انا عندي ٢١ سنه كان عندي حلم زي ا واحده بس بعشم اوى وهو ان اطلع دكتوره اسنان حصلت ظروف وخدت السنه ع مرتين ومجبتش مجموع وكان عندي صحاب كتيره اختفوا وبقيت لوحدي ده غير كنت بحب شخص بس مش كنت معترفااله ولاقيته فنفس الوقت ده خطب !! وحصلت مشاكل بين بابا وماما كبيرة جدا ادت لأنفصالنا وقت كبير عن بعض وادت ان حاليا رجعنا بس بابا وماما بقالهم سنتين كل واحد عايش ف أوضه ومنفصل عن التاني ورجعوا ع خاطر الوضع الاجتماعي وصورنا قدام الناس بابا كانت معاملته معانا انا واخواتي من واحنا لسه اطفال ف غاية القسوه ضرب وشتيمه واهانه ودايما انتو فاشلين وفيكوا وفيكو واقل حاجه ضرب واهانه مع انه متعلم وعامل كتاب وله اسمه وسمعته كبيره اكتشفنا من ضمن الحاجات انه شخص بيمثل الادب وانه منافق وكان بيخون ماما ومن كتر الغلطات ال عملها اتقلبت ضده وبدأ يشك فيها وعيشنا اسوأ فتره ف حياتنا وطول حياتنا مماما كانت بتصرف علينا وهو يتلكك بمشاريع فانتي قضى مصاريف البيت ع انا هعمل مشروع ويروح يصرفهم ع اي ست يكلمها وع لبسه وعربيته وشكله وسايبنا علطول ناقصنا كل حاجه حتى الاكل واقل غلطه يعد يزعق ويبكت فينا الشخص ال كنت بحبه ساب خطيبته واتكلمنا فتره وحصل حوارات فالنص ادت الى اننا ننفصل ومحبتش اكلمه الا لما يكون ف حاجه رسميه لاقيته خطب بعديا واتجوز مع مشاكل البيت وموت جدتي سببلي صدمه نفسيه وقلة ثقه ف نفسي وصحبة عمري اكتشفت فجأه انها كانت مصحبانى مصلحه وطلعتني وحشه فحياتها وبعدت عني ومشاكل البيت كل يوم كانت بتزيد ومشعارفه اخرج منها وبالذات ان كنت بحاول احقق حاجه ف كليتي بس المشاكل جتى لو هديت بابايا كنت كل لما اقعد ع الكتاب يشغلني ويقومني بالذات انه مبقاش يتعامل مع امى وطلباته كتيره جدا مكنتش بعرف لزاكر غير لو نام وعبال لما يجي ينام كنت ببقا تعبت وطاقتي خلصت وبعوز انام فالبتالي فاتت تلت سنين فالكليه ومجبتش تقدير نهائي وده عقدني وبالذات كل اما احاول اخد كورسات او ابني نفسي البيمنعني الماديه وان بابا مبيدنيش فلوس بيصرفها ع نفسسه ومبيدنيش غير ع قد الحاجات المهمه بس وده خلاني اول لما حد جه قرب مني تان اتعلقت بيه بس انا حد حافظ حدوده كويس اووى المهم الشخص ده حاول يكلمني اكتر من مره وكان بيتلكك بحوارات اول لما اتكلمنا كنت دايماً متلغبطه بسبب مشاكل البيت وكمان كنت بقلب عليه اوقات كتيره واختفى ساعات يوم كامل ع مكنتش بحب اعرف حد مشاكلنا فاتلككت بأقل مشكله وسيبنا بعض وكل شويه كنت ارجعله لحد ماخدت قرار وقولت مشاعري بيني وبين نفسي وهو مستجملش تغير مودى ف ده مش حب ده هروب من مشاكل البيت ومن حياتي بس ال اكتشفته ان حبيت حاجات جميله الشخص ده جدا واكتشفت ده متأخر ولاقيته رجع لحبيبته كانت سايباه من سنين وانه محبنيش قدها 💔 نهائي وانه ع ينتقم من اهى عملته سابها بس لسه شاغله تفكيره علطول وده تعبني جدا جدا وبالذات انى بجاهد نفسي يوميا ان مخرجش واشوفه ف أي مكان متعوده اشوفه فيه وبجاهد نفسي ان اتعافى من ال بابا عمله فيا بقيت لما اشوف اب حنين ع اهل بيته ومخلي باله منهم بحس بنقص بقيت مش قادره اتعامل كويس وثقتي بنفسي انتهت خالص وبقيت مش عاوزه ولا اتجوز ولا اتعامل مع الصنف التاني خالص وكل لما احاول اعمل حاجه جديده افتكر ازماتى فالماضى ةان مفيش حلم اتمنيته اتحقق فامش عارفه اتقدم خطوه لقدام وبفكر دايما ف إن انتحر او ان اهرب من حياتي دى واعيش لوحدى بس بخاف ع ماما وزعلها بحاول اجاهد نفسي ان اشتغل بس بابا رافض بحجة ان ميقولوش بنت فلان بتشتغل ويجيبها قدامى بحجة انا خايف عليكي من البهدله وهو اكتر واحد مبهدلني ومطلع روحىى
