لـ مِيكي💕

السلام عليكم ورحمة الله وبركاته قومي صلي الفجر واقرئي قرءان لحد الساعه ٦ مثلا وهتحسي بالنشاط الفجر لوحده الهوا بتاعه تحفه بجد هتصلي وهتحسي براحه وبركه في وقتك كتير اوي وهتقولي لنفسك يااه ياريتني كنت بعمل كدا من زمان واقرئي اذكارك والله دا كله بيبارك في الوقت بس بشرط تقومي من السرير وتغيري الاوضة علشان ما تقعديش تبصي للسرير كل شويه وتحسي انك عايزه تنامي.. ذاكري دروسك على الساعه ٧ او ٨ حسب ما تحبي وكدا تقريبا هتبقي شغلتي نفسك فتره الصبح وهيتبقي وقت معاكي والله ولو عندك دروس انزلي وارجعي صلى و نامي واصحي افطري شوفي كتاب بتحبيه واقرئيه او حاجة بتحبي تعمليها وابدئي مثلا في صلاه العشاء ا لو مش بتصلي التراويح في الفترة دي اقرئي قرءان وادعي كتير احنا في أجمل ليالي نامي الساعه ٩ واصحى الفجر تاني وهكذا علشان بردو الدروس هتاخد جزء من وقتك فاهمه فـ لازم كل حاجة تاخد حقها بردو وما تبقيش مضغوطه❤️

السلام عليكم ورحمة الله وبركاته ممكن تحاولي تتكلمي مع ماما وقت لما تكون هاديه المفروض ماما دلوقتي في وقت مضغوطه فيه وحاسة ان هي شايله المسئوليه كامله لوحدها او يمكن بسبب ان هي عندها مشاعر مكبوته فـ مش عارفه تخرجها وبالتالي بتخرجها على هيئه عصبيه اول حاجة ماما بتحبكوا جدا على فكره لان مفيش ام في الدنيا دي بتكره أولادها فعلا حاولي تقربي من ماما اكتر وتبقوا متفاهمين حاليا انتي مش فاهمه ماما وماما مش فهماكي فـ احنا نحاول نقرب من بعض بحيث اننا نفهم بعض اكتر ونبدأ نصارح بعض بالحاجة اللي بتزعلنا بس بهدوء خالص وقتها هنبدأ نفهم بعض فعلا والمشاكل هتبقا أقل هتلاقيها بقا لما حاجة تبقا مزعلاها هتقولك وانتي كمان هتقوليلها فـ المشاعر المكبوته او الطاقه السلبيه اللي جوانا هتتفرغ وهنبدأ نحس اننا مش محتاجين نبرر حاجة لبعض. حاولي تنامي بدري وبلاش تخلي النوم يدخلك في دوامه بمعني فيها ايه لما نواجه الواقع ونبقا أقوى منه بدل ما هو اللي يتغلب علينا لا بالعكس انتي بنوته قويه وجميله وتستاهلي كل حاجة جميلة شبهك❤️ بدل ما ننام طول اليوم ممكن نعمل حاجة بنحبها نحاول نقعد مع ماما واخويا ونقعد نتناقش مع بعض ونزود القرب والود والمحبه اكتر وخلاص بقا الوقت اللي راح مش مهم المهم اللي جاي ان انا وماما واخويا هنبقا ايد واحده شخص واحد هنفهم بعض فعلا وهنحاول على قد ما نقدر نبعد عن الكلام اللي بيزعل التاني بس حاولي تاخدي الخطوه دي وتقللي نومك وربنا يصلح حالكم جميعا يارب ويألف بين قلوبكم ويزود المحبه بينكم اكتر واكتر💗💗💗

السلام عليكم ورحمة الله وبركاته أحيانا بتيجي فتره علينا كدا حرفيا ما بنقدرش نعمل حاجه ولكن بنحاول بصي اول حاجة حاولي انك تفرغي مشاعرك مع حد قريب منك من عيلتك او لو مش حابه دا فـ ممكن تجيبي ورقه وقلم وتكتبي كل اللي مزعلك وقتها هتحسي ان الموضوع بقا اخف عليكي والأجمل من كدا بعد لما تخلصي صلاه وانتي على المصليه اتكلمي مع ربنا وعيطي وقوليله كل حاجة مزعلاكي حاولي تخرجي ولو حتي لوحدك علشان لو مش حابه وجود حد معاكي او ممكن تطلعي البلكونه مع مشروب بتحبيه لما تحسي ان الحزن سيطر عليكي اوي قومي اعملي اي حاجة لو هتروقي اوضتك او هتعملي أكل جديد وقت لما تشغلي نفسك بأي حاجة مش هتلاقي فرصه للزعل احيانا الحزن بييجي بسبب اوقات الفراغ حاولي تشغلي وقتك وفي نفس الوقت بلاش تضغطي نفسك خدي وقت كافي للنوم ونص ساعه مثلا اقول فيها الذكر واقرأ قرءان ولما اخلص اشوف حاجه انا بحب اعملها او لو حاسه ان خلاص مفيش حاجة بتفرحني اسمعي مثلا لدكتور محمد شومان او لمحمد الغليظ بجد بيقولوا كلام كدا يدخل القلب اسمعي فيديوز عن ازاي تفرغي الطاقه السلبيه اللي جواكي او ازاي تتعاملي مع حزنك بس خليكي فاكرة ان اللي انتي فيه دا مش هيدوم هتبقا فتره وانا عارفه انها فتره صعبه بس حاولي تتجاهلي وتتجاوزي كل دا واقولك على حاجة كمان احنا اللي بنشوف الدنيا بعيونا يعني ايه انا النهارده مثلا صحيت من النوم وقولت دا اليوم هيبقا مش حلو فاهمه فـ انا اقنعت نفسي وعقلي ان ماهما اعمل فعلا اليوم هيبقا مش حلو واقنعت عيوني ان اي حاجة هشوفها وحشه ومش جميله بل بالعكس خليكي ايجابيه وشوفي الدنيا جميله وسهله واعرفي ان الحزن مش هيدوم وكل دا ربنا هيجازيكي عليه وابعدي عن الفيديوز اللي فيها حزن اسمعي فيديوز تخليكي تحسي انك فرحانه وربنا يخفف عنك يارب💕

السلام عليكم ورحمة الله وبركاته ممكن تاخدي كورس اسعافات أوليه بجد حاجة جميله وهتستفادي منها كتير. تحفظي كل يوم ولو سوره واحده من القرءان. ممكن قراءه كتاب ومش روايه لان الكتب هتستفادي منها بردو. اسمعي بودكاستز وعي مثلا او كيفيه اداره تنظيم الوقت هتستفادي فعلا واكتبي الحاجات اللي استفدتيها فعلا في نوتس صغنونه. ممكن لو بتحبي ترسمي تحاولي تنمي مهاراتك اكتر 💕.

