hamed saber

السلام عليكم خلينا نمسك نقطه نقطه ونفيد بعض فيها طبعا الملجأ الاول والاساسي في كل النقاط هو الرجوع الي الله فقدان الام والاب صعب ومفيش حاجه تعوض حنانهم وخصوصا لو الاخوات قاسيين الحل حاولي يكون عندك صاحبه سعات الصديقه بتكون احن من الاخ و الام والاب وده هيقلل الاكتئاب والوحده عندك جامد اوي بالنسبه ل اخواتك فا تقريبا انتي الاصغر فا حاولي تسايسيهم لانك في الارياف زي ما قلتي حاولي ع اد ما تقدري تسايسيهم لو حتي هتسمعي من هنا و تخرجي من هنا بالنسبه ل الجواز عبر الانترنت هو ناجح وفيه ناس بتكون بنت حلال ع المواقع ده وبتدخل البيت من بابه لكن سلبياته فيه ناس كتيره بتكون وحشه وايضا منتش ضامنه فيه ناس قريبه منك ام لا بالنسبه بقا للجواز طلعيه من دماغك ومتشغليش بالك بيه وربنا هيفرجها من عنده ولو طالبه الستر والعفه حاولي تكلمي حد من قرايبك تكون ست تشوفلك هي عريس من خلال خاطبه وكدا وده منتشر ف الارياف لو فيه اي حاجه قولي وكلنا بنفيد بعض

هي مفتقده ابوها جدا اوي خلي بالك لأنه كان الحنان كله اقعدي مع بنتك و قوليلها انا ظلمتك و بوسي علي راسها واديها و خليها تسامحك لان لو معملتيش كدا بعد ما تموتي هتشبعك دعا عليكي وقوليلها الشقه ده بتاعتك انت و اخوكي مش بتاعت اخوكي وبس وحاولي ترضيها ب موبايل جديد وحاولي تأجري الشقه ويكون ليها مصروف ول اخوها مصروف من الايجار وجزء تشليه علي جنب وسيبيلها الخاتم الدهب وحاولي تستلفي حق العمليه من خلناها وعمامها لحد ما تجمعي مبلغ العمليه وحاولي تعوضيها عن الحنان الي افتقدته من ابوها البنات حنينه اوي وصدقيني هتلاقيها هي السند اكتر من الولد بس اعدلي بينها وبين اخوها وخليهم يشاركوا معاكي في المسئوليه و شيليهم المسئوليه زعل البنات وحش جدا فا حاولي تحتويها

الخجل شئ طبيعي وعندنا كلنا بس لو حابب تكون اجتماعي ب زياده طبعا التزم ب الاذكار و الصلاة و سماع الدروس الدينيه و محاورة الشيوخ في نفس موضوع الدرس الديني او اطرح عليهم اسئله مختلفه عن موضوع الدرس الديني ومهم جدا انك تصاحب وخلي عندك صديق واحد فقط ده يكون انت وهو واحد بس ده مش هتلاقيه بسهوله يصحبي حاول تبعد شويتين عن السوشال ميديا لانها بتكون سبب اكبر في موضوع الخجل وعدم التفاعل الاجتماعي حاول تبر اهلك وتصل الرحم اخر نصيحه يا صديقي حاول انك تنزل جيم وتتفاعل مع الناس الي حوليك

بص الحل ب ببساطه حاجتين كتر من طاعات الخلوات السريه وارمي موبايلك من ايدك وكون اجتماعي اشغل نفسك ب الطاعه اشتغل نفسك ب الرياضه اشغل نفسك ب الشغل وحاول حاول حاول تتجوز وتعف نفسك وخليك قوي وخليك صبور ومتيأسشي ابدا ابدا ابدا

بص احنا في دنيا يعني مش جنه فا ده امر طبيعي كلنا في اوقات كتيره بنتعب و نتخنق بس ايه الجديد احنا في دنيا خليك اجتماعي متقعدشي لوحدك اشغل نفسك ب حاجه انت بتحبها والاهم طبعا العباده غذاء للروح وشوف ايه شاغل بالك وحاول تحل كل حاجه واحده واحده

اسمعي كلام جوزك لان لو اشتغلتي اكيد هتقصري في حق بيتك و زوجك واولادك إلا لو فيه احتياج اكتر للمال فالشغل مفيش اكتر منه بس نصيحه اسمعي كلام جوزك وعيشي معاه على اد فلوسه ومتحسسيش جوزك ابدا انه مقصر او فلوسه قليله خليكي جمب جوزك على المره والحلوه