السلام عليكم
انا بنت عندي 18 سنه مخطوبه لشاب بيحبني جدا و هو كويس يعني و طيب و محترم
ولكن للاسف انا مش متقبلاه من اول يوم اتقدملي فيه و إحساس عدم التقبل زاد جدا مع الوقت و مش قادره اكلمه ولا حته بحب ابصله
بجد الموضوع وصل معايا اني بقرف منه
انا اتخطبت في الاول بسبب خوفي اني اضيع فرصه و ملقيش حد مناسب و بسبب كلام اهلي اني هتقبله مع الوقت و لكن للاسف ده محصلش
و انا الصراحه عايزة اسيبه اوي و لكن متردده و خايفه اسيبه بعد كده اتخطب لحد وحش و يبهدلني و اندم
انا بتكلم بكل صراحه لاني بجد مخنوقه اوي و خايفه
وعليكم السلام ورحمة الله وبركاته يا حبيبتي، أشكركِ على صراحتكِ اللي بتدل على قوة شخصيتكِ، وأنا هنا معاكِ تماماً ومش هحكم عليكِ أبداً. إحساسكِ ده طبيعي جداً في الخطوبة، خاصة لو كانت قرار سريع خوفاً من "ضياع الفرصة" – ده خطأ شائع عند بنات في سنكِ (18 سنة زي الفل!). الزواج في الإسلام مبني على الرضا والقلب، مش الخوف. خطوات عملية تساعدكِ دلوقتي: صلّي الاستخارة : صلّي ركعتين وادعي الله يرشدكِ، لو فيه خير في الزواج ربنا هييسر الأمور لو العكس هيبعده عنك. فكّري في الأسباب : اكتبي على ورقة إيه اللي مش عاجبكِ فيه بالضبط (شكله؟ شخصيته؟ ولا مجرد ضغط خارجي؟). ده هيساعدكِ تفهمي نفسكِ أحسن. كلّمي أهلكِ بصراحة : قوليلهم "أنا مش مرتاحة ومش هتقبل مع الوقت"، واطلبي دعمهم. الخطبة مش زواج، وفسخها حلال ومش عيب – أحسن من زواج مدمر. متخافيش الندم : أنتِ لسة صغيرة، والله كريم ومش هيسيبكِ. ركّزي على تطوير نفسكِ (دراسة، هوايات، صلاة)، وهيجيلكِ اللي أفضل إن شاء الله. الخوف ده وهم، والتوكل على ربنا أقوى. لو عايزة دعم أكتر، شوفي أسئلة مشابهة في فدني وابحثي عن "مشكلة عدم القبول في الخطبة"، هتلاقي إجابات كتير. ولو محتاجة استشارة متخصصة، روحي لصفحة الخبراء هنا: https://www.fedni.net/experts – فيه مدربات حياة ومستشارين نفسيين هيساعدوكِ. أنتِ قوية وهتطلعي من ده أحسن، صدقيني! ربنا يرشدكِ ويختارلكِ الأجمل. 💕
تم النشر الثلاثاء، ٣٠ ديسمبر ٢٠٢٥
وعليكم السلام ورحمة الله وبركاته كان في مثل زمان بيقول خد اللي يحبك ومتخدش اللي تحبه ويمكن دا اللي انتي سمعتيه كتير الفتره دي واكيد عملك تشتت كبير في الاول كدا انتي سنك صغير يعني حكاية ان الفرصة هتضيع شليها من دماغك والقبول اهم حاجة في موضوع الجواز لانك مش هتعيشي معاه يوم ولا اتنين انتي هتكملي معاه عمرك ولو محصلش نصيب عادي هتلاقي كتير بيخبطوا بابك -بس علشان متظلميش خطيبك اديله فرصه بجد من قلبك مش بتضحكي علي نفسك وخليكي دايما بتصلي استخارة واطلبي تشوفيه وتتكلمي معاه مرة واتنين وتلاتة دا حقك -لكن لو بردو مفيش قبول يبقي انتوا لسه علي البر وفشكلي وملكيش دعوة بحد لان محدش هيتجوز غيرك ومحدش هيعيش معاه غيرك ولو حصل لاقدر الله طلاق فيما بعد مفيش حد هيتلام غيرك ففكري كويس وبدماغك وقلبك انتي ومتخافيش على زعل حد وتجبري نفسك تكملي وانتي مش عايزة فصلي استخارة وادي لنفسك وليه فرصة ارتحتي والدنيا مشيت تمام يبقي ربنا يوفقكم ويتمم بخير مرتحتيش ولسه زي ما انتي يبقى كل واحد يروح لحالة وانتي لسه صغيرة ربنا هيرزقك بغيره إن شاء الله
تم النشر الثلاثاء، ٣٠ ديسمبر ٢٠٢٥
صلاة الاستخارة مش كده، أنتِ بتصلي وتدعي ربنا وأنت موقنة إنه هيختار لك الخير، الموضوع ملوش دعوة بإشارات ولا راحة ولا أحلام... الفكرة إن لو فيه خير في الزواج او الأمر اللي بتستخيري عشانه ربنا بييسره عشان يتم وإذا كان فيه شر بيبعده عنك. صلي استخارة وادعي بيقين وحاولي تركني مشاعرك السلبية على جنب واتركي الاختيار لربنا ومتنتظريش علامات.
