Ma Ma

سؤالك الأساسي هتحبي واحد مبيحبكيش؟ هل انتي عمرك الحالي ناضج كفاية للارتباط ؟ هل مجرد غيرته عليكي ممكن يكون ده بيحسسه برجولته أو موقف شهم حب يظهر فيه بما أن الأسر مترابطة بس هل ده مع حبك ليه كفاية يخلوه شخص مناسب ؟ الاهم بقى ليه حبي يخليني ااذي نفسي ؟ الحب اللي يتحول لضرر ليا ميبقاش حب يبقى اختبار دي حاجات المفروض تفكري فيها كويس اوي تاني حاجة متخليش حد يوصل رسايل على لسانك متخليش حد يلعب بعقلك على حسب أفكاره و قراراته مشاعرك حلوة و تقدر خليها في قلبك و احفظيها لحد ما ربنا يأذن و يجمعكم ♥️ معرفته مش هتخليه يكون معاكي لو انتي مش في سن ارتباط او لو هو حد مش كويس ممكن يستغل مشاعرك و لو كويس معرفته ممكن تجرحك برد فعله هو لو بيبادلك نفس الشعور الاولى يعترف هو يعرفك هو نفسك اهم من كل ده و روحك حقيقي متستحقش تتعب على افتراضات أو توقع

انا شايفة انك محتاجة تخرجي من احساس دور الضحية لأن للاسف محدش بيأذيكي فعليا اكبر أذية لنفسك هي قراراتك حاولي تعملي حاجة لنفسك واضح من كلامك انك لوحدك فا حطي دايما هدف قدامك اني هذاكر مثلا و اشتغل عشان استقل بذاتي عشان محملش حد اعبائي عشان اعرف احدد طريقي لنفسي بديل لأنك عايزة ترضيهم فقط عايزة تخلي شكلك حلو قدام الناس احنا بنتعلم عشان نفسنا مش عشان الناس موضوع العادة السرية سواء متعة أو تنامي أو تلهي انتباهك انت حطيتي كل الأسباب اللي تخليكي تعملي ده و اللي تخلي بالنسبالك الموضوع مباح حطي زيها اسباب متخلكيش تعملي ده زي مثلا انك مش محتاجة ده انك تقدري تتحكمي في نفسك و توقفي ده زي ما بتقولي انك لو حطيتي حاجة في دماغك تعمليها نظمي وقتك اعملي جدول لنفسك الزمي نفسك بيه وخلي رفاهيتك مش حاجة لحظية حاجة تفتكريها حاجة تتعلمي منها فيدي نفسك و غذيها بالجانب الحلو للحياة حوار سقوطك لازم اهلك يعرفوا بيه و متخافيش من تأثير ده عليكي قولي ايا كانت رد الفعل انا قد اني اتحملها و هعرف اعكس الوضع ده لأن هما مصدرك المادي حاليا و ممكن تحاولي تدوري على شغل بجانب الدراسة لو حاسة أن عندك طاقة لده

أيوة طلاما غلطتي سيبك من الماضي و فترته و ناسه صحابك لو فاهمين انك اتأذيتي وقت ما ظلمتك مكانوش بعدوا عنك و الموضوع نفسه مكانش يستاهل منك ده كله فا ابدأي اعملي صحاب جديدة و شوفي حياتك و اتخطي الفترة دي و انسي القديم

خد شقة ايجار برة متنتظرش حاجة منهم عشان تصون بيتك لو فعلا شايف أن ده المريح لأسرتك و لزوجتك و ابعدهم عن أمورك انت و زوجتك و بردو حتى لو هما سيئين اوي كدة متتكلمش قدام مراتك عليهم و حاجة كمان متحطش حياة اخوك في مقارنة مع حياتك انت متعرفش هو كان بيفكر ازاي فعلا لما طلق مراته و انت مش هو و متحاسبش مامتك على حياته لأن في النهاية ده كان قراره هو

انا شايفة انك تكوني صريحة معاه و تقوليله انك حاسة بكدة بدل لفت النظر في نفس الوقت اعرضي اللي نفسك يعملهولك يعني اديله المشكلة و حلها و استغلي الأوقات اللي بيتفرج فيها على السوشيال ميديا انكم تفتحوا حاجة تتفرجوا عليها سوا أو تفتحي معاه نقاشات تحكيله انتي ممكن ميبقاش هو عنده مواضيع أو حاسس أن في روتين زيادة فا معندوش جديد يحكي فيه و يشاركه معاكي اخلقي انتي بقى الجديد ❤️ و ربنا يحفظ بيتك يارب ❤️

