السلام عليكم ورحمة الله وبركاته
انا عندى ٢٦ اتعرضت لتنمر كتير ف حياتى عشان سمرا شويه رغم انى جميله جدا بس عيلتى اتعودت من صغرى على كده لأنى سمرا عن اخواتى بس بعيد من العيله مش مبالغه بس بسمع مدح كتير جدا.
انا الحمد لله لبسي شرعى بس مؤخرا لبست نقاب بسبب إن عندى مشكله مش بحب حد يركز في شكلى زى كأنى واخداه ساتر من كلام الناس
نفسي اتخطى ده وللاسف انا حاسه ان ردود افعالى عنيفه مع العيله ومش بستحمل منهم اى كلام وده مش طبعى مش قادره اوصف احساسي كله بجد بس حد عرف يكون طبيعى بعد التنمر💔.
ناس مريضة متهتميش ليهم اهم حاجه عيشي لنفسك و بشرتك جميله و كلام ناس بتغير و بيروح و يجي مفروض تكوني واثقه من نفسك و ك لبسك للنقاب عشان تخبي شكلك ده غلط جدا حبي شكلك و حبي تفسك ربنا قال لقد خلقنا الإنسان في أحسن تقويم
تم النشر الجمعة، ٦ مارس ٢٠٢٦
بصي لو لبستي النقاب عشان تستخبي من عيون الناس، فإنتي كده لسه مديالهم سلطة عليكي. البسيه لو إنتي حابة علاقتك بربنا وشايفاه وقار ليكي، مش عيب يتدارى. حبي شكلك الأول عشان لما تلبسي النقاب تلبسيه وإنتي ملكة مش وإنتي مستخبية. وإنتي مش عصبية بطبعك، إنتي بس موجوعة وبتدافعي عن نفسك بزياده . الحل مش في العنف، الحل في البرود بذكاء. لما حد يرمي كلمة، بصيله بثبات وقولي ده ذوقك، بس الكلمة دي مش مقبولة، وامشي. الثبات بينهي التنمر أكتر من الزعيق. لو أهلك أو قرايبك لسه بيمارسوا نفس الأسلوب، حطي حدود . مش لازم تبرري جمالك لحد، ولا لازم تقنعي حد إنك حلوة. اللي مش شايف جمالك هو اللي عنده مشكلة في نظره، مش إنتي اللي عندك مشكلة في لونك. التنمر كسر حتة جواكي، والترميم بيبدأ لما تقولي لنفسك انا غاليه ومتميزة وجميله ،واللي مش عاجبه مش مسموح لو يتكلم . بعتذر عن الإطالة 😊 وجد ربنا يحفظك ويسعدك
تم النشر الأربعاء، ٤ مارس ٢٠٢٦
وعليكم السلام ورحمة الله وبركاته يا حبيبتي 💕 أولاً، أشكرك إنك شاركتيني قصتك دي، وأنا فاهمة تماماً إحساسك بالضيق. التنمر بيسيب جروح عميقة في النفس، خاصة لو من صغر، وده بيخلي الواحد يحس إنه "مش طبيعي" في ردود أفعاله، زي الدفاع الزايد عن النفس أو الانسحاب خلف النقاب عشان الساتر. بس صدقيني، كتير جداً ناس زيك عاشوا التنمر وعرفوا يتخطوه ويبقوا أقوى، وأنتِ قادرة تماماً لأنك أصلاً جميلة وقوية الحمد لله. خطوات عملية عشان تتخطي ده: ذكّري نفسك بقيمتك عند الله : الإسلام واضح جداً، زي قول الرسول ﷺ: "لا فضل لعربي على أعجمي إلا بالتقوى". لون بشرتك هدية من ربنا، مش عيب. كل يوم، قولي لنفسك ٥ حاجات إيجابية عنكِ (مثل جمالك، لبسك الشرعي، قوتك)، واكتبيها في مذكرة. ده هيبني ثقتك تدريجياً. مع العيلة، حددي حدود هادئة : لما يقولوا كلام يضايقك، قولي بهدوء "أنا مش عايزة أسمع ده"، وغيّري الموضوع أو سيبي الغرفة. مارسي الردود دي قدام المراية أولاً. ولو حسيتي الغضب جاي، قومي توضأي وصلّي ركعتين، أو اقرئي آية الكرسي – ده بيهدّي النفس سريعاً. للنقاب والتركيز على الشكل : لو بيريّحك، خلّيكِ فيه لحد ما تحسي بالأمان. بس جربي تدريجياً تقلّلي الضغط ده: ابتسمي لنفسك في المراية يومياً وقولي "أنا كفاية كده"، وركّزي على إنجازاتك (شغل، هوايات، عبادة). مع الوقت، هتحسي إن نظرة الناس مش مهمة. أنتِ مش لوحدك، يا قمر! كتير بنات زيك في فدني سألوا عن التنمر والثقة بالنفس، ابحثي في التطبيق هتلاقي إجابات مفيدة أكتر. ولو عايزة دعم أعمق، روحي لصفحة الخبراء https://www.fedni.net/experts، فيه متخصصين نفسيين هيساعدوكِ بشكل شخصي. أنتِ تستاهلي تكوني سعيدة وطبيعية، ربنا يقوّيكِ ويفتح قلبكِ للرضا 💪❤️.
