إجابة علي السؤال: ما الحل لمشكلتي وأثرها على وضع حياتي؟

السلام عليكم خلينا نمسك نقطه نقطه ونفيد بعض فيها طبعا الملجأ الاول والاساسي في كل النقاط هو الرجوع الي الله فقدان الام والاب صعب ومفيش حاجه تعوض حنانهم وخصوصا لو الاخوات قاسيين الحل حاولي يكون عندك صاحبه سعات الصديقه بتكون احن من الاخ و الام والاب وده هيقلل الاكتئاب والوحده عندك جامد اوي بالنسبه ل اخواتك فا تقريبا انتي الاصغر فا حاولي تسايسيهم لانك في الارياف زي ما قلتي حاولي ع اد ما تقدري تسايسيهم لو حتي هتسمعي من هنا و تخرجي من هنا بالنسبه ل الجواز عبر الانترنت هو ناجح وفيه ناس بتكون بنت حلال ع المواقع ده وبتدخل البيت من بابه لكن سلبياته فيه ناس كتيره بتكون وحشه وايضا منتش ضامنه فيه ناس قريبه منك ام لا بالنسبه بقا للجواز طلعيه من دماغك ومتشغليش بالك بيه وربنا هيفرجها من عنده ولو طالبه الستر والعفه حاولي تكلمي حد من قرايبك تكون ست تشوفلك هي عريس من خلال خاطبه وكدا وده منتشر ف الارياف لو فيه اي حاجه قولي وكلنا بنفيد بعض

إجابة من hamed saber

تم النشر الأحد، ١٤ ديسمبر ٢٠٢٥

16 تعليق

شكرا جزيلا لكلامك بجد فرق معاية وربنا يجازيك خيرا على كل حرف ساعدتنى بيه ربنا يقوينى على اختبارى ويعينى وانا اكيد عارفة وحامدة وشاكرة ربنا على اختياراته بس احساس الوحدة وانى تحت ميكرسكوب طول الوقت مؤلم جدا انك تبقا وسط ناس مبيفتكروش يبصولك غير لما تغلط عشان يعاقبوك او انك تبقا صاحب مصلحة هما عايزينها والاسوء انى مكنتش متخيلة انى بالحساسية دى غير بعد ما مرضت بسبب ضغط الاعصاب وججالى مرض مناعى الحمد للله على كل حال انا حاليا احسن بس اقل ضغط عصبى ممكن يسبب الم يقعدمعاية شهور مرضى زى الكانسر شوية جسمى بيهاجم نفسه لما الجهاز العصبى يتالم ودا ممكن بسهولة يوصلنى لامراض بشعة والحمد لل على كل حال بس دا عايز عناية نفسية خاصة هما حتى مش بيحاولوا يوفروهالى وانا مش عايزة حاجة منهم بعد موت ابويا انا مش منتظرة حاجة من حد بس على الاقل محدش ياذينى انا مش قادرة على كم المسؤلية الى متاكدة انى قدها ما دام كتبت عليا بس مش عارفة اتعامل معاها ازاى عشان متازنيش اسفة للاطالة بس للاسف بقيت بستنا حد يسمعنى عشان اطلع الى فقلبى وشكرا مرة تانية

تم النشر الأربعاء، ١٧ ديسمبر ٢٠٢٥

وكبري دماغك بقا من اي حاجه تزعلك