علطول لما بشتغل على حاجة سواء تطوير من نفسي أو تعلم مهارة والبحث عن العلم والمعلومات أو حتى مشروع صغير بسيط ينفعني وينفع اللي حواليا وبتيجي فترة طبيعية من إنطفاء الشغف وبيرجع تاني عادي زي أي حد بس الفترة بتطول عندي بسبب سؤال بيجي فى دماغي لما بشتغل على أي حاجة وهو:
"ليه أكمل فى المشروع ده وكدة كدة مش هيعمل حاجة فى الدنيا وملهوش لازمة فى الدنيا والآخرة هيبقى فيها كل حاجة الناس بتتمناها فى الجنة وفيها إجابة كل الأسئلة فانا ليه أكمل فى كدة وأكمل فالمشروع ومن تطوير نفسي؟" حقيقي السؤال ده بيطفيني بحس إن مفيش حاجة ليها لازمة أو معنى ومفيش حاجة تستاهل ومعرفش أعمل ايه..؟
إذا خسرنا الدنيا فلن نستطيع الاستعداد الأفضل للآخرة ولذا كان النبي ﷺ يتعوذ من الفقر. اعملي في الدنيا كما كان نبي الله داود عليه السلام يعمل شكرا لله ويصنع سابغات (أي الدروع التي تقي في الحرب) ويقدرها تقديرا محكما ( أنِ اعْمَلْ سابِغاتٍ وقَدِّرْ في السَّرْدِ واعْمَلُوا صالِحًا إنِّي بِما تَعْمَلُونَ بَصِيرٌ ) وهذا عمل دنيوي محض ولكنه يجعل الإنسان يقوم برسالته الأخروية خير قيام لأننا حين خسرنا الدنيا صرنا ألعوبة في يد الأمم (اللي ماتسواش) ولم نعد في المجمل نستطيع تحقيق مراد الله منا كما ينبغي! إذا صلحت نيتك فأعمالك وبرامجك ومشاريعك الصغيرة قد تكون هي الطريق إلى الجنة أو الوسيلة لرفع درجتك فيها!
تم النشر السبت، ١ يوليو ٢٠٢٣
بس الجنة مش ببلاش! يعني المفروض اننا في دار اختبار .. نسعى ونحقق ونتعب ونوصل .. ونعبد ربنا ده كله احنا بنعمله ليه؟ مش علشان احنا في دار اختبار وعلى كل حاجه احنا بنعملها المفروض ل اما بناخد ثواب عليها او ذنب ! ف ده كله الطريق اللي بيؤدي الي النهاية او بداية النهاية (الجنة) عيشي الحياة .. عيشيها زي ما هي من كل حاجه سواء تعب او فرح .. خسارة او مكسب استمتعي بكل حاجه فيها .. هي مرة واحدة ف استمتعي بكل حاجه فيها.
تم النشر السبت، ١ يوليو ٢٠٢٣
أهلا يا صاحبي، أنا فاهم إحساسك ده جدا. بس أنا شايف إن الموضوع مش بالبساطة دي. في حاجات كتير في الدنيا تستاهل الكمال والاهتمام أولا، المشاريع اللي بتعملها دي بتنمي مهاراتك وبتخليك تتعلم حاجات جديدة. ده لوحده بيساعدك تطور نفسك وتبقى إنسان أفضل. ثانيا، المشاريع اللي بتعمل فيها ممكن تفيد ناس تانية. المهم إنك بتساعد حد وبتعمل حاجة إيجابية. ثالثا، مهما كانت الجنة حلوة، فأنت لسه عايش في الدنيا. والدنيا مش مجرد انتظار للآخرة. فيها حاجات كتير تستاهل والمشاريع اللي بتعملها من ضمن الحاجات دي. فما تخافش وما تحسش إن مفيش حاجة ليها لازمة. كمل في مشاريعك واستمتع باللي انت بتعمله. الدنيا هتبقى أحلى بكده!
تم النشر السبت، ١ يوليو ٢٠٢٣
لأننا مأمورين بالسعي وليس بالوصول ... النبي عليه الصلاة والسلام امر من قامت عليه القيامة وفي يده فسيلة ان يغرسها، ما فائدة الغرس وقد قامت القيامة؟ اذًا النتيجة ليست مطلوبة ... نحن مأجورون على السعي ... والأجر نحتاج إليه لزيادة درجاتنا في الجنة ودخولها باذن الرحمن ... النبي صلوت ربي عليه قال ايضًا عش لدنياك كأنك خالدًا، وعش لآخرتك كأنك ميت غدًا ... ما نفعله اليوم ، وما نغرسه قد لا نرى نتيجته مطلقًا، ولكن سيرى غيرنا النتيجة، وسيستفاد غيرنا منه، فنحصل نحن على الأجر العظيم ... هكذا أرى الأمر
تم النشر الثلاثاء، ٤ يوليو ٢٠٢٣
احنا بنعمل وبنشتغل ونتعب عشان اولا دى فطرة طبيعية جوانا . عشان الدنيا طريق يؤدى للاخرة والخطوات اللى فيه تفرق اكيد للمكان اللى هنوصله فى الاخرة ( زى ما كتير قالولك فى الاجابات هنا ) عشان سر السعادة بجد انك لما تزرعى تشوفى الزرعة كبرت وطرحت وكمان حد استمتع بالثمرة دى ....دى متعة من متع ونعم الدنيا ...احساس انى مش موجود وخلاص ...انا موجود عشان ليا مكان ودور ومكتوبلى اقدم حاجة. فى ناس بتقدر تقدم حاجات بسيطة وناس تقدر تقدم كتير ...فاللى يقدر يقدم كتير و مقدمش ده يبقي بخيل وبخيل على نفسه قبل ما يبقي بخيل على غيره ...ليه امنع نفسي انى اقدملها احساس حلو وسيرة طيبة كمان بعد ما حياتى تخلص وحياة ناس تانية لسه مكملة. الناس اللي اجتهدت عشان تعمل شبكة الانترنت واللى اجتهدوا عشان يخلوا سرعات النت أكبر...والناس اللى عملوا فكرة التطبيقات واللى عملوا التطبيق ده بالذات ...لو كانوا فكروا كده ..مكاناش كلنا هنبقي هنا ولا نعرف نفيد بعض ولا نختصر على بعض افكار كتير وتعب كتير.
تم النشر الأحد، ٢ يوليو ٢٠٢٣
اول حاجه دي افكار طبيعية جدا وبتيجي لينا كلنا بس اهم حاجه اننا مش نسترسل معاها وتاخد وقت اكبر من حقها، تاني حاجه بقا اننا موجودين في الدنيا هنا لحكمة عظيمة وهيا العبادة والعمل شكل من أشكال العبادة ده لو مكنش هو العبادة كلها ربنا سبحانه وتعالى استخلفنا لتعمير الارض والبناء والعمل والتطوير ومساعدة الناس ونفسك إن لم تشغلها بالحق شغلتك بالباطل ولما تشتغلي ع نفسك وتطوري مهاراتك دي حاجه هتنفعك لنفسك وربنا سبحانه وتعالى ينفع بيكي الناس ♡
تم النشر الأحد، ٢ يوليو ٢٠٢٣
السؤال مبيتقالش كدا على فكره.......السؤال بيتقال ليه معلش حاجه تفيد العالم أو البشريه عمتا ويبقا ليا اسمي الناس تفتكرني بيه لما اموت ......افتكر أن الدنيا مرحله والاخره مرحله تانيه خالص بس الهدف الاول والاخير انك نازل الدنيا تحقق فيها اراداتك واللي ربنا قسمهولك وتطيع ربنا اهم حاجه وفي الاخره يبقا فكر زي ما انت بتفكر دلوقتي أما الي انت بتقولو دا كلام راجل عندو سبعين سنه مينفعش يطلع من شخص بيبدأ حياتو اصلا .....أساسا مش معقول
تم النشر الأحد، ٢ يوليو ٢٠٢٣
لعرض السؤال في فدني اضغط هنا