تم النشر الأربعاء، ٤ مارس ٢٠٢٦
حاضر شكرا ليك🤍
تم النشر الخميس، ٥ مارس ٢٠٢٦
هما بقا مش متخيلين ان بسببهم انا خدت فتره محتاجه دكتور نفسي والغريب ف الموضوع انى مش سمرا اوفر وجميله جداا بشهادة اى حد غريب يشوفنى بس هما بيحاولو يقللو منى واهلى ف البيت مش بيدافعو عنى ديما شايفين ان هما بيهزرو 💔
تم النشر الخميس، ٥ مارس ٢٠٢٦
عليكم السلام ورحمة الله وبركاته ـ اختصارا. لا تلقي بال للناس ابدا الغاية والهدف هو ان تتقي الله واستعن بالله والزمي دينك وسيأتيك الصالح ولا اعلم رجل يبحث عن الجمال حتى الأن الجميع يبحث عن الدينة فإن وجد الجمال فهو خير لكن الهدف ليس جمال المرأة على الإطلاق فإن الأمر اكبر من مجرد لون بشرة ـ ولا تلقي بال لمثل هذه الأمور واسألي الله الثبات والله المستعان.
تم النشر الخميس، ٥ مارس ٢٠٢٦
حولي تحبي نفسك مفيش حاجه اسمها سمرا وبيضه الجمال جمال القلب وعلى راي المثل السمار نص الجمال 🤍🧡
تم النشر الخميس، ٥ مارس ٢٠٢٦
حبيبتي اي حد بيتريق على حد بيكون هو اللي عنده نقص وخايف انه يظهر فيطلعه على الناس قبل ما الناس تاخذ بالها من نقصه مش قصدي اي حاجة وحشه عن عيلتك هما ربنا يهديهم. بس معلش يعني هما خلقوا نفسهم ؟ هما اللي خلوا بشرتهم بيضاء. الاجابه لا برضو. فليه النقص والتقليل ده. بجد انتي جميله باخلاقك و حتى جميله بشكلك بس الناس لما بتشوف الجمال أكبر من استيعابها بتبدأ تخاف وتحس بالنقص فبتطلعه على الناس ❤️
تم النشر الجمعة، ٦ مارس ٢٠٢٦
لما بشوف طفله حد بيتنمر عليها كنت بقولها روحي اساليهم سؤال واحد وتعالى والسؤال هو اتعيب الخلقه ام الخالق واقولها لو مفهمش قوليلو يعني انت بتعيب عليا انا ولا ع ربنا ال خالقني ف ال قدمها كان بيسكت وبعدين امسك الطفله دي واقعد افهمها ان ربنا مخلقش حاجه ف الدنيا وحش ولا ربنا بيخلق حد ناقص ربنا ليه حكمه ف اختلفنا واقولها انها مميزه اى كان ايه المختلف ال عندها وانها تحب نفسها عشان هتلاقى كتير يحبوها ويبقو نفسهم يبقو زيها انتي جميله وهما ال نقصين ايمان واحترام ذات
تم النشر الجمعة، ٦ مارس ٢٠٢٦
🤍🌹
تم النشر الخميس، ٥ مارس ٢٠٢٦
اللي احنا دلوقتي شايفينه تنمر وبيتعب الشخص نفسيا هما ف زمانهم كانوا بيعتبروا هزار عادي ومضطرين يستحملوه ، الفكره أن الأجيال نفسيتها بتبدأ تضعف جيل بعد جيل ، علي ايام ابائنا وهما شباب عمرهم ما سمعوا عن المرض النفسي خالص عشان كدا مش بيقدّروا حجم الكلام اللي بيتقال ولا عواقبه علي الشخص ، عموما حاولي تكوني صارمه معاهم شويه وادعي ربنا ف الايام المباركه دي ف ليه مفعول السحر
تم النشر الخميس، ٥ مارس ٢٠٢٦
لولا اختلاف الاذواق لبارت السلع ، لو شخص شايفك مش حلوة غيره هيشوفك حلوه ، اوقات احنا كأهل بنبقا اتعودنا علي شكل اخواتنا وعيالنا فمبقناش بنركز ف حته الجمال دا قوي ، هو اعتقد بيبقى انطباع مبدئي ومع مرور الوقت وكثره النظر لسكل الشخص اللي قدامك ف بتتعود على شكله ، اكبر مشكله عند الاهل أن كل حاجه عندهم هزار ، تقليلهم منك وكسرتهم ليك وتعبك النفسي اللي بسببهم وبسبب كلامهم اللي يهد جبل ولما تيجي تزعل يقولك يعم انا بهزر متبقاش قفوش كدا ، نصيحه لازم تضعي حد للكلام دا وشوفي ايه اللغه اللي أهلك بيفهموها واتكلمي معاهم، لو بالود فهو احسن ولو انك تكوني صارمه معاهم فمش مشكله ، لانه ف الاول والاخر الشخص اللي بيتعرص السخريه أو كذا بيحاول يعدي الموقف قدام أهله بإنه يضحك أو ع الأقل ميبينش زعله ليهم بس بعدها بيروح ع اوضته ويقفل على نفسه ويقعد ياكل ف نفسه أو يبكي أو يفكر في الكلام كتير ويسأل نفسه ليه وليه الكسره ،ويعيش كوابيس على حياة عينه وهو صاحي
تم النشر الخميس، ٥ مارس ٢٠٢٦
لعرض السؤال في فدني اضغط هنا