السلام عليگم، أولا، ربنا يعينك ويفرج همك ومشكلتك. ابعدي خالص عن فكرة الانتحار... مفيش حاجة تستاهل أبدا تخسري دنياك وآخرتك عشانها. حل مشكلتك سهل وفي يدك بس خليك قوية وحاسمة في قرارك. إيه يخليك متمسكة بشخص زي ده؟ من كل اللي حكيتيه واضح إنه غير سوي ومتلاعب وهيتعبك نفسيا ونتيجة الزواج مش هتكون في صالحك أبدا. كفاية قوي موضوع الإهانات والشرب. ده سبب واحد كفيل يخليك تهربي من الزواج ده وتعرفي إنه شخص لا يصلح يكون زوج ولا أب صالح لأولادك في المستقبل إن شاء الله. خليك عارفة، اللي بتشوفيه دلوقتي من معاملته لك وتصرفاته أقل من ١٠٪ من اللي هتشوفيه بعد الزواج... دي مجرد عينة ومقدمة لحياتك معه بعد كده لو فضلت مكملة. اهربي بجلدكقبل ما تخسري نفسك ومستقبلك... اعتقد إنك تستحقي شخص أفضل من كده بكتير. فقدري نفسك واوعي تاخدي قرار مصيري زي ده تحت تأثير عائلتك أو خوفك منهم أو إحساسك بالذنب. اقعدي مع نفسك كده ورتبي أفكارك واكتبي كل السلبيات والعيوب ولو فيه أي ميزة تخليك تفكري تتغاضي عن كل العيوب اللي ذكرتيها فاكتبيها على جنب وقارني. واعتقد لما تلاقي الوضع بالتفصيل قدامك والصورة واضحة أكتر لك هتقدري تحسمي قرارك باللي فيه الخير لك. ادعي ربنا كتير في رمضان يفرج همك ويختار لك الخير والأصلح. بالتوفيق.
خدي بالك إن لازم تصلحي مشاعرك وعقدتك النفسية تحاه انفصال أهلك لأنها هتأثر على قررات حياتك وللأسف لو معالجتيهاش ممكن تجذبي شخص يخليك تكرري مأساة زواج باباك ومامتك. تصالحي مع الماضي ولو لقيت الموضوع صعب تعمليه لو وحدك جربي تتواصلي مع حد من خبراء فدني عشان يساعدك بحلول عملية. وربنا يوفقك.
تم النشر الثلاثاء، ٣ مارس ٢٠٢٦
@mai mahfouz انا عارفه دا دا غير انى انا اتعذبت و لسه يتعذب بعد انفصال اهلى و الموضوع عملى عقد نفسيه دا غير انى لما كونت طفله كونت بسمع كتير من امى انها بتكرهنى و بتدعى عليا علشان اموت دا غير أنها كانت كل ما اعمل حاجه تضايقها أو تتعصب عليا تفضل تضرب فيا و بتبقا عايزه تموتنى كل دا و انا كونت ليه مكلمتش 7 أو 8 سنين فا انا مش عايزه دا كمان يحصل مع اولادى
تم النشر الثلاثاء، ٣ مارس ٢٠٢٦
الناس محدش منها هينفعك لما تعيشي في زواج سيئ وتتعذبي مع شخص غير شوي ومتكونيش عارفة تنفصلي عشان برضه خايفة من كلام الناس وشماتتهم أو مثلا يكون فيه أطفال بعد كده تقولي هستحمل عشانهم.. فكري في نفسك ومصلحتها قبل أي حد.
تم النشر الثلاثاء، ٣ مارس ٢٠٢٦
محدش هينفعك منهم وبردو حتي لو كملتي والجوازة تمت بعدين حصل طلاق بردو هيشمتوا ف طنشي الاهم مصلحتك
تم النشر الاثنين، ٢ مارس ٢٠٢٦
المشكله ان خالتى دايما بتقولى متستقلليش عيشتك أو تطبطرى عليها لان لو انا فشكلت الجوازه ف ناس هتفرح فيا و هيشمتو و انا لو كملت انا اللى هتعب و محدش هيتعب معايا المشكله انى مش فاهمه هوا عايز يوصل لايه كلامه هوا مش عايز يكمل ليه بيعمل فيا كدا
تم النشر الأحد، ١ مارس ٢٠٢٦
لعرض الإجابة في فدني اضغط هنا