تبدا حكايتي ب اني محتاجة حد يحبني واحبه ومحتاجة علاقات ف حياتي ابتديت اتعرف عل ناس سويال وكانو مش مناسبين حتي اهلي واخويا وحشين معيا جدا جدا جدا وظالمين اهلي طردوني من بتهم وانا محتجالهم واخويا اخد ورثي من ابويا وبعد م بابا مات عملي بلوك وقطع علاقته بيا بابا دة كان اقرب حد ليا ف الحياة كنت بحكيله عل تفاصيل يومي وحاليا انا مفتداه حاولت اتعرف عل ناس ف الجامعة وهما رافيضين الاختطلات ومفيش شباب مناسب للحب ف الجامعة اتعرفت عل شاب سوشيال كان قمة الاخلاق ومبيهموش الشكل وانا عملتله بلوك علشان مش متقبلة شكله وهو بعت يقولي عملتي كدة ليه حقيقي حسيت بالذنب بشكل مش طبيعي لانه شخص كويس واكيد فهمني غلط وحسيت اني مخنوقة جدا عايزة اكسر الفون الكان السبب وكارهة شكل البيت لان بيتي كله كراكيب مقدرش اخلي راجل يتعرف عليا يجي يشوف شكله انا تعبت الشاب دة نفسيا وانا كمان تعبانة نفسيا بسبب اني متقبلش شكله
أنت عندك احتياج عاطفي كأي بنت ولكن للأسف حاولتي تشبعي الاحتياج دة في سكك غلط ممكن تؤذيك نفسيا ودينيا وبتخليكي تأذي غيرك نفسيا .. لو قرأتي القصص الموجودة هنا في فدني هتعرفي معنى كلامي أنت محتاجة فقط ربنا يحبك وإذا أحبك أصلح كل شيء في حياتك ورزقك بالإنسان اللي تحبيه ويحبك في الحلال لأنه هو فقط القادر على ذلك وهو على كل شيء قدير
تم النشر الأربعاء، ٤ أكتوبر ٢٠٢٣
في الحقيقة مينفعش ابدا تبقى جعانه وتأكلي اي حاجه والسلام. ده اللي انتي عملتيه بالظبط، كنتي جعانه جدا، ودخلتي السوبر ماركن وابتديتي تاكلي اي حاجه تيجي قدامك، حتى اساسا لو كانت الحاجه ديه مضرة، او مش هتفديك، او حتى هتديكي شبع مؤقت. مينفعش تدخلي ف علاقات لمجرد انك عايزة تشبعي حاجه ف ظل ما انتي اساسا متلغبطة وحياتك مش كويسة، ازاي هتعرفي اساسا تديري العلاقة بشكل سليم؟ ابعدي عن كل العلاقات ديه، ولو حد عايزك يجي من البيت هي ديه الاصول. اتعرفي على صحبة كويسة (بنات) لو انتي محتاجه ناس في حياتك. لكن شباب لا، هتندمي والموضوع هيكون فيه عك. وانتي في غنى عن ده كله.
تم النشر الخميس، ٥ أكتوبر ٢٠٢٣
لعرض السؤال في فدني اضغط هنا