السلام عليكم
انا تعبانه نفسيا جدا جدا عندي ٢٧ سنه خلال شهرين هكمل ال٢٨ شغاله ف مجال غير مجالي خدمه عملاء وانا مدرسه لغه عربيه وللاسف ظروفي متسمحش اشتغل حاجه غير كده
حاليا عملت كل الكبائر الي ممكن تتعمل بعد ماكنت يجاهد نفسي بالقيام كام سنه بسوره البقره والفجر حاضر وكل الفروض والاذكار والقرآن وكنت ملتزمه أن مفيش صحوبيه بين ولد وبنت والارتباط حرام وقعت في ذنوب كتير
محتاجه أبدأ صفحه جديده مع ربنا صفحه جديده في حياتي بس مش عارفه ازاي ولا منين عايزه أحفظ قرآن عايزه اتعلم الانجلش لاني فاشله جدا فيه عايزه اتعلم فقه وشريعه عايزه اتابع مع معالج نفسي ميكونش اوفر في الفلوس لأن ظروفي متسمحش ولما بسال يقولولي ب٤٠٠ جنيه ومناسب
ممكن حد يفيدني أبدأ ازاي واعمل ايه مليش صحبه صالحه دايما صحابي الي يعرفهم أو احبهم يكونو بعيد عني فضلا ساعدوني جدا
وعليكم السلام ورحمه الله وبركاته ربنا يتوب علينا وعليك ويسترنا في الدنيا والآخرة أنا عايز اقول محدش في الدنيا دي كلها هينفعك إلا بإذن الله يعني مهما عملتي كبائر سواء قتل زنا شرك ليكي توبه وربنا غفور رحيم تعملي ايه تتوضي وتفرشي سجاده الصلاه وتصلي ركعتين توبه الأمر بسيط وابكي لربنا أن يردك ليه تاني آيات وأحاديث التوبه كتيره وباب التوبة مفتوح إلا أن تطلع الشمس من مغربها وابدئي بحفظ القرآن والصدقه وعمل صحبه صالحه سواء في الحقيقة أو على وسائل التواصل الاجتماعي ربنا بيقول ايه " قل يا عبادي الذين اسرفوا على أنفسهم لا تقنطوا من رحمة الله إن الله يغفر الذنوب جميعا" ربنا بيخاطب الناس اللي أسرفت وعملت ذنوب كتيره و اكتر حاجه تخلي الإنسان ينتكس أن يغتر ويعد الطاعات زي أنا بصوم اتنين وخميس أو بصلي الفجر أنا حافظ القرآن كل ده يضيع علطول
تم النشر الأحد، ٧ سبتمبر ٢٠٢٥
السلام عليكم خديها واحده واحده بلاش تتقلى بالتفاصيل الكتير كفايه انك تبدأى بانك اول اسبوع مثلا توقفى الكبائر اللى بعده تلتزمى بالفجر على وقته ...اللى بعده تلتزمى بالظهر وهكذا كل اسبوع زودى حاجة ...متزوديش الا لما تتاكدى من تثبيت كل اللى قبله متقلقيش ربنا شايف كل السعى وان شاءالله توبة مقبولة
تم النشر الاثنين، ٨ سبتمبر ٢٠٢٥
السلام عليكم، ما دامت النية موجودة فلا يبقى إلا البدء. لا يهم كم ارتكبت من الذنوب والكبائر، المهم أنكِ ندمتِ وتريدين التوبة بصدق والعودة إلى الله والتغيير من نفسك. لا تدعي الشيطان يتحكم بأفكاركِ ويشعرك بالعجز من تحقيق التغيير. استعيني بالله ولا تعجزي وتوكلي عليه، ابدئي بخطوات صغيرة ولا تستعجلي في أن تحققي كل هذه الأهداف في ليلة. التغيير والتخلص من العادات السلبية وبناء عادات إيجابية بدلًا منها يحتاج وقتًا وجهدًا لذا تابعي بأهداف صغيرة وخطوات متأنية. المهم أنّكِ على الطريق. مثلًا، بدل أن تقرري قراءة جزء أو حتى حزب واحد من القرآن يوميًا، قرري البدء بصفحة مثلا والتزمي بها لفترة ثم تدرجي، وهكذا مع كل الأهداف. ابدئي صغيرًا والتزمي هذا أفضل من الضغط على نفسك بأهداف كبيرة ثم الشعور بالعجز والملل منها ثم التوقف نهائيًا لا قدر الله. وتذكري (أحب الأعمال إلى الله أدومها وإن قل) قربك من الله وعملك على أهداف يومية سيقلل من شعورك باليأس والاكتئاب والحاجة إلى المتابعة مع مختص نفسي. أنصحك طبعًا إلى جانب الحفاظ على الصلاة في مواعيدها أن تواظبي على قراءة أذكار الصباح والمساء وقراءة سورة البقرة يوميًا، وإن شاء الله كل هذا سيؤثر على حياتك ويثمر فيها البركة. بالتوفيق.