بصي اول حاجة انتي محتاجاها الوقتي هي انك تقربي من ربنا وتدعي انه يبعد عنك اي شخص مش خير ليكي تاني حاجة مش معني انك محققتيش حلم ليكي دا نهاية الطريق لا دا بداية ل طريق تاني عشان تحققي فيه النجاح وان اكيد مجبتيش اسنان دا خير ليكي وربنا شايل ليكي الخير والنجاح في حاجة تانية تالت حاجة ياقمر انتي المفروض تحطي ربنا قدامك لما يجي حد يحاول يتكلم معاكي اكيد الفعل دا ربنا مش هيحبه وخصوصا ان مفيش بينكم حاجة رسمية يعني مش عايزة ازعلك بجد بس ممكن يكون الشخص دا بيتسلي بيكي او زي ماحصل كدة بينتقم من التانية عشان ترجعلي وحطي في بالك ان طالما حد بيحبك اكيد هيحافظ عليكي لحد ماتبقي حرمه المصون ولو قالك ادينا بنتعرف علي بعض عشان لما اخد الخطوة نكمل فيها قوليله لا تعالي البيت أتقدم وفترة الخطوبة دي نتعرف فيها ( فترة الخطوبة دي علي فكرة مهمة جدا وفيها بتعرفي علي الشخص اللي قدامك وبتعرفي هو شخصيته ايه وهتقدري تتعايش معاه ولا لا ولو مقدرتيش ومحصلش نصيب يبقي دا مش خير ليكي بس كله يكون حلال مش مرتبطين ) رابع حاجة بقي ودا الأهم والدك ووالدتك الاب نعمة في حياتنا وحقيقي محدش بيعرف النعمة دي غير لما تروح منه وباباكي ممكن يكون جواه حاجة كويسة بس هو عنده مشاكل انه مثلا مبيعرفش يعبر عن مشاعره او ممكن يكون هو مختلط بناس وحشة اصلا وهو اللي مخليه معاكم كدة باباكي مش هنعرف تغيره بس هنحاول نتجاهل افعاله وكأنه مش موجود اوي يعني ربنا أمرنا ب طاعة ابوينا ف هنطيعهم زي مثلا طلب منك حاجة اعمليها ودا عشان نرضي ربنا مش اكتر ونحتسب الأجر عند الله حتة الشغل دي حاولي تكلمي حد له سلطة عليه زي جدك مثلا لو عايش او حد من أقارب مامتك يحاول يقنعه بالموضوع الانتحار حرام وافتكري انك لو هتعملي حاجة زي كدة ف انتي بتغضبي ربنا معلش مش عايزة اضايقك بس بجد تخيلي تموتي بالطريقة دي عشان حد في الدنيا !! اكيد آخرتك تستاهل انك تعافري شوية عشان ربنا والجنة يستاهلوا عايزاكي كل ماتفكري في الانتحار تفتكري ربنا لان بجد غضب ربنا أصعب من اي حاجة نصيحة بقي اخيرة من اخت ليكي انتي اكيد عندك نت اقعدي دايما اسمعي بودكاست دينية او دروس دينية لأي شيخ واسمعي دايما قرآن حصني نفسك دايما بالاذكار قربي من ربنا لان والله هو الوحيد اللي يستحق القرب دا دايما لما تلاقي نفسك انجذبتي لحد استغفري ربك وحاولي تغضي البصر عشان تحفظي قلبك للي هيجي يخبط علي بابك ويتجوزك في الحلال عارفة اني طولت عليكي بس اتمني تراجعي نفسك في كل حاجة بتعمليها واتمناك حياة سعيدة مع ناس بيحبوكي ويتمنونلك الخير وتعيشي حياة مليئة بجبر الخواطر ويذهب الله عنك الحزن ويبعد عنك الهم والغم
تم النشر السبت، ١٢ أغسطس ٢٠٢٣
