مساء الخير كنت عاوزه أتكلم في موضوع
أنا دكتوره في سنواتي الأولي من الدراسه
معروف إن الأيام دي بدايه امتحانات الميد تيرم
واللي أصلا كنت لسه هبدأ أذاكر له فبعت رساله علي جروب الدفعه اني محتاجه الداتا الخاصه بالهيستولوجي لقيت ولد دخل لي عالخاص بعتهم لي
وتشكرته وقفلنا عالموضوع أنا ما تدايقت ان هوا بعت الداتا
لكن هوا بدأ يتكلم عن الدراسه ويقول لي هالحاجات اللي واقفه معاه
وأنه خلص كم شابتر أنا كنت برد من الحين للحين مش برد علطول مش حكاية بتقل وكدا بس مكنتش حابه ارد علي ولد
عارفه انه محترم جدا ومن اواءل الدفعه لكن الصراحه أنا مكنتش عاوزه ارد كنت برد من علشان ساعدني وبعت لي الداتا
بعد كدا عرف أنا منين وعرفت هوا منين
زعلت اوي اني قلت أنا منين بس كانت عفويه متي
وهو محترم يشهد الله انه كلامه محترم جدا
لكن أنا قريت عن ناس كتير بدأ علاقتهم باحترام وفي حدود الدراسه لكنهم وقعوا في الفاحشه وغضبوا ربنا عافانا الله واياكم
فأنا دلوقت حاسه بإستياء وقرفانه من نفسي اني رديت
وبتمنى لو ما بعت الرساله عالجروب اعمل اي
هل أنا كدا ربنا غاضب عني
وهل كدا أنا عصيته
هل أنا غلطانه ومش محترمه صح
أنا متاكده ان أنا عملت ذنب كبير اوي
ومش مرتاحه قلبي واجعني
ودماغي مش بتوقف تفكير ومش عارفه اذاكر
مساء النور ، توو ماتش جلد ذات ليه ، خلاص الموقف عدى و انتي اتعلمتي منه و انتهى ، ليه مكمله جلد في نفسك و هيفيدك بأيه ؟ ، كمان اللي حصل وارد و طبيعي جداً في المجتمع ، احننا مش ممنوعين من الكلام بينا ، احنا ممنوعين من الكلام بدون حدود و الهئ و المئ ، لكن ده ما حصلش ، فأنتي حاطه حدودك كويس و بتتكلمي على قدها و محافظة على نفسك ، فلا تقسي ع نفسك ، و بالتوفيق 😊
تم النشر الثلاثاء، ٢٤ مارس ٢٠٢٦
بصي يا دكتورة فوقي لنفسك لأنك مضحوك عليكي من الشيطان اللي عايز يشغلك عن مستقبلك في وقت زنقة امتحاناتك أنتي مغلطتيش في حق ربنا ولا عملتي كبيرة ولا حتى صغيرة أنتي إنسانة محترمة ومتربية والذوق اللي عملتيه مع زميل ساعدك ده أصل مش قلة أدب ولا معصية ربنا سبحانه وتعالى بيحاسبنا على نيتنا وأنتي نيتك بيضاء زي الفل وكنتي بتسألي على علم ومذاكرة مش بتلعبي ولا بتتسلي الخوف اللي جواكي ده دليل على إن قلبك حي ونظيف وده شيء يفرح مش يزعلك بس متخليش الخوف ده يتحول لوسواس يهدك ويضيع مجهودك في الكلية أنتي معملتيش ذنب يستوجب كل جلد الذات ده ولا ربنا غضبان عليكي بالعكس ربنا رحيم وعارف اللي في نيتك ولو أنتي قلقانة من تطور الكلام الحل بسيط جدا وهو إنك تحطي حدودك بشياكة وتوقفي الرد في أي حاجة برا المذاكرة وبكده تكوني قفلتي الباب تماما واستريحتِ قومي اتوضي وصلي ركعتين لله وقوليله يا رب أنت عالم بنيتي وطهر قلبي وابدأي مذاكرة بقلب جامد لأنك دكتورة ومستقبلك أهم من أي وسواس وهتفتكري الكلام ده بعدين وتضحكي على زعلك ده ربنا يوفقك ويفتح عليكي فتوح العارفين وانهي الشات ب ....جزاك الله خير يا دكتور على مساعدتك بجد نفع الله بك وبالنسبة لموضوع تواصلنا فبعتذر منك جدا لأني مش حابة أتواصل مع أي زميل بشكل خاص وتواصلي هيكون من خلال جروب الدفعة بس لو في حاجة بخصوص الدراسة وده عشان أكون مرتاحة مع نفسي وقدام ربنا فأتمنى تتقبل اعتذاري وبالتوفيق لينا جميعا في الامتحانات... أو رساله شبهها المهم تنهي الحوار ومتتكلميش تاني. وجد والله انتى انسانه محترمه ربنا يحفظك ويوفقك
تم النشر الثلاثاء، ٢٤ مارس ٢٠٢٦