تم النشر الاثنين، ٨ سبتمبر ٢٠٢٥
الي حصل لحضرتك ده انتكاسه وعادي جدا لتحصل لأي حد ملتزم خلاص انسي كل الي فات مهما كان ايه صلي ركعتين توبه لله وابدئي خططي لنفسك شوفي عاوزه تعمل ايه وخططي لنفسك بصي الشيطان الملعون ده انا اتعلمت منه حاجه الشيطان لما يجي لحد مش بيقول ليه ازني علطول لا ده الموضوع بيبدا بحاجه بسيطه خالص جدا وهيا يخليه يطلق بصره بيبدا بأقل حاجه ومشروع ممكن علشان يخلي الشخص يزني يقعد يزن علي دماغه سنين نفس الكلام معا حضرتك طبعا انتي سبتي كل حاجه من أوراد وكله ترجعي بحاجه بسيطه مثلا ورد كل يوم نصف صفحه ولو كتير خليهم ربع صفحه قال النبي محمد صلى الله عليه وسلم أحب الأعمال الي الله ادوامها وان قلت تمام ونفس الكلام في الأذكار في الصباح ذكرين تلات ونفس الكلام في المساء والنوم تمام طبعا السنن سبتيها إحنا عندنا 12 ركعة سنه كل يوم كفايه سنه الفجر تمام لو هتقيمي الليل يكون قبل ما تنامي ويكون بسيط يعني بعشر آيات فقط خد بالك مش لازم تعمل كل ده في الاول يكفي مثلا الفروض والبعد عن المحرمات والاذكار مثلا في أول أسبوع التزمتي ضيفي حاجات تانيه بس الحاجه الي هتضفيها لازم تكون بسيطه خالص تمام الكلام الي قولت لحضرتك لازم يزيد مع الوقت علشان الي لم تكن في صعود ستكون في نزول تمام الموضوع في الاول هيكون محتاج مجاهده كبيره اوي ويسلام لو معاكي أخت ملتزمه تساعدك هتفرق معاكي جدا افتكري ربنا سبحانه وتعالي قال "قل يا عبادي الذين أسرفوا علي أنفسهم لا تقنطوا من رحمه الله إن الله يغفر الذنوب جميعا" هيغفر ليك كله بس تحسني الظن بالله وتجاهدي نفسك وتدعي ربنا كتير هيفرق معاكي جدا واسمعي دروس كتير هتفرق بردو وابعدي عن اي صحبه سيئه تمام انا عندي كلام كتير اوي بس دول كفايه في الاول تمام وإن شاء ربنا يرزقك الفردوس الأعلى انا اسف جدا علي الاطاله بس انا الناس الي زي حضرتك دي بحب تساعدهم لاني مريت بفس الانتكاسة
تم النشر الاثنين، ٨ سبتمبر ٢٠٢٥
وعليكم السلام ورحمة الله يا أختي العزيزة، أولاً أود أن أقول لكِ من قلبي: أثق تمامًا أنكِ لستِ وحدكِ، وأن هذه المرحلة الصعبة يمكن تجاوزها بالصبر والإرادة، والله أرحم بنا من أنفسنا. ما تمرين به هو اختبار، وربنا سبحانه وتعالى يحب أن يرى منا الجهد في العودة إليه، وأنتِ بالفعل بدأتِ الطريق بالاعتراف، وهذا في حد ذاته خطوة كبيرة. دعيني أساعدك خطوة بخطوة حتى تبني صفحة جديدة بإذن الله: 1. التوبة الصادقة وتجديد العهد مع الله تذكري أن التوبة بابها واسع، وأن الله يقبل توبتك مهما كانت الذنوب، وأنتِ على طريق العودة. حاولي تخصيص وقت يومي ولو قليل لقراءة القرآن، خاصة سورة البقرة والفجر التي ذكرتِها كنتِ تحاولين الالتزام بها. تابعي الأذكار التي تناسب وقتك، وخاصة أذكار الصباح والمساء، فهي تخلص القلب من الوساوس. 2. ابدئي بخطوات صغيرة في تعلم القرآن لا تجهدي نفسك بحفظ حصص طويلة، اجعلي الحفظ يومي، خمس أو عشر آيات مثلاً، وابدأي بالتكرار حتى تثبتيها. هناك تطبيقات للهاتف المحمول تساعد على حفظ القرآن بطريقة مبسطة وممتعة، يمكن أن تبدأي بها لتسهيل العملية. 3. تعلم اللغة الإنجليزية ابدئي بتعلم الأساسيات بشكل يومي ولو 15 دقيقة، هناك منصات مجانية مثل "دوولينجو" و"موقع BBC Learning English" تقدم محتوى مجاني وشيق. لا تحكمي على نفسك بالفشل، التعلم يحتاج وقت وتدرج، والمهم هو الاستمرارية. 