن طريق حد من أهلهم أو تكتفي برسالة قصيرة كل فترة. ده مش معناه إنك بتسيبهم، ده معناه إنك بتحمي نفسك وتحمي العلاقة من أي شبهة. أنت لسه صغير وبتتعلم، وده شيء كويس إنك بتسأل وبتفكر. ربنا يهديك ويوفقك، ولو حابب تتكلم أكتر عن إزاي تقدر توازن بين الطيبة والحدود، أنا هنا.
تم النشر الأربعاء، ٥ أغسطس ٢٠٢٦
لعرض السؤال في فدني اضغط هنا