احكيلك موقف من صديق ليا هو كان في جروب برضه وكان دخل بالصدفة أنه عاوز شرح مواد معينه واتفاجئ أنه الادمن بنت مش ولد سألها علي اللي عاوزه وهي فعلا بعتت المواد وهو مش في دماغه اصلا حاجه واتأسف منها أنه مكنشي يعرف وبعد كده قفل معاها فضل هو بقي دماغه تجيبه شمال ويمين دي محترمه تب اكملها في حدود الدراسة انا راجل محترم مش بتاع الكلام والبنت محترمه مش بتاعت الكلام ده وفضل يبعتلها عاوز كذه و الملخص ده ويسألها ويقولها علي مشكلة ويطلب مساعدتها وتنصحه وهكذا لحد ما البت نفسها بدأت الموضوع منها وقعدوا يتكلموا برضه باحترام لحد اخر لحظه بس هو مبدأ بتاعه اتغير أنه ميكلمشي بنت في الحرام وهي نفسها مبدأها اتغير انها متكلمشي ولد في الحرام ولا تبعتله صوره ولكن الاتنين وقعوا في الحرام وكلامهم يقلب حب وقرف وعك واستنزاف مشاعر وحرق اعصاب آخره عقاب من ربنا كبير ..قال رسول الله ﷺ ( ألا لا يخلونّ رجل بامرأة إلا كان الشيطان ثالثهما) هو منكم الحديث الرسول الرسول يقصد أنهم الاتنين مع بعض في نفس المكان بس لو جينا في العصر اللي احنا فيه والكل ماسك موبيل وواتس وانستجرام وووو عادي اي ولد وبنت يتكلموا ومحدش يعرف عنهم حاجه غير ربنا وبرضه بيطبقوا نفس اللي الرسول قاله يعتبر الواتس او ده او ده المكان اللي اي ولد وبنت يخلون لوحدهم فيه الحقي نفسك وابعدي ارمي بلوك واستغفري ربك وصلي ركعتين قيام إن ربنا يثبتك علي الطريق المستقيم وادعي إن الحرام والشيطان يبعدوا عنك انتي دلوقتي في الاول لو فضلتي تقولي انا واعيه انا شاطره انا عارفه انا بعمل ايه مش هيضحك عليا ده كله كلامي فاضي غيرك قاله قبلك والشيطان شاطر ........بسم الله الرحمن الرحيم :فاتقوا الله يا أولي الألباب لعلكم تفلحون . صدق الله العظيم
تم النشر الثلاثاء، ٢٤ مارس ٢٠٢٦
مساء النور يا قمر 🌙، أشعر بقلقك ده كويس أوي، وده طبيعي لأن قلبك نقي وخايف على دينك وعفّتك. اللي حصل عادي جداً في الجامعة: طلبتِ مساعدة دراسية على جروب الدفعة (ده مش خطأ)، ساعدك ولد محترم، شكرتِه (أدب)، وردّيتِ شوية كلام دراسي عفوي. الإسلام يشجّع على طلب العلم من أي مسلم، والحديث ده في حدود الدراسة جائز شرعاً طالما محترم زي ما وصفتِ. الذنب الحقيقي في الفعل اللي يخالف الشرع، مش في كلام بريء. ربنا يقول: "وَمَنْ يَتَّقِ اللَّهَ يَجْعَلْ لَهُ مَخْرَجًا" إيه تعمليه دلوقتي عشان ترتاحي وتذاكري؟ اقطعي التواصل فوراً : قولي له "شكراً، هروح أذاكر" وماترديش تاني، أو بلوك الخاص. محدش ملزم يتكلم. توبة سريعة : استغفري الله 100 مرة، صلّي ركعتين توبة. ربنا غفور رحيم، هيخفّف عنك على طول. ركّزي على الدراسة : اعملي جدول يومي بسيط (مثلاً: ساعة هيستولوجي، 10 دقايق مشي خفيف، ثم استمري). ابدئي بالأهم دلوقتي عشان الميد تيرم. للدماغ اللي مش بتهدى : اكتبي اللي مضايقك على ورقة وشقّيها، أو اسمعي قرآن، هتوقف التفكير السلبي. أنتِ بنت محترمة وقوية، وده اللي خلّاكِ تشعري كده. لو عايزة دعم أكتر شوفي الخبراء هنا: https://www.fedni.net/experts (في متخصصين نفسيين هيساعدوكِ). هتقدري تذاكري وتنجحي إن شاء الله، أنا فخورة بيكِ 💪❤️.
تم النشر الثلاثاء، ٢٤ مارس ٢٠٢٦
السلام عليكم ـ حياك الله وعفا الله عنك ـ بارك الله فيك الشعور بالندم من التوبة والله يقبل التوبة عن عباده ويجب ان تتعلمي درسا من هذا واذا طلبتي شيء آخر في المستقبل نبهي بعدم الدخول للخاص وكوني عنيفة لمن يحاول واجعلي الله رقيبا عليك والله المستعان.
تم النشر الثلاثاء، ٢٤ مارس ٢٠٢٦
والله طالما انتي بتغلطي نفسك وتراجعت عن الغلط دا يبقى انتي من جوه كويسة ومتربية ميت مرة متلوميش نفسك وكملي حياتك الموضوع مكبرش وانتي عرفتي غلطتك وخلاص كدا خلصت،وحاولي لو احتاجتي حاجه اطلبيها من صحباتك على الخاص مش لازم من جروب الدفعة عشان دا خراب والله يعني أنا ولد اهو وعن نفسي ٣ سنين في كلية الطب مفتحتش جروب الدفعة دا خالص
تم النشر الثلاثاء، ٢٤ مارس ٢٠٢٦
خليكي حنينه على نفسك شويه ، بس عمومًا إنتي فطرتك سليمه ومش عاوزه أي تعامل مع ولاد وده مؤشر إن جواكي جانب صالح ،ابعدي عن الشخص أو ماترديش عليه تاني. لازم تعامليه بطريقه سيئه الفتره اللي جايه يعني بتجاهل علشان يفهم إن خلاص إنتي مش حابه يكون في أي كلام وحوارات من دي تاني حتى لو محترم ، بس ده لو محترم بجد زي ما أنتي متخيله ماكنش هيدخل يبعتلك 😅 ولا يحكيلك تفاصيل مذاكرته الراجل المحترم بجد واللي عنده دين مابيدخلش من المدخل ده 💌
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا