ظهرت نتيجة الثانوية من فترة وجيزة وللأسف لم أوفق بشكل كبير جبت ٨٠.٥ % أنا شغوف جدا بالفيزياء وبحبها وكنت متوقع التنسيق ينزل السنادي ولو نص في المية ولكن للأسف اللي حصل العكس وممكن ملحقش كلية العلوم اللي هي حلمي أساسا وتقريبا مش عارف اعمل ايه أو أتخطى فكرة إن شغفي بيضيع على نص في المية ازاي
ولو دخلت خاص هبيع أرض ملكية للعيلة فهضطر أدخل مجال يكون همي فيه الفلوس عشان أعوض أهلي ودي فكرة مش مسامح نفسي عليها قدمت على تظلم وبدعي يكون ليا ولو درجة هتفرق معايا أتمنى حد يساعدني أتخطى الأذى النفسي دا ازاي
أولا ألف مبروك وما شاء الله عليك جايب مجموع كبير 🤍 ... ثانيا متحملش نفسك فوق طاقتها ربنا أكيد راسملك خطه أحلي وأحسن ومتزعلش نفسك .. ثالثا حاول تشوف بديل لكلية علوم او اي كليه تانيه تقدر تخش فيها قسم زي دا بس اوعي توقف حياتك ان الحاجه اللي نفسك فيها مجتش لا حاول وجرب وشوف ربنا كاتبلك اي واعمل رغباتك وخلي عندك خطه واتنين وتلاته ومتستسلمش ولا تحس بزعل او تقول حلمك راح احلامنا وخطتنا حاجه وخطة ربنا لينا حاجه تانيه خالص ربنا يختارلك اللي فيه الخير ليك ويراضيك وميكسرش بخاطرك يا رب
تم النشر الخميس، ٣١ يوليو ٢٠٢٥
جميع الكليات تتساوي في نظر الطالب المتفوق وابسط الكليات تقدر تشتغل منها حلمك..... اختار وصلي استخاره وبلاش كليه خاصه ...لو كده اطلع بره احسن لان التعليم في مصر كله بيتساوي ف الاخر... عشان كده لو هتدخل خاص يستحسن بره... لكن انا بنصحك بالبيزنس لانه مجال عملاق سوصلك اي حته
تم النشر الأربعاء، ٣٠ يوليو ٢٠٢٥
السلام عليكم ورحمه الله وبركاته. الف الف مبروك النتيجه على فكره مش وحشه نتيجه كويسه اييي ممكن تكون يعني من خلال التنسيق مش هتدخل الكليه اللي انت نفسك فيه بس خليني هنا من خبرتي كخريجه كليه علوم في الاساس اقول لك ما تقلقش خالص من مساله شغفك بمجال معين انا كان شغفي حاجات كلها اعلاميه ورغم اني دخلت كليه علوم لكن انا شغفي لم يتوقف انا بهتم بالحاجات العلميه وما زلت كل اللي انا اتعلمته في الكليه وبكل الاشكال بقدر ادخله في اي حاجه انا بشتغل فيها شغفي ده وحبي للعلوم عموما خلاني اقدر اوصف حاجات ممكن يسعى على غيري انه يوصفها اقدر ان انا احط. يعني هقول لك استراتيجيات ممكن بسبب فكري اللي هو فكر قائم على الامور العلميه خليني احطها ممكن حد ثاني ما بيحطهاش بنفس بس عموما انت تقدر تحدد انت الاهتمام بتاعك ااا انت كنت بتفكر فيها عشان باني عليه احلام ثانيه ولا بس عشان انت بتحب ده لو بس عشان انت بتحب تصدقني هتستخدمه في حاجات كثير لكن لو بالي حلمك على شكل معين عايز تشتغل في مجال معين شوف برده فين الاتجاهات الثانيه اللي تدخلك نفس المجال وصدقني هتلاقي احنا بس واحنا في ثانوي بتكون نظرتنا يا دوبك على قد اللي احنا شايفينه اللي هو الكليه اللي هتوديني لكن فيه على فكره طرق تانيه بتودي لنفس المجال وبتودي لنفس الطريق ركز وفكر فيها احسن بكثير من انك تلجا للتعليم الخاص. الط ايه كمان انا مش عارفه انت بالنسبه لك الحاجات اللي هي لها علاقه بالكمبيوتر برده داخله بتاعك ولا لا لانه ممكن حسبتهم معلومات تبقى جميله جدا بالنسبه لك.ريقه فالحاجه اللي انت مهتم بيها هتفضل معاك ايا كان المجال اللي انت فيه فخلينا نكون عمليين ونبص فين الاماكن التانيه اللي انا احط فيها نفس حبي للمجال ده الفيزيا ممكن تلاقيها فين تاني هتلاقي الكليات تانيه على فكره هتدرس فيها فيزيا عندك كليه تخطيط عمراني فيها جزء من دراسه الفيزيا وجميله جدا ممكن تدخل. مثلا اممم.
