وعليكم السلام ورحمة الله وبركاته كان في مثل زمان بيقول خد اللي يحبك ومتخدش اللي تحبه ويمكن دا اللي انتي سمعتيه كتير الفتره دي واكيد عملك تشتت كبير في الاول كدا انتي سنك صغير يعني حكاية ان الفرصة هتضيع شليها من دماغك والقبول اهم حاجة في موضوع الجواز لانك مش هتعيشي معاه يوم ولا اتنين انتي هتكملي معاه عمرك ولو محصلش نصيب عادي هتلاقي كتير بيخبطوا بابك -بس علشان متظلميش خطيبك اديله فرصه بجد من قلبك مش بتضحكي علي نفسك وخليكي دايما بتصلي استخارة واطلبي تشوفيه وتتكلمي معاه مرة واتنين وتلاتة دا حقك -لكن لو بردو مفيش قبول يبقي انتوا لسه علي البر وفشكلي وملكيش دعوة بحد لان محدش هيتجوز غيرك ومحدش هيعيش معاه غيرك ولو حصل لاقدر الله طلاق فيما بعد مفيش حد هيتلام غيرك ففكري كويس وبدماغك وقلبك انتي ومتخافيش على زعل حد وتجبري نفسك تكملي وانتي مش عايزة فصلي استخارة وادي لنفسك وليه فرصة ارتحتي والدنيا مشيت تمام يبقي ربنا يوفقكم ويتمم بخير مرتحتيش ولسه زي ما انتي يبقى كل واحد يروح لحالة وانتي لسه صغيرة ربنا هيرزقك بغيره إن شاء الله
خلاص يا حبيبتي طالما كدا سيبيه علي طول وكل واحد يروح لحالة لان الجواز مش بالعافية وزي ما قولتك خدي القرار ومتخليش حد يضغط عليكي انتي اللي هتعيشي مش هما وانتي لسه صغير اوي وهيجيلك بدل العريس 100 واوعي توافقي علي واحد مجرد انه عاجب اهلك وافقي علي اللي ترتحيله وطولي فترة الخطوبة علشان تكتشفي الشخص دا كويس الانسان مهما كان بيمثل هيجي وقت وهيظهر علي حقيقته ودايما صلي استخارة لغاية يوم الفرح وادعي ان ربنا يرزقك بالزوج الصالح -ربنا يوفقك يا حبيبتي يا رب
تم النشر الثلاثاء، ٣٠ ديسمبر ٢٠٢٥
انا اديته اكتر من فرصه و لكن والله مش قادره و كمان تصرفاته بتخليني انفر منه و هو اه بيحبني و لكن اخر خروجه انزل فيها معاه الصراحه عمل تصرفات مش طبيعيه خلتني اقفل منه خالص و بحس انا بفرح و برتاح اوي لما افكر اني ممكن اسيبه بس للاسف انا خايفه و متردده جدا اخد القرار ده
تم النشر الثلاثاء، ٣٠ ديسمبر ٢٠٢٥
لعرض الإجابة في فدني اضغط هنا