اول حاجة لازم هتقولي لأهلك عشان انتي اولا متستاهليش انك تشيلي الزعل ده لوحدك ثانيا انتي بتقولي أن ده حد من أهلك يعني صعب تتجنبيه هيحاول معاكي تاني اكيد أو على الأقل هيفضل يفكرك و تدخلي نفسك في دايرة منغلقة و ذنب انتي ملكيش دعوة بيه كمان ايا كان موقفهم ايه اعرفي انك كدة مشيتي نص الطريق و في وقت مكانش عندك قدرة على التعامل فيه خدتي الخطوة و حكتيلهم و عملتي اللي في مقدرتك تعمليه ولو انتي شخص بالغ و تقدري تاخدي إجراء قانوني اعملي كدة من غير ما تسمعي لحد ده حقك ربنا يهون عليكي ❤️

هو طبعا مش هتقوليلها متدخلش في شغلك و متفكريش بالطريقة دي لان الطريقة دي هتسبب عداوة من جواكي ناحيتها و هتخسريها و هي على كلامك بتعمل حاجات ليكي حلوة هي ممكن تكون خايفة على الشغل اوي و أن انتي تبعها فا في وشها اي غلطة هتتعمل مثلا فا اعتبريها بتساعدك و خليها تساعدك خديها مرة قوليلها انا نفسي ارد على المكالمات و كدة و اخد ال risk ممكن اجرب مرة و تبقى معايا و ممكن تعرفي اسمك في المكالمة بحيث لما حد ييجي يبقى في كلامه انا البنت الفلانية حجزتلي تيجي تقولك مثلا هبلغ المواعيد للدكتور قوليها خليكي انتي تعبانة من الصبح هبلغه انا كدة اتعاملي معاها بحب و كانكم بتساعدوا بعض

عندك مشكلة أساسية هو انك مش حابة نفسك حددى ايه اللي مخليكي مصدقة انك وحشة في تصرفاتك و حاولي تغيريه للشكل الي انتي عايزاه غير. كدة كرهك لنفسك طول الوقت هيفضل مآثر على علاقاتك

ابعدي انتي كدة دخلتي بين اتنين متعلقين ببعض متعلقيش حياتك بمشاكلهم طلاما مخطبكيش لسة يبقى عنده رغبة اتجاه التانية و انتي كاتبة أنها عايزاه ليه تعلقي وقتك و حياتك بحاجة مش مضمون تكون ليكي

كون نفسك الاول و بعدين فكر في الارتباط لان دي مسؤولية وممكن تبدأ تتعرف على البنت صالونات أو تكون من دائرة معارفك بحيث على الاقل تبقى مكون انجذاب لشخصيتها عشان تقدر تفتح باب بينكم للحب و الارتباط بس كل ده ييجي بعد ما تكون انت جاهز تعمل بيت

البعد مبيتقالش ابعدي تدريجيا انك تسبيها و تمشي مع حد تاني ده اكيد جرحها و حسسها انك مش عيزاها انا رايي ترجعي الود بينكم يومين و بعدين تبعدي بحجة مشغولة في دراستي خارجة مع اهلي ورايا حاجات في البيت لو بين محضراتك هدور على حاجة في المكتبة ورايا تسليم كدة لكن متسبهاش و تمشي مع حد تاني لحد ما تقرر هي نفسك قرارك في البعد كدة هيبقى مناسب اكتر ليكم انتوا الاتنين

مش ضروري تأدي المطلوب مش لازم تسارع نفسك المهم تبذل اخر جهدك مش لازم تخطط ليومك امسك الحاجة و هات اخرك فيها أما تحس انك تعبت وبذلت مجهود ساعتها هتبقى راضي عن يومك

حاولي تدي المشاعر اللي انتي مفتقدة انك تديهالهم عودي نفسك على كلام يوضح محبتك و قوليه ليهم لحد ما تتعودي طبعا الأفعال مهمة بس الأفعال مينفعش تفرضيها على نفسك عكس الكلام

الضغوطات بشكل عام بتحتاج وقت للاستراحة من التفكير و الروتين اليومي ممكن ده يتم بممارسة رياضة أو بالسفر و التأمل او بالقراءة على حسب تفضيلات الشخص و الغرض من الوقت ده بيكون تجديد الطاقة لتهيئة الإنسان أنه يبدأ يحدد أهدافه و أولوياته و ينظم أفكاره بحيث يقدر يتعامل مع الضغوطات على أنه وضع سهل يقدر يتخطاه

انتي ممكن مستنية منها دايما طريقة معينة. في التعامل "متعشمة فيها " و ده ممكن يكون غلط لان مش كلنا عندنا نفس المفهوم عن الحب و الاهتمام انا شايفة انك تتعاملي باللي تقدري تتعاملي بيه مش باللي مستنياه من اللي قدامك

متمنعهوش يتقدم الكلام مع الاهل غير و مين عارف يمكن ربنا يسهلها و يكرمه أو ممكن أهله يساعدوه خليه ياخد الخطوة و يتقدم و سيبي ظروف أنهم يوافقوا أو لا دي على ربنا متستعجليش الأمور

خد نفسك كمعيار عشان اللي تبدأ تختار حد يكون متوافق مع ظروفك و حياتك 🤍