بصي اول حاجة انتي محتاجاها الوقتي هي انك تقربي من ربنا وتدعي انه يبعد عنك اي شخص مش خير ليكي تاني حاجة مش معني انك محققتيش حلم ليكي دا نهاية الطريق لا دا بداية ل طريق تاني عشان تحققي فيه النجاح وان اكيد مجبتيش اسنان دا خير ليكي وربنا شايل ليكي الخير والنجاح في حاجة تانية تالت حاجة ياقمر انتي المفروض تحطي ربنا قدامك لما يجي حد يحاول يتكلم معاكي اكيد الفعل دا ربنا مش هيحبه وخصوصا ان مفيش بينكم حاجة رسمية يعني مش عايزة ازعلك بجد بس ممكن يكون الشخص دا بيتسلي بيكي او زي ماحصل كدة بينتقم من التانية عشان ترجعلي وحطي في بالك ان طالما حد بيحبك اكيد هيحافظ عليكي لحد ماتبقي حرمه المصون ولو قالك ادينا بنتعرف علي بعض عشان لما اخد الخطوة نكمل فيها قوليله لا تعالي البيت أتقدم وفترة الخطوبة دي نتعرف فيها ( فترة الخطوبة دي علي فكرة مهمة جدا وفيها بتعرفي علي الشخص اللي قدامك وبتعرفي هو شخصيته ايه وهتقدري تتعايش معاه ولا لا ولو مقدرتيش ومحصلش نصيب يبقي دا مش خير ليكي بس كله يكون حلال مش مرتبطين ) رابع حاجة بقي ودا الأهم والدك ووالدتك الاب نعمة في حياتنا وحقيقي محدش بيعرف النعمة دي غير لما تروح منه وباباكي ممكن يكون جواه حاجة كويسة بس هو عنده مشاكل انه مثلا مبيعرفش يعبر عن مشاعره او ممكن يكون هو مختلط بناس وحشة اصلا وهو اللي مخليه معاكم كدة باباكي مش هنعرف تغيره بس هنحاول نتجاهل افعاله وكأنه مش موجود اوي يعني ربنا أمرنا ب طاعة ابوينا ف هنطيعهم زي مثلا طلب منك حاجة اعمليها ودا عشان نرضي ربنا مش اكتر ونحتسب الأجر عند الله حتة الشغل دي حاولي تكلمي حد له سلطة عليه زي جدك مثلا لو عايش او حد من أقارب مامتك يحاول يقنعه بالموضوع الانتحار حرام وافتكري انك لو هتعملي حاجة زي كدة ف انتي بتغضبي ربنا معلش مش عايزة اضايقك بس بجد تخيلي تموتي بالطريقة دي عشان حد في الدنيا !! اكيد آخرتك تستاهل انك تعافري شوية عشان ربنا والجنة يستاهلوا عايزاكي كل ماتفكري في الانتحار تفتكري ربنا لان بجد غضب ربنا أصعب من اي حاجة نصيحة بقي اخيرة من اخت ليكي انتي اكيد عندك نت اقعدي دايما اسمعي بودكاست دينية او دروس دينية لأي شيخ واسمعي دايما قرآن حصني نفسك دايما بالاذكار قربي من ربنا لان والله هو الوحيد اللي يستحق القرب دا دايما لما تلاقي نفسك انجذبتي لحد استغفري ربك وحاولي تغضي البصر عشان تحفظي قلبك للي هيجي يخبط علي بابك ويتجوزك في الحلال عارفة اني طولت عليكي بس اتمني تراجعي نفسك في كل حاجة بتعمليها واتمناك حياة سعيدة مع ناس بيحبوكي ويتمنونلك الخير وتعيشي حياة مليئة بجبر الخواطر ويذهب الله عنك الحزن ويبعد عنك الهم والغم
تم النشر السبت، ١٢ أغسطس ٢٠٢٣
انصحك تشوفي طبيب نفسي او اخصائي نفسي لان طالما الموضوع وصل لانك بتأذي حد يبقي مش هتقدري تسيطري علي الموضوع لوحدك بدون أخصائي ( اعتقد انك مش هتحتاجي أدوية ف روحي ل اخصائي او شوفي دكتور الاول وشوفيه هيقولك ايه)
تم النشر الثلاثاء، ١٥ أغسطس ٢٠٢٣
مش عارفة والله بس خليك متابع معاهم بيكون علي النت اه لو انت مقدمتش ورقي هيفتحوا التحويلات تقرييا بعد مايخلصوا التنسيق لو قدمت بقي في الكلية اللي هي آداب وعايز تحول بيبقي ورقي
تم النشر الاثنين، ١٤ أغسطس ٢٠٢٣
لا بتحول عادي لما التحويل بيفتح طالما جايب درجة الكلية اللي عايزها بتحول لها عادي