هو للاسف مشكلة والدك هي سبب كل المشاكل اللي حصلت بعد كده، واظن انتي عارفه كده كويس جدا. انتي للاسف كنت بتروحي في اي علاقة من اللي انتي دخلتي فيها وانتي عارفه انك بتهربي، بتهربي علشان تلاقي اهتمام، علشان تلاقي حب، بتهربي حتى من نفسك ومن وجودك نفسه .. بتهربي من كل حاجه حواليكي علشان تلاقي جانب تاني كويس ومشرق .. وتقولي لنفسك يمكن! بس للاسف كنتي بتصلحي الغلط بغلط اكبر منه بكتير .. كل اللي انتي دخلتيه مكانتش علاقات حب .. سواء من طرفك او حتى من طرفهم .. كل واحد كان داخل علشان يشبع رغبة معينه .. حتى لو كنتم انتوا الاتنين مصرحتوش ب ده لبعض .. بس يه الحقيقة. تقبلي انك غلطتي وانك كنتي بتضحكي ع نفسك وع الشخص التاني برضه، وتقبلي كمان انه الطرف التاني غلط، وكان مجرد بيتسلى او كان في علاقة تعويضية معاكي .. اما الماضي .. وخصوصا اللي انتي عشتيه مع والدك في الحقيقه محدش يقدر يغيره .. ولكن تقدري تتعاملي مع اللي جاي بطريقة احسن .. وجود والدك طالما بشكل اجتماعي .. عايزة اقولك يتحرق الشكل الاجتماعي بس متكونش الحياة جحيم. يتحرق لشكل الاجتماعي بس الواحد يعيش في حياة هادية ومستقرة. يتحرق الشكل الاجتماعي بس الواحد يحس انه مبسوط وراضي ع الاقل. يتحرق الشكل الاجتماعي بس الواحد يعيش في راحة بال. ما يتحرق الشكل الاجتماعي، والدتك هتاخد منه ايه، هتاخد منه مصاريف؟ مش بتاخد .. هتاخد منه ايه بالظبط غير حرقة دم .. انتوا هتاخدوا منه ايه؟ انتو كده بتدفعوا ضريبة الشكل الاجتماعي .. وهتفضلوا تدفعوا طالما الوضع ده قائم. لازم تنفصلوا عنه بشكل نهائي .. (والدك) بحيث تعرفوا تعيشوا حياتكم وتقدري تشتغلي .. طالما وجوده بالنسبة ليكم مش مفيد بشئ! ولو ده محصلش .. لازم يكون فيه حدود شوية .. يعني يقولك مفيش شغل .. يبقى يا بابا عايزة مصاريف ومصاريفي كذا .. طالما متأكده انه معاه فعلا.
تم النشر السبت، ١٢ أغسطس ٢٠٢٣
ما هو اللى حصل ده كله مش قليل ...وانتى ما اخدتيش نفسك يا بنتى من حاجه لحاجة الحاجات اللى فى البيت هى ليها اكبر تأثير السعى والمعافرة صعبين انا عارفه ....بس هو ده اللى بيخلى جزاء الصابرين كبير انهم مهما كانت الظواهر صعبه الا انهم مكملين وانتى ماشاء الله واعيه وفاهمه ومركزة ....استمرى على ده فى نفس الوقت خليكى مركزة فى خطواتك ناحية هدفك ...واللى يظبط تمام ...اللى ميظبطش شوفى غيره اعرفى ان اى كان اللى اتقدر من ربنا فهو اكيد خير ليكى ...حتى التقديرات اللى معرفتيش تجيبيها اصلا ازمة بابا ....كل الى محتاجه تعمليه انك تسامحيه لانه يجهل اثر اللى بيعمله ده كله ...هو لو واعى للاثر وخطورته مكانش هيعمل كده ...اعذري عدم وعيه عشان بس هو ابوكى الجوع العاطفى والاحتياج لازم تمليه بس من مصادر صح عشان ميفضلش مصدر تهديد ليكى ولنفسيتك لو فى فرد من العيله عم او خال تقدرى يكون هو النموذج اللى بدل بابا ...تبقى حاجة كويسة قربى اكتر من ناس بتقول كلام حلو كلمى نفسك انتى كلام حلو اتبسطى بكل حاجة وصلتلها مهما كانت صغيرة ..لان الانجازات الصغيرة تستحق الاحتفال وبشدة لانها السبيل للانجازات الكبيرة ان شاء الله
تم النشر الأربعاء، ٢٣ أغسطس ٢٠٢٣
دا امتحان من ربنا وهتوصلي و انتي قادره
تم النشر السبت، ١٢ أغسطس ٢٠٢٣
الموضوع بإيدك حاولي توصلي لأبوكي وكمان أمك وتوضحلهم فكرت إنك متقضريش تعيشي من غيره وإن خصارتكو لبعض مش هيكون صح وبصراحة خدي رأي أمك وشاركيها الحديث وقوللها تعماي أيه
تم النشر السبت، ١٢ أغسطس ٢٠٢٣
لعرض السؤال في فدني اضغط هنا