فاكر لما كنت متحمس؟
لما كنت عايز تعمل حاجات كتير؟
فين ده دلوقتي؟
بقيت بتأجل…
بتكسل…
مش شايف طعم لأي حاجة
بس خليني أقولك الحقيقة اللي يمكن مش حابب تسمعها:
إنت مش فقدت الشغف…
إنت اتعودت على الراحة
الشغف مش بيجي لوحده
الشغف بييجي لما تتحرك
ابدأ… حتى لو مش حاسس بحاجة
ومع الوقت… هترجع تحس تاني
فعلا هو ده الواقع ولكن مش صح اننا نقف نبص من بعيد ومنحاولش نغير أي حاجة، لازم نحاول على قد ما نقدر إننا نبقى نسخة أحسن دايمًا من نفسنا. وممكن الاحساس ده يجي بردو من الاحساس بالملل وعدم وجود هدف واضح امام الشخص ف تلاقيه متخبط في الحياة بين ده وده والحل انه فعلا يعرف نفسه اكتر ويعرف هو عايز ايه ويحاول يحققه ويحاول يحسن من مزاجه ونفسيته على قد ما يقدر وميسبش نفسه ابدًا لنفسه
تم النشر الاثنين، ٣٠ مارس ٢٠٢٦
اكتبي اللي جواكي واللي نفسك تحقيقه. وابدائي خطوة خطوة وكل ما هتاخدي خطوة حتى لو صغيرة في هدفك هتقربك من اللي بتحلمي بيه .افتكري كنتي بتعملي ايه وبتشتغلي على نفسك ازاي وارجعي تاني حتى لو بخطوات بسيطة صدقيني هتفرق.المهم متكونيش لوحدك خلي معاكي في رحلتك حد من اصدقائك او عيلتك أو حتى لايف كوتش يكون دعم نفسي ليكي ولو وقفتي يساعدك تكملي المهم متقفيش مكانك @Malak Mohamed
تم النشر الاثنين، ٣٠ مارس ٢٠٢٦
انا شايف إنك عشان تعمل حاجه يا عاوز يا مش عاوز يا عندك نية تطلع الأول يا معندكش الفرق دا نوى ودا منواش ،اما لو كل واحد عاوز يحقق حاجه يستنى شغفه يشتغل والمحرك يدور ويطلع طاقه معظمنا مش هيتحرك، الشغف بالنسبالى فى الهوايات يعنى أنا نفسى اتعلم طبخ وأكون ماهر فيه واعمل أشهى أكلات فى العالم مش مستنى المحرك يشتغل هوا كده كده حابب ،غير إن فى أنشطة أولى حالياً ومسؤوليات أهم ،حفت الجنة بالمكاره يعنى النفس جبلت على كره التعب ، نحقق أحلامنا ونعمل فلوس ودا مش هيكون غير أما تكون عارف آليات السوق ومتطلباته ومألات الخطوات ال هتاخدها ،اما شغفك خليه أما تحقق ال يريحك ويقعدك فى بيتك تعمل ورشه مثلاً وتشتغل نجار عشان انت بتحب تعمل كراسى بديزان معين ، أما لو موفق انك بتشتغل حالياً الحاجة ال بتحبها وشغوف بيها وفى نفس الوقت بتدريسها مثلاً ف نعم
تم النشر الأحد، ٢٩ مارس ٢٠٢٦
أبدا إزاي أنا حاسة إن عقلي مش شغال بحب الدراسة و عندي حلم بس مش قادرة اعمله ازاي ارجع زي الأول 😞
تم النشر الاثنين، ٣٠ مارس ٢٠٢٦
فقدان الشغف ببساطه خالص هو لما تكون بتعمل كل حاجه بحماس وطاقه وبالتدريج تحس ان حماسك وطاقتك تقل بالتدريج لحد ما يختفي وتلاقي نفسك بتعمل كل حاجه في حياتك بنظام روتين انت مش متعود عليه بس مطلوب منك تعمله @hesham abdalghfar
تم النشر الأحد، ٢٩ مارس ٢٠٢٦
يعنى اى شغف ممكن تعريف تفصيلى لحاجة أنا شايفها أكذوبة لعلى اغير رأيى
تم النشر السبت، ٢٨ مارس ٢٠٢٦
لعرض السؤال في فدني اضغط هنا