السلام عليكم ،
انا اغلب فترات نومي مضطربة و ده بيحصل بسبب اني مبعرفش انام بالليل كويس وبفضل اتقلب باستمرار ارق يعني بمعنى اصح ،و لكن الغريب في الموضوع انه أنا ممكن في يوم اصحى من بدري اوي الساعة 6 الصبح مثلاً والمفروض بقى اجي بالليل انام زي القتيل ما انا صاحي من بدري بقى لكني الاقي نفسي تعبان ومش عارف انام بردوا
وعندي قدرة اني اواصل لغاية الساعة واحدة واتنين كمان ،يعني اجمالي كده ممكن توصل افضل صاحي لمدة 18 ساعة مثلاً و ساعات بردوا انام من بدري عادي لكن اتفاجئ اني نمت اربع ساعات بالظبط مينقصوش دقيقة ولا يزيدوا دقيقه يعني مثلاً من 10 بالليل لبظبط 2 بالليل ،
بالمناسبة أنا من النوعية اللي بتنزل چيم عشان اتهلك واجيب آخري وكمان بردوا كنت بطبق ايام كتير جداً من وقت ثانوية عامة قبل الثانوية عمري ما طبقت خالص،
سؤالي هنا هو الجسم ممكن يدمن فكرة ان الواحد يطبق ويسهر فترات طويلة و ده ينعكس على محاولة تنظيم نومه؟؟؟؟
سؤالك رغبة فهم للتغيير ؟؟ عليك بتجربة اشياء متأكد من فاعليتها ومنها تتعرف على نفسك وانماطها تثبيت وقت محدد للذهاب إلى النوم لضبط ساعة المخ البيولوجية عمل روتين مسائي كمشروب دافئ من الاعشاب ضبط وضع اتجاه السرير نفس اتجاه القبله(استخدام موبايلك لتحديدها ) اضاءه غير مباشرة خفيفة تساعدك على جرد يومك مع عدم تنبيه العين .... يوجد الكثير نحن نتعلم بالتجارب والخبرات وليس بالاسباب فقط
تم النشر الأحد، ١ فبراير ٢٠٢٦
وعليكم السلام ورحمة الله وبركاته يا أخي العزيز، أشكرك على مشاركة تفاصيل يومياتك بكل صراحة، وأنا هنا معاك خطوة بخطوة لنفهم الموضوع ونحله. اضطراب النوم ده شائع جدًا، خاصة مع عادات السهر الطويلة زي اللي وصفتها من أيام الثانوية، وده بيأثر على الساعة البيولوجية (الإيقاع اليومي) للجسم. هل الجسم يدمن فكرة الطبق والسهر الطويل؟ نعم تمامًا ، الجسم بيتكيف مع الأنماط دي زي "الإدمان"، مش بالمعنى الدوائي، لكن بيفقد القدرة على التنظيم الطبيعي. لما تسهر 18 ساعة أو تنام 4 ساعات بالضبط، الجهاز العصبي بيبقى في حالة "يقظة مفرطة" (hyperarousal)، وده بيخلي النوم صعب حتى لو تعبت. الجيم حلو، لكن لو متأخر، بيزود النشاط العصبي أكتر. أهم أسباب نشاط الجهاز العصبي (اللي بيسبب الأرق والتقلب): الإيقاع اليومي المضطرب : سهر طويل + صحيان باكر = خلل في هرمون الميلاتونين (هرمون النوم). التوتر والضغط : الدراسة أو الطبق بيفرز كورتيزول (هرمون التوتر) اللي بيحافظ على اليقظة. الكافيين/الشاشات : قهوة، شاي، موبايل قبل النوم بنور أزرق بيخدع الدماغ إنه نهار. عدم انتظام الروتين : الجسم بيحتاج جدول ثابت عشان ينام زي القتيل. قلة التعرض للشمس : خاصة الصبح، ده بينظم الإيقاع. نصائح عملية وسريعة التطبيق (ابدأ النهارده): جدول نوم صارم : حدد 11 مساءً للنوم و6 صباحًا للصحيان، حتى لو مش عايز تنام. مفيش استثناءات، حتى الجمعة. قبل النوم بساعة : أغلق الشاشات، اقرأ قرآن أو اذكر الله (سورة الملك أو آية الكرسي بتساعد على الراحة النفسية والجسدية). الجيم باكر : خليه صباحًا أو ظهرًا، مش مساءً عشان ميزودش النشاط. وجبة خفيفة : حليب دافئ مع عسل قبل النوم. حركة يومية : مشي 30 دقيقة بعد الفجر في الشمس، ده بيعدل الإيقاع طبيعيًا. تابع تقدمك : اكتب ساعات نومك يوميًا لأسبوع، هتلاحظ التحسن. لو استمر الوضع أسابيع، روح لدكتور نوم متخصص. جرب تبحث في فدني عن "اضطراب نوم" أو "أرق" هتلاقي إجابات كتير من خبراء، أو شوف الخبراء هنا: https://www.fedni.net/experts. أنت قوي وقادر تنظم حياتك، يا رب ييسرلك ويعطيك نومًا هانئًا. لو عندك تفاصيل زيادة، قولي! 💪😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٣٠ يناير ٢٠٢٦
لا بلاش تاخد ميلاتونين ده أسوأ حل ممكن تاخده. لانك هتتعود عليه وعلى المدى الطويل هيحصل adaptation وساعتها هتزود الجرعة وهيجي وقت هتوصل لليميت معين مش هتزود عليه وساعتها مش هتعرف تنام خالص بق . بلاش اصلا تاخد اي مكملات غذائية من غير ما دكتور يقولك. ولو موضوع النوم مش مآثر على حياتك العمليه زي انك طول الوقت مش مركز او مرهق فخلاص فكك منه وبلاش تركز عليه ونام اللي تنامه.
تم النشر الثلاثاء، ٣ فبراير ٢٠٢٦
هي كويسة و كل حاجة بس بكون سبت الموبايل قبل النوم بساعتين مثلاً واخر حاجة فيها كافيين بكون شاربها قبل النوم بعشر ساعات مثلاً او اكتر اللي هي في الغالب كوباية شاي واحدة بس في اليوم هو شكل الموضوع مش هيتحل غير بالاقراص اللي بتباع من الصيدلية واحد صاحبي نفسى الموضوع و بيستعملها بردوا
تم النشر الاثنين، ٢ فبراير ٢٠٢٦
بص هقولك على حاجة ممكن تفيدك التليفون او الشاشات عموما الضوء اللي بيخرج منها بيأثر على هرمون الميلاتونين اللي هو الهرمون اللي بينظم دوره الصحيان والنوم. فأنت متكونش قاعد للتليفون لحد ما تنام وبعدها تدخل تنام متعرفش ماهو طبيعي. اهم حاجة ابعد عن أي شاشة قبل النوم ب ٣ ساعات على الاقل. وطبعا ابعد عن القهوة والشاي قبل النوم ب ٦ ساعات احسن حاجة وشوف بعدها ان شاء الله هتعرف تنام كويس. النصيحة دي انا جربتها ونفعت معايا ان شاء الله تفيدك انت كمان
تم النشر الاثنين، ٢ فبراير ٢٠٢٦
مهوا انتا متعرفش الغرب ضحكو علينا وخلونا اتعودنا على حتة ال 8ساعات وان الجسم محتاجهم وصحيا وعلميا وبطيخياً لأ والناس كلها صدقت وبقت تنام تلت يومها الرسول كان يستغل حوالي نصف الليل في القيام وحاجات كتير وعلماء أفادو الإسلام زي ابن القيم وابن عباس وكان نومهم لا يتجاوز أربع ساعات ونص صافي أو ست ساعات دا أنسب عدد الإنسان محتاجه أصلا دورة النوم ساعه ونص ممكن تنام دورتين بس أصلا أتمنى أكون مرغتش كتير بس والله كلامي صح
تم النشر الأحد، ١ فبراير ٢٠٢٦
قبل النوم فرغ أفكارك بالكتابة نص صفحة .. جرب
تم النشر الأحد، ١ فبراير ٢٠٢٦
نفس المشكله للاسف ف مش عارفه افيدك
تم النشر الأحد، ١ فبراير ٢٠٢٦
لعرض السؤال في فدني اضغط هنا