السلام عليكم ورحمة الله وبركاته ممكن كتاب لا تهتم بصغائر الأمور حرفيا كتاب تحفه اوي وهتستفاد منه كتير يعني تقلل التوتر حرفيا كتاب ممكن يغير حياتك من ناحيه حاجات كتير اوي الكتاب دا بقول عليه كتاب ترتيب حياتي بصراحه اكتر كتاب هتطلع مستفاد منه بعد لما تخلصه💕

السلام عليكم ورحمة الله وبركاته . بصي يا حبيبي اول حاجة الاكتئاب علاجة تقيل اصلا تمام بيعمل خمول وكسل وبيخلي قلبك تحسي كأنك بتموتي بالبطئ وبيأثر على كيمياء المخ دا معظم ادويه الاكتئاب كدا وبيعمل رعشه و.... و.. وحاجات كتير كل دواء وليه تأثير سلبي علينا حاولي تقللي الجرعه استغني عنه تماما وهتبقي احسن ان شاء الله عارفه ان لو قولتلك شوفي ايه بيفرحك واعمليه هتقولي مفيش حاجة بتفرحني ما هو فعلا الشخص اللي بيكون عنده اكتئاب بيبقا مش عارف ايه اللي بيفرحه او هو امتى بيكون حاسس هو فرحان ولا زعلان ومتضايق والكلام دا كله لان بيبقا مشاعره في حاله اضطراب. دا كله ناتج عن القلق الزايد حتى بردو بيبقا مش عارف ينام من غير الدواء فـ الأحسن نستغني نقلل فون قبل النوم ونقلل من الريلزات اللي ممكن تسبب اضطراب وخوف في المشاعر نشغل قرءان قبل ما ننام واتعودي تنامي عليه مش هقولك تكوني ملتزمه بصلاتك اوي لان الصلاه بتبقا صعبه علي مريض الاكتئاب بيحس كأن جسمه متخدر فـ حاولي تصلي حتى ولو ركعتين حاولي تقرئي جزء صغير من القرءان اسمعي بودكاست تشتت او بودكاست سكينه البودكاست بيساعد ان قلبك يرجع شبه ما كان دا غير انه بيفيدنا جميعا سواء كبير أو صغير اسمعي بودكاست كتير اهم حاجة ما تعيطيش كل حاجة بتعدي وافتكري ان الشخص لو حابب يشوف الدنيا جميله هيشوفها جميله ولو عايز يشوف كل حاجة سوداويه هيشوفها كدا فعلا فـ الدنيا على حسب نظره الإنسان فـ احنا نتفائل ونقول الذكر بتاعنا ونفتكر ان كلنا بتعدي علينا الفتره دي أهم حاجة تجنبي انك تقعدي لوحدك اطلعي اخرجي انزلي جيم او اعملي يوجا هتساعدك تبقي هاديه خالص وما تفكريش كل حاجة بإيد ربنا اتوكلي عليه ادعي ربنا كتير انسي انك مكتئبه تماما جسمك محتاج راحة انتي تستحقي انك تاخدي وقت لنفسك بس ولدماغك فـ نهدي كدا وهتعدي والله وربنا يربط على قلبك ويطمنك يارب ويجعلك مرتاحه دايما 💕

السلام عليكم ورحمة الله وبركاته بص باختصار القلق والأزمة الوجودية بييجوا من التفكير الكتير في أسئلة كبيرة ملهاش إجابة واضحة ده طبيعي وناس كتير بتمر بيه متدورش على معنى حياتك كله مرة واحدة ركّز في خطوة صغيرة دلوقتي وهدف بسيط تعمله الأسبوع ده. ولما القلق يزيد خد نفس ببطء كام مرة جسمك لما يهدى دماغك بتهدى معاه حاول على قد ما تقدر متقعدش لوحدك كتير. اكتب اللي جواك حتى لو كام سطر. اتحرك شوية (مشي رياضة خفيفة).اشغل نفسك دايما بحاجة تعملها قلل سوشيال ميديا عشان المقارنات بتزوّد القلق وعلشان لو بتشوف فيديوز فيها حزن وكدا او حكايه شخص لتجربة معينة في حياته فـ ممكن تزود قلقك وخوفك. حاول/ي تشغل/ي بالك بالقرءان وبذكر الله وربنا يطمن قلبك❤️

السلام عليكم ورحمة الله وبركاته بصي يا جميله بما انك في تالته ثانوي ودراسه وكدا فـ اكيد محتاجه مذاكره اكتر يعني ما تركزيش على وزنك خالص ومش قصدي انك تكوني مهملة في حق نفسك ولكن بصي تالته ثانوي ضغط كتير وحرفيا جري كتير ومذاكرة كتير ودروس كتييييير بالمعني دي حاجة خارج ارادتك فـ طبيعي وزنك هيزيد بسبب الاكل ما هو طبيعي هتأكلي كتير ما انتي بتعملي مجهود ومحتاجه باور فـ بتاخديه عن طريق الاكل ودا كلنا كدا ركزيزدلوقت على مستقبلك ودراستك فكك من كلامهم اهم حاجة تحبي نفسك انتي جميله في كل الحالات كلها شهرين هتخلصي تالته ووقتها بجد تحسي ان كل حاجة مظبوطه سواء اكلك ونومك يعني اللي عايزه اوصلهولك ان لو وزنك زاد اوي فـ معظم الناس وزنهم بيعتمد على حالتهم النفسيه والضغط ممكن تبقي مش بتأكلي وتلاقي نفسك فجأه تخنتي فاهماني فـ انتي تالته ثانوي فـ طبيعي والله وممكن يكون دا بسبب الزهق او الضغظ

السلام عليكم ورحمة الله وبركاته الدراسه مش بتعتمد على الشغف خالص يعني لو ماشيناها حوار شغف وكدا فـ فعلا مش هننجز حاجه يعني مثلا انا النهارده ماعنديش شغف علشان اتخانقت مع واحده صاحبتي ومش عارفه ايه فـ مش هذاكر النهارده علشان يومي اتقفل دا كدا مبدأيا بنعمل كدا علشان عقلنا يهرب من الإنجاز اللي محتاجين نخلصه فـ المذاكره بالذات بتعتمد على الاستمراريه اللي هو السعي رغم انعدام الشغف انا عندي الحاجة دي من واجباتي فـ فعلا هخلصها حتى لو الظروف اللي عندي ما تسمحليش فاهم/ه حوار الاستمرارية دا ممكن يخلق شخص بيريفيكت فعلا اصل لو اعتمدت الشغف يبقا ماشاء الله مره هلاقي نفسي فوق اويي ومره نزلت تحت اوي طب ما احنا مش عايزين كدا احنا عايزين نبقا دايما بنفس المستوى عايزين تقدم يبقا نعتمد على الاستمراريه وجود الاستمراريه دا هيخليني اخلص كل اللي عايز/ه اخلصه الشخص المتفوق الناجح بيعتمد على الاستمراريه مش الشغف لو كلنا اعتمدنا على الشغف يبقا مش هنوصل لحاجة الشخص اللي عنده إستمراريه بيبقا شخص اتعود خلاص على وجود الحاجة اللي هو بيعملها فـ بيبدأ يتعود حتى لو عنده في يومه ١٠٠ خناقة هينجز كل حاجة لانه عنده الاستمراريه "" يبقا المذاكره تعتمد على الاستمراريه وليس الشغف "" وطبعا ما ننساش جمبنا القرءان يبقا شغال وربنا يوفقنا جميعا لما يحبه ويرضاه❤️

السلام عليكم ورحمة الله وبركاته انا رأيي انك تتجاهليه دلوقت لحد ما تكملي دراستك علشان ما تبقيش اتعودتي على وجوده وكدا وفي الاخر ما يحصلش نصيب فـ القرار قرارك وفكري كويس واوعي ثم اوعي تاني يضحك عليكي خليكي بنت قويه مهما حصل وقوليله يجي يتقدم فعلا وهو لو عايزك هيتقدم على الاقل يبقوا اهلك عارفين 💕