تم النشر الثلاثاء، ٣٠ ديسمبر ٢٠٢٥
عايزة حد يقولي اعمل ايه والله اعصابي تعبت من كتر التفكير و نفسي اسيبه اوي بس خايفه اندم و صليت استخاره اكتر من مره بس مش بحس بحاجه و لكن انهارده صليت الفجر و دعيت اني لو في خير في اني اسيبه و ان ده الصح اديني اشاره يا رب جات اريح راسي علي المخده لقيت الخيال عامل علامه صح علي السقف دي ممكن تكون اشاره و لا لا و انا بتحجج باي حاجه علشان اسيبه و احس ان اللي عملته الصح
تم النشر الاثنين، ٢٩ ديسمبر ٢٠٢٥
لا مش هتندمي انتي ممكن تندمي لو وافقتي وكملتي مع واحد انتي من دلوقتي بتقرفي منه بتقرفي منه دي صعبه اوي يعني هتقرفي من هدومه ومكانه وحياته وكل حاجه يعني اي هتندمي مش فاهمه اصلا اندم لو الشخص انا عندي ناحية قبول من كل ناحيه بس انا الا بستهبل وخلاص إنما انتي كدا لا ومفيش حاجه اسمها علشان هو فرصه حتي انا مش قادره ابصله هتجوزه ازاي وليه الزواج أعمق من كدا بكتير صلي استخاره ومتقبليش واحد مش هتقدري تبصيله اوعي بجد
تم النشر الخميس، ١ يناير ٢٠٢٦
السلام عليكم ... لو رفضتيه ممكن تندمي بعدين لأن في قصة انا سمعت عنها لوحدة زوجها عنيف ومؤذي والطيبين أتقدمو لها في الماضي ورفضتهم ... فهي تقبلت المؤذي لأنه في الخطوبة كان لسانه معسول وشخصيته جميلة وكان بيمثل عليها ... ومع ذلك مش هقول لك تزوجيه وانتي مش متقبلاه
تم النشر الخميس، ١ يناير ٢٠٢٦
سلام عليكم. أعتقد إن كونك مش متقبلاه فالأفضل تنفصلي عنه علشان مصلحته هو قبل مصلحتك. هو ملهوش ذنب يتجوز إنسانة مش قادرة تبصله. رأيي المتواضع إن انفصالك عنه هيكون واجب تجاهه هو بصرف النظر عن مخاوفك إنتي.
تم النشر الأربعاء، ٣١ ديسمبر ٢٠٢٥
صلي استخاره بس متتكلميش بعدها مع حد صليها وانتي عندك امل في ربنا ويقين فيه ونامي بعدها علي طول متتكلميش مع حد
تم النشر الأربعاء، ٣١ ديسمبر ٢٠٢٥
السلام عليكم ورحمة الله وبركاته ، من دون إساءة ظن به لعله على خير لكن لا أشعر من كلامك ان هذا الشخص على الإستقامه او على قدر من الخلق ويبدو انه شخص عادي ، لكن على كل حال حاولي تتقبلي واستعيني بالله واذا لم تستطيعي ارفضيه وادعي له بالتوفيق ولا تظني ان عدم تقبلك له يقلل منه .
تم النشر الثلاثاء، ٣٠ ديسمبر ٢٠٢٥
مش متقبلاه ارفضيه ، وأصلا هتعيشي معاه إزاي وإنت مش قادره تبصي على وشه ولا قادره تتعاملي معاه ، والجواز ده بيكون باقي عمرك معاه وأكيد مش هتستحملي باقي عمرك تعيشي مع إنسان مش متقبلاه ، سيبيه وربنا يعوضك بالاحسن منه يارب
تم النشر الثلاثاء، ٣٠ ديسمبر ٢٠٢٥
استخيري وربنا يريح بالك وقلبك
تم النشر الثلاثاء، ٣٠ ديسمبر ٢٠٢٥
لعرض السؤال في فدني اضغط هنا