هل أكمل في خطبتي رغم كل هذه الأسباب التي تجعلني مترددة؟

Question

السلام عليكم ، عايزة حد يفيدنى فى قرار مصيري جداً انا واحدة مخطوبة ليا تلات سنين من ابن عمتى خطبني من تانية كلية وكدا واستنانى لحد ماخلصت وخلاص جوازنا فاضل عليه شهور ، ابن عمتى دا كان بيحبني جدا من وانا صغيرة رغم انى عمري ما اتكلمت معاه ولا حتى قعدنا مع بعض فى اي قعدة عائلية لانى دا نظام بيتنا حتى قرايبنا الولاد مش بنقعد معاهم بس هو كان يلمحنى كدا من بعيد وحتى عمتى دى اللى هى حماتى انا مشفتهاش ابدا غير يوم ما ابنها خطبنى لاننا عايشين فى بلد تانية المهم ان هو اصر على اهله ان يخطبنى لانه بيحبنى رغم اخوه الكبير قاله انى دلوعة ومش هنفع معاهم ، المشكلة بقى ان انا مقدرة كل دا بس عندى مشكلة مع فكرة انى هعيش فى بيت عيلة ودا عادى بالنسبة ليا ولكن مشكلتى ان شخصيتي مش برتاح وبكون متوترة لما بيكون فى رجالة حواليا لانى منطوية وعندى خجل زاد وهو عنده اخين ولاد الاتنين متجوزين بس انا لما هكون بخدم مثلاً فى بيت عمتى تحت مش هكون مرتاحة ولا على طبيعتي لوجود اخواته بس هما بيسافروا اغلب السنة اصلا عشان شغلهم فى بلد تانية ، اما مشكلتى التانية وهى الطرحة انا طبعاً مش متعودة اطلاقا افضل بالحجاب فترة طويلة لما بكون برا اصلا بتخنق وبرجع بسرعة عشان اقلع الرحة بسرعة لانها بتضايقني المشكلة الاكبر اني هضطر اعمل شغل البيت بالطرحة كمان فى عز الحر وافضل بيها طول مانا تحت يعني ساعات كتيرة ، المشكلة اللى بعدها بقى اني طبعي غير طبع الناس اللى ريحالهم وتفكيري غيرهم وهما بيهزروا هزار تنمر اكتر منه هزار وانا حساسة ومش بستحمل أبدا وعصبية جداً فخايفة اتعصب فى مرة ودا غلط طبعاً ، مشكلتي الاخيرة وهي انه خطيبي فعلاً عنده خصلة بتضايقني جدا وهي انه لما بنتخانق او نزعل من بعض وهو شايف اني غلطانة بيخاصمني ويبعد لوقت كبير جدا وحصلت اكتر من مرة بس اخر مرة المرة دي انا حاليا مش بكلمه بس لانه هو اللى بدأ بالبعد والخصام وانا شايفة اني مغلطتش وحتى لو غلطت دا مش اسلوب حل ولا ينفع نحل مشاكلنا بطريقة دي فانا مبعتش ليه ولا كلمته ولينا حوالي شهر متخاصمين . فانا مترددة جدا وحاسة اني عايزة افركش الجوازة دي للاسباب اللى قولتها بس خايفة لاني بحبه ومتعلقة بيه وكمان هيحصل خلافات كبيرة جدا بين العيلتين وكمان لان بينا شغل فالموضوع معقد جدا بصراحة

Accepted Answer

وعليكم السلام ورحمه الله وبركاته بصي يا اختي انا هنصحك وعن تجربه نفس اللي بتحكي فيه دا انا شفته ومرايت بيه بعد الجواز انا متزوجه ف بيت عيله وابن عمتي اسوا. معامله بيعملوها ليا انا لو عرفتهم انهم كدا قبل الزواج ف الخطوبه وربنا كنت فركشت زوجي علي اتفه حاجه بيخصمني بشهر والاكتر وانا ارجع اصالحه كله علشان مخربش علي نفسي فا نصيحتي. ليكي انتي لسه ع البر اللي بيحب بجد عمره ما هيقدر انه ميطمنش ع اللي بيحبه فا انه يفضل بشهر انه ميكلمكيش ولا يطمن عليكي الاحسن ليكي سبيه وهي موقفتش عليه ربنا هيكرمك بواحد احسن منه ولو فضلتي تحسبيها ان قرايب ومينفعش تسبيه وهيحصل مشكله بين العاليتين لما تتجوزي وتحصل مشكله وخصام بينكم علطول معلش اهلك هينفعوكي ولا اهلو لا طبعا

