إزاي أقدر أبطل أفكر في شكلي، وفي إحساسي الدائم إني مش حلوة كفاية، لدرجة إني بقيت مش قادرة أتقبل نفسي؟ إزاي أتعافى من أثر التنمر، خصوصًا لما يكون جاي من أقرب الناس ليا، ومن ناس غريبة ما تعرفش عني أي حاجة، ولا تعرف قد إيه قلبي طيب، وقد إيه جوايا حاجات حلوة محدش حاول يشوفها؟
بقيت حاسة إن الطيبة والأخلاق مالهمش قيمة في مجتمع بيحكم على الإنسان من شكله، وإن مهما كان قلبك نضيف، ممكن كلمة واحدة من حد تهز صورتك عن نفسك وتخليك تشك حتى في استحقاقك للحب.
أنا تعبت من التفكير، ومن إني أبص لنفسي بعين قاسية، ومن إحساسي إني أقل من غيري، وإن شكلي ممكن يكون سبب في إني ما أتحبش أو ما أكونش كفاية في نظر أي حد.
كل اللي نفسي فيه إني أتصالح مع نفسي، وأبطل أكره صورتي في عيني، وأفهم إن قيمتي مش متوقفة على شكلي، وإن من حقي أتحب وأتقبل وأعيش من غير ما أفضل طول الوقت في حرب مع نفسي. نفسي أشوف نفسي بعين أرحم، وأعيش من غير ما أحس إني مطالبة أثبت إني أستحق الحب، أو أعتذر عن شكلي، أو أكره نفسي بسبب أحكام الناس.
أنا تعبت من إني أكون أقسى على نفسي من أي حد، ونفسي في يوم أقدر أبص لنفسي وأحس إني أستحق الحب، مش رغم إني أنا، لكن لأني أنا
كلامك بيعكس حجم ضغط كبير ومؤلم، وإحساس إن الإنسان بيحارب نفسه وبيقسو عليها بسبب كلام الناس والتنمر هو أمر بيستنزف الطاقة النفسية بشكل كبير. المشكلة هنا إن آثار التنمر وكلام الناس السام تم امتصاصها وتحويلها إلى معيار لتقييم الذات، وده خلى قيمتك مرتبطة بشكلك الخارجي مع تجاهل الجوهر والنقاء الداخلي. والصراع المستمر ده والوقوع في فخ المقارنة الدائمة مع الآخرين بيخلق حرب داخلية تخلي الإنسان يشك في استحقاقه للحب والقبول. لتجاوز هذه الحالة والوصول إلى حالة من التصالح النفسي، يمكنك اتباع الخطوات العملية التالية: التوقف عن معاقبة الذات أو مقارنة الشكل الخارجي بالآخرين، وإدراك أن القيمة الحقيقية تكمن في الجوهر وليس المظهر. ممارسة تقبل الذات والتعامل مع النفس برحمة وهدوء بدلاً من القسوة المستمرة والتقييم السلبي. الفصل التام بين الأحكام السطحية للآخرين وبين تقديرك الحقيقي لنفسك واستحقاقك للحب بصرف النظر عن أي ضغوط خارجية. وفي النهاية، لمعالجة جذور هذه الآثار النفسية المرتبطة بالتنمر والوصول إلى التوازن والأمان النفسي الحقيقي، يفضل اللجوء إلى جلسات دعم نفسي مع متخصص لمساعدتك في تخطي هذه المرحلة خطوة بخطوة.
