انا مش عارفة أبدأ ازاي بس انا على طول نفسيتي تعبانة وخفقان في القلب وتوتر بالنوم وحزن مش عارفة أخرج من الحالة ده
حاولي تنظمي يومك ويبقي ليك روتين ثابت وتصحي بدري وتنامي بدري لأن ده بيفرق نفسيا كمان حاولي تخرجي تغيري جو تعملي حاجات بتحبيها وحاولي تعرفي بينك وبين نفسك ايه اللي وصلك للحالة دي وحاولي تحلي السبب واقرئي اذكار النوم واتوضي قبل النوم ده هيساعدك تنامي بشكل احسن
تم النشر الخميس، ٤ ديسمبر ٢٠٢٥
بص احنا في دنيا يعني مش جنه فا ده امر طبيعي كلنا في اوقات كتيره بنتعب و نتخنق بس ايه الجديد احنا في دنيا خليك اجتماعي متقعدشي لوحدك اشغل نفسك ب حاجه انت بتحبها والاهم طبعا العباده غذاء للروح وشوف ايه شاغل بالك وحاول تحل كل حاجه واحده واحده
تم النشر الاثنين، ١ ديسمبر ٢٠٢٥
أول حاجة تبدئي بيها إنك تفهمي نفسك أكتر لأن معرفة نمط شخصيتك وطريقة تفكيرك هيسهل عليكي تتعاملي مع اللي بتحسيه وده هيكشفلك إيه اللي بيزود التوتر عندك وإزاي تتعاملي معاه. ممكن القلق والخوف نفسه يكون مرتبط بطريقة تفكيرك السلبية في الأمور وده بيحصل مع ناس كتير مش لوحدك بس محتاجة الوعي وعشان كده حاولي تسمعي لناس علي اليوتيوب مثلا أو تقري عن أنماط الشخصيات وطريقة التعامل مع نوبات القلق لأنها بتساعدك تفهمي ليه بيجيلك خفقان أو حزن فجأة وهتلاقي طرق بسيطة تهدي وتخففي بيها التوتر وزودي معرفتك بالقلق ونوبات الهلع عشان تبقي فاهمة اللي بيحصلك بدل ما تخافي منه
تم النشر الاثنين، ٢٤ نوفمبر ٢٠٢٥
البدايات دائماً هي الأصعب، بمجرد انك تبدائي كل ده هيروح انتي بس محتاجه تخلصي اللي مراكماه مش تخلصي المنهج كله و تبقي مع المدرسين، انا كنت زي كده بالظبط لحد م بداءت انا كمان عندي تراكمات و حاليا انا بلم فيهم ولو نزلت محاضرة جديده بسمعها عشان التراكمات متزيدش
تم النشر الأحد، ٢٣ نوفمبر ٢٠٢٥
استعيذي بالله من الشيطان الرجيم فوالله دا ما الا وسوسه من الشيطان وبيجي يوسوس في الوقت اللي بتكون الدنيا ضايقه بينا وبنكون مخنوقين لازم تعافري وتحاربي في الدنيا الدنيا اصلا دار شقاء واحنا لازم نتحمل لازم تعافري نحارب نقع ونقوم نواجه ضيق وحزن وسعاده وفرح لازم تسعدي نفسك باي طريقه والطريقه الافضل تدعي ربك وتقربي اكتر ممكن الخنقه دي اشاره علشان تقربي لربنا اكتر وممكن تكون بردو طبيعه بنمر بيها كلنا وبس كدا طولت عليكي بس دا خبرتي اللي اعرفها وهدعيلك إن ربنا يوفقك ويفرج همك ويزيل كربك يارب ❤️
تم النشر الجمعة، ٢١ نوفمبر ٢٠٢٥
حاولي تقربي من ربنا بالقرآن و الصلاة ♥️
تم النشر الجمعة، ٢١ نوفمبر ٢٠٢٥
ادعي ربنا كتير انه يزول عنك هذا الهم وصدقيني هتشوفي الفرق
تم النشر الجمعة، ٢١ نوفمبر ٢٠٢٥
بصى مفيش حد مش بيمر بى دة كلنا بنمر بية بس اكيد ف مشكلة للتعب النفسى دة شغلك مثلا او درستك او مشاكل مع صحابك او اهلك وهاكذا انتى رجعى نفسك وهتلاقى ف سبب و قربى من ربنا و متسبيش نفسك للتفكير الزايد
تم النشر الجمعة، ٢١ نوفمبر ٢٠٢٥
هل سبب جسدي ام مشكلة مع الناس اللي حولك
تم النشر الثلاثاء، ٢٥ نوفمبر ٢٠٢٥
انا كنت زيك بالظبط مبقتش كويسه الا لما قربت من ربنا اوي❤️
تم النشر الأحد، ٢٣ نوفمبر ٢٠٢٥
حاولي تقربي من الله والصلاة علي اوقاتها , تنظفي البيئة المحيطة بيكي من الاشخاص السلبية , تتصدقي بشكل يومي حتي لو بجنيه,,, تلعبي اي رياضة بشكل يومي حتي لو ربع ساعة .
تم النشر الأحد، ٢٣ نوفمبر ٢٠٢٥
لعرض السؤال في فدني اضغط هنا