Answer

وعليكم السلام ورحمة الله وبركاته، لما تتزوجي شخص ما رح دايما تكوني متقبلة كل الاشخاص الي بعائلته، لأنه الطباع مختلفة ومستحيل تلاقي طباع مثل طباعك مية بالمية، وشبه مستحيل تعيشي مع شخصيات الي هني نفس الشخصيات الي عايشة معهن ببيت اهلك، لانه الزواج حياة جديدة وبيئة جديدة، وبدك تعرفي تتعاملي معهن. قبل التطرق لبيت العيلة، لازم تشوفي الفارق الي بينكو كبيئة وبين عيلة خطيبك، هل هو كبير ، ممكن تتعايشي معو بحكم السكن، ولا كيف؟ وحسب رأيي اهم نقطة هي مسألة طريقة حل الخلاف بينكو كتير غلط، وممكن تشبب مشاكل كبيرة بالمستقبل، يعني مشاكل الخطوبة بتكون بسيطة بس مسؤوليات الزواج كتير كبيرة، وبهيك طريقة المسؤوليات بتسبب خلافات كبيرة، لهيك بالنسبة الي شخصيا أول واهم نقطة تفكري فيها هي هاي النقطة، بس كمان الشاب حبّك وستناكي لحد ما خلصتي تعليم، فما تظلميه، وحاولي معو، قليلو بصراحة هاد الحكي، انو احنا فايتين على مشروع زواج؛ ولازم المشاكل بيننا ما تبيت اكتر من ليلة، نحكي ونتفاهم لحد ما تنحل المشكلة ويضل قلبنا صافي بدون أي تراكمات... بالنسبة لبيت العيلة الاشي برجعلك، في بنات بمصر كيف بعرف برفضو يتزوجو لبيت عيلة بسبب العادات انه لازم الزوجة تضلها تحت عند دار عمها، وفي بنات ما عندهن مشكلة، وفي حل وسط كمان الي هو مثل عنّا، بيت العيلة كل شخص بعيلته مستقل ، معاه مفتاح بيتو، وقت الغدا وهيك مننزل صحن اكل وهني مرات بطلعو، الخدمة بتكون من باب المعروف ومش الوجوب، مثلا بفطور رمضان بتكون الزوجة متواجدة قبل ساعتين مثلا وبتساعد وهيك، اما انو تضل الزوجة تحت كل النهار لا ما في هيك اشي لانه هي عندها كمان بيت وولاد واشغال واعمال... اذا صعب عليكي تسكني ببيت عيلة، ممكن تتفقي مع خطيبك على هاي الامور ... وطبعا قبل كل خطوة استخيري وما تتسرعي بفسخ الخطوبة.

Answer

بصي اسفه طبعا على صراحتي. طبعا هو الدلع مش عيب بس من حيص الدلع فانت فعلا على كلامك دلوعه. يعني ايه مش الحجاب انا مخنوقه من الحجاب على فكره الحجاب شيء عادي وشيء جميل وحته انت لو لبستي تربون او لبستي كاب هيبقى زيه زي الحجاب هل انت بتتخنقي من الحاجات دي فطبعا لا فهنخلينا ان احنا مخنوقين من الحاجات لو مامته شديده عايزه حد متحمل المسؤوليه عايزه واحده تشيل بيتها وتشيل بيت جوزها بيتها مش هو اللي هو بيتك لا انت هتشيلي بيت حماتك وهتشيلي بيت جوزك لان انت من معلوماتك ان هم بيسافروا فعايزه واحده تتحمل فانت مش هيكون عندك القدره ان انت تتحملي الكلام ده مش هيكون عندك القدره ان انت تلبسي حجاب. وتقفي في المطبخ تطبخي لاهل جوزك ولجوزك لان هم كلهم بيسافروا مش هيكون عندك القدره ان انت تخلي بيتك وتسافري مع جوزك وتخلي بيتك اللي هو في الخارج وممكن حماتك اللي هتبقى في مقام مامتك هتقول لك معلش انا عقبال ما ارجع ممكن تروقي لي شقتي وهتروقي شقتك برده. كل ده انت مش هتتحمليه فانا من رايي لما تكوني فاسخه خطوبه احسن ما يكون طلاق ويبقى فيه شد وجذب ما بين العيلتين بسبب ان انت مش هتبقي متحمله للمسؤوليه انا من رأيي لو انت اقعدي مع نفسك كده وشوفي هتتحملي المسؤوليه تمام مش هتتحملي يبقى بلاش من الاول ممكن يكون في تاتش خفيف ما بين العيلتين والشغل هيكمل عادي وكان فيه وخلاص ما فيش اما لو دخلتوا في زواج هيبقى في بعد كده حاجه اسمها خراب بيوت الحاجه دي كبيره قوي فانت مش هتكملي لان انت مش هتتحملي المسؤوليه وانا اسفه طبعا على صراحتي مره ثانيه فانا من رايي.

هل أكمل في خطبتي رغم كل هذه الأسباب التي تجعلني مترددة؟

نفسية

اجتماعية

زواج

سؤال من احد أعضاء فدني

تم النشر الثلاثاء، ٩ سبتمبر ٢٠٢٥

5 إجابة

83 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك