انا شايفة انك محتاجة تخرجي من احساس دور الضحية لأن للاسف محدش بيأذيكي فعليا اكبر أذية لنفسك هي قراراتك حاولي تعملي حاجة لنفسك واضح من كلامك انك لوحدك فا حطي دايما هدف قدامك اني هذاكر مثلا و اشتغل عشان استقل بذاتي عشان محملش حد اعبائي عشان اعرف احدد طريقي لنفسي بديل لأنك عايزة ترضيهم فقط عايزة تخلي شكلك حلو قدام الناس احنا بنتعلم عشان نفسنا مش عشان الناس موضوع العادة السرية سواء متعة أو تنامي أو تلهي انتباهك انت حطيتي كل الأسباب اللي تخليكي تعملي ده و اللي تخلي بالنسبالك الموضوع مباح حطي زيها اسباب متخلكيش تعملي ده زي مثلا انك مش محتاجة ده انك تقدري تتحكمي في نفسك و توقفي ده زي ما بتقولي انك لو حطيتي حاجة في دماغك تعمليها نظمي وقتك اعملي جدول لنفسك الزمي نفسك بيه وخلي رفاهيتك مش حاجة لحظية حاجة تفتكريها حاجة تتعلمي منها فيدي نفسك و غذيها بالجانب الحلو للحياة حوار سقوطك لازم اهلك يعرفوا بيه و متخافيش من تأثير ده عليكي قولي ايا كانت رد الفعل انا قد اني اتحملها و هعرف اعكس الوضع ده لأن هما مصدرك المادي حاليا و ممكن تحاولي تدوري على شغل بجانب الدراسة لو حاسة أن عندك طاقة لده
انا بس حابة اوضح حاجة علي كلام حضرتك انا لو فعلا عايشة دور الضحية واني مبغلطش ابدا مكنش وصل بيا الحال لكره نفسي (كاتباها في البوست بالمناسبة) من كتر جلد نفسي علي الكبيرة والصغيرة وعلي المقصودة والغير مقصودة ف يا ريت نبقي مراعيين اكتر في كلامنا لأنك مش عارفة تأثير كلامك علي اللي قصادك هيبقي عامل ازاي وهيشيلوا ذنب اكتر ومعتقدات غلط عن نفسه اكتر ويخليه يرجع يجلد نفسه اكتر واكتر لأني شخص لسة بيحاول يفصل نفسه عن معتقدات الناس بيه ونظرته لنفسه يمكن انا عرفت دلوقتي بس ممكن غيري ميعرفش ف هي اه كلمة صغيرة بس ليها نأثير كبير والحمدلله عندي ميزة التمييز وعارفة ان حضرتك متقصديش وعايزة تساعدي مش اكتر ويا ريت تحاولي تستقبلي كلامي بصدر رحب وما تفهمنيش غلط وشكرا جدا💗💗
تم النشر الاثنين، ٢ يونيو ٢٠٢٥
هقولهم طبعا انا اخدت الاجازة وهبلغهم لأني مش هقدر اتكفل بمصاريف السمر لوحدي وفي نفس الوقت هنزل اشتغل عشان اشيل شوية عنهم وطبعا عشان اكفر عن ذنبي وشكرا ليكي يا جميلة علي اهتمامك وردك فرق معايا كتير💗💗💗
تم النشر الخميس، ٢٩ مايو ٢٠٢٥
لعرض الإجابة في فدني اضغط هنا