انا في تالته ثانوي وكنت قاعده اذاكر فقلت لمامتي انا جعانه مره وتانيه وتالته وطلعتلها معبيرتنيش وقالت الي عاوز حاجه يعملها لنفسه بعدها بساعه قومت عملت نفسي اكل خفيف قالتلي متعملي عشا قولتها الي عاوز حاجه يعملها لنفسه قالتلي عملنا معاكي مره وتانيه وتالته وانا رديت بنفس رد فقعدت قالتلي انا مش عاوزه ادعي عليكي قولتلها انتي هتذلني
ما انا بكره اكبر واخلف وادعي بردك قامت زعقتلي جامد وضربتني بالقلم على وشي خدي لسه واجعني لحد وقتي وتفت عليا وقعدت تقارني بزمايلي وتشتم وتهزء فيا وتقول كلام سلبي لو انا بحب نفسي هكرهها من بعدها انهرت عياط لمده كبيره وضربات قلبي زادت واعدت اترعش واتنفس بسرعه
هل انا غلطانه ولا لا
وهل مامتي غلطانه ولا لا
بصى مشكلتى مقاربه لمشكلتك و انا ف نفس سنك كمان انا تالته ازهر انا ماما كمان تقريبا تصرفها كدا معايا بس انا مش بعاند معاها لانها مهما كان دى امى انا بعمل اكلى لوحدى و بعمل حساب اى حد ياكل معايا و بحاول اتجنب اى مشكله معاها لان مهما حصل هيا هتفضل امى وانا بنتها فبحاول اتوددلها و لو عندها مشكله او زعلانه منى او مضايقه او اى سبب خلاها تعاند معايا بروح بكل هدوء اعمل الحااجه اللى عايزاها بنفسي ولما تحاول تحبطنى بقولها صح يا ماما انتى معاكى حق و بحاول اتجنب اى خناقات لانى شايفه ان ماما تعبانه و حالتها النفسيه مش احسن حاجه فبحاول اجاريها ف اى حاجة و بصى انتى حكيتى الحكايه من وجهة نظرك علشان كدا ف. ناس هتشوف ماماتك غلطانه وانتى صح و ف نفس الوقت ممكن الحكايه تختلف من وجهة نظر مامتك و تشوفك انتى اللى غلطانه و هيا الصح باختصار ردك عليها كان غلط كان الاحسن تقوليها والله يا ماما عندى مذاكرى كتيرة امتحاناتى قربت معلش ابقا اعمل العشاء كل يوم بس بعد الامتحان لان غلط تردى ع مامتك بنفس ردها عليكى تقدرى تاخدى منها اى حاجة بالكلمه الحلوه علشان لو حست انك بتتقللى منها بكلامك هيا لا إرادياً هتشوفك خطر عليها حاولى تكونى هاديه و خلى كلامك حلو مع والدتك و والدك بالذات هما مش صحابك و بالنسبه للمقارنه كل ام مصريه او كل ام عموما عندها الصفه دى بس الابن الشاطر اللى ياخد المقارنه دى كـ شئ عادى فكرتينى بموقف حصلى مع ماما امبارح كانت بتقولى ان صحبتى احسن منى قولتلها اه يا ماما طبعاً بنتك بتختار البنات الكويسه و تصاحبها ربنا يحفظهم يارب و قعدت اشكر ف صحبتى كأن الموضوع عادى و ماما قلبت الموضوع هزار ساعتها و ضحكنا سوا ببساطه الام طيبه بس هيا انسانه و مضغوطه اكتر مننا لاننا بنشيل مسؤلية نفسنا اما هيا بتشيل مسؤليتنا كلنا و مسؤلية حاجات كتيره ربنا اعلم بيها و انتى بنفسك هتعترفى بـ دا لما تكونى ام الرساله طولت منى بس حبيت افضفض نعاكى يا سكره ياريت تاخدى كلامى بصدر رحب و تحاولى تكونى كويسه مع مامتك مهما عملت لانك ف يوم هتكونى مكانها🤎 ادعولنا امتحاناتنا قربت🤦🏼♀️😂🤎
تم النشر الاثنين، ١٣ أبريل ٢٠٢٦
بصي، انتي اتضايقتي وده حقك، خصوصًا إن الأسلوب كان صعب… بس برضه خلّي في بالك إن الأم ليها مكانة مختلفة حتى وهي غلط. مش معنى كده إنك تسكتي على اللي يوجعك، بس الطريقة هي اللي بتفرق. تقدري تعبّري عن زعلك، بس من غير ما تبقى بنفس حدّة الرد، عشان العلاقة دي بالذات محتاجة تتحافظ عليها حتى وقت الخلاف. اللي حصل منك مفهوم، ضغط وموقف اتكرر فخلاكي تردي، بس الأحسن بعد ما تهدي تروحي تكلميها بهدوء. وبرّك ليها مش بس في الطاعة، لكن كمان في صبرك عليها ومحاولتك تهدي الدنيا حتى لو هي كانت متعصبة. و حتي قدّري انك ف سنه مهمه و اي صبر هتصبريه ربنا هيؤجرك عليه ف متقلقيش و حاولي تتحكمي ف ردة فعلك شويه. و ربنا يوفقك 🤍
تم النشر السبت، ١١ أبريل ٢٠٢٦
السلام عليكم ورحمة الله، بصي مش هقولك انتي غلطانه بس هفهمك ليه الاول، بصي ياروحي انتي ممكن تكون تحت ضغط المذاكرة وان دي اخر سنه وحاجات كتيره...... بس ده مش معانا ان انتي ما تساعدي امك ولو هيا كان أسلوب حتى مش حلو انتي المفروض تستحملي عشان زي ما انتي تحت ضغط هيا كمان هيا بتكون شايله مسؤولية كبيره، ممكن تكوني انتي مش حاسه بده بس لما يجي اليوم اللي تحسي في بده هتعرفي انها مهما قالت او عملت حتى لو هيا اللي غلطانه فداه من تعبها، نرجع لي موضوعنا انتي غلطانه لانك ما ينفع تعاملي امك بنفس الطريقة يعني مينفعش ارد عليها نفس الرد او اتعامل معاها بنفس الأسلوب حتى لو هيا وحشه ادعي ربنا يهديها، وانتي المفروض انك تبري والدتك مهما حصل، وصدقيني محدش في الدنيا دي بيحبك قدها حتى لو هيا بتبين عكس كدا، وبالنسبه لانك تعملي الاكل لنفسك لان في تالته ثانوي عارفة إن الموضوع صعب بس مفيش مشكلة انك تعملي الاكل لنفسك حتى لو ليوم، وزي ما بتقولي هيا بتعمل كل يوم وانتي انهارده عادي استحمليها هيا استحملتك كتير، وعلى فكرة في من سنك بيدرس وبيشتغل، وفي ناس امهم بتتعب وهما بيشيلو البيت وكمان الدراسه وربنا بيوفقهم عشان ده حاولي تبصي للموضوع من ناحية تانيه هتعرفي انك غلطانه ولو على الضرب بنبقا متجوزين ونضرب عادي وما نقدر نتكلم عشان دول اهلنا لازم نستحمل ونفتكر الحلو عشان ننسى الوحش، وربنا معاكي ويهديكي وتنجحي السنه دي وتفرحي امك يارب
تم النشر الأحد، ١٢ أبريل ٢٠٢٦
يا حبيبتي، أنا آسفة جداً إنك مريتي بالموقف ده، واضح إنه تعبك نفسياً جامد خاصة وأنتِ في ثالثة ثانوي والضغط كبير. خليني أقولك رأيي بكل حنان وصدق: هل أنتِ غلطانة؟ مكنش ينفع تردي كده .. ردك بالكلام زاد التوتر، وده طبيعي في لحظة غضب. اللي حصل معاكِ صعب، والألم اللي حسيتيه جسدياً ونفسياً (زي الرعشة وضربات القلب) ده علامة إن جسمك محتاج هدوء، وده مش ضعف، ده إشارة عشان تهتمي بنفسك. هل مامتك غلطانة؟ كمان مش كلها غلط، الأمهات بيحبوا أولادهم بس أحياناً الغضب يخليهم يقولوا كلام يجرح، خاصة لو هي كمان متعبة. الضرب والمقارنة والشتيمة مش صح، وده يأثر عليكِ سلباً، بس هي انهارت بعد كده يعني إنها مش قلبها حديد. إيه الحل العملي دلوقتي؟ اهدي الأول : اقعدي لوحدك شوية، قولي "أعوذ بالله من الشيطان الرجيم" واقرأي آية الكرسي أو سورة الإخلاص 3 مرات، ده هيهدي قلبك بإذن الله زي ما وعد ربنا. كلميها بعد الهدوء : قوليلها "يا ماما أنا بحبك ومش عايزة نزعل بعض، بس الكلام ده يوجعني"، واطلبي مساعدتها في الدراسة عشان تشعري إنها معاكِ. رتبي يومك : حددي وقت للأكل والراحة قبل الدراسة، عشان متوصليش للجوع ده. نامي بدري وصحي بدري، وادعي ربنا ييسرلك الامتحانات. أنتِ قوية وهتقدري تتجاوزي ده. لو عايزة نصائح أكتر عن الدراسة أو التوتر، ابحثي في فدني عن أسئلة مشابهة، أو شوفي الخبراء هنا: https://www.fedni.net/experts. ربنا يفرج همك يا قمر 💕
تم النشر الجمعة، ١٠ أبريل ٢٠٢٦
انتى حطيتى نفسك ند ب ند مع والدتك ودا مينفعش تماما وانتى فى سنة مهمة زى كدا انتى فى أشد احتياج لدعوتها مش انها تدعى عليكى يعنى حتى كنتى عملتيلها أكل معاكى بنية ربنا يعديلك السنة ديه على خير ويوفقك فاهمانى انتى بتبرى والدتك حتى لو هى تعاملها مش كويس انتى مأموره ببرها مش تقفى وتتعاملى معاها ند ب ند فاهمانى
تم النشر الجمعة، ١٠ أبريل ٢٠٢٦
مينفعش تعاملى مامتك بنفس طريقتها روحى راضيها وبوسى رأسها وانتى دلوقتى ف فترة مهمه محتاجه لدعوتها ليكى وسيبك من اى حاجه تانيه وركزى ف مذاكرتك
تم النشر الاثنين، ١٣ أبريل ٢٠٢٦
معلش يحبيبتي سيبك من كل دا وانسي وكلمي مامتك وصالحيها وركزي ف مذكرتك وبس ومتشغليش دماغك بمشاكل خالص
تم النشر الأحد، ١٢ أبريل ٢٠٢٦
لعرض السؤال في فدني اضغط هنا