تم النشر الاثنين، ١٤ أغسطس ٢٠٢٣
هو اعصابه تعبانة بسبب تعبه وحاسس انه حِمل عليكي وعلي اللي حواليه وزي مابتقولي بقولكم فترة من دكتور ى دكتور ف هو خلاص جاب اخره ومعتش قادر يتحمل حاولي تخففي عنه ومتقوليش حاجة تضايقه حتي لو بهزار هو حاليا هش من جوا ودايما شغلي قرآن وعافيه انك معاه حتي لو هو تعبان وانك مش هتستغني عنه مهما كان بس متبالغيش اوي كلامك عشان ميحسش انك بتشفقي عليه ودايما قوليله ان الابتلاء بيجي عشان تقوينا ونقرب ل ربنا اكتر
تم النشر الاثنين، ١٤ أغسطس ٢٠٢٣
انشر الرابط. للاستفادة. سواء اولياء امور. او طلبة او اخصائيين. 🌹❤️🌹❤️🌹❤️🌹 محاضرات . تنميه مهارات. تخاطب. توحد. تربية خاصه. علم نفس. مقاييس. ارشاد اسري ونفسي. تكامل حسي. المهارات الحياتيه. تغذيه علاجيه. تنميه بشرية. 🩵🩵🩵🩵🩵🩵🩵 والكثير والكثير ف انتظارك فكونوا معانا. 🔊🔊🔊🔊🔊 انتظرونا الاسابيع القادمه.. مع اقوى محاضرات مجانيه الحضور ف مجال التربية الخاصه.. مع اقوى الدكاترة والمدريبين. المتخصصين ف المجال. 🌟🌹🌟🌹🌟🌹🌟 https://chat.whatsapp.com/JhHBvrXQnlN6fQjhVpcQaj دي دورات اونلاين مجانية
تم النشر الأحد، ١٣ أغسطس ٢٠٢٣
سألت حد قالي انه بياخد 4 سنين آداب علم نفس وبعدين يعمل دبلومة اكلينكي في المجال اللي عايزه فيه أماكن بيبقي فيها دورات مجانية وبتكون ب شهاد او بمبلغ قليل وفيه أماكن بتنزل تدريبات ب شهادات بردو زي مستشفي بلطيم للصحة النفسية بيبقي فيه جزء نظري وجزء عملي وفيه شهادة آخر التدريب
تم النشر الأحد، ١٣ أغسطس ٢٠٢٣
اسمها دبلومة اكلينكي اي طالب في آداب علم نفس يقدر ياخد الدبلومة دي بس مؤخرا سمعت ان ممكن اي حد في كلية تانية ياخد الدبلومة بس بشروط مش عارفاها الصراحة ومش عارفة تفاصيل تانية بس هسال واقولك وحاول تبحث عن الموضوع دا انا كل اللي اعرفه انه بيبقي في كلية آداب جامعات معينة اللي بتعمل الدبلومة دي مش كل الجامعات زي مثلا جامعة عين شمس والمنشور وكفر الشيخ غالبا تقدر تاخد الدبلومة فيها ف انت شوف الجامعة اللي ناوي تاخد فيها الدبلومة وادخل اسال علي التفاصيل علي البيدج بتاعتهم الدبلومة بتبقي علاج نفس اضطرابات وعلم النفس الاجتماعي النفس المرضي علم نفس الأسرة والزوجين النفس السريري للأطفال والمراهقين العلاج النفسي علم النفس السريري للبالغين التقييم النفسي علم النفس العصبي السريري المجتمع السمكي علم الاجتماع علم المناعة العصبية إعادة التأهيل العصبي النفسي بس غالبا الدبلومة بتبقي في مجال واحد من كل اللي فوق وبتبقي يا اما سنة أو سنتين بس مش عارفة صراحة بكام بس بتبقي حسب الجامعة
تم النشر الأحد، ١٣ أغسطس ٢٠٢٣
الحجاب جنة ونار مش درجات جنه يعني هو فرض عليكي وكمان ذكر في القرآن اننا نلبسه " وَلْيَضْرِبْنَ بِخُمُرِهِنَّ عَلَى جُيُوبِهِنَّ".
تم النشر الأحد، ١٣ أغسطس ٢٠٢٣
اعتقد فيه دبلومة اكلينكي تقدر تاخدها حتي لو انت مخلص كلية تانية ( معرفش كتير عن الموضوع بس سمعت بيه يعني )
تم النشر الأحد، ١٣ أغسطس ٢٠٢٣
لو تقدر/ي علي الاونلاين ف دا افضل بكتير من حيث توفير الوقت والمجهود المبذول في مشاوير الدروس ودايما تابع/ي مع المدرسين اللي بيتابعوا مع الطالب وولي الامر ولو انت/ي تقدر/ي علي الاونلاين من حيث الالتزام فعلا والمذاكرة والفهم ف دا احسن
تم النشر السبت، ١٢ أغسطس ٢٠٢٣
لعرض الملف الشخصي في فدني اضغط هنا