4. تعلم الفقه والشريعة بإمكانك البحث عن محاضرات محمولة أو فيديوهات على الإنترنت مجانيّة (يوتيوب مثلاً) تقدم دروس مبسطة في الفقه والشريعة. بعض المواقع الإسلامية تقدم دورات مجانية، جربي تصفحيها وابحثي عن المناسب لك. 5. العلاج النفسي أفهم تماماً أن التكلفة ممكن تكون عائق، ولكن هناك استشاريون نفسيون يقدمون جلسات بأسعار أقل وأحيانًا جلسات إلكترونية (عن بُعد)، وهذا يساعد في تخفيض التكلفة. أنصحكِ بزيارة صفحة "الخبراء" على تطبيق فدني [https://www.fedni.net/experts] حيث يمكنكِ البحث عن معالج نفسي متخصص بأسعار مناسبة أو حتى طلب جلسة استشارية قصيرة. في حالة عدم قدرتك على الاستمرار بجلسات رسمية، جربي قراءة كتب علم النفس الموجهة للمساعدة الذاتية والمستندة إلى مبادئ إسلامية. 6. الصحبة الصالحة والتغير الاجتماعي صعوبة إيجاد صحبة صالحة أمر شائع لكن يمكنكِ أن تبدأي بتكوين علاقات داخل الأنشطة التي تحبينها (مثلاً التعلم، أو الملتقيات الدينية إن أمكن). ليست الكثرة هي المهم، بل جودة الصداقة والتأثير الإيجابي. يمكن أن تبدأي بالتواصل مع نساء ذوات نفس أهدافك من خلال منتديات إسلامية أو حتى مجموعات تعليمية عبر الإنترنت مناسبة. 7. وظيفة العمل على نفسك بما أنكِ تعملين في خدمة العملاء وأنتِ تدرّسين اللغة العربية، فكري كيف يمكنكِ استثمار مهاراتك تدريجياً: مثلاً البدء بتقديم دروس خصوصية أونلاين أو دروس في اللغة العربية للأطفال، هذا يساعدك على التوازن المالي ويشعرك بالرضا. لا تضغطي على نفسك للانتقال الفوري لوظيفة أخرى، بل نمو مهاراتك خطوة بخطوة. 8. النوايا والأهداف اكتبي أهدافك واقرئيها يومياً لتذكير نفسك لأسباب التغير، وأعدي خطة بسيطة قابلة للتنفيذ. شاركي هذه الأهداف مع شخص تثقين به (حتى هنا على فدني يمكنكِ مشاركتها وطرح أسئلتك). ختامًا: كل خطوة صغيرة تقومين بها هي نجاح، وتذكري أن الله يحب عبده التائب المجتهد. لا تستعجلي النتائج بل واصلي بتسامح مع النفس. وإذا احتجتِ دعم متخصص، لا تترددي في البحث عن معالج نفسي مناسب على فدني. أنا ذكية هنا معك دائمًا، وأشجعك على طرح أي استفسار جديد أو طلب دعم في أي نقطة تريدين. دمتِ بخير وأمل وعزيمة! 🌸🙏
تم النشر الأحد، ٧ سبتمبر ٢٠٢٥
المشكله الحقيقيه هنا الفراغ والوحده ربنا يرزقك الخير كله يارب ماتنسيش تدعيلي ♥️
تم النشر الاثنين، ٨ سبتمبر ٢٠٢٥
عشان تبدئي صح لازم تفهمي الدين مش مجرد تقليد ولازم يببقي عندك يقين ان في خالق ولازم شخص يكون قدوه ليكي تحبيه بجد وتفديه بنفسك واهلك وهو النبي صلي الله عليه وسلم وتعرفي قدره وكل حاجه عملها ليه اعرفيه معرفه العشره هتحولي تبقي زيو هو الوحيد الي هيحطك ع الطريق الصح شوفي فيديوهات عن السيرة انا هابعتلك لينك لسلسله فيديوهات هاتقنعك بالدين فعلا ومنك لنفسك هاتتعافي وهترمي دا كلو ورا ظهرك متجلديش ذاتك ابليس يوم القيامه هايفكر انو هايدخل الجنه من رحمه ربنا انتي قادره ومش هتبقي صالحه بس انتي هتبقي مصلحه وهتبقي مفيده للمجتمع الي انتي في دا كلو عشان انتي مش عارفه عايشه ليه لما تعرفي و البوصله تبقى متظبطه هاتعيشي عمرك كلو لله متقلقيش البدايه مش صعبه خالص
تم النشر الثلاثاء، ٩ سبتمبر ٢٠٢٥
سجلت فيه ربنا يجزيكي خير يارب ويجبر بخاطرك
تم النشر الاثنين، ٨ سبتمبر ٢٠٢٥
بالنسبه للمعالج النفسي صدقيني لو التزمتي بالصلاه والمذاكره والشغل والقراءه مش هتحتاجي معالج نفسي اسمعي فيديوهات علي اليوتيوب اشغلي نفسك كتييييير
تم النشر الاثنين، ٨ سبتمبر ٢٠٢٥
تم فتح التسجيل في برنامج أكاديمية زاد للموسم الجديد للتسجيل وللاطلاع على كل ما يتعلق بالبرنامج يمكنكم زيارة الرابط التالي: https://register.zad-academy.com/?utm_source=rfwp ساهم في الأجر ونشر العلم وادع أصحابك للتسجيل.