تم النشر الثلاثاء، ٥ أغسطس ٢٠٢٥
بص أول حاجه الي حصل حصل، في حديث جميل قوي في الصحيح عن أبي هريرة أن رسول الله ﷺ قال: احرص على ما ينفعك، واستعن بالله، ولا تعجزن، وإن أصابك شيء فلا تقل: لو أني فعلت كان كذا، وكذا، ولكن قل: قدر الله، وما شاء فعل، فإن لو تفتح عمل الشيطان. قول أول حاجه الحمد لله وقدر الله ماشاء فعل وبص علي الخطوات الي جايه محدش عارف الخير فين فعشان كده خد بالأسباب وصلي استخاره كتير قبل ما تختار قرار سواء كنت هتدخل خاص او لأ واعمل تظلم خد بكل الأسباب المتاحه بص انا من دفعتك انا أينعم عملت تظلم ومخدش حاجه بس انا قدام ربنا انا حاولت أخذ بكل الأسباب المتاحه شوف كل الإختيارت المتاحه ليك دلوقتي يعني عندك كريدت سعرها ممكن يكون اقل من الخاص وانا زيك علي فكره انا كان حلمي اني ادخل هندسه القاهره لكن للأسف صعب ألحقها بس مادام الواحد بيسعي بيقين فاعرف أن ربنا كاتب لينا الخير وادعي ربنا بردوا ده من الأخذ بالأسباب بس ملحوظه مش معني انك اخذت بكل الأسباب ان ده يعني حتميه الوصول يعني خد عندك مثلا في غزوه أحد الرسول صلى الله عليه وسلم أخذ بكل الأسباب لكن محصلش النصر اهم حاجه انك تتوكل علي الله وتبذل أقصي ما عندك وكان الله في عونك
تم النشر الجمعة، ١ أغسطس ٢٠٢٥
مرحباً يا عادل، أنا ذكية، وسعيدة جداً بأنك شاركتني مشاعرك وهمومك بهدوء وصدق. أولاً، أود أقول لك بكل صراحة: ٨٠.٥% نسبة جيدة جداً، وهي تعبر عن قدراتك وجهدك وليس شيء بسيط. ولكن، فهمت تماماً الألم والإحباط اللي بتحس بيه، خصوصاً لما تكون شغوف بشيء زي الفيزياء وتحس إن الفرص قدامك تقريباً بتروح منك بسبب فارق بسيط جداً في النسبة. خليني أساعدك بخطوات عملية ونفسية تتخطى بيها المرحلة دي: خذ نفس عميق واشكر نفسك ربما الكلام يبدو مبتذلاً، لكن غريب كيف قوة الشكر للنفس على الإنجاز بكسر ضغط الحزن. أنت وصلت لنتيجة محترمة وما استسلمت لإنك قدمت تظلم، وهذا يدل على إصرارك. قبل أي قرار، قيم خياراتك بموضوعية هل فعلاً لا زالت هناك فرصة في التنسيق؟ تابع أخبار وزارة التعليم والتعليم العالي بدقة، أحياناً تظهر فرص أو كليات خاصة أقل تكلفة. هل فكرت في كليات أو تخصصات مجاورة للفيزياء مثل الرياضيات، أو هندسة عمارة، أو حتى كليات جديدة تدمج بين الفيزياء وتخصصات أخرى؟ هل هناك مراكز للدراسة المكثفة أو الساعات الإضافية التي يمكنك استغلالها لتحسين فرصك في العام المقبل إذا قررت إعادة التقديم؟ فكر في الجانب المالي بحكمة بيع أرض العائلة لشيء مثل الدراسة أمر كبير ولازم يكون خيار نهائي بعد التفكير الجيد. ممكن تستشير أهل العيلة وتناقشوا الموضوع بهدوء. إذا اضطررت للدخول في مجال يضمن لك دخل جيد، ابدأ به مع الاحتفاظ بشغف الفيزياء في حياتك كاهتمام جانبي. كثير من الناس وجدوا توازن بين عمل يحتاج فلوس وهوايات وشغف. ابحث عن منح دراسية أو برامج دعم للطلاب في الجامعات الخاصة إذا توفر. تجاوز فكرة "الفشل" أو "ضياع الشغف" الشغف هو شرارة ما تحب، وليس بالضرورة أن يكون دائمًا هو مسار الدراسة أو العمل الأساسي. فيزياء ممكن تظل جزء مهم في حياتك حتى لو ما دخلتش كلية علوم. سواء عبر القراءة، أو التطوع في نشاطات علمية، أو حتى المشاريع الشخصية. ركز على أن كل تجربة في الحياة تعلمك شيء جديد، وهذه مرحلة مهمة في رحلتك وليست النهاية. الدعم النفسي احرص دائماً على مشاركة مشاعر الحزن أو القلق مع أحد تثق به، سواء أهل، أو معلم، أو حتى استشارة متخصص نفسي. الشعور بأنك لست وحدك يخفف الكثير. وأخيراً، تذكر أن النجاح الحقيقي هو الاستمرارية وعدم الاستسلام مهما كانت الصعوبات. متأكد أن الله معك، وربنا يعطيك من فضله ويسهل لك الطريق.. أنا هنا معك دائماً، اسألني أي وقت. هل تحب أن نتحدث عن خطط محددة للعام الدراسي القادم؟ أو تحتاج نصائح عن كيفية تطوير مهارات فيزياء بجانب الدراسة؟
تم النشر الثلاثاء، ٢٩ يوليو ٢٠٢٥
لو بمصر فانت لحقت علوم عادي
تم النشر السبت، ١٦ أغسطس ٢٠٢٥
لعله خير
تم النشر الخميس، ٣١ يوليو ٢٠٢٥
الخلاصه يا صاحبي ان رضيت باللي ربنا ادهولك صدقني ربنا هيكرمك بحاجه أحسن مما تتوقع وإن شاء الله خير
تم النشر الاثنين، ٤ أغسطس ٢٠٢٥
ممكن تخش تربية قسم فيزيا
تم النشر الأربعاء، ٣٠ يوليو ٢٠٢٥
لعرض السؤال في فدني اضغط هنا