انا مشكلتي هي أن انا وشخص ما بنحب بعض اهلي مكانوش يعرفوا المهم في يوم ما اكتشفوا ف حصلت مشكله كبيره وانتقال اسوء كلام ليا واضربت من بعدها تعبت جامد اوي دا غير ان والدي دعا عليا وحسبن فيا وقال انه مش مسامحني دا غير ان طول الوقت او اغلبه بيفكرني باللي حصل ويخلوني اعيط وبيهددوني انا دلوقتي مش عارفه اعمل ايه بقيت تعبانه انا بحب اهلي والله بس مكنش لازم يدعوا عليا اعمل ايه وانا بحب اللي معايا اعمل ايه وازاي ارجع كويسه من تاني؟
اللي حصل من أهلك ده خوف عليكي، لأنهم مكانوش متوقعين منك ده، وحسوا انك خذلتيهم بأنك تتكلمي مع شاب من وراهم، وديه حاجه كبيرة جدا. سواء طبعا عند اهلك، او عند ربنا. استحملي غضبهم عليكي، وقدري زعلهم منك .. وحاولي انك تقربي من ربنا، وتثبتي ليهم انك هتتغيري فعلا وهتبقى شخص كويس، بس مش بالاقوال لا .. بالافعال. بالنسبة بقى للشخص اللي انتي بتحبيه، ياريت تتركي العلاقة ديه لله. العلاقة دي محرمة لانها مش في النور، والشخص ده لو كان محترم وبيحبك وبيخاف عليكي كان جه واتقدم مكانش هيخيلكي في الموقف ده. ويكلمك من وراء اهلك .. ف ياريت ديه تكون اول خطوة، وتتركي العلاقة ديه.
تم النشر السبت، ٢٠ أبريل ٢٠٢٤
تستحملي يعني لو عايزه تعرفي تعملي ايه هتستحملي تستحملي رد فعل اهلك تستحملي الفتره اللي هم هيقضوها ما عندهمش ثقه فيك وبيفكروكي باللي انت عملتيه لانك اكيد كسرت الثقه اللي هم كانوا مديينها لك وما عندهمش توقع ان ده يحصل منك. دعوا عليك او اي حاجه ان شاء الله يعني دعوات. ما تكونش نافذه يعني ويكون من ورا قلبهم. اعملي بقى حاجات كتير علشان خاطر تستعيد الثقبتك في اهل فيكي تاني وتسترضيهم وتسمعي لما تسمعي منهم ما تقوليلهمش خلاص كفايه لا تقولي لهم انا اسفه وهفضل اعتذر لكم واشوفوا ايه الحاجه اللي ترضيكم واسعي لرضاهم كتير جدا. فتره وهتعدي معاكي. وشخص اللي انت بتحبيه وبناء على الحب ده ارتبطتي بقى بيه واتصرفت تصرفات. زي ما انت حصل معك واهلك خدوا رد فعل قوي ما كانش المفروض هو ده اللي يتعمل ولازم تتعلمي الدرس ده انه. مش لما يبقى عندنا شعور حتى لو هو شعور حلو ده يسمح لنا نتصرف تصرفات هي تصرفات غير مسئوله. وما تنفعش ومش هي الصح مهما كان. بتحبيه او بيحبك على حسب سنكو طبعا وعلى حسب حاجات كتير لو شخص ده عايزك هيجي البيت لاهلك. مش اكتر من؟
تم النشر السبت، ٢٠ أبريل ٢٠٢٤
اى حد مكان اهلك كان هايعمل نفس التصرف مش معنى كدة انهم بيكرهوكى لا إلى عملو خوف عليكى هما اكيد مكنتش يتوقعو انك مثلا تكلمى شاب من وراهم حولى مضيعيش ثقت اهلك علشان اهم حاجة ثقتهم دى بالدنيا بصى خليكى عارفة ان العلاقة إلى مترضاش ربنا نهايتها وحشة وتوجع والشخص إلى معاكى لو بيحبك يجى يتقدم متفضلوش من ورا الاهل وفى السر إلى بيحب حد مش بيرضاولو اى حاجة تأذى
تم النشر السبت، ٢٠ أبريل ٢٠٢٤
هو لو طلب ايدك من ابوكى بقا معاه مدد الله ربنا هيعينو و دا مش كلامى بس دا كلام ربنا و بنشوفو بعنينا حوالينا
تم النشر الثلاثاء، ٢٣ أبريل ٢٠٢٤
لو انتى في سن الجواز خليه يتقدم ليكى و يخش البيت من الباب و دخلي حد كبير من العائلة فى الموضوع
تم النشر الثلاثاء، ٢٣ أبريل ٢٠٢٤
كلامك مظبوط بس محدش هيوافق
تم النشر الثلاثاء، ٢٣ أبريل ٢٠٢٤
مفيش ادنى مشكلة لو انتى شيفاه حد كويس بعقلك و قلبك خليه يتقدم و طولو الفترة بتاعت الخطوبة و حاولى تنزلى تشتغلى بالحلال و جمعيات و ربنا يكرمك
تم النشر الثلاثاء، ٢٣ أبريل ٢٠٢٤
مع الأسف ظروف ماديه مش هتسمح دلوقت
تم النشر الثلاثاء، ٢٣ أبريل ٢٠٢٤
لعرض السؤال في فدني اضغط هنا