بجد تعبت من الحياه حاسه إني مليش لازمه حياتي بتبوظ مره في مره يكتشف ان الناس حواليا مصاحبيني علشان مصلحتهم صاحبت واحده واعتبرتها اكتر من صاحبه اخذتها اخت واحنا طبعا متغربين علشان الجامعه دخلت بيتي واكلت معايا حرفيا كانت قريبه بطريقه فظيعه لحد ما لقيتها بعد امتحان الفزيكس في الميد هيا حلت وحش ومنجحتش بعد ما راجعنا زعلت عليها وقعدت اهون عليها فجاه لقيتها بتقولي انتي بتهوني عليا علشان انتي مقفله ومش حاسه بيا كنت هعيط قولتلها لا متقوليش كدا خير انتي هتجيبي اعلي درجات لقيتها روحت بعتت ليا رسائل اني شاطره في حاجات وانا مستاهلش ابقي شاطره فيها لانها بتذاكر اكتر مني ومش بتحصل
المهم خاصمتني علشان انا اشطر وقامت صاحبة ناس علشان تضايقني والstatesبتاعة الواتس كانت بتلقح عليا لحد ما جات اعتذرت ليا وقالت نرجع وقالت إنها بتعمل لنفسها self harm وبعتت صورها ليا زعلت عليها وعلشان قلبي طيب رحت قلتلها مسمحاكي ورجعنا لكن بعدها بيوم خاصمتني تاني علشان كلمت صحاب تانيه ليا مش عاوزاني اكلم حد ولما عرفت درجة الدينتال اناتومي بتاعتي كانت هتعيط وعلت صوتها عليا وقالت إنها بتذاكر اكتر مني وازاي اجيب اعلي منها ودلوقتي عملت شله وبتخاول تضايقني وبتخليني اعيط في المحاضره ومتعمده انها تأذيني بس انا زعلانه لاني بحبها بس مش هقدر اكمل معاها هل انا غلطت هل انا وحشه هل انا استاهل دا كله💔
بصي الحياة ما بتقفش على حد ده اولا. ثانيا انا مثلا بحب مثلا اكله معينة. طب لو سألتني انا بحبها ليه هجاوب و اقولك بحبها عشان هي حلوة طعمها حلو طيب. انما لو طعمها مش حلو و وحش فورا رأيي هيكون عكس الاول. فالشاهد من الكلام انتي ليه تحبي واحدة من جواها سواد و حقد ليكي ده ملوش تفسير غير انها حقودة لدرجة رهيبة قلب الانسان عامل زي كوباية تحت حنفية بتنقط مية نقطه ورا التانيه ورا التانيه اول ما الكوباية تتملي ايه اللي بيحصل تبدا الكوباية تكب بره و هكذا برضو قلبها اتملى حقد و غيظ منك فاصبح ما بقتش قادرة تخبي ده في قلبها وبقت تطلع ده في أفعالها وتصرفاتها. فنصيحة اخوية صدقيني سيبيها بشرها و ان كنتي فعلا بتحبيها بجد ادعيلها بالهداية و لو الله هداها ارجعيلها و حرّصي منها. و ربنا يوفقك و يحفظك و يحققلك كل اللي بتتمنيه ❤❤
تم النشر الخميس، ٢٠ نوفمبر ٢٠٢٥
بصي يا سكر انتي شكلك طيبه اوي ومن الناس اللي صعب نلاقيها في الزمن ده بس عاوزه اقولك حاجه البنت دي متستهلش تكون صاحبتك عشان هي بتلعب علي مشاعرك وده واضح جدا وقلبها مليان حقد ليكي وغيره منك ف ابعدي عنها وانتي فخوره ان ربنا بينلك حقيقتها واكتر حاجه تثبتلك ان البنت دي مش كويسه انها تعمل شله بس عشان تضايقك وتبوظ نفسيتك سيبك بقا منها و عاوزاكي توريها ان انتي مش هتتأثري بيها ولا باللي هي بتعملو وخليكي متفوقه زي م انتي لأن الناس اللي زي دي بتتقرهر بنجاحك ف معلش اركني قلبك دلوقتي علي جنب و حكمي عقلك ي سكره 😼🫶🏼
تم النشر الجمعة، ٢١ نوفمبر ٢٠٢٥
تم النشر الجمعة، ٢١ نوفمبر ٢٠٢٥
هي طبعها فيه الحسد فليه تكملي معاها .. محصلش حاجة مادام انك مخالفتيش أوامر الله فأنتي في السليم
تم النشر الجمعة، ٢١ نوفمبر ٢٠٢٥
تقرب إلي ربك و زيد من العبادات و اكثر من الاستغفار
تم النشر الجمعة، ٢١ نوفمبر ٢٠٢٥
دي بتغير منك غيره بحقد . ومش بتحب ليكي الخير ف ابعدي عنها احسن وربنا يرزقك بأصحاب احسن منها. ركزي في دراستك ومتخليش اي حاجه تأثر عليها
تم النشر الجمعة، ٢١ نوفمبر ٢٠٢٥
بتقف لما تبقى إنسان طيب والناس تديك علي قفاك بعد كل اللي عملته
تم النشر الخميس، ٢٠ نوفمبر ٢٠٢٥
لعرض السؤال في فدني اضغط هنا