السلام عليكم ورحمة الله وبركاته يمكن كلامنا مش هيغير حاجة بس احنا بنحاول بجد اننا نكون جمبك 💕 بص بقا اتعلم ان الدنيا مش مستمره يعني مش هنفضل على نفس الحال بمعني الإنسان مش ضامن حد حتى كمان مش ضامن نفسه هيبقا كويس بكره ولا لا ولكن بلاش نضيق حياتنا وعلاقتنا ونخليها تبقا واقفه على حد معين زعلك مش هيفيدك بحاجة وانا هنا والله مش قاصده ان ازعلك بكلامي او حاجة ولكن عن تجربه الدنيا شبه المطار ناس بتيجي وبتمشي وناس بتمشي وبتيجي تاني يعني ما تحطش حد معين وترسم حياتك عليه خلي ربنا اول أولوياتك وهنا بردو مش قصدي انك مش قريب من ربنا وكدا بس يمكن ربنا عمل كدا علشان شافك انك بقيت متعلق زياده عن اللزوم ونسيته ويمكن شاف ان لقدر الله لو كانت من نصيبك ماكنتوش هتبقوا عارفين تفهموا بعض صلى وادعي ربنا كتير والله لو بعد سنين وهي مكتوبه انها هتبقي من نصيبك فعلا هتكون من نصيبك بلاش الحزن بجد الحزن وحش خالص وهيخليك انسان مطفي وشايف الدنيا كلها سوداء بلاش كدا ابدأ من بكرة يوم جديد حياه جديده حاول مع انها صعبه وانا بقولك فعلا هتبقا صعبه عليك بس مفيش حاجة صعبه علي ربنا اشغل نفسك بحاجة بتحبها رياضه معينه قراءه كتاب بتحبه ونام كويس مفيش حاجة تستاهل زعلك والله وهتعرف دا بعدين الزعل غلط بيأثر على المخ والاعصاب والنوم وهيخلي عندك أرق فظيع بجد حاول تطلع نفسك من اللي انت فيه سيبها على ربنا وهتتحل فيه ناس كتير اتجوزت عن حب واتوجعت بطريقه بشعه بجد ربنا بيختبر صبرك وعارف انك قد الامتحان دا ويمكن دا خير ليك ((عسي أن تكرهوا شيئاً وهو خيراً لكم وعسى أن تحبوا شيئاً وهو شراً لكم ".... تاني صحتك اهم. تنام كويس. طول ما عيلتك بخير فـ انت بخير عمرها ما كانت بحسابات حد فينا كله بتدبير من ربنا ناس كتير رتبت حياتها على وظيفه معينه وفي الاخر ماطلعتش من نصيبها وربنا شاف ليهم حاجة احسن من اللي كانوا بيحبوها وهما وقتها قالوا الحمدلله ما تفكرش كتير اللي من نصيبك شبه ما بيقولوا هيصيبك طول ما انت قاعد قول يارب اربط على قلبي. وإن شاء الله كمان أسبوعين كدا على ما تتأقلم تلاقيك منزل انك بقيت كويس وبخير 💕وربنا يطمن قلبك يارب وأتمنى كلامي ما يكونش مزعلك بس ركز في أي حد قالك نصيحه هنا كلنا خايفين عليك فعلا 💕💕

السلام عليكم ورحمة الله وبركاته ربنا يردك إليه رداً جميلاً يارب العالمين فيه ادعيه كتير ممكن تقربك من ربنا زي مثلا يارب ردني إليك ردناً جميلا اللهم إني أسألك حُبك وحُب من يُحبك والعمل الذي يقربني لحبك❤️. ممكن تبدأي تقربي من ربنا عن طريق أذكار الصباح والمساء والاستغفار والصلاة على النبي محمد صلى الله عليه وسلم دا كله بيقلل من سيئاتك حاولي تشغلي جمبك قرءان سواء كنتي في دراسه او مشغولة فب شغل البيت شغلي قرءان جمبك واسمعيه او قبل ما تنامي شغلي قرءان قلبك هيتعود لوجود القرءان طول ما انتي ماشيه اتعودي انك تستغفري ربنا وهتتعودي على ذكر ربنا فـ دا بيقربك للعباده وبإذن الله هتبدأي بقا تحاولي انك تصلي بس صدقيني بعد لما تعملي دول بإذن الله هتبقي ملتزمه على الصلاه ومواظبه لصلاه الفجر وافتكري ان ربنا غفور رحيم وهو الوحيد اللي مش هيزهق منك ابداً❤️

السلام عليكم ورحمة الله وبركاته حاول تحافظ على صلاتك على قد ما تقدر اقرأ اذكار الصباح والمساء هيساعدوك كتير اقرأ كل يوم ولو صفحه واحده من القرءان كل لما يجيلك تفكير عن اي حاجه من دول حاول تستعيذ بالله من الشيطان لان دا كله من مدخلات الشيطان واعتقد ان دا فهم خاطئ لان دي الحياه واكيد دي حاجة وارده هي مش حرام عموما لان دي اي حد متجوز لازم يدخل في العلاقه دي ولكن بما انك طالب حاول ما تشغلش تفكيرك بحاجات مش هتفيدك دلوقت لانها هتقلل من تركيزك جدا وهتجعلك مشغول دايما ومش قادر تستوعب حاجة حاول على قد ما تقدر تشغل وقتك وربنا يصلح حالك يارب والسلام عليكم

بصي يا جميله اول حاجة الاعجاب دا وقت و بيروح وفيه فرق بين معجبه بحد وبتحبي حد فاهمه فـ الاعجاب مجرد شعور وبيزول مع الوقت وبعدين في الحالتين لأجل إننا مسلمين مجرد الاعتراف او الكلام حرام ولو هو فعلا معجب هيتقدملك وبس كدا ولو طبعا كنتي لسه مش في سن الجواز فـ دا هيبقا فتره مراهقه بس وبتمنالك التوفيق

وعليكم السلام ورحمة الله وبركاته بصي الانجلش عموما اكتر الاعتماد على الكلمات احفظي الكلمات كويس اوي فيه كلمه مش فاهمه معناها تكتبيها في كراسه كدا و تترجميها بقا سواء مع المدرس الخاص بكي او من خلال ترجمه جوجل مع العلم انا بعمل كدا الكلمه اللي بتوقف معايا اكتبها فـ كراسه بـ الترجمه بتاعتها علشان وانا براجع ابص عليها كدا حرفيا تعتبري حليتي نص المشكلة بقا من ترجمه وقطعه وحل الكلمات طب الجرامر شوفي الجرامر بشرح مبسط بلاش تحفظي الجرامر افهميها الاول اعملي مخطط تكتبي فيها حسب فهمك واللي يوقف معاكي جربي تراجعيه وحاولي تحفظيها بس بعد لما تفهميها الاول جربي وانتي بتحلي تحلي مثلا والكشكول االي انتي كاتبه فيه قدامك واحده واحده على ما تتعودي عايزه اقولك ان الجرامر طبعا ليها مفاتيح حل بيبقا ليها كلمات اول لما اشوفها اعرف انا غي زمن ايه يبقا كل زمن تحفظي الكلمات بتاعته كدا حرفيا والله لو مشيتي زي ما بقولك الدنيا هتبقا فل معاكي اوي الموضوع صعب في البدايه بس انتي ما شاء الله عليكي بتقولي ان عندك شغف ربنا يجعلك كدا دايما الاول يارب فـ حاولي فعلا تجربي كدا وحلي كتير اهم حاجة الحل الكتير والله الانجلش حرفيا ممكن تضمني فيها نص الدرجات من الجرامر لان الجرامر حسب تحليلك للجملة وفهمك ليها وتشوفي مفاتيح حلها اللي هي الكلمات الداله يعني وتعرفي انتي في زمن ايه وتطبقي القاعده تمام هنحس ان الدنيا فل خالص يعني.. الكلمات شبه ما قولتلك حفظ الكلمات اللي عندك دا بنسبه للحل عليهم طب القطعه هحاول اترجم طب فيه كلمه مش عارفه اترجمها وانا في الامتحان ومش مسموح ليا اترجم من جوجل او أسأل حد هتسيبي الكلمه وتشوفي اللي بعدها على طول وتبدأي تترجميها ولما تكوني جمله هتعرفي معنى الكلمة و الكلمه اللي توقف معاكي اكتبيها وإسألي كتير لو فيه حاجة مش واضحة معاكي إسألي راجعي الانجلش بإنتظام لان حقيقي الجرامر بتتنسي خالص فاهمه وربنا معاكي دايما يارب وبالتوفيق وافتكري ان اغلبنا عندنا نفس المشكله وانك مش لوحدك 💗

السلام عليكم ورحمة الله وبركاته اول حاجة كدا صلى على النبي وكل حاجه هتتحل.. بالنسبه للجواز فـ انت بتقول سنك في العشرينات خلينا متفقين ان الجواز دا نصيب دي حاجه بتاعت ربنا مش بتاعت حد حلو اوي كدا يبقا هنبص من ناحية ايجابيه مش معني اننا لسه نصيبنا ماجاش يبقا خلاص ضاعت علينا طب ما فُلان اتجوز وخلف وانا لسه بردو نرجع نقول دي حاجة مش بتاعتنا حاجة ترجع لربنا يا عالم يمكن انت لو كنت متجوز حاليا فـ كنت هتبقا مش موفق طب نحمد ربنا هنا بقا طب انا استنيت كتير اوي وبردو لسه ما اتجوزتش ووصلت لـ ٣٠ ضاعت عليك كدا لا طبعا ما ضاعتش ولا قفت خالص فيه ناس بتتجوز وهي عندها 50 او 60 وبيعيشوا حياتهم عادي دي بقا حاجه مكتوبالنا... بالنسبه الفشل فـ مفيش حد حابب يشوف نفسه فاشل او مش موفق يكفي انك بتحاول حاول ولو بحاجة بسيطه حاسس بردو ان مش احسن حاجة في حياتي أوقف مع نفسك واقفه حلوه كدا ركعتين مع ربنا واقعد على المصليه اتكلم مع ربنا مفيش احسن من الكلام مع ربنا والله هيحلهالك دا بيبقا عندنا ٩٩ مشكله بنقف على المصليه نص المشاكل بتتحل وبنستغرب ازاي ودي بردو حاجة من عند ربنا خلصت صلاه واتكلمت مع ربنا وحاسس ان مخنوق هنسيب الفون وورقه وقلم وهنكتب اي حاجة تيجي في بالنا حتى لو هشخبط بس انا حاسس ان فعلا بحكي مشاكلي وانا بعمل كدا خلاص مرتاح نفسيا كمل هتلاقي الدنيا اتحسنت شويه طب بردو مش حاسس اذكارك اللي المفروض ما تفارقش حد طب مش قادر هسبح ولو عشر مرات كبر ولو عشر مرات أستغفر لو عشر مرات دا كله في نص دقيقه يااه بقا لو صفحه قرءان هتتحسن فعلا كل المشاكل اللي في حياتنا هتتحل بقربنا من ربنا لانه هو وحده اللي عالم بينا وبـ التوفيق وأسأل الله تعالى أن يربط على قلبك ويجبرك ويخترلك ولا يُخيرك والسلام عليكم ورحمة الله وبركاته

السلام عليكم ورحمة الله وبركاته بصي يا حبيبي انتي مش لوحدك أغلبنا كدا بس حاولي لما تلاقي ماما كويسه كدا ومش مضغوطه رايقه بالمعنى يعني هتقعد تتكلمي معاها براحه خالص بس مش بـ إسلوب يدل على انك هتتخانقي براحه اتكلمي معاها بكل لين ولطف وقوليها يا ماما انا عارفه غلاوتي عندك وانك بتحبيني كتير فـ ممكن بلاش تقولي ليا كذا علشان انا بحبك ونفسيتي بتزهق وهاتيلها الحاجات اللي بتزعلك واحده واحده كدا هيخليها انها تتعامل معاكي فعلا بشكل كويس قوليلها عارفه لما بزعلك بيبقا مش قصدي وغصب عني حسسيها انها فعلا غاليه عندك اوي وبردو هما بيبقوا مضغوطين شويه من الدنيا والشغل بتاع البيت ف ربنا يطول عمرها يارب ولو حسيتي انها هتتخانق تاني حاولي تغيري الموضوع وبلاش تردي عليها لو قالت حاجه حسسيها انها ربت صح علشان اوقات هما بيبقوا محتاجين اللي يحتويهم احيانا الام بتبقا محتاجه أم فاهمه شبه ما احنا بنحتاج ف هي اكيد بس تراكمات عندي ف جات معاها كدا يلا ربنا يحنن قلبك عليها ويحنن قلبها عليكي يارب ويصلح حالك

التطبيق تحفه غير انه مش مجرد تطبيق كلنا هنا بنتعامل كأننا أيدي واحده بجد وكلنا هنا بنفيد بعض ونستفيد والأجمل بقا انك لو عارفه اجابه شاركيها هتحسي فعلا انك لما بتستفادي بتفيدي مش هتضيعي وقتك خالص بالعكس كله هنا الغرض منه الوعي الذاتي والمشاركه وكمان ثقه بنفسك هتزيد لما تشاركي اجاباتك

يمكن علشان استنينا الحاجه دي كتير ولما رجعت مابقتش بنفس الشغف اللي كنا بيه الاول بس المفروض نفكر يعني مثلا لو الحاجه دي لو ماجاتش كنت هزعل صح ؟ ف اكيد كنتي هتزعلي بس انتي ربنا رضاكي بيها بس في وقت متأخر ولعله خير يبقا تحمدي ربنا وتحاولي تحسي بيها ولو مدمنه سوشيال ابعدي لان السوشيال والفون نفسه بيسرق لحظاتتا كتير

فيه مقوله بتقول من داس علي همومه انتصر ومن داست عليه همومه انكسر يعني لو حاولت تتخطي ولو جزء صغير من همومك هتنتصر وتقدر تتغلب عليها شوف الدنيا بإيجابيه كون انك تشوفها بإيحتبيه هتعدي والله وهتفرق معاك َهتعرف انك اديت للموضوع اكبر من حجمه وجلد الذات اكتر. حاجه مش جميله حاول كل لما تبقا هتجلد ذاتك اعمل حاجه انت بتحبها بدل جلد الذات

اول حاجه ممكن تخلينا نتعلم بسرعه هي خفظ الكلمات الكتير كون ان انا بحفظ كلمات كتير ب التالي هقدر اقتبس منها جمل كتير واهم حاجه النطق الكويس وممنوع اليأس كل حاجه بتيجي ف وقتها

ممكن اول حاجه نقولها ابعد عن جلد ذاتك تماما إياك وجلد الذات لان دا بيحسسك انك شخص ضعيف ف بالتالي بتبقا حساس زياده عن اللزوم حاول انك ماتاخدش كل حاجه علي أعصابك بمعني هو الشخص دا قالي كلمه الكلمه زعلتني ازعل لأ ب العكس خالص ولأ أتأثرليه لان انا عايز ابني شخصيتي تبقا شخصيه قويه مش حساسه مش اي حاجه افكر فيها كتير ومش اي حاجه لازم اخليها تاخد أكبر من حجمها ممكن مثلا مانقعدش لوحدنا خالص نحاول اننا نقرب من الناس ليه بقا علشان نكتسب صفات نشوف الشخص دا بيتعامل ازاي ودا بيتعامل ازاي واشوف الحاجه الكويسه اللي هو بيتعامل بيها واكتسبها منه كون انك بتقرب من الناس ف دا بيخليك تتعرف علي الناس اكتر وكدا تقدر تفهمهم وتحلل بقا شخصياتهم وكل واحد طبعا بيبقا ليه تعامل خاص مع الشخص اللي قدامه ممكن يكون الموضوع صعب ف البدايه بس لأ هيبقا كويس مع مرور الوقت

من وجهه نظري اللي هيغير ليك حياتك هي الصلاه دا لو انت مش بتصلي ف اكيد لازم تصلي حاول تصلي الفروض ف وقتها اصحا صلى الفجر لان لما تصلي الفجر يومك هيبقا جميل وخفيف وسهل وبعدين دول خير من الدنيا وما فيها دي اول حاجه عل؛ ان تغير روتينك ممكن مثلا تصحا بدري وتنزل مع نفسك تتمشى شويه وتشم هواء نضيف وممكن في طريقك وانت ماشي علشان ما تحسش بالملل ممكن تسمع بودكاست جميل شبهك كدا ممكن يبقا بودكاست ديني او وعي زي ما تحب ممكن تسمع بودكاست متاهه بجد البودكاست دا تحفه اوي ومن بعدها هتفهم الدنيا ماشيه ازاي واسمع بودكاست الفقدان الشغف لان انت تعتبر فاقد شغفك ف الحياه حاول طول ما انت قاعد لوحدك ما تسمحش لنفسك انك تقوم بجلد ذاتك فاهمني يعني اول ما احس ان انا ببدأ في اللوم بيني وبين نفسي قوم على طول اخرج من البيت أو لو مثلا باقي على الصلاه وقت صغير روح قضيه ف المسجد وادعي لربنا بص ممكن بردو تسمع حاجه انت بتحبها زي بودكاست او مسلسل انت بتحبه قدر نفسك وحبها حب نفسك اوي وكافئ نفسك شايف مثلا انك غلطت قول عادي مش مهم انا مش اول ولا اخر حد يغلط ف الدنيا كلنا بنغلط وانت غلطت علشان اتعلم ووقتها هتحس بالراحه ع فكره مش انت لوحدك اللي كدا كلنا كدا حتى انا بيجيلي فتره ف حياتي بتبقا كدا بس لو استسلمت اعرف وقتها انك ضيعت ماتستنااش من حد يقف جمبك أقف انت جمب نفسك وكمان خليك صبور ع نفسك اوي مش عايزه اقولك فتره وهتعدي لأنها بتبقا صعبه والله وانا مجربه وخصوصا الكلمه دي بتعصب الواحد بس هو دا اختبار من ربنا ليك وبتمنى ان ربنا يريح بالك يارب وتحقق كل اللي بتتمناه ويقرب منك كل اللي شبهك ويقرب منك الخير والسعادة والأمل ويبعد عنك اي حد هيوجع قلبك وحب نفسك حب نفسك حب نفسك شوفت قولتها اكتر من مره علشان لما تحب نفسك هتحب حياتك خد كل حاجه براحه متاخدش حاجه ع اعصابك خد كل حاجه براحه وكل حاجه هتتحل ف وقتها وانت قدها يا بطل

لا ياروحي دا أجمل قرار وخصوصا انك ف تالته محتاجه تبعدي عن أي مشتتات واي حاجه تدمرك. واي حد يحبطك بصي حطي نفسك أول حاجه عندك هتتعبي ف البدايه بس والله هتفرق معاكي بعدين طيب مثلا تعالي اديكي مثال كدا نفرض دلوقتي احنا صحاب ماشي وانتي شتمتيني وسببتي ليا إهانه وبعدين تاني يوم كلمتيني وانا رديت عليكي وضحكت بأمانه ايه اول انطباع هتاخديه عني مش هتقولي ان انا مهزقه وببقبل بالإهانه انا هنا مش اقصد عليكي والله انا بس بديكي وجهه نظر علشان تفهمي بيها طيب مش ممكن تكرري تاني نفس الموقف اللي عملتيه معايا علشان لقتيني بفرط في حقي ولا ايه اكيد هتكرري الموقف تاني بصي افتكري إنك. مش لوحدك اللي بتعاني من كدا والله يا بنتي كلنا واتدمرنا كمان وفضلنا ناخد طول السنه عياط اخدنا ايه استفدنا ايه والله ما فيه اي حاجه استفدناها فنفسك ثم نفسك ثم نفسك انتي و كرامتك فوق اي حد انتي تستحقي حد حنين عليكي وطيب زيك انتي جميله واوعي تقبلي بأي حد انه يدمرك ويبوظ علاقتك مع نفسك طيب والله كلام بقوله ومش بكذب في حرف ويشهد عليا ربنا جات فتره في حياتي كانت كدا بصي كنت بسامح حقيقي والتسامح حلو بس احيانا بيبقا مؤذي جيت فتره اتقال كلام في حقي بسبب ان كنت بسامح مين اللي أتأذي ف الاخر هل انا ولا هما انا اللي اتدمرت وعلاقتي مع نفسي باظت بصي بقا قولت والله انا وكرامتي فوق اي حد جيت بقا اتشمت تاني قولت مش هرد في وقتها غير بعدها بخمس دقايق اخدت حقي وقتها حسيت ان فعلا انا مقدره قيمه نفسي ابعدي عن أي حد مش بيحسسك بقيمه نفسك حاولي تبقي مكتفيه بنفسك َو بصلاتك دا انتي ربنا بيحبك ليه علشان شافك بتحبي صحابك ولاقاكي هتقربي منهم وناسياه لا قربي من ربنا كتير اوي وخصوصا انتي شهاده ومحتاجه انك تقربي من ربنا اكتر وانتي جميله وقويه وتأكدي ان كلنا ف الدنيا دي كلها والله مرينا بمشاكل كتيره اوي علشان نتعلم ما هي دي الدنيا وربنا يصلح حالك ويطمن قلبك

السلم عليكم ورحمة الله وبركاته لأ ما تبصش على اللي متراكم اول حاجه استعين بربنا وقبل ما تذاكر صلى ركعتين او اتوضأ وبعدين ذاكر وهتلحق ان شاء الله وربنا يجازيك والله وبلاش الشيطان يلعب في دماغك وتقول هل انا هتساوي ب اللي بدأ من اول السنه ايوا طبعا تتساوى هو مش انت هتتعب ولا ايه وبعدين ربنا شايف وعارف قد ايه انت عايز تتعب علشان توصل والله بلاش تأجيل القرارات مش مضمونه وبعدين ليه تفضل ف الخوف سنتين عيش الخوف مره واحده بس 😂 وبعدين انت جدع ما شاء الله وباين عليك شطور والله هتقدر تذاكر بس جدد نيتك وممكن تشغل جمبك قرآن علشان ربنا يحميك ويبارك في وقتك كمان وحاول تقرب من ربنا الفتره دي وبلاش الفون يعني شغل قرآن واندمج مع القرآن وادخل في جو الدراسه مش لازم صحاب دلوقتي ومش. كل اما تذاكر بقا وتخلص كم كبير تروح تعمل فرح وتقول انا ذاكرت يا ناس وتتحسد 😂 الحسد مذكور ف القرآن بردو وربنا يصلح حالك و يراضيك يارب ينجحك ويريح بالك بس والنبي بلاش تأجيل لما بتأجل بتبقا بتدمر نفسك وبالنسبه انك بتقول بتبص المتراكم لأ فكك من المتراكم ركز على اللي انت انجزته كافء نفسك ولوحتي بأكله بتحبها او مثلا تلعب جيم بلايستيشن او لعبه من اللي انتوا بتحبوا سواء كوره او غيرها ساعه بس كدا تنسي فيها كل اللي وراك وتدلع نفسك زي ما بيقولوا وتنسي همومك والدنيا وركز وذاكر والله والله ربنا هيراضيك وهينجحك وهتحقق اللي بتتمناه ذاكر فترات اعمل مثلا معسكر ف بما ان كنت مش بتذاكر ف انت هتلاقيك مش حابب الفكره اصلا ممكن بقا تذاكر 45 دقيقه وتاخد 10 دقايق راحه سواء بقا هتصلي فروضك او تقرآ قرآن تطلع من اوضتك تاكل وهكذا بس اهم حاجه تذاكر بعيد عن أي حاجه تلهيك اعمل مشروبك اللي بتحبه اقعد في المكان اللي يريحك وقول انا هذاكر وبس مش مهم بقا ايه اللي متراكم بس يكفي بس انك بتحاول وبعدين أن تأتي متأخراً خيرا من آن لا تأتي أبداً وربنا موجود وهينجحك علشان خاطر اهلك اللي عايزين يفرحوا بيك وربنا يفرحك يارب متنسانيش في دعوه حلوه من قلبك كدا ولك بالمثل وبعدين ياابني دا انت تقدر تعمل اي حاجه والله ثق في ربنا وثق في نفسك ابعد عن حد يحبطك♥️

من وجهه نظري ابعدي احسن علشان ممكن يسبب ليكي مشاكل بينك وبين جوزك بردو ومتأمنيش لحد َوبعدين حتى ولو قريبة انتي على ذمه راجل وربنا يبعد عنك اي آذي يارب

ممكن مثلا تعمل المراجعات النهائيه بالمجان وكدا الطلاب هتيجي وتقدر تشوف شرحك وبإذن الله يعجبهم ويبدؤا بقا يجوا ياخدوا درس بس افتكر ان لو رزقك إتأخر شويه ف دا كرم من ربنا وانت لازم بردو تواجه صعوبه ف البدايه علشان تعافر وان شاء الله موفق بإذن الله وربنا يرزقك يارب وجرب تعمل إعلانات كتير وخلي بالك مش بالعدد المدرس الشاطر دايما بيبقا أعداده قليله وبعدين كل اما الاعداد بتكون قليله كل اما بتلاقي نتيجه اكتر استجابه للشرح اكتر وتقدر تطلع دفعه محترمه على ايدك وهيبدأ الطلاب ينقلوا سمعتك الحلوه وشرحك وتبدأ الطلاب تيجي بس عاملهم انك اخ ليهم وانصحهم دايما وبلاش تحبطهم لان الطلاب بتحب الدرسين اللي بينصحوا الطلاب وانصحهم من الجانب ديني مثلا زي انهم يبعدوا عن الارتباط وانهم يصلوا يعني ف اخر ٥ دقايق من الحصه تتكلم معاهم و كدا تبقا كسبت قلبهم َكسبت ثواب كمان من ناحيه توعيتك ليهم وربنا يبارك في حياتك ويرزقكم من حيث لا تحتسب وعمل موفق بإذن الله

السلام عليكم ورحمة الله وبركاته طيب ممكن تجهزي أكل ليه كويسه ويكون حلو كدا واستني لما يرجع من الشغل قابليه بضحكه حلوه زيك كدا جهزيله هدوم وخليه ياخد شاور وبعديها ياكل هيحس بالراحه وف نفس الوقت هيحس انك مهتميه بيه ابدئي إسأليه عن يومه كان عامل ايه وماشي ازاي وايه الصعوبه اللي واجهها في اليوم بكدا هيحس انك مهتميه بيه اكتر وبشؤونه وكمان بعد كدا لو حصلت معاه مشكله هيبدأ يجي يقولك يحكيلك وتحلوا المشاكل مع بعض بصي عموما الراجل بيبقا عليه أتعاب كتير وبيتعب اوي الصراحه وبعدين ملزوم منه بيت ومصاريف وانتي بردو بتتعبي بس هو بيواجه مشاكل كتير في شغله اكيد المهم حاولي تجربي اللي انا قولتلك عليه ولما تلاقيه بدآ يتفاعل معاكي في الكلام وكدا قومي مدياه دعوه حلوه كدا ف نص الكلام وحاولي تحتويه علشان يحتويكي يعني حاولي تبقي ام مش زوجه بس وهو لما يلاقي الاهتمام منك هيحاول يعمل اي حاجه علشان تبسطك قوليه انك بتحبيه وبتخافي على زعله وعرفيه بردو انك لما بتسيبي البيت وتمشي بيبقا غصب عنك قوليله انا بحبك بعتبرك اب ليا قبل ما تبقا زوج وتقوليله انك محتاجه منه اهتمام وعرفيه ان بنتكم محتاجه تاخد من وقتكم شويه قوليله بنتك يا حبيبي لازم تقعد معاك وتاخد من حنيتك علشان لما تكبر تبقا عارفه تواجه الدنيا وهي مطمنه ان وراها سند وتقوليله بنتك محتاجه انها تخرج معاك علشان تحس بالاهتمام وتحس انك بتحبها ممكن نخرج بس مش شرط نروح مكان غالي وكدا ممكن نخرج انا وانت وهي ولو حتى هنمشي لحد اخر الشارع بتاع بيتنا بس حقيقي هي محتاجه منك اهتمام اكتر وانا عارفه انك عايز تخرجها بس وقتك وشغلك مش بيسمح ليك استعطفيه وكلميه بطريقه كويسه ومنها كدا انك بتقوليه ايه انك مهتم بس هو بينه وبين نفسه هيحس انه مقصر ويقول انا مقصر في حقهم ومع ذلك مراتي بتقول ان انا مهتم ف دا هيجبره انه يخرجكم َقوليله مش لازم نخرج كل يوم يعني ممكن نخرج يوم في الشهر ولو حتى هننزل نشرب عصير او حتى ناكل آيس كريم انا مش عايزه الخروجه تبقا مكلفه يكفي بس ان بنتنا تحس اننا مهتمين بيها علشان لما تبقا مع صحابها ما تبقاش حاسه بالنقص كدا هيقول انك زوجه صالحه بتخافي عليه وعلى مشاعر بنته و مهتميه بيه وكمان مش طمعانه في خروجه كبيره مع ان دي من حقوقه عليكم اصلا بس بلاش تدخلي الأهل بينكم علشان المشاكل ما تكبرش دي حاجه بينك وبين جوزك يبقا مفيش حد لازم يعرفها يبقا مشاكلك تحليها علشان لا قدر الله لو لقى مشاكلكم بتوصل للأهل هيزعل ويتعصب ولا قدر الله ممكن يحصل انفصال بسبب كدا ما هي مشاكل الطلاق مش بتحصل غير لما بتوصل للأهل وربنا يهدي سركم يارب وبلاش بقا تسيبي البيت وتمشي زي ما قولتي ف الكومنتس وكدا واتمنى تفهمي كلامي كويس وتبقى مدركه ل اللي انتي هتعمليه وانا معاكي في اي وقت هنا على التطبيق وربنا معاكي وجربي بقا كل اللي قولتلك عليه م هتخسري حقيقي كل البيوت كدا

السلام عليكم ورحمة الله وبركاته بصي يا جميل هقولك ب النسبه لخوفك ف دا طبيعي جدا ليه بقا علشان دي السنه اللي انتي هتتحدي فيها مصيرك علشان كدا انتي خايفه هقولك على شويه حاجات كدا وخديهم نصيحه مني وخليكي دايما تسمعي ب ال نصايح إلايجابيه وابعدي عن أي حاجه سلبيه سواء صحاب او اي حاجه اولا تالته ثانوي مش نهايه العالم ومش نهايه المطاف اول حاجه كدا كدا انتي مطلوب منك السعي والنتيجه دي مش بتاعت حد النتيجه دي بتاعت ربنا و دي حاجه مكتوبالك من زمان اوي احنا لسه في ١٢ وانتي امتحاناتك في ٦ حاولي وابدئي مناهجك من الاول وصدقيني هتلحقي بس بلاش تضييع في الوقت مثلا ابعدي عن الفون ابعدي عن أي حاجه تشتتك او تسبب ليكي آذي نفسي وابدئي وحاولي من جديد لما ترجعي للصفر اوعي تقفي مكانك حاولي تاني وتالت وبعدين لازم تحسي ب التعب دا ولازم تخافي ولازم كل دا يحصل اما انتي عايزه توصلي لحلمك ب بالساهل ولا اي بصي مفيش حاجه في الدنيا دي بتيجي بالساهل حرفيا كل حاجه موجوده في الدنيا دي محتاجه جهد كبير اوي ومحتاجه سعي مننا علشان نوصل للحاجه اللي بنحبها ابدئي حل كتير كتير كتير خالص حرفيا لان الثانوي عموما أساسه حل قربي من ربنا كتير اوي على قد ما تقدري صلى و اقرئي وقيام ليل وأذكار وادعي وربنا موجود واتعبي في الست شهور دول و هتلحقي ماتخليش حاجه توقفك ابدا بصي من وجهه نظري انا شخصيا لو مكانك مش هأجل اي ماده ولا هأجل السنه ليه لان كل سنه حرفيا بيطلع ليها قرارات أصعب من السنه اللي قبلها وكدا كدا اللي مكتوب ف الاخر هتاخديه ليه بدل ما اكون خايفه في سنه افضل خايفه سنتين ليه طيب ما انا اخلص مره واحده واسيبها على ربنا واعتبره زيه زي اي امتحان مفيش حاجه بتقف والحلم مش بيقف واللي عنده هدف هيوصل حتى لو اي حتى لو لقدر الله ما جبتيش الكليه اللي انتي كنتي بتحلمي بيها اوعي تقفي مكانك لا تحلمي واعملي هدف جديد منها وابقي حاجه ما تخليش حاجه تقصر عليكي ابدا وخلي بالك انك لو رايحه صامه المناهج كدا لو دحيتي المناهج حرفيا بس انتي من جواكي فين سنه خوف صغيره صدقيني عمرك ما هتعرفي تحلي وهتوتري نفسك وهتنسي شيلي الخوف من قلبك وكل لما تبقي خايفه اذكري ربنا وصدقيني عمره ما هيضيع حد واللي من نصيبك هيصيبك ربنا يحققلك كل اللي بتتمنيه يارب ويجعل حياتك كلها سعاده و2025 تبقا بدايه سنه سعيده عليكي وتحققي فيها كل اللي نفسك فيه وربنا يجبر قلبك

بصي يا سكره من الاخر كدا لو هو عنده مشاعر ناحيتك وكدا ممكن لو انتي حابه انك تتكلمي معاه خليه يجي بيتك ويدخل البيت من بابه زي ما بيقولوا كدا ممكن تديه فرصه بس قوليله عندك مشاعر اتجاهي تعالا اتقدملي واقعدي مثلا مره واتنين معاه بس على الاقل اهلك هيبقوا عارفين ولو ارتاحتي وحسيتي انه ممكن تحبيه او تتقبليه يبقا سلميها لله وصلي استخاره واتخطبي لكن تكلميه وكدا لأ لانه اكيد لو اتكلم معاكي هيتكلم عليكي بره ويقول انك بتكلميه وتطلع عليكي سمعه مش كويسه فخليني دايما بتفكري استوعبي اللي انتي هتعمليه وبلاش تجيبي الأذيه لنفسك ولو انتي لسه صغيره على سن الخطوبه يبقا تتجاهلي تماما فهماني؟!

عيشي حياتك. وابدئي من جديد إبدئي بقراءة القرآن والصلاه واعتقد انك بتسمعي انمي كتير يا ريت تبعدي عن الانمي انتي واحده اعتقد ان عندك ١٨ سنه حاولي تبعدي عن الانمي واسمعي حاجات توعيه كتير وخليكي واقعيه يعني الانمي دا اصلا غير واقعي يا ريت تخليكي واقعيه ومش كل الناس وحشه وبردو مش كب الناس حلوه بس كل واحد حسب اختياره وكل واحد حسب اختياره بردو بيتحمل نتيجه غلطه ف ابعدي يا بنتي عن الانمي واسمعي مثلا بودكاست او اسمعي مسلسل كوميدي او ممكن تسمعي كارتون مثلا للأميرات وبلاش بقا تسمعي الانمي وابعدي عن سبيستون لأنها بتجيب كله انمي استعيني بربنا وبصلاتك

بصي يا روحي اولا انتي المفروض ما كنتي تتدخلي فاهماني لان مامتك هي الكبيره ف هي كانت هتعرف تتصرف أكيد لأنها أكبر منك ف هي اكيد فاهمه عنك َلكن انتي دلوقتي بتقولي انك زعقتي دفاعاً عن مامتك لإنك خايفه عليها وعلى سلامتها ف دا تصرف كويس خالص بس لو كنتي فضلتي للنهايه يعني لو كنتي سيبتي مامتك هي اللي اتصرفت اكيد دا كان هيبقا افضل لان المفروض تحترمي الأكبر منك حتى لو هو سبب ليكي ضرر او آذي سواء ليكي أو حد من أفراد عائلتك بردو تعامليه ب احترام لان انتي زعقتي لراجل فاهمه يعني دا ماينفعش هو يعتبر في مقام والدك بردو بصي حاولي تبعدي ومتعلقيش نفسك بيهم سواء وانتي نازله او طالعه ملكيش دعوه بيهم خالص لو لقيتي فرد من الأفراد دي نازل من على السلم او انتي اللي طالعه عليه القى السلام يعني حتى لو هو مثلا كانت نيته انه عايز يأذيكي او ينتقم منك بسبب انك تشاجرتي معاه ف لما تلقي السلام هيرده اكيد ف وقتها القلوب هتهدأ ف بالنسبه اه والدتك كبيره في السن وكدا حرام انها تنقل بسبب موقف زي دا ممكن يتحل واكيد هيتحل مع الوقت لأنها لسه هتنقل وتروح تروق ف الشقه الجديده تاني ف هيبقا صعب عليها اوي ممكن لو الموضوع دا مضايقك جدا اتكلمي مع صاحب العماره وهو يتصرف معاهم واكيد كل مشكله وليها حل وياريت تقدري تتقبلي الوضع وتعدي امورك ما جار الرسول صلى الله عليه وسلم كان بيلقي القمامه بجانبه َو كان الرسول بياخدها ويرميها هو وكان متسامح كدا ما بال احنا بشر وايد واحده ف الاول والاخر مسلمين ف حاولي تسامحي واكيد جارك دا هيتكلم مع زوجته وهيقولها بلاش فعلا كدا بس انتي استني واصبري وبعدين كلنا بنغلط مفيش حد مننا كامل ف هما غلطوا واكيد اكيد يعني هيعرفوا غلطهم اتمنى انك تكوني فهمتي قصدي اي بتمنالك الخير والسعادة الدائمه

بصي اكيد كل اللي حصل دا خير ربنا مش هيعمل كدا غير انه دا خير ليكي مش ممكن الشخص دا كانت لو حبك مثلا ممكن كان انتقم منك أو عملك اي حاحه تزعلك والحرب دا ربنا عمل كدا علشان ينجيكي او علشان تروحي في بلد احسن من مكانك تتعرفي على ناس كويسه وتلاقي عوضك هناك رب الخير لا يأتي الا ب الخير ومش كل الناس زي بعضها زي ما في الحلو اكيد في الوحش بس مش كل الناس وحشه او كل الناس حلوه بس حاولي تخلي علاقتك مع الناس في البدايه سطحيه لحد ما تفهمي الشخص اللي قدامك دا عايز اي او هو بيتمنالك الخير ولا لا يا ترى هيحبك قد ما بتحبيه ولا لآ حاولي ما توقفيش خالص شوفي الناس بنظره ايجابيه خليكي اجتماعيه ودا يساعد انك ثقتك بنفسك تزيد طيب ما انتي ممكن تستخدمي اللي حصلك دا وتخليه من صالحك يعني دي تجربه انتي عرفتيها ماينفعش أقف بقا لأ كملي واديكي اتعلمتي من اللي حصلك يعني حطي رينج اللي يمشي يمشي اعمله اي هو مشي براحته دي حاجه ترجعله المهم ان انا كويسه وصحتي كويسه ف دي أهم حاجه عندي اهم حاجه عندك هي نفسك متنسيش تصلي تقربي من ربنا وأدعيه ربنا سبحانه وتعالى قالي فإدعوني فإني استجب لكم وربنا معاكي ويعوضك خير ان شاء الله وانتي قدها يا كتكوتي ❤️❤️

طيب هل انتي بتطيعها او انتي بمعنى يعني بتحسني إليها بتعامليها كويس او انتي مثلا زعلتيها في مره علشان كدا هي زعلت منك بس خليكي فاكره مفيش أم بتدعي على عيالها هي ممكن اه وقت الغضب تدعي لكن قلبها بيتوجع حاولي تتفاهمي معاها

بصي هقولك على حاجه ممكن دا بسبب انك بتكوني متوتره او بتتكلمي بسرعه او لما بتلاقي حد بينظر اليكي ف بتخافي وانتي بتتكلمي بصي لما تيجي تتكلمي خدي نفس عميق وقولي بسم الله في سرك وحاولي انك تحط لنفسك الاولويه في انك زيك زي اي حد واحسن كمان ف انتي لو قاعده بين ١٥ شخص لو بتخافي تتكلمي حاولي انك متنظريش ليهم مثلا يعني حاولي انك متنظريش لشخص بعينه لا انظري ليهم كلهم متاخديش الكلام على محمل الجد يعني متحطيش في دماغك انك م يتعرفي تتكلمي لا جربي تعملي كدا او جربي انك تنظري لنفسك في المرايا وانتي بتتكلمي يعني بصي على عيونك في المرايا وكان في شخص قدامك. واتكلمي بثقه حاولي توازني بين. كلامك يعني ولا تضحكي كتير ولا انك تكوني اللي هو عايزه تقولي الكلام بسرعه علشان تخلصي لأ حاولي في نص الكلام تبتسمي ابتسامه خفيفه ف دا هيقلل من توترك وهيزود عنك ثقتك بنفسك

حاولي تتفهمي مع الشخص دا إسأليه قوليله ليه تمنعني من استخدام أدواتك؟ هل انا قصرت معك أو هل انا لم اعطيك شيئا من عندي وحاولي تقوليها بس بطريقه حب يعني احنا مثلا اخوات او احنا مثلا واحد طيب ما ممكن نتبادل أشيئنا دي مع بعض بدل ما نجيب نفس نوع الحاجه نجيب منها نوعين ونبقا كدا لبينا طلبنا انا اجيب الحاجه اللي انت نفسك فيها وانت تجبلي الحاجه اللي نفسي فيها او نشترك ونجيب سوا حاولي تدخلي معاها على اي سبيل من دول

صلي وقربي من ربنا وادعي ادعي كتير ربنا سبحانه وتعالى قال في كتابه الكريم فإدعوني إني استجب لكم ادعي واقرئي قرآن وقولي يارب وكلتك نفسي وحياتي وكل اموري ف كن معي في كل وقت وحين واعنني يا الله وهتلاقي ان الدعاء هيفرج عنك كتير وحطي السماعه في أذنك َاسمعي قرآن بصوت اي شيخ انتي بتحبيه وطول ما انتي تشتغلي حطي القرآن في أذنك هتلاقي نفسك اندمجتي وتفكيرك بدا يقل وربنا يفرحك ويفرج همك يارب ويعوضك خير

انتي ثباتك كويس جدا بس انتي ممكن تبعدي عنها بردو وخليكي عارفه ان دا سن مراهقه والسن دا المشاعر فيه ممكن تأثر عليكي وعلى نفسيتك يعني مثلاا لو ارتبطي ب الشخص دا ما ممكن تحبيه تتعلقي وف الآخر يسيبك هتزعلي وقتها وهتنجرحي ومش هتعرفي ترجعي طبيعتك بعدها ف انتي حاولي تبعدي عنها بردو علشان كتر الزن ممكن يخليكي ان توافقي وانتي داخله ثانوي يعني داخله علشان هدف علشان مستقبل فهماني واتمنى ان ربنا يحفظك

بصي لو انتي بتخافي من انك تقعدي لوحدك ف الضلمه او دايما حاسه بالخوف ممكن دا يكون بسبب انك بعيده عن ربنا ممكن تقربي من ربنا اكتر وانتي مش هتخافي من اي حاجه صلى اقرئي قرآن ومفيش خوف بعدها بإذن الله

قربي من ربنا كتيير وحاولي تسمعي قرآن وادعيلهم ب الرحمه وافتكري ان هما دايما في مكان احسن من هنا

قولي أعوذ ب الله من الشيطان الرجيم وحاولي تسمعي بودكاست توعيه او بودكاست طريقي إلى الله وتطلعي مستفاده جدا و اقرئي قرآن كتير وصلي فروضك في وقتها