تم النشر السبت، ١٧ أكتوبر ٢٠٢٦
السلام عليكم قال الله تعالى: ﴿لَقَدْ خَلَقْنَا الْإِنسَانَ فِي أَحْسَنِ تَقْوِيمٍ} عايزة أقولك ربنا هيحاسب كل إنسان قلل منك وشافك أنتِ السبب مع الشكل دا محدش فينا بيختاره أنتِ جميلة عشان ربنا جميل وهو الـ خلقك، أنا بكلمك في أ ب دين يعني أنتِ لأزم تتقبلي نفسك عشان دي خلقة ربنا فاهمة. وإلا كان الإنسان ذوي القدر منتحر في النهاية دنيا دنيا دُنيا، لن تنال كلّ شيء تريده.. لعل وعسى دا إبتلاء إنك تصبري وتحتسبي التنمر وكلامهم القاسي. فـ أقبلي نفسك بكل شيء وقولي أنا بحبك يا رب وبحب شكلي عشان أنت الـ قدرت إني اطلع كده. متنسيش جمال روحك عشان شوية ناس مش دايمين ومش شرط حد يحبك أو حد تعجبي حد حبي إنتِ نفسي وقدريها وخليكِ فخورة بنفسك لأنك فعلًا جميلة. لأزم تبقي جميلة في عيون نفسك عشان تكوني جميلة في عيون غيرك، زودي ثقتك في نفسك ومش أي رأي يأثر فيكِ خذي الآراء وارميها وراء ضهرك، أو في سلة القمامة بس خلصت. بالتوفيق يا قمر أنتِ.💜
تم النشر السبت، ١٧ أكتوبر ٢٠٢٦
يا حبيبتي، أول حاجة أقولها لكِ إن مشاعركِ دي مفهومة جدًا، وإن اللي بتمرّي بيه مش ضعف، ده أثر طبيعي للتنمر اللي اتعرضتي له من أقرب الناس ومن غرباء. التنمر بيخلّي الإنسان يشك في قيمته، ويحس إن شكله هو المقياس الوحيد، لكن الحقيقة إن قيمتكِ أعمق بكتير من الشكل الخارجي، وده شيء يؤكده ديننا الإسلامي اللي بيعلّمنا إن "إن الله لا ينظر إلى صوركم وأموالكم ولكن ينظر إلى قلوبكم وأعمالكم". قلبكِ الطيب وجوّاكِ الحاجات الحلوة دي هي اللي بتخلّيكِ تستحقي الحب والتقدير، مش العكس. عشان تتعافي تدريجيًا، ابدئي بخطوات عملية صغيرة: اكتبي كل يوم ثلاث حاجات إيجابية في شخصيتكِ أو أفعالكِ، حتى لو بسيطة زي إنكِ بتساعدي حد أو بتفكري بطريقة طيبة. ده هيساعدكِ تحولي التركيز من الشكل للجوهر. كمان، لما تجي لكِ فكرة سلبية عن نفسكِ، قولي لنفسكِ بصوت هادي: "دي فكرة جاية من التنمر مش من الحقيقة"، واستبدليها بتذكير إنكِ إنسانة ليها قيمة مستقلة. حاولي كمان تقللي التعرض للمحتوى أو الناس اللي بيحكموا على الشكل، واستبدليهم بقراءة قصص أو تجارب لنساء تجاوزن نفس الشعور ده، عشان تشوفي إن الشفاء ممكن. أنتِ مش مطالبة تثبتي استحقاقكِ للحب، ولا تعتذري عن وجودكِ. التصالح مع النفس رحلة، وهتاخد وقت، لكن كل خطوة صغيرة فيها هتقربكِ من رؤية نفسكِ بعين أرحم. لو عايزة أفكار إضافية أو طرق عملية أكتر، ابحثي عن أسئلة مشابهة على فدني عشان تشوفي تجارب تانية. أنتِ تستحقي السلام الداخلي، وهتوصلي له إن شاء الله.
تم النشر السبت، ١٧ أكتوبر ٢٠٢٦
في قاعدة مهمة جدا ماخرا بقيت بتعامل بيها مع العالم هي Let them and let me فكرتها ان سيب الناس تقول و تعمل اي حاجة هما عايزينها و سيبني انا اتصرف براحتي كلام يبان انه منطقي او تقليدي بس فعلا ضروري جدا و قابل للتنفيز بقيت بفضل أقول الجملة لنفسي كل ما أشوف موقف يضايقني من حد او اني أهمل حاجة متعجبش الي حواليا و دا يخلينا نتعلم ان رضا الناس مش غاية أصلا. شوفي حلقة بتتكلم عن الموضوع دا علي قناة اخضر علي يوتيوب
تم النشر الأحد، ١٨ أكتوبر ٢٠٢٦
حضرتك العيب مش في الأخلاق ولا الطيبة و لكن لإنك مش حاطة حدود و لكِ في أنبياء الله قدوة و و حكمة لذلك حطي حدود و اتعلمي إزاي تقولي لأ
تم النشر السبت، ١٧ أكتوبر ٢٠٢٦
المجتمع معاييره مضروبة بالجزمة..... شعور زي كدا عشان تتخلصي منه فهتحتاجي شوية وقت تبني أفكار منضبطة تلغي الأفكار السلبية دي، بوجهك لمشاهدة سلسلة المرأة على يوتيوب للدكتور إياد قنيبي،
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا