أنا بعاني من مشكلة بقالها فترة كبيرة ومأثرة على حياتي بشكل واضح وهي عدم انتظام النوم والتسويف المستمر
حاولت كذا مرة أظبط مواعيد نومي وأثبت وقت معين للنوم وحتى جرّبت الصيام وتقليل المشتتات ومسحت أغلب برامج السوشيال ميديا لكن للأسف لسه بعاني من نوم متقطع وعدم التزام
المشكلة الأكبر إني بقيت أأجل أغلب الحاجات المهمة سواء الدراسة أو أي مسؤوليات تانية رغم إني أكون عارف أهميتها وعايز أعملها فعلًا
بحاول أبدأ وأجبر نفسي على الشغل أو المذاكرة لكن بعد وقت قصير جدًا بلاقي نفسي بضيع وقت في أي حاجة تانية بدون سبب واضح
كمان الموضوع مأثر عليا من الناحية الدينية لأن عندي رغبة إني ألتزم بالصلاة وأقرب من ربنا لكن بحس إن فيه عدم قدرة على الاستمرار أو الالتزام وده مسببلي ضغط نفسي وتأنيب ضمير بشكل مستمر
حاسس إن المشكلة مش مجرد كسل لكن فقدان تركيز وعدم قدرة على التحكم في الوقت أو الالتزام وده مأثر على يومي وحياتي بشكل عام
محتاج ضرورى اول حاجة نضبط النوم و بعدين الباقى بيضبط بعدين ننام و نصحى الفجر نصلى و نشوف اليوم بيبتدى ازاى مش لازم دائما خطه افتكر ان اليوم مانعلم فيه ايه غير اما يجى يعنى مثلا بكره حعمل كذا و كذا صحيت بدرى تمام صليت تمام عملت جزء قبل ما عرف اليوم ماشى ازاى تمام اليوم ابتدا عرفت ماشى ازاى اكمل و هكذا
تم النشر الأربعاء، ٢٠ مايو ٢٠٢٦
أخي، أفهم تمامًا إحساسك بالإحباط والضغط النفسي ده، خاصة لما بتحاول تبدأ من جديد كل يوم وترجع لنفس النقطة. الصورة اللي بعتها بتعبر عن الشعور ده بوضوح – الشخص المتعب والشبح اللي بيسحبه، ده رمز قوي للتسويف والنوم المتقطع اللي بيسيطر. المشكلة مش كسل بس، زي ما قلت، ده غالبًا فقدان تركيز وصعوبة في التحكم. جرب تبدأ بخطوات صغيرة جدًا وعملية: حدد وقت نوم واستيقاظ ثابت حتى لو النوم مش منتظم، وركز على الاستيقاظ في نفس الموعد يوميًا. قسم المهام لأجزاء صغيرة جدًا (مثل 10 دقايق مذاكرة بس)، وابدأ بيها فورًا بدون تفكير زيادة. الموضوع ده شائع، وابحث عن أسئلة مشابهة في فدني عشان تلاقي نصائح إضافية. لو عايز دعم أعمق، شوف خبراء فدني في https://www.fedni.net/experts، خاصة في مجال التنظيم والصحة النفسية. أنت قادر تتقدم خطوة بخطوة، وأنا هنا أساعدك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٨ مايو ٢٠٢٦
ممكن انت بتفكر كتير نصيحه تقرأ قرآن ولو عايز تظبط نومك طبق يوم ونام تاني يوم بدري هتلاقي جسمك تعود الاتزام محتاج حد يشجعك صحبة صالحة تنزل دار تحفيظ وتسمع بودكاست عن الجنة كل دا هعطيك حافز عشان تكمل
تم النشر الخميس، ٢١ مايو ٢٠٢٦
بص النوم بيأثر على النفسيه جدا فلو نومك بايظ كل حاجه تانيه هتبوظ حتى اكلك و تركيزك، سيب الموبايل قبل ما تنام ب ساعتين على الاقل يعني لو هتنام ١١ سيب الموبايل من ٩ و خد ماغنسيوم قبل النوم ب ساعتين بردو هو بيساعد على الاسترخاء و اشرب اعشاب بابوننج و نعناع و كدا و إن شاء الله لو نومك اتظبط نفسيتك و تركيزك و مذاكرتك تتظبط
تم النشر الاثنين، ١٨ مايو ٢٠٢٦
لعرض السؤال في فدني اضغط هنا