تم النشر الاثنين، ٨ سبتمبر ٢٠٢٥
https://youtu.be/9yBJPw9owH8?si=I6d-3YPX-EUDZWn5
تم النشر الأربعاء، ١٠ سبتمبر ٢٠٢٥
وتزووجي حضرتك تزوجي عشان ده مهم لحضرتك
تم النشر الثلاثاء، ٩ سبتمبر ٢٠٢٥
بالنسبة لحالك ((فإن الحسنات يذهبن السيئات ))
تم النشر الثلاثاء، ٩ سبتمبر ٢٠٢٥
ربنا يفيد بيكي الناس وممكن كمان كام سنه الاقي واحده تتعمل فيديوهات ومحاضرات دينيه وخدها مثل حسن وتطلعي انتي واكون سبب لو بسيط ف الصوره دي وانا معرفش شكرا طولت
تم النشر الثلاثاء، ٩ سبتمبر ٢٠٢٥
نصيحه متدحليش ف الدين بحماس زايد خليها واحده واحده لما تفهمي التزامك هايزيد لوحدو
تم النشر الثلاثاء، ٩ سبتمبر ٢٠٢٥
انا بقالي ساعه بكتب لان الكيبورد بايظه وبكتب بالتاتش باد عشان بس شايفك حاجه كويسه تنفعك و وتنفع الي حواليكي لو انا فيدتك متنسيش تدعيلي ف صلاتك لما تفتكري كلامي
تم النشر الثلاثاء، ٩ سبتمبر ٢٠٢٥
ابدئي ب اعز الناس تزامننا مع باقي السلاسل
تم النشر الثلاثاء، ٩ سبتمبر ٢٠٢٥
https://www.youtube.com/watch?v=FAwTbbPDK80&list=PLBsIgVvbrncAHNkFLd8veDFxr1q-HieVu
تم النشر الثلاثاء، ٩ سبتمبر ٢٠٢٥
https://www.youtube.com/watch?v=cUwJEPoHzOM&list=PLBsIgVvbrncDQhcuXVVbV5GFZrBym01gj&pp=0gcJCZYEOCosWNin
تم النشر الثلاثاء، ٩ سبتمبر ٢٠٢٥
https://www.youtube.com/watch?v=oA4HgCB0p8g&list=PLBsIgVvbrncCUHtc-Gd9d0t5wBXwC0_DO
تم النشر الثلاثاء، ٩ سبتمبر ٢٠٢٥
يارب تكون بدايه خير لينا جميعا ♥️♥️
تم النشر الاثنين، ٨ سبتمبر ٢٠٢٥
انا سجلت فيها وماتحبطيش نفسك ان شاء الله تكوني افضل صلي وادعي كتير وربنا يتقبل يارب
تم النشر الاثنين، ٨ سبتمبر ٢٠٢٥
في نيه لتغيير اهو اللهم بارك بصي انا هساعدك في اكاديميه اسمها زاد لتعليم العلوم الشرعيه روحي اماكن لكورسات الانجلش بيعملو اوفر علي كورسات الانجلش روحي صلي في المسجد وهتلاقي ناس صاحبيهم اشغلي يومك بالقراءه
تم النشر الاثنين، ٨ سبتمبر ٢٠٢٥
لعرض السؤال في فدني اضغط هنا